Dudonan acara

Pamahbah:
Om swastiastu. Om anobadrah kretawyantu wiswantah. Om sarwa karya prasida
sidantam. Pada Lyang Astiti Dharma. Dumogi pikayun sane becik rauh saking sagenah-genah,
lan nuntun sajeroning pemargi. Angayu bagia aturang titiang majeng ring Ida sang Hyang Widhi
Wasa Miwah Ida Bhatara Kawitan, duaning sangkan pasuecan ida, titiang ping kalih ida dane
sareng sami prasida macunduk mapupul masadu ajeng ring galah lan genah sane becik puniki
melarapan antuk kerahayuan lan kerahajengan.

1. Ida Nak Lingsir sane sampun meraga suci sane dahat singgihang lan baktinin titiang
2. Jro mangku, lanang istri sane suciang titiang
3. Sane mustikayang titiang, Pengurus Para Gotra Santana Dalem Tarukan Pusat.
4. Sane wangiang titiang, Ketua Forum Pemuda Para Gotra Santana Dalem Tarukan Pusat.
5. Sane wangiang titiang Paruman Panglingsir Para Gotra Santana Dalem Tarukan Kabupaten
Tabanan
6. Sane wangiang titiang Pengurus Para Gotra Santana Dalem Tarukan Kabupaten Tabanan.
7. Sane wangiang titiang Manggala Forum Pemuda Dalem Tarukan Kabupaten Tabanan
8. Sane wangiang titiang Pengurus Pemuda Dalem Tarukan Kabupaten Tabanan
9. Sane wangiang titiang Pengurus Dharma Wanita Dalem Tarukan Kabupaten Tabanan
10. Sane wangiang titiang Pengurus Kecamatan Perkumpulan Para Gotra Santana Dalem
Tarukan se-Kabupaten Tabanan
11. Lan ida dane para sameton sami pamilet Acara Wanti Warsa PGSDT sane keeping 52 (Seket
Kalih) sane banget andelang titiang

Swasti prapta aturang titiang ring ida dane para uleman sane sampun prasida rauh ring
acara Wanti Warsa PGSDT sane keeping 52 (Seket Kalih) ring suba dewasa Redite Kliwon
Sungsang, tanggal masehi 4 April warsa 2021 (Kalih Tali Selikur)
 Mungguing dudonan acara rahina mangkin inggih punika:
1. Pangendag baos saking pangenter acara
2. Sambrama wacana saking manggala Perkumpulan Para Gotra Santana Dalem Tarukan
Kabupaten Tabanan sapisanan mungkah parikrama Wanti Warsa PGSDT sane keeping 52
(Seket Kalih) ring Kabupaten Tabanan secara resmi.
3. Ngaturang puja pangrastiti kadulurin antuk ngaturang pangubaktian.
4. Panyobyahang pidabdab nincapang kahuripan (Peningkatan SDM) PGSDT, Olih Jro Mangku
Tesan.
5. Panyobyahang indik-indik kawentenan PGSDT
6. Pagendu Wirasa
7. Pamuput

Acara lanturang titiang ring acara sane kaping............................................................

Inggih, wantah kadi punika acara Wanti Warsa PGSDT sane keeping 52 (Seket Kalih) .
rahina mangkin, mogi-mogi sida ida dane sareng sami eling ring madharma kawitan, Eling ring
Bhisama lan eling ring masemeton gumanti sida panggih sane mawastu Pada Lyang Astiti
Dharma. Titiang ngangganing prawartaka sami ngelungsung geng rena sinampura menawi
wenten atur miwah parilaksanan titiang sane iwang sajeroning ngenterang acara puniki, duaning
tan hana wong swastya annulus. Pinaka wasananing atur, acara puniki titiang puputang antuk
ngaturang parama santih. Om Santih, Santih, Santih Om