TONORAN KAMENOMBAN I

JEMAAT BETLEHEM PARAPPO

07 MEI 2023
( STOLA KUNING )
“HANYA DIA JALAN, KEBENARAN DAN HIDUP”
“Iamo Lalan sia Kamanapparan sia Katuoan”
SIRAMPUN MENNOLO LAKO PUANG
1. PA’PASAKKA’ KOMBONGAN
PL Salama’ sitammu mali’, paiman siduppa kaboro’ lan te banua KabusunganNa
Puang Matua, lako kita angga sola nasang tu disa’bu’ to sangduduan pindan,
digente’ to sangirusan gori-gori lan PUANG YESU Jurusalama’ta.
Mangkamiki’ na rondong Puang lan te sang minggu lendu’na ’, Saelako to temo tontong
siaki’ na pamalaga’ sia na pamasakke to Tumampa rara’ta. Ta pama’tanmo penaanta,
mennolo sia menomba lako Puang to Tumampata, melo ke tabendan tapopenani Pa’pudian
89: 1,7,8

J, pa’pudian 89: 1 ,7…. bendan..

1. La tontongna’ umpudi mamasena Puang, KamakaritutuamMi kupalolang bang
Landa’ sae lako di situran-turananni. Tang tore bang Mibangun tu kadatuamMi
Tang leluk tuangganna kamakarimmanMi; ten langi’ tang tiberu mintu’ pangallu’Mi
7. Sundun tongan rongko’na tu to untandai, melattek sia parannu tanda kasendean
Lu mingka ilan arrang maseroMi o Puang! Tu napoparandangan lan katuoanna
Allo na bongi ‘mpoparannu bang sangamMi; katonganamMi pa matande-i tu taumMi.
8. Puang oto’na kassa kipomaramba’, toding kamala’biran kami taummi
Na paporaimMi parandangan matoto’ki, Pu-ang tonnorankan balulang makaraeng
Umpasomboankan tu kadikarimmanan umpasonglorankan Datu Pasali rampa’

Samaya Kamarampasan
PF Iatu pa’tunduanta lan sanganNa Puang Matua Ambe’ tu mangka umpadadi langi’
sola lino.
J Amin
1. Passalama’
PF Salama’na mintu’ to masallo’ mati kalemi. Narondongmira kamaturu-turuanNa
Puang Yesu tupenaammi.
J Salama’ duka lako kalemi.

2. Tuara’ mangaku dosa na Pa’pakareba Kamasokanan (Ma’ dokko )

PF : O, Ambe’ sumpu mamase mangakukan kumua kami te tokasalanmokan lako
Kalemi sia lako padangki tolino lan pa’tangaran, buangan kada, sia penggauran.
Unnandokan kamamasean sia pengkalossorandio mai kalemi lan sanganNa
Yesus Kristus Puang Pela’bakki
J Pagarrikan sia kamaseikan o Puang Matua. Amin.

PF Iamoto, e kamu siulu’ pa’kaboro’ku, batta’komi da’na leluk penaammi, sia bassa
komi umpengkali-kali mengkarang lan pengkaranganNa Puang, belanna miissan
kumua iatu kamara’tasammi tae’ nala torro sala lan Puang.1 KOR 15 : 58

3. Peturona katuoan Ba’ru

PF 1Petrus 2: 10 Iamoto kamu dolona tangia taunNa, apa totemo taunNamo Puang
Matua; tu dolona tang unnappa’ kamamasean, apa totemote dikamaseimo.

4. PL : Pa,pudian 31: 1-5, 15-19 .. dibasa sisonda-sonda..

PELAYANAN FIRMAN
5. Pangimbo la umbasa Sura’ Madatu
6. Umbasa Sura’ Madatu
L-1 Penggauranna Rasulu’ 7: 54-60 L-2 1Petrus 2 : 1-10
J Menyanyikan: “Haleluya”
1 1 6| 5 3|1 1 3 |2 . .|1 1 3| 1 6 |7 7 2| 1..
 Ha-le-lu-ya, ha-le-lu- ya, ha-le-lu- ya, ha-le-lu- ya

PF Yohanes 14 : 1-14 (Bendan)

J Menyanyi : Kurre Sumanga’ Puang (NJNE 78)
7. Ma’ ulelean : Ullesang KadanNa Puang Matua. (ma’dokko)
8. Rapa’ ma’ nannung
9. Passambayang “ Ambe’ki dao suruga”

RESPONS JEMAAT
10. Pangakuan Kapatongana Rasuli (Bendan)
PF+J ussa’bu’ 12 kada Kapatonganan Rasuli
11. Ussorong penomba (ma’dokko)
PL Pa’pudian 119: 108 O Puang timangi tu mintu’ pemala’ tanning inaa
nasa’bu’ tongka’dililaku; sia patuduna’ tu mai atoranmi
Pa’pudian 136: 1-3
*Tamakurre sumnga’ diona masokanNa Puang
Matirinna tongan ia masokanNa sae lako
*Pudi to Kapenomban tae’ napada tandean
Matirinna tongan Ia masokanna sae lako
* Pudi To Kapenomban, PUANGNA mintu’na puang
Matirinna tongan ia masokanna sae lako.
*Ia manna umpogau’ to mai mekamanganna
Matirinna tongan Ia masokanNa sae lako
*Na patuo nasang Puang, angga mintu’ menono’
Matirinna tongna Ia masokanNa sae lako.
*Ta makurresumanga’ langan Puang do suruga
Matirinna tongan Ia masokanNa saelako

12. Pangimbo Samalele

 Warta jemaat
PANGAMPAN NA PASSAKKE
13. Nanian Kombongan 410: 1” RAPA’MO POLE PENAANGKU”
Rapa’mo pole’ penaangku Puang unnato’tengkaku
Lan mintu attu sia sara’ tontongna’ natoe lima
Refr: Puangmo tu unnanta’na’ limangku natoe manda’
Kusorongan penaangku limangku natoe manda’
Tuoku tangkupenassanni, moi tumba susi a’gangku
Belanna dioren Komi, limamMi kutoe manda’ Refr:

14. Pangrampan
PF : Malemokomi mendadi pesuanNa Puang, poulleanani sai pa’peissanni tu
kadanNa Puang. Kumua ia tu Puang tontong mamase sia liu kaboro’ lako mintu
panampaNa.
Tarimami tu passakeNa Puang.
15. Passakke
PF ; Na Puang mora mpassakkekomi sia unkatirinnaikomi
Na Puang mora umparrangikomi lindoNa sia ungkatu-turuikomi
Na Puang mora umpatiroangkomi lindo masokanNa
sia umpasiriakomi kamarampasa.
J Amin
16. Nanian Kombongan 426
*Nangla male tapa’peissanan lako lino kapittukan
Tu Katonganan pa’kaboro’, sia rampa’ ma’patongan
Sia rampa’ mapatongan.
Refr: Tu belanna berre’mo allo, na ma’arrangmo masiang.
KuasaNa Kristus mempayanmo marorrong kaboro’Na
*Nang la male tapa’pe-issanan: ia-tu Pu-ang nang mamase,
Nasorong tu Anak Tungga’Na, sae la ullendokangki’,
sae la ullendokangki’.