ING GINU ALA NA YU KENI

KORO:
//ING GINU ALA NA YU KENI
KENI SINUBLI YANG MEBIE ALLELUYAH//

MISAN A ABAK A MARANUN

MINTA YA KING KAYANG KUTKUTAN
I MARIA, MARIA MAGDALENA
BANGKE NANG JESUS KAYANG LAUAN (KORO)

BUSAL NING KAYANG KALUNGKUTAN

I MARIA NGANA PIN MENGUTANG
KING HARDINERONG KAYANG DISNAN
JESUS KAKU YANG PANINTUNAN (KORO)

KYRIE ELEISON
//GINU, PAKALULU//
//KYRIE, ELEISON//
//KRISTO, PAKALULU//
//CHRISTE ELEISON//
//GINU, PAKALULU//
//KYRIE ELEISON//
KYRIE, CHRISTE ELEISON

GLORIA
KORO:
GLORIA, GLORIA IN EXCELSIS DEO
//LIGAYA KING DIOS//
KING MATAS A BANUA

GINUNG DIOS ARI NING BANUA

GINUNG DIOS IBPANG MAYUPAYA
PUPURIAN DA KA, PARANGALAN DA KA
PALIGAYAN DA KA, SASAMBAN, PASALAMATAN DA KA
PAULI NING MAULA MUNG LIGAYA (KORO)
AIN NING PASKUA
AIN NING PASKUA PURYAN TA YA
KORDERONG MENATBUS KARING TUPA
I KRISTONG ALANG DUNGIS, ALANG SALA
DING MAKASALANAN KING IBPA SINUT NA

KORO:
//ALLELUYA, ALLELU, ALLELUYA//

BIE’T KAMATAYAN MIYASKAL LA

MAKAPAGMULALANG LIWALAN NA
LINABAN PARA KING BIE METE YA
DAPOT MABIE YA’T MAG-ARI KAPILAN MAN (KORO)

ING KAPAYAPAN KU
KORO:
ING KAPAYAPAN MANATILI KEKAYU
ING KAPAYAPAN LALAKWAN KU KEKAYU
AT ‘YANG BABIE KU KEKAYU
KAPAYAPAN KU, KAPAYAPAN YU

PEPAKIT NA LA KARELA DING SUGAT NA

PATI NA ING KATALINDIKINGAN NA
MESAYA LA DING ALAGAD PANAKIT DA KAYA
AT NGANA NING GINU KARELA (KORO)

NUNG MAKANANU NA KUNG TINUBUD NING IBPA

MAKANYAN DA KAYU NAMAN TUTUBUD
TANGGAPAN YE ING BANAL A ESPIRITU
ING ESPIRITU NING BAYUNG BIE (KORO)

IPANARAL YE ING MAYAP A BALITA

AT BINYAGAN YU LA DING SABLANG BANSA
TANDANAN YU KAYABE YU KU KAPILAN PA MAN
MANGGA MAN KING ALANG ANGGA (KORO)
SINUBLI YANG MEBIE
KORO:
SINUBLI YANG MEBIE, ALLE - ALLELUYAH
//SINUBLI YANG MEBIE, ALLELUYAH//
ALLE - ALLELU - ALLELUYAH

KRISTO, PASKUA NING DIOS

KRISTO, MIDAUN YA
METE AT MIKUTKUT YA
DAPOT NGENI MABIE YA (KORO)