PARTORDING NI PARMINGGUON

MINGGU I DUNG EPIPHANIAS

Ev. 2 Musa 6 : 1 - 8 Ep. Efesus 3 : 1 - 12

Topik :
JAHOWA DO NA PALUAHON

HURIA KRISTEN BATAK PROTESTAN

MINGGU, 07 JANUARI 2024
 1. Marende BE. HKBP No. 74 : 1 – 3 SAI MARLAS INI ROHA
HITA (BL. 175)
♫♪♫ Sai marlasni roha hita, ale dongan Kristen i
Sai tapuji ma Tuhanta, napasaehon dosa i
Ditogihon Jesus i hita tu huria i
Naung dijangkon Debatanta hita on baen anakkonNa.

♫♪♫ Tuhan Jesus do Rajanta, na manggomgom sasude

Niramotan ni tanganNa do luhut parhosa pe
Molo lao hataNa i ndang tarbaen so saut be i
Sai na tulus do nidokNa di saluhut manisia.
-----musik-----
♫♪♫ (Jongjong)
O Hamu ale pardosa, molo naeng sonang hamu
Sai tangihon ma soara ni Tuhanta i burju
Sai pauba rohamu, jangkon Jesus i tutu
Asa saut paluaonNa tondimuna sian dosa

02. VOTUM
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Mandok mauliate ma hamu di Ama i, na mangaroro hita
sian gomgoman ni haholomon, jala na paunsathon hita tu bagasan
harajaon ni Anak haholongan ni rohaNa. Haleluya!
H : (Mangendehon) BE. HKBP No. 852 : 1 HALELUYA HKBP (3X)
BL. 852
♫♪♫ Haleluya Haleluya Haleluya
U : Martangiang ma hita!
Ale Tuhan Debata, Amanami na di banua ginjang ! Dipapatar Ho do
diriM marhitehite HataM i, naung dohot do hami dihalomohon rohaM
marhite sian panesaM i, di dosanami. Antong papatar ma diriM tu
rohanami, asa hutanda hami Ho, jala asa hutangihon hami soara ni
AnakMu, jala asa hujalo hami Tondi Parbadia marhitehite Anak
haholongan ni rohaM, Tuhan Jesus Kristus, Tuhannami. Amen.
1
 (Hundul)

03. Marende BE. HKBP No. 257 : 3, 6 JONOK DEBATANTA (BL. 210)
♫♪♫ O ale Jahowa, hutundalhon hami, dosa dohot jeanami
Tondi dohot daging, hupasahat hami, tu tanganMu Tuhannami
Sada do i ma Ho, sioloannami, pasangaponnami.

♫♪♫ Sai ingani ahu, joro baen tondingku, bagas habadiaonMu

Sai bongoti ahu, baen holong rohangku, di Ho Tuhan Debatangku
So pe au, manang lao, Ho ma sai hutatap, jala hupasangap.

04. PATIK
U : Tangihon hamu (Tatangihon) ma Patik ni Debata di Minggu on, i ma
Patik I - IV
Patik I: Ahu do Jahowa Debatam, ninna Debatanta. Ndang jadi
marangkup Ahu bahenonmu Debatam.
Patik II: Ndang jadi ganaonmu jala ndang jadi sumanonmu manang
aha na di banua ginjang dohot na di banua tonga on, ro di na di
bagasan aek na di toru ni tano, ianggo tung gabe si sombaon manang
sioloan.
Patik III: Ndang jadi dohonon Goar ni Debata, ianggo so ture
dalanna, ai hona uhumNa do sogot angka na marsineang di GoarNa.
Patik IV: Ingot hamu ma pabadiahon ari Minggu i. Di na onom ari
ma ula hamu nasa siulaonmu; alai anggo ari papituhon i, ari
paradianan ni Jahowa Debatam do i. Ndang jadi ho mangula anggo di
na sadari i, manang anakmu pe manang borum, manang naposom
lahilahi manang naposom boruboru, ro di pinahanmu, ro di isi ni huta
ni halak pe na mangebati hutam. Ai di na onom ari do ditompa Debata
langit dohot tano dohot laut dohot nasa isina, dung i maradian do
Ibana di ari papituhon i. Dibahen i do umbahen na dipasupasu Debata
Jahowa ari paradiananNa i jala diparbadiai.
I do sahatna. Antong rap mangido gogo ma hita tu Tuhanta Debata.

