MINGGU ADVEN I
Wari tande ku warina la gejap enggo ka kita seh ku minggu adven si pemena bas
wari enda. Adven (Latin: Adventus=kedatangan) ertina masa nimai kerehen Tuhan
Jesus, si ibagi ku bas dua bagin e me kerna kerehenNa mulihken (adven si pemena
ras peduaken) janah peringetten ketubuhenNa (adven si peteluken ras
peempatken). Kerehen Kristus ku doni e me peristiwa inkarnasi Kata Dibata jadi
manusia arah diri Jesus kalak Nasaret. KerehenNa maba keselamaten ras
penebusen dosa, janah mabai manusia gelah nggeluh alu badia selaku anak-anak
Dibata si ncidahken karya keselamaten Kristus alu perbahanenna teptep wari.
E maka i bas Adven si pemena enda kita iajuk guna ersikap nimai kerehen Tuhan
sipeduakaliken alu dem pengarapen. Janah i bas persikapenta sicidahken biak-biak
kalak si nggit robah ras nadingken kegeluhen si ndekah bagi berita si ipeseh Johanes
“jeralah i bas dosa-dosandu nari sabab Kinirajaan Surga enggo ndeher!”
situasi kegeluhennta genduari tema enda mereken pengarapen man banta maka
penampat e tuhu-tuhu lit me. Kerina kita ertedeh ate nandangi situasi si dame ras
dem kemalemen ate, e maka nggeluhlah kita alu ngandalken pemeteh si rehna bas
Tuhan nari sabab alu bage kita ipengasup guna ernanam ras erguna man kalak si
deban.
• Persikapenta ngalo-ngalo kerehen Tuhan Jesus labo pasif tapi aktif e me alu
ndalanken keadilen, kebujuren ras kebenaren i bas kegeluhenta.
• Kiniteken ola min terjeng status saja tapi cidahken arah nggit jera nadingken
perbahanen si la mehuli janah muliakenlah Dibata.
• Kai pe si ialami bas geluhta la monce kinitekenta tetaplah si inget maka Dibata
ras kita kap.
• Kalak si enggo ngaloken Raja Dame e, rutang nehken perdamen man
sekelewetna. La terjeng mehuli hubungen ras teman manusia tapi pe njaga ras
merawat lingkungen bage pe tinepa si deban.
Kidung Jemaat -------------------------------------------------------------------------------------------------------------------
MINGGU PERSIKAPEN 1 2 3 4 5 6 7 8 9
27 Nov KEE.395:1,2 KEE.395:3,4 KEE.409:1-3 KEE.373:1-2 KEE.374:1,3 KEE.289:1 KEE.343:1-3 KEE.297:1-2 KEE.202:1,5
04 Des KEE.294 : 1, 2 KEE.354:1,2 KEE.180:1,2 KEE.398:1-3 KEE.362:1,2 KEE.102:1- KEE.430:1,3
IV. KEBAKTIN PEKAN KELUARGA SEKTOR I – VIII, SILEWAT TGL.13-19 NOVEMBER 2022
TGL.13 NOVEMBER 2022 TGL.14 NOVEMBER 2022
NO SEKTOR NO SEKTOR
SI PULUNG KOLEKTENA SI PULUNG KOLEKTENA
1 I 22 Kalak Rp. 230.000 1 I 22 Kalak Rp. 270.000
2 II 12 Kalak Rp. 120.000 2 II 11 Kalak Rp. 100.000
3 III 14 Kalak Rp. 140.000 3 III 12 Kalak Rp. 120.000
4 IV 13 Kalak Rp. 160.000 4 IV 17 Kalak Rp. 240.000
5 V 12 Kalak Rp. 340.000 5 V 11 Kalak Rp. 275.000
6 VI 28 Kalak Rp. 230.000 6 VI 28 Kalak Rp. 233.000
7 VII 14 Kalak Rp. 190.000 7 VII 15 Kalak Rp. 200.000
8 VIII 9 Kalak Rp. 100.000 8 VIII 9 Kalak Rp. 110.000
XII. ABSENSI SERMON SERAYAN PDT, PT, DK, EMERITUS TANGGAL 24 NOVEMBER 2022
NO NAMA SEKTOR KETERANGAN
1 Pdt.Maslan Sitepu I Hadir
2 Pt.Bp.Praja Tarigan I Hadir
3 Dk.Em.Bp.Lista Ginting I Hadir
4 Dk.Bp.Adika Ginting I Hadir
5 Pt.Em.Bp.Vina Tarigan II Hadir
6 Pt.Bp.Febryanto Barus II Hadir
7 Dk.Bp.Naomi Tarigan II Hadir
8 Pt.Em.Nd.Unjuk Ginting II Hadir
9 Pt.Em.Nd.Edward Butar-butar III Hadir
10 Pt.Em.Nd.Elisabeth Bangun IV Hadir
11 Pt.Em.Bp.Armiana Sitepu IV Hadir
12 Pt.Nd.Ema Sembiring IV Hadir
B. KEBAKTIN
1. Kata Pengalo-Ngalo Ras Momo
Turang ras senina ibas Tuhanta Jesus Kristus, selaku serayan Tuhan, ikataken kami mejuah-juah ras
selamat wari Minggu man banta kerina. Man bandu kekelengen kami si sekali enda denga erkebaktin
ibas gerejanta enda, ikataken kami mejuah-juah. Kerehendu nambahi keriahen man banta kerina.
