PARTANGIANGAN

PUNGUAN AMA HKI BENGKONG ABADI

JUMAT 22 SEPTEMBER 2023
TOPIK “ MARHAPOSAN TU SANGKAP NI DEBATA”
01. Votum :
P : Dibagasan goar ni Debata Ama, Anak dohot Tondi Parbadia, Tapungka ma
partangianganta di bornginon Amen. Rap ma hita mandok tangiangtai
P+J : Ale Jesus Tuhan nami bereng hami na dison, sai asi rohaM di hami sai pangolu
hami on Amen.

02. Marende : BE No. 11 “ Aha ma Endehononku”

Aha ma endehonongku, asa pujionku Ho. Ale Tuhan Debatangku, sai urupi au gogo.
Ai ndang tarpajojor ahu, asi ni rohaM di ahu. Ala ni hupuji Ho tung marribu hali do.
Sai sungguli ma rohangku, mangendehon gogoMi.. Dohot asi ni rohaMu, ro di
habasaronMi. Ai i do dihatindangkon Tondi dohot pamatangku.. Ala ni hupuji Ho
tung marribu hali do.

03. Ayat dohot Tangiang

P : Martua do halak na manaon di pangunjunan i: Ai dung tau ibana, jaloonna ma
tumpal hangoluan,
J : Naung diparbagabaga tu angka na holong roha di Ibana.
P : Martangiang ma hita! Ale Tuhan Debata, mandok mauliate do hami tu
adopanMu na badia I, ai Ho do na manogunogu jala mangaramoti hami tarbahen
hami mangula angka ulaon nami jala boi hami marsaor di bagasan
partangiangan ni Punguan Ama ni Huriam ditingkion. Sai pahibul ma roha nami
laho marsomba, martangiang tu Ho , Asa unang mampar roha nami tu angka na
dihasiangan on, alai asa ungkap roha nami di na laho mamuji Ho dohot
tumangihon hataM. Sian na mamuhai sahat ro di na mangujungi partangiangan
on sai Ho ma di tonga tonga nami. Sai jolo parbadiai ma hami sian saluhut dosa
nami asa tama hami marsomba tu adopanMu, Marhite anakMu Tuhan Jesus
Kristus, Martangiang hami tu Ho, Amen.

04. Marende BE No.262 : 1 + 3 “ Jahowa Tuhanki ”

Jahowa Tuhanki Ho mual ni na denggan, Sitompa sasude Silehon hangoluan, Sai
lehon ma di au Pamatang na hipas, Maringan ma di au Baen roha na ias.
Di na tarsosak au Padao ma pandelean, Sitaonon na di au Urupi au mamorsan,
Pamonang au tongtong Palambok rohangki, Parroha na holong baen angka
donganki.

05. Epistel Patujolo ni Jamita Sian Psalmen : 138 : 1- 8

P : Ende sian si Daud. Mandok mauliate ma ahu tu Ho sian nasa rohangku, di jolo ni
angka Debata paluonku parhinaloan umpuji Ho.
 J : Marsomba ma ahu mandompakkon jorom na badia i, jala pujionku ma goarmi ala
ni asi ni roham dohot ala ni hasintonganmi, ai nunga dipabalga Ho bagabagam,
tumindi nasa goarmu.
P : Dialusi Ho do ahu di ari pangalualuanki, nunga dipapir Ho tondingku, gabe
margogo rohangki.
J : Sai mandok mauliate tu Ho do, ale Jahowa, sude angka raja ni tano on sogot ia
dung dibege nasida angka bagabaga ni pamanganmu.
P : Jala marende do nasida sogot mida angka dalan ni Jahowa, ai timbul do
hamuliaon ni Jahowa.
J : Ai timbul do tongon Jahowa, jala ditatap do na serep roha i, jala ditanda do sian
na dao na ginjang roha i.
P : Molo mardalandalan ahu di parsitongaan ni hagogotan, dipangolu Ho do ahu,
diondingkon Ho do tanganmu dompak muruk ni angka musungku, jala ditumpahi
siamunmi do ahu.
J : Sai paujungon ni Jahowa do mangondihon ahu, ale Jahowa ro di salelenglelengna
do asi ni roham, unang tadingkon jadijadian ni tanganmu.
P : Martua ma jolma na umbege jala na umpeop hata ni Debata. Amen.

06. Marende BE. 758 :-1-2 “ Jahowa Pangurupi”

Jahowa pangurupi disi ulaonmi. Dilehon pos ni roha di ganup tingki I, Nan gpe sipata
ganggu haporseaonmi. Jamot tongtong Tuhanmu manjaga ngolumi
Jahowa las ni roha saleleng ngolumi, Ibana haroroan ni nasa na uli, Ai disarihon Jesus
sude naringkot I, Halashon panoguon ni Jesus Tuhanmi.

07. Tangiang Pangondianon:

08. Marende : BE No. 463 : 1+ 3 “ Pasupasu tongosonMu”

PasupasuM tongosonMu I do didok hataMi, Suru tondiM na badia, bosur ma baen
rohangki.. HagogoonMu songgop ma tu rohangkon. Unang sai holan manetek, gohi
sandok diringkon.
Bereng ma sai hupaima, nunga rade rohangki, Guru di Ho ma ngolungku, dohot au
tinobusMi. HagogoonMu…d,u...

09. Jamita : Rom 8 : 28

10. Marende : BE No. 697 : 1 – 3 “ Molo Ho do hu ihuthon ” ( Pelean tu Huria)

Molo Ho do huihuthon dame sonang rohangki Sai horas jala martua nasa
hinophopMi. Ho tongtong ihuthonongku, Jesus na palua au. Ho sambing do oloanhu
ala nii martua au.
Na rade do au manaon, mangasahon padanMi, Molo ho na manggogoihon talu
haholomon i. Ref. Ho tongtong ihuthonongku ..d,u…

11. Ramah Tamah!