2
 U+H: Ale Tuhan Debata, sai pargogoi ma hami mangulahon na hombar
tu PatikMi. Amen.
05. Marende BE. HKBP No. 167 : 1, 2 DIJANGKON JESUS DO
PARDOSA (BL. 108)
♫♪♫ Dijangkon Jesus do pardosa, na mangarsakkon dosa i.
Na mangundukkon hinaroa, ni pambaenanna sasude
Alai ditangkup hata on, dijangkon Jesus nang au on.
♫♪♫ (Jongjong)
Pardosa na tarsolsol bagi, na ponjot roha situtu
Huhut na olo manopoti, dosana i mansai burju
I do dijangkon Jesus i, asa paluaonNa i.

06. MANOPOTI DOSA

U : Tatopoti ma dosanta, martangiang ma hita:
Ale Tuhan Debata, Ama ni Tuhannami Jesus Kristus, Ho do Debata pargogo
na so hatudosan, sitompa nasa na adong, paruhum na tigor, na manguhumi
jolma manisia ! Na ro do hami tu joloM manopoti dosanami, angka na huula
hami marhite sian pangalaosionnami di PatikMu, i ma marhite sian tubutubu
ni rohanami na roa i, nang sian pangkataionnami na so ture, ro di
pangoloionnami di hisaphisap ni rohanami. Na tama situtu do hona uhum
hami ala ni dosanami i, alai na tarsolsolbagi do hami nuaeng ala ni i. Asi ma
rohaM di hami, ale Debatanami. Pardengganbasa jala Parasi roha do Ho ala
ni Anak haholongan ni rohaM, Tuhan Jesus Kristus Tuhannami. Sai sesa ma
dosanami saluhutna, jala suru ma Tondi Parbadia tu rohanami be, asa
tarbahen hami mangoloi Ho di bagasan hatigoran dohot habadiaon, gabe
sahat hami tu hangoluan na so ra suda, na pinarbagabagaM di angka na
porsea di AnakMu, Tuhan Jesus Kristus, Tuhannami. Amen.
Bagabaga ni Debata taringot tu hasesaan ni dosa.
Songon on do Hata ni Jahowa: Unang ho mabiar, ai Ahu do Siluluhon ho;
nunga pola hujou goarmu, Ahu nampuna ho
Hasangapon ma di Debata na di Ginjang
H : Amen. (Hundul)
07. Marende BE. HKBP No. 437 : 1, 3 TUNG NA MUBA ROHANGKU
(BL. 390)
3
 ♫♪♫ Tung na muba rohangku dibaen Tuhanki,
Dung Jesus maringan di au.
Nunga sonang au on, tung dame rohangki, dung Jesus maringan
di au.
Dung Jesus maringan di au, dung Jesus maringan di au.
Tung na sonang do au, dung tu Jesus au lao, dung Jesus
maringan di au.

♫♪♫ Au na lilu hian dapot sambulonhi.

Dung Jesus maringan di au.
Nunga sae dosangki dibaen mudarNa i, dung Jesus maringan di
au.
Dung Jesus maringan di au, dung Jesus maringan di au.
Tung na sonang do au, dung tu Jesus au lao, dung Jesus
maringan di au.

