INSTITUT PENDIDIKAN GURU

KAMPUS RAJANG
96509 BINTANGOR, SARAWAK

BIBB3013
SEJARAH PENGEREMBAI JAKU IBAN
DIBANTAIKA :
ELTHERTY JATA ANAK PHILIP
ELYANA FARIDA ANAK JOSEPH
 MINGGU 10

SISTEM SEPIL JAKU IBAN

 Rurun isi
Sistem sepil jaku Iban
Sejarah sistem Jaku Iban
Ubah ba sistem Jaku Iban
Penyadi enggau chabar sistem sepil jaku Iban
 Sistem sepil jaku injau
Dalam proses ti nginjau jaku ari jaku orang
bukai, bisi tiga chara nginjau jaku ti nyadika
pelasar lebuh ti ngaga sistem tu.
Chara nya nginjau ari jaku seperugan
(nusantara), jaku English enggau nginjau ari
jaku bansa bukai.
 Jaku injau ari jaku seperugan (Nusantara)

Jaku seperugan, kelebih agi jaku Melayu

mayuh diserap ngagai jaku Iban.
Sistem sepil tu netapka chara nginjau jaku ari
jaku bansa bukai enda bepanggai penuh ba
sistem sepil jaku asal ti alai nginjau tang
nitihka sistem sepil jaku Iban ti nginjau jaku
nya.
Taja pia, bisi mega leka jaku ti diinjau nya agi
mengkang sebaka.
 Injau terus
Dalam proses nginjau ti baka tu, leka jaku ti
diinjau, diambi sereta diterima enggau silik ari
jaku asal.
Reti nya iya nadai berubah ari segi sepil
enggau reti taja pan disebut nitihka kaul dilah
Iban
 Jaku injau ari jaku English
Jaku English nya sebengkah jaku bansa bukai ti
chakah diinjau ke dalam jaku Iban dalam
semua bidang pelajar berindik ari jaku tu udah
entap dikena sereta ngerembai serata
dunya ti ngujungka iya diaku nyadi jaku ent
arabansa.
Proses nginjau jaku English endang diatur
enggau cheremat ngambika iya entap lalu
nadai menyati jaku Iban empu.
 Gaya jaku injau ari jaku English ti dikemisika
dalam jaku Iban tau dibagi ngagai beberapa
kategori iya nya :
i. injau terus
ii. injau salin
iii. injau pengasai
iv. injau serap.
 (i) Injau terus
Sama baka atur ti nginjau jaku Melayu, leka
jaku ti diinjau, diambi sereta diterima enggau
silik ari jaku asal.
Reti nya iya nadai berubah ari segi sepil
enggau reti taja pan disebut nitihka kaul dilah
Iban.
 (ii) Injau salin
Dalam proses nginjau ti bansa tu, leka jaku ti
diinjau disalin lalu dibali ngagai jaku Iban.
Taja pia, reti enggau konsep leka jaku nya agi
mengkang sama enggau jaku asal.
 (iii). Injau pengasai
Dalam kategori jaku injau ti baka tu, leka jaku
ti diinjau lalu disepil nitihka pengentap sistem
sepil jaku Iban ti udah ditetapka.
Sekeda urup dalam leka jaku ti diinjau
berubah nitihka penemban urup lebuh disebut
tauka disepil dalam jaku Iban.
 (iv). Injau serap
Dalam kategori ti baka tu, leka jaku ti diinjau
endang udah entap sereta masai dikena dalam
jaku Iban.
Berindik ari nya, semua leka jaku ti diinjau
serap enda nyengala menatika gaya tukuh
visual leka jaku nya ditulis dalam jaku asal ti
alai nginjau.
Sepil iya ditulis ketebal agi nitihka munyi ti
disebut ngena kaul dilah Iban.
 Sejarah sistem sepil jaku Iban
Sejarah pemansang jaku Iban ulih dibagi
ngagai 3 tikas ti nyengenda baka :
i. Jeman Rajah Brooke (1841-1941)
ii. Jeman Koloni British (1946-1963)
iii. Jeman sepengudah merdeka (1963-diatu)
 Jeman Rajah Brooke (1841-1941)

Lebuh Rajah Brooke merintah, Jaku Iban lebuh

jeman tu nadai entu nyengala bisi pemansang
sereta nadai entu berubah iga. Lebuh jeman tu
jaku Iban tu nyadi siti jaku diri tauka dikumbai
vernakular.
Jaku Iban diajar ba sekula missionari aja.
Guna Jaku Iban maya jeman perintah Rajah
Brooke ti besai iya nya, Jaku Iban nyadi dilah
perintah
 Maya jeman perintah Rajah Brooke tu, Jaku
Iban bisi ngerembai mimit dalam bidang
perintah enggau pelajar ba sekula.

