ACARA PARTANGIANGAN MAMASUHI BAGAS

KEL.N. MANIK/ BR SITOMPUL

Sabtu, 03 September 2022

I. Acara di Alaman

1. Marende B.E No. 18 : 1… “Ungkap Bahal Na Ummuli”

(Huhut jongjong di jolo ni pintu)
Ungkap bahal na ummuli, bagas ni Debatangki.
Ai tusi do au naeng muli, ganup jumpang minggu i.
Hulului do disi, bohi ni Debatangki.
(Dung sidung marende diungkap Pandita ma pintu ni bagas, dung i masuk ma
jumolo hasuhuton)

II. Acara Kebaktian

01. Marende BE.No. 565 : 1 – 2 “Las Rohangku Lao Mamuji “

♫ Las rohangku lao mamuji Debata Parholong i, songon bunga na

mangerbang di na binsar ari i. Arsak, dosa, haporsuhon mago dibaen asiMi,
las ni roha na manongtong lehon di au Tuhanki.
♫ Sude jadijadianMu, laut, tano, langit i, angka bintang dohot bulan nang
mata ni ari i. Hauma, ladang, nang harangan, rura dohot dolok i, saluhut
na mangendehon sangap di Tuhanta i.

02. Votum – Introitus : (U = Uluan ; R = Ruas ; H = Hasuhuton)

U: Marhitehite Goar ni Debata Ama, dohot Goar ni anakNa Tuhan Jesus
Kristus dohot Tondi Porbadia, amen.
R : Ari on do na jinadihon ni Debata Jahowa, marolopolop jala marlas ni
roha ma hita. Olophon hamu ma Jahowa ale sandok tano on, ro be ma
hamu tu jolona marhite olopolop.
U: Dapotan tua do pangisi ni bagas on sadarion, ai pinompar ni si Abraham
do nang ibana.
R: Iale Jahowa, sai manumpak ma Ho, Iale Jahowa, sai Ho ma mambahen
manjadi. Diparade Ho do na ringkot na tau hangoluannami, diramoti Ho
do hami di angka ulaon siganupari.
Uluan : Songonima di ari sadari on, boi marlas ni roha hami mamasuhi bagas
ni Keluarga ni amanami N.Manik/Br Sitompul .rap dohot sude keluarga
na huhaholongi hami jala na dihaholongi Ho Tuhan.
1
 Hasuhuton: Sai pasupasuma bagas on gabe bagas pangalapan gogo dohot
pangalapan pasupasu sian Ho. Jala gabe bagas parsaoran, bagas
partangiangan mamuji Ho ma bagas on. Sai pasupasu ma na bongot
dohot na ruar sian bagas on. Sai pasupasuma na mian dibagas on arian
dohot borngin. Hupasahat hami pangidoannami on Marhite goar ni
AnakMu Tuhan Jesus Kristus Tuhannami.
Uluan: Martangiang ma hita, Mauliate dipasahat rohanami tu Ho ale Debata
Amanami, ala asi ni rohaM na mandongani jala mangaramoti daging
tondinami. Diloas Ho do jongjong bagas on, sian na mamungka sahat ro
di namasuhi. Ale Tuhan ramoti jala horasi ma hami lumobi
hasuhutonnami Kel.N.Manik/br Sitompul asa gabe inganan hadameon
bagas on dohot sude na bogot tuson. Hupangke hami ma bagas on tu
angka ulaon na tama na mamboan hasangapon di GoarMu, dibagasan
Tuhan Jesus Kristus Tuhannami amen.
03. Marende B.E. No. 14 : 1 - 2 “Puji Hamu Jahowa Tutu”
 Puji hamu Jahowa tutu, Pardengganbasa, Parasiroha salelengna
i,Pardengganbasa i, Parasiroha i.
 Ingot tongtong ale tondingkon, Sude na denggan na dipasonggop Debata tu
Ho.Denggan basaNa do na pangoluhon Ho.

04. Manjaha Hata ni Debata Psalm 23

Uluan :Jahowa do Siparmahan ahu, ndang tagamon hurangan ahu.
Dipatongon do ahu tu jampalan angka na lomak, ditogutogu do ahu
di lambung aek hasonangan.
Huria :Dipasabam do rohangku, ditogu do ahu di daoan hatigoran, ala ni
goarNa i.
Uluan :Ai nang pe mardalan ahu di rura linggoman ni hamatean, ndang
huhabiari parmaraan, ai Ho do mandongani ahu, tungkotMu dohot
batahiM mangapuli ahu.
Huria :Ho do manutup meja di jolongku maradophon angka musungku,
dimiahi Ho do ulungku, suksuk do panginumangku.
Uluan :Tongon tahe denggan basa dohot asi ni roha mangihutihut ahu
saleleng ahu mangolu, jala dung mulak ahu, masuhanku ma bagas ni
Jahowa salelenglelengna. I do sahatna, martuama angka na
tumangihon, manjaha hata ni Debata jala na umpeopsa. Amen

05. Marende BE.No. 763 ”Molo Jesus Donganmi”

♫ Molo Jesus donganmi las roham, Jesus i pangurupim las roham. Hot
haporseaonmi dohot pos ni rohami mardonganhon Jesus i las roham. Ref:

2
 Las roham, las roham mardonganhon Jesus i las roham. Marsinondang ma
di ho bintang panghirimon i mardonganhon Jesus i las roham.