08. EPISTEL
U: Tangihon hamu (Tatangihon) ma Hata ni Debata turpuk Epistel di
Minggu on, tarsurat di Efesus 3 : 1 – 12
Ala ni i do ahu, Paulus, niihot ni Kristus, ala hamu angka sipelebegu.
H: Molo tung dibege hamu tohonan mangaradoti asi ni roha ni Debata, na
pinasahatna i tu ahu, patureturehon hamu.
U: Ai sian pangungkapon do dipabotohon tu ahu hahomion, na hutaringoti
nangkiningan.
H: Laho manjaha I dapot timbangonmuna pangantusingku di hahomion
ini Kristus i.
U: Ndang dipabotohon dope i tu angka anak ni jolma di angka sundut
najolo, alai nunga dipapatar i nuaeng tu angka apostelNa na badia i
dohot tu angka panurirangna, di bagasan Tondi i:
H: Paboa, dohot do halak parbegu gabe dongan panean jala dongan
sadaging dohot dongan satohap di bagabaga, na di bagasan Kristus
Jesus, marhite sian barita na uli i.
U: Naung gabe parhalado ni i do ahu, sian pangalehon ni Debata di asi ni
rohana, na tu ahu sian pangkorhon ni hagogoonna i.
4
 H: Tu ahu, na ummetmet sian saluhut angka na badia i, dilehon asi ni
roha on: Mamaritahon tu angka sipelebegu hamoraon ni Kristus na so
hadodoan i;
U: jala patorangkon pangalaho ni tohonan di hahomion i, na buni sian
mula ni mulana di bagasan Debata, Sitompa saluhut.
H: Naeng ma marhite sian huria i dipatandahon godang ni ragam ni
hapistaran ni Debata tu angka na marmulia jala marhuaso di banua
ginjang i.
U: I do ditahi sian mula ni mulana, gabe dipasaut di bagasan Kristus
Jesus, Tuhanta i.
H: Marhitehite Ibana dapot hita hiras ni roha dohot dalan masuk, di
bagasan roha na pos, na mangkaporseai Ibana.
Ido sahatna. Martua do angka na tumangihon Hata ni Debata jala na
umpeopsa.
H : Amen.

09. Marende BE. HKBP No. 458 : 1, 2 BARITA NA UMULI (BL. 309)
♫♪♫ Barita na umuli i, na sian Tuhan Jesus
Sai i do margogoihon au, nang arsak pe hubolus
On mangapuli rohangki : Sai Tuhanki na basa i do donganki
♫♪♫ (Jongjong)
Ai ndang adong di rohangki na so hinilalaNa
Ditanda hagaleonhi, nang pe so dung marsala
Hujalo hamonangan i, ai Tuhanki na basa i do donganki.

10. MANGHATINDANGHON HAPORSEAON :

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea di Debata Jahowa... du (Hundul)

11. TINGTING
12. Papungu Pelean Huhut Marende BE. HKBP No. 363 : 1... HAMU
SALUHUT HARAJAON 2 - BL. 194 (Pelean Ia, Ib)
5
♫♪♫ Mauliate dok hamuna, di Debata na basar i.
Sai puji ma denggan basaNa, na so marpansohotan i
O Israel girgir endehon, ma asi ni rohaNa i
Na so hea marparujungan, saleleng ni lelengna i.