Ibas bena kebaktinta mari dage sidengkehken momo kerna perdalanen perpulungen Tuhan bage pe
rencana pelayanen gerejanta ku bas wari-wari si reh enda (Ngogeken Momo).
2. Kata Penaruh
Turang ras senina, Minggu enda igelari Minggu Adven si pemena, ija kita ertima nandangi kerehen
Jesus ku doni enda. Bagi kalak Israel si ertima nandangi kerehen kalak si ipadanken Dibata si mulahi
ia ibas kiniseranna nari. Bage me kita pe ibas minggu enda ertima nandangi kerehen Penampat si
rehna ibas Dibata nari si ngasup mulahi kita ibas perbebennta sekalak- sekalak. Orat nggeluh si payo
ibas mengketi Minggu Advent eme, nggeluh alu saber dingen megenggeng. “Tuhan pedas me reh.”
Perp. Tedis
• Erkata Lonceng
3. Votum - Salam
L I bas gelar Dibata Bapa, i bas gelar AnakNa Jesus Kristus, ras i bas gelar Kesah Si Badia.
Dibata reh ndahi janah ndilo kita (kam) kerina gelah ikut dat bagin ibas kemulian ras
kiniulinNa. Amin.
P Amin..... Amin..... Amin. .... (Iendeken)
4. Berita Kerna Perbahanen Ras Sura-Sura Dibata (Invocatio)
L (Ngogeken Teks Sue Almanak) 'Singuda-nguda e pagi mehuli kulana, jenari ipupusna
sekalak anak dilaki. Anak e pagi igelari Immanuel' (ertina: "Dibata ras kita"). (Matius
1 : 23)
Erpalasken Kata Dibata enda, sipuji IA alu ras kita ngendeken : KEE 409 : 1 – 3
“Rehlah Kam o Immanuel”
1. Rehlah Kam o Immanuel 2. Tuhan ulu kepentaren,
Mulahi kami Israel Pehulilah tinepaNdu
Si tertaban, labuh ras ndele Tuduhken dalin kebenaren
Nimai Anak Dibata e Tegu kami bas dalinNdu
Reff. Ersuraklah, meriahlah Reff. Ersuraklah, meriahlah
Reh me Tuhan Immanuel Reh me Tuhan Immanuel
3. Rehlah Kam Anak Dibata
Pulahi kami kerina
Bas iketen kuasa dosa
Sinaban kami kerina
Reff. Ersuraklah, meriahlah
Reh me Tuhan Immanuel
Perp. Kundul
5. Pujin Kerna Perbahanen Dibata
L Nina Dibata, enggo Kuidah kuga serana akap bangsaNgku, enggo Kubegi ia nderkuh man
bangKu, Kueteh kerina kiniseranna. Emaka Aku jine reh nusur mulahi ia gelah Kutaruhken ia
ku ingan si enggo Kupesikap man bana. Aku kap Tuhan, Dibatandu simulahi kam ibas
kiniseranndu nari, Dibata si lit ope denga tembe doni enda, Dibata si maba kiniraturen ras
maba kiniulin ibas kasa kai si Kudahiken. Aku kap Tuhan si jadi Bapa nandangi anak
melumang, sekawal ras penampat diberu balu-balu; Aku kap TUHAN si megiken penderkuh
simusil si la dat keadilen.
Erpalasken Kata Dibata enda, sipuji IA alu radu ras kita ngendeken : KEE 373 : 1 – 2
“O Tuhan Kam si nemani aku”
1. O Tuhan Kam si nemani aku, 2. O Tuhan mbelin kal kuasaNdu
Kukataken lalap bujur baNdu, B’reNdu denga tetap gegeh bangku
Gegeh kuasaNdu benteng geluhku Geluhku ibas keleng ateNdu
Ras ngaloken pasu-pasuNdu Tetap dame teneng tendingku
(Paksa Teneng)
Perp. Kundul
8. Kata Dibata
a. Ngoge Kata Dibata Bagin Sipemena : Matius 3 : 1 – 12 (Tunggal)
1 Paksa si e mulai me Johanes Peridiken encidahken dirina I gurun pasir Judea,
janah iberitakenna kata Dibata nina,
2 "Jeralah i bas dosa-dosandu nari, sabap Kinirajan Surga enggo ndeher!"
3 Johanes Peridiken enda me maksud Nabi Jesaya sanga ikatakenna, "Lit sekalak
erlebuh i taneh mesawang 'Sikapkenlah dalan Tuhan. Pepinter dalan man BaNa!'"
