1. Pamioon tu Hatiha na Hohom .............

Martangiang dibagasan roha

U : Masuk ma hita di Taon 2022, beta ma hita pasahatkon ngolunta tu tangan ni Tuhan,
mangidohon pangaramotion dohot panogunoguoNia, anso tongtong margogo hita
mandalani Taon sidalananta i ma Taon na Imbaru on. Hot do manongtong holong
dohot asi ni roha ni Tuhan. Mulak imbaru do I ganop manyogot; songon parbincar ni
mataniari do habonaron ni Tuhan. Hum Tuhan sajo do na adong di au, tuSia sajo do hu
papos rohangku. Burju do Tuhan tu halak na mararop ni roha tuSia dohot tu halak na
jalak-jalak tuSia. Antong painte ma dibagasan sonang lopus ro Tuhan mangalehen
partolongan. (Andung. 3:22-26). Taparade ma rohanta ro tu adopan ni Debata marende
ma hita:
Marende ma hita sian BEAM N0 : 72: 1 “Marsiayahan Angka Taon” Es = Do
R : Marsiayahan angka taon ro di ujungna sogot
O..Jesus lehen tu au on, roha na sai marningot
Murmurak angka aringki betak tibu ma sude i
2. Votum – Introitus - Tangiang
U : Dibagasan goar ni Debata Ama, AnakNa Tuhan Jesus Kristus, dohot di bagasan goar ni
Tondi Parbadia. Amen. Ahu do Bonana dohot Ujungna, ninna Tuhan Debata, Debata
nuaeng, Debata naung adong hian, na giot ro i. Sigomgom saluhutna. Amen.
Martangiang ma hita: Tarimokasi ma di Ho Tuhan, angke hot ro di salolot ni lolotna do
asi ni rohaMu. Di uluhon Ho do hami manyalpuhon taon 2022 taripar tu taon 2023 on. Ale
Amang, ulang ma alang asi ni rohaMu, urupi ma hami mamolus taon 2023 on, sarihon
ma ngolu nami marhite asi ni rohaMu, lehen hahorasan hatorkison, padao hami sian
angka parjahat. Urupi hami mangkarejohon hagiotMu di taon 2023 on. Baen ma
rumahtangga sipartangiang dohot sioloi hataMu hami. Marhite Kristus Jesus Tuhan
nami. Amen.
3. Marende BEAM N0. 70: 1: “Ma solpu Taon” F = Do
Ma solpu taon na buruk i, hupuji Ho o Tuhanki
Angke sai dijagohon Ho, Pamatang dohot tondingkon
Angke sai dijagohon Ho, Pamatang dohot tondingkon
4. Renungan Introspektif dohot Penatalayanan
U : Madung ta solpuhon 365 ari dipardalanan ni ngolunta. Bahat do angka si jop ni roha
nataadopi di pardalananta, tapi Bahat muse do angka arsak ni roha. Sudena i hita
pake ma laho patoguhon haporsayaanta.
R : Pinuji ma Jahowa.
U : Nada taboto sanga aha namasa di Taon 2023 nagiot sibolusonta! Tapi sada do
natahaporsayai na donganan ni Tuhan do hita mandalani taon 2023 dibagasan asi ni
rohaNa.