♫♪♫ Hamu pinompar ni si Aron, gogo ma hatindangkon i

Dok ma: Saleleng ni lelengna, do asi ni rohaNa i
Hamu pe, na mangkabiari Jahowa Debatanta i
Sai dok imbaru ganup ari, do asi ni rohaNa i.
... musik ...
♫♪♫ Ai uju au di hagogotan, joujou do au tu Debata
do ditangihon, dibaen do hosangki arga
Jahowa do tongtong donganku, beasa ma mabiar au?
Tung aha baenon ni alongku, nang manang ise dompak au?
♫♪♫ Tuhanku do na manguluhon, sude na mangurupi au
Dibahen i ma hutaluhon, luhut na mangkosomi au
Dumenggan do marhaporusan, tu Debata na sintong i
Asa tu jolma marhaposan, nang pe tu na rumaja i.
... musik ...
♫♪♫ Parbegu do mangkaliangi, au on mambuat hosangki
Hape sude do hutanggoi, marhitehite Tuhanki
Ibana do hupangasahon, i do umbaen malua au
Ibana do na niarahon, umbaen marantu monang au.
♫♪♫ Sobokkon loba na marsorop, dihaliangi musu au
Hape laos songon api mintop, di bulu duri do i lao
Marhite goar ni Tuhanku, do hutaluhon sasude
Au na tinggang naeng bahenonna, ditungkol Debata dope.
.... musik ....
♫♪♫ Jahowa do hagogoonku, endengku las ni rohangki
Ibana do hatuaonku, na margogoihon tondingki
Marolopolop do luhutna, partigor di jabuna be
SiamunMi do o Jahowa, pamonang naposoM sude.
♫♪♫ Timbul do tangan ni Jahowa, sibahen hamonangan i
Na tunduk do na jungkat roha, hot jongjong do partigor i
Ndang mate au, sai na mangolu, do au marhite Tuhanki
Pajojoronku, o Pangolu, ma saluhut pambaenanMi.
6
 ….musik …
♫♪♫ Tutu, gogo do dipinsangi Jahowa au, alai laos tong do
So mate au, ai disondangi, denggan basaNa au tongtong
Sai ungkap bahal hatigoran, di au, ai naeng do au tusi
Lao mangalehon hasangapon, di Sipalua tondingki.
♫♪♫ Dison do bahal ni Jahowa, bongotan ni partigor i
Lao pasangaphon Debatana, di serep ni rohana i
Mauliate ma rohangku, di Ho na asi roha i
Na mangalusi tangiangku, mambahen hatuaonki.
.... musik ....
♫♪♫ Ianggo batu binolongkon, ni angka pande bagas i
Jahowa do na pajongjongkon, baen batu na di suhi i
Na pinatupa ni Jahowa, do i na longang situtu
Do roha ni na marnidasa, huhut marsomba be burju.
♫♪♫ Nuaeng ma ari na dumenggan, binaen ni Debatanta i
Dibahen i ma tapadenggan, nuaeng parendeonta i
Tumpahi hami ale Tuhan, di ari las ni roha on.
Sai pasupasu ma pambaenan, ni tangannami be tongtong
.... musik ....
♫♪♫ Pinasupasu ma Rajanta, na ro marhite goar ni
Jahowa Tuhan Debatanta, tu hita huriaNa i
Jahowa, Sidongani hita, do Debata na sintong i
Antong, tambathon peleanNa, tu tanduk ni langgatan i.
♫♪♫ Ho, Debatangku, pujionku, patimbulonku sai tongtong
Mauliate ma rohangku, di Ho dibaen basaM inon
Hamu sude pe, ale dongan, dok ma mauliate i
Ai ndang hea marpansohotan, do denggan ni basaNa i.

13. JAMITA: 2 MUSA 6 : 1 - 8

14. Papungu Pelean Huhut Marende BE HKBP No. 417 : RADE SITUTU
HALUAON BL. 278 (Pelean II)

♫♪♫ Rade situtu haluaon, na naeng tangkuponmu antong.

Rade nang di ho hatuaon, sihalashononmu tongtong.

7
 Bernit do ditaon Tuhanmu pasaehon dosam sasude.
Tung unang paujat Ibana, sai jangkon pangkophopNa i.

♫♪♫ Patedek sude hahurangan, topoti sandok dosami,

Pangido: Sai sesa o Tuhan, sude pangalaosionki.
Datdati, sai saut botoonmu naung sesa dosam sasude;
Mardame dagingmu nang tondi, maniop tongtong Tuhan i.
... musik ...
♫♪♫ PangkophopNa i parangehon, pasangap Tuhanmu antong.
Ibana buas mangalehon tu ho, hasonangan tongtong.
Sandok sian holso malua, nang sian biarmu sude,
Sonang nama ho na martua, mangkirim tongtong surgo i.

15. TANGIANG PELEAN : (Jongjong)

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma roha nami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
R : (Mangendehon) BE. HKBP No. 204 : 2
“NDANG TADINGHONONHU HO” BL. 73
♫♪♫ Nasa na nilehonMi tondi ro di pamatanghu
Hosa dohot gogongki ro di saluhut artangku
Hupasahat i tu Ho na so unsatonhu do
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
R : (Mangendehon) BE. HKBP No. 841 : 1 “AI HO DO NAMPUNA
HARAJAON BL. 841
8
 ♫♪♫ Ai Ho do nampuna harajaon dohot hagogoon
Ro di hasangapon salelengnilelengna Amen
U : Tangiang Pasupasu
R : (Mangendehon) BE. HKBP No. 845 : 1 “AMEN (3X) HKBP” BL.
845
♫♪♫ Amen Amen Amen