“Nada”

Nada tau nurun tauka niki tauka tinggi

baruh lebuh kitai bejaku.

Tanda tu diparit getar ba paip nyawa.

Enti penyuah getar nya tinggi, dia nyawa

nyadi tinggi lalu pia mega nyawa nyadi
baruh enti penyuah getar nya baruh.
Dalam jaku Inggeris, bisi dua leka jaku
dikena ngenamaka nada iya nya pitch
enggau tone.

Bisi ga bansa jaku ti ngena nada dikena

ngelai reti jaku ti enda sebaka.

Reti nya bisi tusun munyi segmen ti sebaka

tang laban nada ti dikena ngembuan tusun
ti bemacham bengkah, dia tusun nya tadi
teulihka reti jaku nitihka nada iya.
Jaku tonal kena sengkaum:

Jaku Jaku Jaku

Cina Thai Vietna
m
Ukai jaku tonal:

Jaku Iban

Jaku Melayu

Jaku Astronesia
Tanggung pengawa nada dalam jaku:

Ngelai ayat ti enda sebaka, nunjukka entara

frasa enggau klausa.

Lebuh megai tanggung pengawa tu, entak

sebut kering sepemanjai jaku lalu nyadi
senipak, iya nya ba sebarang endur ti bisi
pemanjai munyi, dia mega bisi entak sebut
kering enggau kontur rentak jaku.
 Nyukat nada 
Chara nyukat nada:

1. Ngena tanda not muzik.

2. Ngena garis ti nunjukka erro tauka leku
ke atas enggau ke baruh.
3. Semina ngena lumur.
Takah peninggi nyawa:

1 – Nada entak ti pemadu baruh.

2 – dikena bejaku baka.
3 & 4 – enti bisi endur pendiau ti baka tu,
dia peninggi nada ulih niki ngagai 3
tauka 4.
 Kontur Nada (Pitch Contour)

Kontur iya nya tusun dua nada ti enda

sebaka takah sebedau sengian.

Kontur nada nyadi sebedau sengian engka ba

sengian segala (ditanda enggau #), sengian
sekejap tauka betakah (ditanda enggau //).
Kontur nada ujung dalam ayat penerang
dalam endur pendiau selama: 21#

Kontur nada ujung dalam ayat tekenyit: 43#

Ba tiap-tiap iti kontur nya senipak marit

entak sebut kering enggau pemanjai
punchak patah sebut.

Tanggung pengawa ti di bai semua leman

nya dalam bejaku diberi nama rentak sebut.
Ba tusun ayat penerang ti nadai ditanda enggau sebarang gaya
asai ati, kontur rentak sebut ba ujung ayat nya 21#.
Chunto :
i. Seduai lalu berandau baru.21#
ii. Iya udah nemu tuai rumah.21#
iii. Indai lalu nuduk ka diri.21#
Enti ayat berita bisi dikena nerangka utai enggau nyemetak agi,
bisi tauka nadai jaku penguat, dia kontur rentak sebut nya 32#
Chunto :
i. Ten’tu bisi penga’wa nya ‘dia.32#
ii. ‘Puas ke ma’lik ‘kia-’kia.32#

Peratika dalam ayat (i) enggau (ii), kontur rentak sebut 32# nya
diparit entak sebut kering ba patah sebut ti ditangkanka iya ti
meri penguat ngagai ayat nya.
Kitai bisi dua bansa ayat Tanya, nya ayat Tanya tebuka enggau
ayat Tanya betutup. Bansa ti keterubah nya begunaka saut ari
bemacham kategori, lalu iya ti kedua nya begunaka saut iya
tauka ukai. Kedua-dua bansa ayat Tanya tu ulih dipeda ari rentak
sebut, baka ti dikerembaika ba baruh tu. Dikena nembuka iya,
saut ke tiap-tiap iti Tanya nya pen bisi ga diberi.
Kontur rentak sebut ayat Tanya bansa tu nya 32#
Chunto :
i. Nama kebuah deh? 32#
Enda nemu, 21# tauka 32#
ii. Ari ni pengangkat nuan tu tadi?32#
Ari pasar dili dia.21# tauka 32#
iii. Kemaya kitai berengkah? 32#
Diatu. 21# tauka 32#
 AYAT VOCATIF
• Dikena ngangauka temuai/diri sebilik sereta nyebut
nama sida

• Ayat tu tau dipunka enggau leka jaku tekenyit oh,o

• Chunto : 1) Uchu ! 34#

2) O 23 // , buat ! 34#

Peratika leka jaku tekenyit ditangkan kontur rentak sebut

//
 KONTUR VOCATIF SEBUT DIKENA
NYELARA FRASA ENGGAU KLAUSA
• Kontur rentak jaku ti dikena nyelara frasa enggau klausa nya
kontur rentak sebut ti diberi tanda // . Laban kontur rentak
jaku tu ukai pengujung ayat, dia takah rentak sebut 23.