4 Paken Johanes Peridiken e me: jubahna i bas mbulu unta nari, genditna i bas
kuling-kuling nari. Nakanna: labang ras tengguli kerangen.
5 Jenari reh me ndahi ia kalak si ringan i Jerusalem, ras kerina kalak si ringan i
daerah Judea bage pe kerina kalak si ringan i daerah sekitar Lau Jordan
6 Kenca kalak si nterem ngakuken dosana, emaka iperidiken Johanes i Lau Jordan.
7 Tapi asum idah Johanes Peridiken nterem kalak Parisi ras kalak Saduki reh ndahi
ia guna iperidiken nina Johanes Peridiken man bana, "O kam kesusuren nipe --
ise ngatakenca man bandu maka banci kam pulah i bas ukumen Dibata si reh
pagi?
8 Tuduhken arah perbahanenndu tandana kam enggo jera.
9 Ola iakapndu banci kam ialemi alu ngataken, 'Kesusuren Abraham kap kami.'
Kukataken man bandu Dibata ngasup njadiken batu-batu enda jadi kesusuren
Abraham!
10 Kapak enggo sikap nektek batang kayu. Kerina batang kayu si la mehuli buahna
itektek jenari iambekken ku api.
11 Tandana kam enggo jera, kuperidiken kam alu lau. Tapi reh me arah pudingku
si lebih erkuasa asangken aku. Ngosari nali sepatuna pe la aku metunggung. Ia
pagi mperidiken kam alu Kesah Si Badia ras api.
12 NdiruNa enggo sikap i bas tanNa guna miari. IpepulungNa page ku bas lumbung,
tapi lapungna itamakenNa ku bas api si la ernimpet-nimpet."
L Ketuahen kalak simegiken Kata Dibata, dingen simakekenca ibas geluhna si tep-tep
wari, Maranatha.
P Maranatha..... Maranatha..... Maranatha..... (Iendeken)
b. Khotbah : (Ibenai ras idungi alu pertoton) Jesaya 11 : 1 – 10 (Responsoria)
Perp. Tedis
9. Pengakun Kiniteken
Aku tek man Dibata Bapa si la esrsibar KuasaNa, si nepa Langit ras Doni. Aku tek man Yesus
Kristus anakNa si tonggal, Tuhanta, si jadi arah Kesah Si Badia, tubuh idur singuda-nguda nari
si so keliamen, tergelar si Maria, si ngenanami kiniseran sangana Pemerentahen Pontius
Pilatus, nipakuken ku Kayu Persilang, mate, jenari ikuburken, nusur ku Doni kematen, Petelu
wariken enggo keke i bas si mate nari, nangkih ku Surga, perkundulNa arah kemuhen Dibata,
Bapa si la ersibar kuasaNa jenari reh me IA pagi ngeranaken si nggeluh ras si nggo mate. aku
tek man Kesah si Badia, janah lit sada Gereja Si Badia, Persadan Kalak Si Badia, Pengalemi
Dosa, Kinikeken Kula, Kegeluhen Si Rasa Lalap. Amin.
Perp. Kundul
10. Persembahen
L Kekelengen Tuhan seh masana kita nehken persembahenta erkiteken Dibata nehken padanNa
guna ngkelengi kita, Kata Dibata selaku palas ibas kita nehken persembahen enda: “Pujilah
gelar TUHAN si mulia; babalah persembahen, jenari ngadaplah man baNa ku bas Rumah
PertotonNa, sebab TUHAN ncidahken baNa alu kemulianNa, erjimpuhlah i adep-adepenNa”.
(1 Kronika 16:29)
Perp. Tedis
13. Perpadanen Man Dibata
L Dibata tetap nehken padanNa man banta manusia si tetap erpengarapen man
baNa.
P Aku tetap erpengarapen man Tuhan, sebab Ia me Dibata si erbahanca aku megegeh.
L Dibata tetap nehken padanNa man banta manusia si ertima nandangi penampatNa.
P Aku tetap ertima nandangi kerehen Tuhan sebab Ia nge si erbahanca maka masap kebiarenku.
L Dibata tetap nehken padanNa man banta manusia si ngarapken gegeh i bas IA nari.
P Aku tetap nimai kerehen Tuhan alu tetap ernalem man baNa sebab IA nge simpegegehi aku
janah IA nge si pedauh kebiarenku.
L Guna peteguhi perpadanenta enda rende kita ibas : KEE. 202 : 1,5
” Ernalem Gelah Man Yesus”
1. Ernalem gelah man Yesus 5. Ibas picet, kesusahen
Kula ukur tendingku Mungkuk kuadepenNa
Endesken geluhndu baNa Ola gegeh ipenalem
Keleng ateNa bandu Tapi pasu-pasuNa
Reff. Ernalem gelah ! Reff. Ernalem gelah !
Tutus min gelah Tutus min gelah
O, Yesusku bahan aku O, Yesusku bahan aku
Ernalem gelah Ernalem gelah