Assalamualaikum wr.

wb

Sampurasun..
Hapunten ka sadayana teu kenging waka keprok nya, sareng seuri bilih teu lucu.
Nepangkeun nami simkuring Bintang Agustin da kahoyong mah nami teh Luna Maya atanapi Agnes
Monica. Da kumaha atuh mun sakieu buktina.
Naha cenah nami simkuring Bintang, panginten saur nu sanes mah simkuring teh cahayaan atawa geulis,
ah da biasa-biasa wae.
Ku jaman ayeuna mah, teknologi teh beuki canggih, contona HP, apal meren HP, lain Hayam pelung
atawa huntu palsu, tapi Handphone.
Mangkade ulah percaya kitu wae knu HP, komo sok aya dinu foto profil di media sosial, contona dinu
wa, twiter, Instagram, Youtube, facebook, jeng sajabana. Eta mah loba bohongna, naha loba bohongna?
contona foto profil eta, bisa digunta-ganti, bisa ku foto artis, ngarah katingali kasep atawa geulis (siga
simkuring). Ngan hiji foto nu paling jujur salilana, nu tara gunta ganti, nyaéta foto KTP. Foto KTP mah
istiqomah mung eta hiji.
Salian ti eta lamun urang muka HP, jaman ayeuna mah, komo dinu wa, meni lieur mupusan nu ngirim
poto jeung video, cik atuh sakali-kali mah ngiriman teh ulah poto jeung video wae, ngirim teh dahareun
atawa duit ngarah katarimakeun.
Paingan cek kolot bahela mah, engke mah bakal loba jalma nu ngomong sorangan..nya weh bener ku
ayana HP..katingalina jelema teh ceuceuleuweungan ngomong sorangan.. euweuh batur jalma nu diajak
ngomongna.
Ku jaman kiwari mah, loba jalma tiap waktu te lepas tinu HP..hudang sare langsung update status, nepi ka
rék saré waé pasti kudu weh update status. Ngaku nya..
Aya hiji deui nu viral ayeuna mah, nyaéta tiktokan dinu HP, komo budak ngora mah sigana mah mun teu
tiktokan asa kurang hiburan.
Pan aya laguna, siga kieu yeh..
Tiktok tiktok di HP
Diam-diam merayat
Datang sakadang HP
Hap tuluy di update
Komo barudak lalaki ayeuna mah meni raresep kanu maen game..nepi ka poho kanu waktu sholat, diajar,
jeung nu lainna. Nepi ka gogorowokan..aduh ngaleg..ngaleg..naon cenah ngaleg teh..nyaéta loading..nepi
ka dibuntang banting HP na..siga laguna si farel wae nu keur viral.
Banting-banting ke
HP HP ke
Da loading wae..
Ku naon urang bet teu ngarti
Dimana-mana
Pasti aya HP
Wios teu kedah di sawer..da sanes dangdutan.
Sakieu nu kapihatur.... Wassalamuallaikum.. Wr.. Wb..
Wassalamualaikum wr. wb