PARTORDING NI PARMINGGUON

DI PARNINGOTAN ARI HAMAMATE NI TUHAN JESUS

HKBP Sidikalang, Jumat, 15 April 2022
============================================
TOPIK:
NAPOSO NI DEBATA NA TUMAON NA BERNIT
01. Marende BE. HKBP No. 83 : 1 – 2 “Na Lao Do Birubiru I”
 Na lao do Birubiru i, mamorsan angka dosa
Ni nasa hajolmaon i, di benget ni rohana
Diporsan do sahitta i, di lehon do diriNa i
Tu tangan ni pamunu. Ditaoni do na bernit i
Ro di na tos hosaNa i. Didok: Naeng porsanonhu. (Jongjong)
 Ianggo Birubiru i, i ma alealengku.
Na paluahon tondingki, disuru Debatangku
Didok mandok AnakNa i: “Sai topot ma pardosa i,
Naung sun tinoruanHu; balga tutu do rimasHi,
Alai tarbaen do mombun i horhonon ni mudarMu”
02. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Na gabe pangoloi do Kristus paima mate, pola tung mate
tarsilang. Di dia angka soropmi, ale hamatean? Di dia pangagoonmu,
ale banua toru? Haleluya!
H : (Mangendehon): Haleluya, Haleluya, Haleluya!
U : Martangiang ma hita! O Tuhan Jesus, Birubiru ni Debata, na
mamorsan dosanami! Na jongjong do hami di joloM, marningot Ho, na
targantung i. Tangkas do huantusi hami habebernit ni na tinaonMu di
dolok Golgata. Tungki do hami marningot dosanami na manghorhon
hamamateMi. Asi ma rohaM, urupi ma hami, asa gabe upa ni
halojaonMu hami. Amen. (Hundul)

03. Marende BE HKBP No. 81 : 2 + 6 “Jesus Mual ni Ngolungku”

 Haleaon, insakhinsak, reherehe, tijur pe,
Tali dohot pastappastap, tung ditaonhon Ho sude.
Paluahon au na pogos, sian tangan ni sibolis.
Ala ni hupuji Ho, tung marribu hali do.
  Sai pinuji ma goarMu ala ni na bernit i.
Dohot ala ni mudarMu Jesus na nilehonMi.
Lao pasaehon dosanami, asa unang mago hami.
Ho hupuji ala ni salelenglelengna i.
04. PATIK:
U : Patik ni Debata di hita di hita di Parningotan Ari Hamamate ni Tuhan
Jesus sadari on ima na tarsurat di Rom 6 : 13. Jala unang ma pasahat
hamu angka ruasmuna tu dosa i, bahen sinjata ni hajahaton; tu Debata
ma tahe pasahat hamu dirimuna songon angka naung pinangolu sian na
mate; songon i nang ruasmuna, tu Debata ma i, bahen sinjata ni
hatigoran. Ido sahatna! Antong rap mangido gogo ma hita sian Tuhan
Debata!
H : Ale Tuhan Debata, sai pargogoi ma hami mangulahon na hombar
tu PatikMi! Amen.
05. Marende BE HKBP No. 412 : 1 - 2 “Ndi Di Dolok Adui”
 Ndi, di dolok adui silang ni Tuhan i, sap mudar, sap tijur do i.
Jesus mate disi, asa malum dibaen sude angka gondok roha i.
Dibaen i, tung holong rohangki mida silang di Golgata i.
Hupasolhot diringku tusi, dompak surgo pardalananhi. (Jongjong)
 Dileai jolma i silang ni Tuhan i, hape haluaon do i.
Nang godang dosangki, alai sesa do i dibaen mudar na durus disi.
Dibaeni,……
06. MANOPOTI DOSA:
U : Tatopoti ma dosanta, martangiang ma hita! Ale Tuhan Debata, Pargogo
na so hatudosan jala Amanami! Hujou hami do GoarMu na badia i, ala
na targogot hami marningot dosanami. Sai marasi ni roha ma Ho mida
hami on.
H : O Tuhan Jesus Kristus, Anak ni Debata na gabe jolma ala ni hami, na
mate jala na hehe sian na mate, na manaek tu banua ginjang do Ho
mangondihon hami! Asi rohaM di hami, sai patongtong ma di hami
roha hamauliateon tu Ho.
U : O Tondi Parbadia, pangapul di na marsak roha, pamalum ma saluhut na
bernit, binahen ni dosanami! Ro ma Ho mangingani hami, asa marlas ni
roha hami mangulahon lomo ni rohaM. Ho do parhitean ni nasa asi ni
roha, sai unang tulak hami. Sai tangihon ma hami, Ho ale Debata, Ama,
Anak dohot Tondi Parbadia! Amen.
---Musik Angonangon---
2
 U : Laos tabege ma bagabaga ni Debata taringot tu hasesaan ni dosanta!
Songon sintong na mangolu Ahu, ninna Tuhan Jahowa, tung na so
lomo do rohangKu mida hamatean ni parjahat, na lomo do rohangKu
mida hamumulak ni parjahat i, tumadingkon dalanna, asa mangolu
Ibana. Hasangapon ma di Debata na di ginjang!
H : Amen. (Hundul)
07. Marende BE HKBP No. 426 : 2 + 4 “Tutu Na Mate Jesus I”
 Tutu na mate Jesus i siala dosangki?
Na lao pasaehon utanghi dibaen holongNa i?
Songon i tutu, songon i tutu. Umbaen na mate Jesus i, siala dosami.
 Tama huhuphup bohingkon marsinggang di joloM.
Mariluilu matangkon marningot basaMon.
Songon i tutu, songon i tutu. Umbaen na mate Jesus i, siala au tongon.
08. E P I S T E L :
U : Hata ni Debata turpuk Epistel di hita sadari on i ma na tarsurat di Heber
4 : 14 - 16, marsoringsoring ma hita manjahasa! Onpe, dibahen naung
adong di hita Sintua ni Malim na bolon naung manorusi angka banua
ginjang i, i ma Jesus, Anak ni Debata, gomos ma tatiop naung
taparhatopot i!
H : Ai naung adong do di hita Sintua ni Malim na tarbahen dongan
manghilala di angka hagaleonta; tung na tarunjun do Ibana di na
saluhut songon hita, alai ndang mardosa.
U : Antong, marhiras ni roha ma hita mandapothon habangsa parasiasian,
asa tajalo talup ni roha, jala asa dapot asi ni roha hita bahen
pangurupion, di tingki halehetanna. I do sahatna. Martua do angka na
tumangihon Hata ni Debata jala na umpeopsa. Amen.
09. Marende BE HKBP No. 622 : 1 - 2 “Mansai Nalnal di Angka Partingkian”
 Mansai nalnal di angka partingkian, sinondang ni silangMu Tuhanhi.
Sian hatiuronna marsinondang holongNa na so halompoan i.
Sude na bangso do marpanghirimon tu sondang ni asi ni roha i,
songon parluga na manghalungunhon parbinsar ni mata ni ari i.
(Jongjong)
 SilangMu Kristus tanda ni holongMu pahisar tondi na magopu i.
Mangalononghon sasude dosangku mabaor tu laut asi ni rohaMi.
Naung tubu hami gabe na imbaru, na ni urasan sian dosa i.
Ala mudarMu na ni usehonMu, di Golgota di hamamateMi.