1
 R : Pinuji ma Jahowa.
U : Jotjot hita marsak di pardalananta, tapi pos ma rohanta angke donganan ni Tuhan do
hita marhite-hite asi dohot holong ni rohaNa.
R : Pinuji ma Jahowa.
U : Songon halak naporsaya di pio Tuhan do hita manghobasi laho pasangaphon Tuhan
marhite-hite parkarejoanta. Di pio do hita sude ruas ni GKPA sauduran patulushon
Visi ni Garejanta: Parlagutan nadumenggan Mangkobasi Rap Sauduran” dohot
mangkarejohon Rencana Strategis (Renstra). Di Taon 2023 madung ditotophon
Tahun Penatalayanan na manata sude angka pangkobasion ni parlagutanta songon
tanggungjawab ni haporsayanta.
R : Ale Tuhan, urupi hami marhite Tondi Parbadia.
U : Antong di pio do hita mangkarejohon sasudena dohot denggan di tonga-tonga ni
Rumah Tangga, parlagutan dohot bangsonta. marhite pos ni roha namangolu, na
dohot do Debata markarejo salaho parohon hadedengganNa (Rm.8:28)
U+R : Ale Tuhan pargogoi ma hami mangkarejohona. Amen
5. Renungan Taon 2023......................dibaca sahalak sian anggota keluarga:
Salolot torang dope ari, angkon pupuonta do, mangkarejohon karejo ni namarsuru Au.
Angke potang ne ma ari jana nada tarbaen sanga ise be namarkarejo dung di hatiha i.
(Johannes 9:4)
Madung masuk hita tu taon naimbaru, ima taon 2023. TUHAN do namompa arian dohot
borngin tontu dohot tujuan nadenggan. Arian ima hatiha nadengan laho markarejo, jala
borngin hatiha maradian. Hata ni Jesus di turpuk na tajaha sadarion, ima namangalehen
semangat jana dorongan anso markarejo mangoloi Tuhan mangkarejohon hagiot ni rohaNa,
sapanjang dilehen di hita hatiha dohot kesempatan. Di bona ni taon 2023 on dipio hita
salaho mangarimangi dua hal:
1.Mangkarejohon, karejo ni namarsuru
Tahaporsayai do mangolu hita hara ni Tuhan i, jana muda tahangoluhon do i, bagi ahape
na takarejohon, karejo ni Tuhan i do. Di parlagutan, tahaporsayai do na di pio ni Tuhan
hita tu parlagutan i, laho mangkarejohon karejo ni Tuhan i. Songon ruas ni parlagutanta
di pio hita mangkarejohon Renstra dohot mensukseskan Tahun Penatalayanan 2023.
Jana “kata kunci” dinamangkarejohon hita ima Rap Sauduran dohot Hadameon. Rap
Sauduran dohot Hadameon on ma modal di hita mangkarejohon karejo ni Tuhan na mio
hita marhite parlagutanNa.
2. Sapanjang natorang
Molo di hobaran taringot tu hatiha, adong do istilah kronos dan khairos. Kronos
pardalanan ni hatiha (kronologis), tapi muda khairos, ima hatiha dibagasanna Tuhan
2
 parsidohot. Jadi, muda hatihanta holan kronos muda inda adong pandonganion ni
Debata. Hape ponting do khairos di parngoluonta ima pangkobasion tu Tuhan.
Parsuoonta dohot Tuhan na tajumpai di bagasan ngolu marhite tangiang, pamujion dohot
pangkobasionta mambaen hita margogo mangkarejohon Taon Penatalayanan. Marhite
Evangelium Johanes on, gabe tona ma di ruas ni GKPA anso manghasayahon Khairos
dohot denggan..
Antong mare ma tamasuki taon baru 2023 on dohot semangat jana tekad laho mangkarejohon
karejo seleleng arian, saleleng adong kesempatan. Rasul Paulus pe diontang do hita anso
manghasayahon hatiha nadenggan angke angka najahat do namasa di hatiha on (Efesus 5:
15-16). Antong taparhasayang ma hatiha i sadenggan-dengganna. Kuaso ni Debatama na
mangurupi hita.
6. Marende BEAM N0. 72: 1-2: “Jesus Sai Urupi Hami” C=Do
Jesus sai urupi hami, dohot di taon baru on
Paimbaru gogo nami mangihutkon Ho tongtong
Pasu-pasu ma muse naporsaya i sude.
Pikiranku, baenonku, sai pasangap Ho ma I
Jonggor bope di na modom, Ho tongtong di lambungki
Laho ruar, masuk pe, Ho ma donganki muse.
7. Acara Keluarga Keluarga (= Mandok hata….diatur keluarga)
8. Marende BEAM N0. 74: 1 “Baen Tuhan Jesus I” Es = Do
Baen Tuhan Jesus i, tongtong siparsandeanmu. Laing Ibana haposanmu sai paserep rohami
Sai manjadi langkami, sai manjadi langkami
9. Tangiang Pangondianon:...............Sahalak sian Keluarga
a) Keluarganta be dohot angka parkarejoan
b) Parlagutan GKPA dohot sude parhobasna
c) Program GKPA
d) Pamimpin dohot Negaranta
7. Marende BEAM No. 77: 1+7 “Haposan Ni Rohangku Do”
(Haul Taon Baru tu Pengadaan peralatan IT ni Kantor Pusat)
Haposan ni rohangku do, di taon imbaru na dung ro
Hum Tuhan Jesus na tutu, pangondinganku na burju
O Jesus sahat ma tu Ho, tondingku bo pamatangku pe
Laing Ho nampuna au hian, tu pudi pe laing songon i.
10. Tangiang Panutup + Ale Amanami
U : Pasupasu: Didongani asi ni roha ni Tuhan Jesus Kristus,
Dohot holong ni roha ni Debata Ama
Dohot pardonganan ni Tondi Parbadia ma hita on sude.
R : Amen, Amen, Amen
A m e n !!!
3