Pidato Pasambahan Adalah suatu aktivitas pembicaraan yang dilakukan secara tradisional pada acara pertemuan yang dilakukan dalam budaya masyarakat minangkabau. Contoh teks pasambahan Assalamualaikum di awa kato Salam tajelo ka nan rapek Dari ujuang lapeh ka pangka Indak ba inggo jo babateh Bukan ba sibak jo basisiah Dilingkuang sambah kasadonyo Rumah gadang bari bapintu
Nak tarang sampai ka dalam
Halamanyo tumbak ba tumpak Ditakuakan kapalo nan satu Dihunjamkan lutuik nan duo Rila jo maaf nan diminta Taradok kito nan basamo Talatak puntiang di ulu Dibawah kumpalan tali Asa mulo kato daulu Tigo limbago nan tajadi Partamo sambah manyamba
Kaduo baso jo basi
Katigo siriah jo pinang Sambah manyambah dalam adat Tali batali undang-undang Takato di muluik manih Tapakai dibaso bayiak Muluik manih kucindan murah Dalam cupak nan piawai Banamo adat nan sopan santun Lorong ka pado kini nangko Buruang si nurak buruang si nuri Manari-nari ateh pamatang Siriah galak pinang manari
Mancaliak rombongan nan alah datang
Pintak buliah kandak balaku Apolah nan pintak dari kami Siriah salai mintak dicabiak Pinang sabuah mintak digatok Nak sanang tampak dimato Sajuak di dalam kiro-kiro Tanam siriah tanamlah pinang Ambiak siriah gatok lah pinang Guluang lah rokok pamenan tangan Indak di rantang bana nan bak banang Indak di silami bana nan bak lawik Jikok di rantang nyo namuah panjang Elok dipunta nak nyo singkek Singkek sakiro kapaguno Salam jo sambah manyudahi