MC Tirakatan Lomba Unggah-Ungguh
MC Tirakatan Lomba Unggah-Ungguh
Puji syukur konjuk dhateng ngarsanipun Gusti Allah SWT ingkang sampun paring sih kadarmanipun. Sholawat
saha salam mugi tansah katetepna dhateng ngarsanipun kanjeng Nabi Agung Muhammad SAW, sumrambah dhateng
garwa putra saha para sohabatipun, lan mugi-mugi safaatipun lumeber dhateng kula panjenengan sami. aamiin ya robbal
alamin.
Para sesepuh, pepundhen ingkang kinabekten, bapak-bapak, linangkung panjenenganipun Ibu Dukuh, pangarsa
LPMD, bapak ketua RT wonten ing Gatak ingkang kinurmatan. Sedaya kadang wiranem kakung miwah putri ingkang
kula tresnani.
Sakderengipun kula nyuwun pangapunten anggempil kamardikan panjenengan, awit kula piniji mratitisaken adicara
malem tirakatan ing dalu punika, saperlu amengeti dinten Kamardilan RI ingkang sampun jangkep kaping 77. Sak
derengipun kapurwakani keparenga kula badhe maosaken menggah urut reroncening adicara.
Panjenenganipun sagung tamu ingkang kinurmatan, gegandhengan sampun dungkap titi-wanci, pramila adicara
malam tirakatan tumunten kapurwakani, kanthi adicara pambuka. Ingkang kanthi menika sumangga kapurwakani kanthi
waosan Basmalah. Sumangga kula derekaken, Bismillahirrohmanirrohim……
Matur nuwun, mugi mugi lumampahing adicara widada kalis ing sambikala
Dhateng ngarsanipun bapak-bapak lan sedaya kadang wiranem, wiwit purwa madya wasana adicara ing dalu
punika sampun lumampah kanthi rancak, ingkang kanthi menika adicara malam tirakatan mengeti dinten Kamardikan
Republik Indonesia ingkang kaping 77, tumunten kapungkasi kanthi waosan Hamdalah. Alhamdullillahirobilalamin……
Kula ingkang tinanggenah ndhereaken lampahing adicara mbokbilih pinanggih lepat, kula nyuwun lumunturing
sih samudra pangaksami
Wassalamualaikum wr wb