2. Pidartangan judul bebas dengan tema “Samudra Kerthi” 3. Ketuntasan Pidarta 4. Intonasi suara 5. Ekspresi gerak tubuh 6. Keterkaitan antara Isi Pidarta dengan Judul
IMBA PIDARTA SAMUDRA KERTHI
Suksema aturang titiang antuk galah sane kapaica ring sikian
titiang, Inggih ida dane sareng sami sane dahat wangiang titiang,sadurung titiang nguningayang atur indik daging pidartan titiang, pinih riin ngiring sareng sami ngaturang pangastungkara angayubagia majeng ring ISWW duaning majanten sangkaning Asung Kertha Wara Nugrahan Ida, titiang punika taler ida dane sareng sami prasida masadu ajeng mapupul iriki sajeroning ngamiletin Wimbakara Pidarta Basa Bali sane mapaiketan ring Bulan bahasa Bali Desa Nyambu warsane mangkin. Dumugi parikrama sakadi mangkin sayan nglimbak kawentenan ipun pinaka jalaran ngrajegang Basa,Aksara lan Sastra Bali druwene. Malarapan antuk nguncarang
Om Swastystu
Inggih ida dane sane maraga widagda wicaksana sane dahat
wangiang titiang, Pamucuk para angga panureksa wimbakara pidarta basa bali sajeroning bulan bahasa Bali warsa 2023 sane banget singgihang titiang, Asapunika taler ida dane pamilet wimbakara mapidarta basa Bali ring sajebag Desa Nyambu sane dahat tresna asihin titiang
Rasa angayubagia lan gargita manah titiang, riantukan
sampun kapaica galah ngamiletin wimbakara mapidarta basa Bali ring sajeroning Bulan Bahasa Bali warsa 2023. Mungguwing pidarta sane jagi aturang titiang inggih punika “Samudra Kertih Pinaka Prakerti Nyaga Kahuripan” Ida dane sareng sami sane wangiang titiang, yening maosang paindikan toya, pastika sampun nenten prasida lempas ring sajeroning kahuripan iraga sareng sami ring jagate. Toya punika pinaka sumber kahuripan taler pinaka pretiwimba nyihnayang kasukertian jagat. Punika sane ngawinang guru wisesa utawi pemerintah provinsi Bali sane ngicenin uratian mangda ngupapira saha makerti yasa maduluran antuk program sane mawasta Nangun Sat Kerthi Loka Bali. Sinalih tunggilnyane Samudra Kerthi sane kaprewertiang ring murdhacita Bulan Bahasa Bali warsane mangkin, inggih punika “Samudra Kerthi Campuhan Urip Sarwa Prani”sane mapatitis ngulati kaweruhan sane tanpa wates ring sajeroning maurip prasida kapangguh, kerta raharja sekala niskala. Inggih ida dane sareng sami sane dahat wangiang titiang, sane kebaos Samudra Kertih inggih punika utsaha sane patut kemargiang mangdene prasida keasrian samudra, pasih, miwah pesisi keajegan. Akeh jalaran sane presida kautsahayang minakadi nenten ngelaksanayang pekaryan sane presida ngerusak pesisi napi malih sane ngerusak sekancan sane wenten ring tengahing segara. Pekaryan sane pacang ngerusakin segara utawi sane maurip irika, minakadin ipun ngereh ulam ngangge portas, pukat harimau, bom utawi sane tiosan. Iraga dados manusa sane madue pekahyun patutne presida miara keasrian segara ne punika sekadi ring sekala inggih punika nandur taru ring pesisi, nenten ngeruk pasir, nenten ngentungang leluhu ring tukad utawi sahananing toya sane nglimbak membah ka segara tur setata miara sane kebaos terumbu karang. Ring niskala taler patut kemargiang sekadi mapekelem, melasti miwah sane tiosan.