Taja pan perintah Brooke sigi nadai ngaga

pengawa ngemansangka Jaku Iban, tang Jaku
Iban ulih dikena nyadi medium ba sekula tau
ngasuh Jaku Iban tu mansang ari sukut
fungsyen enggau pengaya leka jaku.
 Jeman Koloni British (1946-1963)

. Rambau perintah Koloni tu, Jaku Iban amat

beguna dikena ngatur pechara ba kort iya nya
ba Kort Bumiputera (Native Court).
Jaku Iban dikena ngatur pechara nitihka Jaku
Iban chukup besai fungsyen iya dalam pengawa
perintah.
Penemu tu disukung Chemaline (2011) ti
madahka Jaku Iban dikena dalam aum Kunsil
Nengeri.
 Ba sekula, Jaku Iban mungkal dikena sechara
formal ba tikas sekula sekondari maya taun 1953.
Lebuh taun 1955, Jaku Iban keterubah iya
dipasukka dalam peresa tikas pom tiga iya nya
Sarawak Junior Certificate (SJC)
Urung taun 1958, siti organisasyen ti dikumbai
kitai Borneo Literature Bureau (BLB) udah
ditumbuhka ba Jalai Batu Lintang, Kuching.
Tanggung pengawa BLB maya nya ngumpul mayuh
naka ulih asil karya dalam Jaku Iban ba sentang
jerita enggau litaricha semua pupu raban bansa.
 Jeman sepengudah merdeka (1963-diatu)

Dalam taun 1964, perintah Sarawak bisi

ngeluarka turai pelajar Jaku Iban ba tikas
sekula sekondari.
Berindik ari nya, kena taun 1996, Akta
Pelajaran 1996 ngemendarka lalu meri
peluang ti chukup beguna ngagai kurikulum
Jaku Iban tau chakah sereta entap agi dipelajar
ba sekula.
 Ubah ba sistem sepil
Semua sepil jaku Iban ti dikena dalam semua
karang kami endang digaga enggau naka ulih
bepelasarka sepil jaku Iban ti baru iya nya sepil
jaku Iban ti dikena ba sekula diatu enggau
ngambi berat senentang prinsip
linguistik (linguistic principles), ngembuan
pengamat / chuan kediri (authenticity),
ngembuan penyedang (simplicity), ngembuan
pengelentur (flexibility) sereta ngembuan
pemudah dikena ti tinggi (practicality).
 Jaku Iban sekalika jaku asal tauka jaku injau
endang ditulis ngena urup Roman.

Ubah dalam sistem sepil ulih dipeda ari proses

manding sepil leka jaku Iban sebedau sistem
sepil diatu digaga dalam taun 2007.

Ubah ba sistem sepil jaku Iban digaga

bepelasarka kaul dilah Iban.
 Semua sepil leka jaku injau ari English ti mai
urup tion ba ujung sepil diubah ngagai
syen ba sepil Iban.
Ambika chunto, television nyadi televisyen,
station nyadi stesyen, communication nyadi
komunikasyen.
Tang enti ba tengah leka jaku, sepil enda
ditukar, ambika chunto; dictionary nyadi
diksionari.
 Urup o dikena ba patah sebut tebuka baikka nya
ba mua tauka belakang patah sebut.
Ambika banding, orang, opis, chunto, kukgo, radio.
Semua munyi o ba patah sebut betutup diberi
sebaka, diubah ngagai munyi u ketegal ti
bepelasarka pemudah dikena tinggi.
Nambahka nya, o enggau u dalam jaku Iban
endang free morphophonemic alternation, ambika
banding, mua, raung, jauh, rasung, nibung.
Taja baka nya, ba jaku injau, urup o tetap dikena
enda milih ari mua, tengah tauka belakang patah
sebut leka jaku.
 Urup vokal berimbai tiga. (aia, aio, iau, uai).
Sepil ti ngena, ambika banding, semaya,
maya, mayas, mayang. Biau, diau, engkiau,
mayuh, buai, tuai, beguai.

Sepil ti salah, ambika banding, semaia, maias,

maia, maioh. Sepil tu bepelasarka prinsip,
ngembuan pemudah dikena ti tinggi.
Penyadi enggau chabar sistem sepil jaku Iban

Diatu sistem sepil jaku Iban deka dipegulaika

nyadi siti sistem sepil ti standard ngambika
ulih diterima bala mayuh.
Siti chabar sistem sepil jaku Iban iya nya jaku
Iban ngembuan pengaya jaku ti kurang,
Berindik ari nya, nembiak ti enda landik
bekena ke sistem sepil jaku Iban deka nyepil
nitihka kaul dilah iya empu.
 Chabar bukai iya nya, sistem sepil jaku Iban
bisi nerima biuh ari jaku bukai baka jaku
Melayu, jaku Inggeris sereta jaku ti bukai.
Lalau ti kurang ari apai indai nyadi siti chabar,
apai indai mayuh enda ngemerankan jaku Iban
kelebih agi ti gawa menyana.
Sida ngemerankan anak sida bejaku Inggeris
ngambika landik tang enda ngelatih anak
ngena jaku pugu raban bansa diri.
 Nyerumba pemansang dunya, jaku Iban mega
bisi kena biuh teknologi moden ti nyadi chabar
ngentapka jaku Iban.
Chara nyebut sida pan nerima biuh nya lalu
sida nyepil sereta nyebut jaku Iban enggau
enda engkeman.
 Simpul penemu
Nyadi ke simpul penemu, sistem sepil jaku Iban tu
bisi tiga iti jeman ti ngubah sepil iya.
Bisi chabar lebuh ngemansangka sistem sepil ari
sukut teknologi, apai indai enggau ti bukai.
Mayuh ubah udah nyadi ba sistem sepil dikena
ngentapka sistem sepil jaku Iban ambika standard
sereta tau dikena pupu raban bansa ti belajarka
jaku Iban.
Kitai mega ulih nginjau jaku ari bansa bukai tang
disebut ngena kaul dilah Iban.
Terima kasih