Assalamualaikum dunsanak kasadonyo

Mari tarimo pasambahan kami dari x.1

Pantun minang

Semoga dunsanak kasadolahnyo

Bisa maambik Pasan nan elok dari pantun nan kami sampaikan

Tabang malayang si buruang beo,

Inggok di batang kunini,

Assalamualaikum sanak ambo,

Ba\\\\\\\’a kaba sanak kini?

Urang Sijunjuang pandai manumih,

Tumih kol jo kacang panjang,

Bahemaik-hemaik dalam bapitih,

Balanjo usah nan gadang-gadang.

Ka pasa Tabiang naiak Bendi,

Pulangnyo hari lah sanjo,

Galak tabahak di meja judi,

Manangih surang dalam pinjaro.

Jam Gadang ado di Bukittinggi,

Tampek manggaleh urang Baso,

Kawan galak mudah dicari,

Kawan manangih jarang basuo.

Babagai-bagai ujian tibo,

Bamacam-macam musibah datang,

Mungkin kito lah banyak lupo,

Pasan pitaruah nenek moyang.

Nasi rasan usah dimakan,

Gulai lauak bakuah santan,

Jikok lah banyak nan talupokan,

Mari basamo Kito ingek kan.

Musim hujan mananam padi,

Batang aia naiak gadang,

Kaburuak’an urang jan dicari,

Jago sajolah diri wak surang.

Bareh lamak ado di Solok,

Buah patai rasonyo paik,

Rajin-rajinlah babuek elok,

Bia salamaik dunia akhiraik.

Gulai Ayam campua paku,

Sarapan pagi sabalun sikola,

Jagolah sumbahyang limo wakatu,

Jan lupo pulo basidakah.

Pagi hari turun hujan,

Jan pai manjamua kain,

Parintah agamo ditagak’an,

Dahulukan dari nan lain.

Pai raun ka Bukittinggi,

Ka Jam Gadang naiak bendi,

Nan tuo dihormati,

Nan mudo disayangi.

Itu kironyo nan bisa kami sampaikan, semoga dunsanak kasadolahnyo bisa
maambik Pasan elok dari nan kami sampaian tadi

Wassalamu'alaikum