Yening manahang titiang kalintang antes tur becik pisan
pangulati lan patitis guru wisesane puniki, napi ke mawinan sakadi asapunika ? duaning iraga pinaka pretisentana yowana bali sampun sapatutnyane prasida sareng maprekerti antuk kaweruhan mangda wikan widadga turmaning sida ngukuhang tur ngajegang Adat Budaya Bali sane kajiwapremana antuk Agama Hindu. Menawi ida dane sane sampun pawikan ring kawentenan aab jagat sekadi mangkin. Sane ngeranjing ring era globalisasi, ilmu pengetahuan lan teknologi taler sayan nglimbak kawentenannyane. Tiosan ring punika kawentenan jagat Baline sampun kaloktah kajanaloka rawuh ring dura Negara. Majantenan sampun sayan akeh karawuhin olih para wisatawanne. Punika mawinan ngawit mangkin iraga para yowana sareng sami nyantenang raga saha nenten surud-surud mapikamkam midabdabin angga mangda prasida antes yukti weruh nyentokan kaweruhan ring tingkat internasional iraga taler patut mautsaha nyaga lan nglestariang palemahane.wastu sida kajajarang ring panegara-panegara sane maju. Malajahang raga utawi ngaruruh kaweruhan nenten kawatesan antuk yusa. Ngawit saking alit, anom ngantos lingsir, tan sida pacing palas antuk nincapang sakancan ilmu pengetahuan punika. Ilmu pengetahuan punika tan pendah sekadi toyane sane ening membah saking kelebutan. Antuk punika iraga mangkin pinaka yowana mapikayun mangda nyekala niskala mangda prasida ngaturang bakti kerta yasa ring jagate. Niskalannyane utawi tetuwek toyane punika wantah sekadi ilmu pengetahuan sane kalintang kabuatang ring kahuripan puniki. Taler sekala toya ening sane wenten ring jagate puniki sepatutnyane kaamong lan kaupapira sareng-sareng mangda kawentenan toyane sida ajeg lan ngemertaning kahutipan puniki. Yening nyemerang sumber- sumber toya ring jagate napi malih sangkaning paripolah I manusa, sampun prasida katarka pastika jagat lan kahuripan puniki pacang nemu kabyahparan, kageringan miwah bencana, embahan pamargin toyane ring palemahan tan bina sekadi bumbung getih utawi rah ring paukudan I manusa. Yening getih sampun cemer majanten sampun I manusa pacang sungkan iraga ring bali sampun maduwe penepas sane kalintang luwih pamargi nemu rahayu lan karahajengan sane mawasta Tri Hita Karana,silih sinunggilnyane wenten sesana palemahan inggih punika urati saha maprekerti ring sarwa tumuwuh minakadi Wana, sarwa beburon lan toya sane wenten ring palemahan. Sane dados pitaken sampun ke iraga ngelarang tur ngamargiang Tri Hita Karana Punika ? napi wantah kaucap ring bibih kemanten ? Ngiring ngamargiang limbakang ring para jana piwah yowana mangda sareng-sareng nitenin saha miara kawenten toya pinaka cihna bakti. Pidabdab iraga nyuciang toya sane dahat kabuatang ring kahuripan, mangda sida kapanggih karahayuan lan kasukertan jagat. Inggih ida dane sareng sami sane wangiang titiang, cutetang titiang daging pidartan titiang puniki, sane kapertama: 1. Iraga sareng sami patut nitenin kahuripan antuk nelebang sakancan kaweruhan anggen dasar nyalanang kahuripan, mangda prasida maduwe pikayunan sane becik ritatkala maurup ring jagate. Prasida miara palemahan antuk pamargi sane becik mapikukuh antuk daging-daging sastra Agama. 2. Toya pinaka sumber kahuripan sahananing sane maurip ring jagate. Parilaksana sane nenten becik pastika taler prasida mapuara kaon. Punika mawinan patut maduwe pikayunan sane becik mangda prasida ngupapira segara sekala lan Niskala Inggih ida dane lan para yowana sareng sami, wenten sakadi asapunika prasida antuk titiang ngaturang pidarta rahina mangkin, maka kirang langkung antuk titiang ngaturang mangda oledang ida dane ngampurayang. Maka wesananing atur titiang puputang titiang antuk ngaturang parama santih. Om Santih, Santih, Santih, Om