3
10. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu Porsea di Debata Jahowa….. d.u (Hundul)
11. SUNGGUL-SUNGGUL
12. Marende BE HKBP No. 84 : 1 - “Aut na Ginorga tu Rohangku”
(Papungu Pelean Ia, Ib)
 Aut na ginorga tu rohangku, bohiM di na lao mate Ho.
Aut na huingot o Tuhanhu, tongtong panghophopMi di au.
Ai Ho do paluahon ahu, dosangku do pinorsanMi;
didaoni Ho parsahitonhu; martua au binahen nii.
 Sai jalo m’au ale Tuhanhu baen upa ni na tinaonMi.
Sai naeng ingoton ni rohangku, tung sasude na binaenMi.
Humophop au pardosa godang, dibahen holong ni rohaM;
Hinorhon nii tarbaen au sonang, laho mandapothon banuaM
….Musik….
 Mauliate ma rohangku, di Ho o Jesus Tuhanhi.
Ho naeng tongtong haholonganhu marningot denggan basaMi.
Antong sai tiop ma tanganhu, manogu au tu lambungMi.
Dijalo Ho do tangianghu, sai pos do rohangki disi.
13. JAMITA: Jesaya 52 : 13 - 15
14. Marende BE. No. 86 : 1 - “Silang Na Badia I”
(Papungu Pelean II)
 Silang na badia i, ho do lombulombungki.
Maralohon dosa i dohot pandelean i.
Di sude sitaonon i, ho ma lombulombungki.
 Nasa na huula i ndang tau hasonanganhi.
Nang ringkot pe rohangki, pola ro nang ilungki.
Holan asi ni rohaM pangurupi o, Tuhan
….Musik….
 Ro do au nuaeng tu Ho, sai palambas ma rohaM.
Nunga pola mate Ho, ala asi ni rohaM.
Jangkon au na dangol on, sai ulosi tondingkon.
 Dosa patundukhon au Ho ma mangondihon au.
Ramun situtu do au, mudarMi mamuri au.
Na pogos, dangol au on; Ho ma artangki tongtong.
15. TANGIANG PELEAN.... (Jongjong)
4