06. Responsoria: Pangidoan Tu Jahowa Debata

Uluan : Ale Jahowa, sai Ho do haporusannami marsundutsundut.

Hasuhuton : Sai manatap do matangku dompak Ho, Ale na marhabangsa di
banua ginjang.
Hulahula : Molo so Jahowa paulihon sada bagas, loja sambing do angka
na mamandei.
Uluan : Songon panghalungunhon ni ursa di angka guluan, songon I
do panghalunhon ni tondingku tu Ho, ale Debata.
Sude : Tudoshon situak ni loba do panghataion na lambok, tonggi tu
roha, jala hahisaron tu holiholi.
Uluan : Sai pasonggop ma tu pangisi ni bagas on:” Alus na lambok na
paombun rimas” alai pasiding ma sian nasida:”Alus na koras na
mambahen marsijongjong ateate”.
Hasuhuton : Sai ajari ma hami mangulahon lomo ni rohaM, ai Ho do
Debatangku, Tondim na badiai ma manogihon au tu dalan na
hornop. Godang ma tongon na binahen ni Jahowa tu hita, jadi
marlas ni roha ma hita.
Uluan :Sai jumolo ma lului hamu harajaon ni Debata dohot
hatigoranna, dungi tambahononna do sude angka ondeng tu
hamu.
Hulahula :Biar mida Jahowa do parmulaan ni hapistaran, jala parbinotoan
ni angka na badia do hapantasonna.
SUDE : Pasupasu ni Jahowa do mambahen mamora, jala ndang
mardongan hangaluton di bahen.
Hasuhuton :Di bahen i nunga tung hutanda, ndang adong na dumenggan di
nasida, nda na marlas ni roha mambahen na denggan saleleng di
ngoluna. Anggo ahu dohot donganku sajabu, Ingkon Jahowa do
oloannami.
Uluan: Antong ramoti ma dirim, asa unang lupa roham di Jahowa, Debatam, gabe
ndang diradoti ho angka tonana i, uhumna dohot aturanna, angka na hutonahon i
tu ho sadarion. Asa unang ia dung mangan ho jala bosuran, jala dipauli ho
angka bagas na uli diingani ho. Tole lombum dohot birubirum lam sinur do jala
ganda perak dohot sere di ho, ganda huhut saluhut na di ho. Hape lam
dipaginjang ho roham jala lupa ho di Jahowa Debatam, na manogihon ho ruar
sian tano Misir, sian bagas parhatobanan.Ibana manogunogu ho di halongonan
na bolon jala na jorbut, inganan ni ulok tulung api dohot naga dohot hala, tano
hasang huhut na so marisi aek; Ibana tahe paruarhon di ho aek sian dolok batu
3
 na pir sahali.Ibana mangalehon ho mangan Manna di halongonan, na so tinanda
ni angka ompum, asa Ibana paserep roham dohot mangunjuni ho, asa
marhasonangan ho bahenonna di ujung. Asa unang dohononmu di bagasan
roham: Gogongku sandiri dohot huaso ni tanganku mangomo di ahu hamoraon
on Ingkon paingotingoton ni roham tahe Jahowa, Debatam, ai Ibana do na
mangalehon gogo tu ho mangomo angka arta i, asa pahothon padanna naung
niuarihonna tu angka ompum, songon na andar sadarion.
Sude :Hasangapon ma di Debata Amanta, Anakna Tuhan Jesus Kristus dohot
Tondi Parbadia, sian mula ni mulana, nuaeng nang ro di saleleng ni
lelengna. Amen.

07. Marende BE No. 188 : 1 “Jahowa Siparmahan Au”

♫ Jahowa Siparmahan au, ndang hurang manang aha.Ai nasa jea do
padao, do sian dorbiaNa.Tongon dibaen na lomak i, lao pangoluhon
tondingki,Dibaen asi rohaNa.

08. Tangiang Pangondianon

09. Marende BE: No. 743: 2 “ O Tuhan Togutogu Ma Au”

♫ Panghulingi ma au O Tuhan, na rade tumangihon hataM.

Sai tumpahi ruasMu Tuhan, na uasan nuaeng di hataM. Sai patau ma au on
naposoM, manjou halak na dao sian Ho. Ro di na so tumanda Ho, muba
gabe pangoloi di Ho.
10. Jamita

11. Marende No. 672 : 1 – 3 ” Tung Godang Situtu” (Papungu Pelean)

 Tung godang situtu ulaonmu antong dipasahat Tuhanta tu Ho. Ndang
adong be tingkim marnalemba tahe, ngolumi bahen tiruan tongtong. Sai
patupa ma i ala ni Tuhan i so manghirim balosna tu Ho. Debata do
marnida naniulami, manang na adong parbue ni i.
 Ai lambok do soara ni Tuhanta i, Ro ma ho las ma nang rohami. Sai
taingot tongtong hata ni Tuhan i mangarahon jolma tu Tuhan i. Sai
patupa ma i ala ni Tuhan i so manghirim balosna tu Ho. Debata do
marnida naniulami, manang na adong parbue ni i.

12. Tangiang Panutup/Pasupasu:

III. Acara na mangihut dipasahat ma tu hasuhuton.

TUHAN MEMBERKATI
4