DIKA

Atur pinaweg titiang majeng ring para ulema Sekha Truna Truni sakhe krama Desa Adat Kerthi
Mandara, parikrama rahina mangkin jagi gagelis kakawitin, pinaka panyenggara pacang
kaatur sesolahan panyembara saking angga Sekha Truna Truni. Ngiring saksiang sesolahan
Sekar Jagat
~SESOLAHAN SEKAR JAGAT~
ADIARI
Inggih, sekadi asapunika diwau panyembrama antuk sesolahan sane sampun ke atur oleh para
angga Sekha Truna Truni.
Majeng ring uleman sami, pamekas nyane majeng ring :
 Linggih Bapak Camat Loka Mandara sane dahat kusumayang titiang,
 Dane Jro Bendesa Adat Kerthi Mandara, sahe prajuru sane wangiang titiang,
 Manggala Sekha Truna Truni Yowana Guna Bakhti sane wangiang titiang,
 Para uleman sane nenten prasida carce titiang sake siki sane taler wangiang titiyang,
 Para angga Sekha Truna Truni asapunika taler Krama Desa Adat sareng sami sane tresna
asihin titiang.

BERDUA
Om Swastyastu,
Assalamualaikum Wr. Wb,
Salam sejahtera untuk kita semua,
Salam kebajikan,
Namo Budhaya,
Rahayu.

DIKA
Sesanti angayubagia aturang titiang majeng ring Ida Sang Hyang Widhi Wasa, duaning wantah
sangkaning asung kertha waranugraha Ida. Titiang ping kalih ida dane prasida mapadu wadane,
mesadu ajeng ring rahina mangkin nemunin Purnama Karo, Sukra Kliwon, Wuku
Medangkungan, Tanggal masehi 12 Agustus 2023 ring acara “WANTI WARSA KAPERTAMA
SAKHE TRUNA TRUNI YOWANA GUNA BHAKTI”

ADIARI
Titiang Ni Ketut Adiari lan I Gede Dika Adnyana jagi ngeterang acara ring rahina mangkin,
Mungguing dudonan acara ring rahina mangkin minakadi :
 Sesolahan Sekar Jagat lan pemahbah atur, sekadi sane sampun kemargiang,
 Nembangang sinarengan Lagu Kebangsaan Indonesia Raya,
  Ngaturang pangastawa,
 Atur pawungu saking manggala Sekha Truna Truni Yowana Guna Bakhti,
 Sembrama Wacana saking Jro Bendesa Adat Kerthi Mandara,
 Sembrama Wacana saking Bapak Capat Loka Mandara,
 Malila citta, minakadi :
o Dharma Wacana
o Geguritan
o Puisi
o Makekawin
o Masatua
o Lan panyineb.

DIKA
Inggih, Ida dane sareng sami pinaka cihna rasa sutindih ring panegara, ngiring sareng-sareng
nembangang Lagu Kebangsaan Indonesia Raya, kelanturang antuk ngaturang pangastawa. Ida
dane mangda ledang ngadeg.

~ LAGU KEBANGSAAN INDONESIA RAYA ~

~PANGASTAWA~
ADIARI
Ida dane durus mewali melinggih,
Sane mangkin ngiring sareng sareng miyarsayang atur pawungu saking Manggala Sekha Truna
Truni Yowana Guna Bakhti. Majeng ring dane Manggala STT durusang.

DIKA
Inggih, sekadi asapunika diwau atur pawungu saking manggala STT.
Sane mangkin Sembrama Wacana saking Jro Bendesa Adat Kerthi Mandara. Majeng ring dane Jro
Bendesa galah aturang titiang.

ADIARI
Matur suksma majeng ring dane Jro Bendesa.
Selanturnyane, tunas titiang Sembrama Wacana saking dane Camat Loka Mandara, kelanturang
antuk munggel tumpeng pinaka cihna Wanti Warsa STT Yowana Guna Bakhti. Majeng ring Bapak
Camat galah kaatur.

Para uleman durus mewali melinggih.

Inggih, Ida dane sane wangiang titiang, ngantos iriki sampun mawasta nyarik parikrama ring rahina
mangkin, sane mangkin jagi kelanturang antuk acara malila citta.
Majeng ring uleman sane kantun madue acara lianan durusang ngelanturang acara selanturnyane,
majeng ring uleman sane katur prasida nyarengin acara puniki ngantos puput, inggih durusang.
Sane mangkin acara malila citta jagi keenterang olih Ketut Adiari.
Durus Adiari

SETELAH MALILA CITTA

Inggih asapunika diwau makesami pulah pulih acara rahina mangkin sampun kemargiang.
Mangkin sampun punaya titiang jagi nyineb parikramane mangkin,
Tityang nglungsur sinampura manawi wenten kaiwangan titiang sajeroning ngenterang acara
puniki sane nenten manut ring arsa.
Suksma antuk uratian ida dane sinarengan sami

Assalamualaikum Wr. Wb,

Om Santhi, Santhi, Santhi Om