• Chunto : 1) Udah nya 23 // iya mai ipar iya ngupa pantu

2) Lagi mih 23 // nuan mansang nemu
3) Nya alai 23 // aku pan berunding deka
nyurutka diri
 NYADI PENYELARA KLAUSA
• Chunto : 1) Manah bendar bungai ajat nuan nya tadi 23//
semina nuan ke enggai lama
2) Aku ke ngumbai kitai serumah kitu malam tu
baka nya ga 23 // ukai ari penemu aku tu 23 //
tang ari penemu indai seduai apai
3) Makai kitai 23 // apai 23 // bai makai anak
temuai

• Dalam chunto (3) di atas nya, bisi dua kontur rentak sebut
penyerara. Kontur rentak jaku keterubah (2), nyelaraka klausa
makai kitai ari vokatif apai, lalu iya kedua nyeraraka vokatif
apai ari klausa ti nangkanka iya, iya nya bai makai anak
temuai.
 Rentak Sebut Tanya Betutup

• Kontur rentak sebut ayat tanya bansa tu iya nya :

i. Enda ingat nuan ?

Enda.
ii. Udah bebela kita ?
Udah.
iii. Iya ke benung ketawa sentai langgai ?
Ukai.

Peratika kontur rentak sebut ba saut ti dipelabaka ulih nyadi dua bengkah
nitihka tusun gaya bejaku.
 Rentak Sebut Ayat Perintah

• Ba kategori ayat perintah ke nyengkaum ayat asuh, ayat pinta enggau ayat tagang. Kontur rentak
senut nya _____. Chunto :

i. Duduk ditu dulu.

ii. Aram mandi nyereta kami.
iii. Anang nuan enggau aku.

– Ayat perintah suah bisi jaku penguat meh. Enti dalam ayat nya bisi leka
jaku ti endang nunjukka perintah baka aram (minta) tauka anang
(tagang), dia endur meh nangkanka leka jaku nya.
• Enti ayat nya nadai mai leka jaku ti endang nunjukka baka nya,
baka dalam ayat asuh enggau pengelalu, dia endur mih
nangkanka jaku pengawa .

• Enti bisi mih, dia ayat perintah ari sebarang bansa ngembuan
dua kontur rentak sebut : iya ti terubah dalam ayat nangkanka
mih, lalu iya ti kedua ba ujung ayat. Kontur rentak sebut ti
keterubah nya 23//, lalu iya ti kedua nya 32#. Chunto :

I. Duduk mih 23// ditu dulu. 32#

II. Aram mih 23// mandi nyereta kami. 32#

III. Anang mih 23// nuan enggau aku. 32#

Dalam tulis, // diganti enggau koma, lalu # diganti enggau titik.

 Rentak Sebut Ayat Tekenyit
• Jaku Iban baka jaku bansa bukai mega, ngembuan ayat tekenyit.
Chunto leka jaku tekenyit nya apu, akai, akairai, oh, ah, bah, alau, chis,
cheh. Ayat tekenyit nyengkaum ayat selama ti dipunka enggau leka jaku
tekenyit, enggau ayat vokatif. Kontur rentak sebut nya 43#.

Ayat selama nyadi ayat tekenyit

Ayat tekenyit bansa tu ulih ngambi mih enggau dih. Chunto :

1) Amat bajik 23// indu dara siku tu ! 43#

2) Enda patut 23// nuan enda ingat ! 43#

3) Nama 23// pemula ! 43#

4) Enggai 23// aku diberap nuan dih ! 43#

5) Mati 23// diatu mih. 43#

• Peratika ayat di atas nya bisi dua macham
kontur rentak sebut.
• Ayat ti baka nya ulih dipunka leka jaku tekenyit ti
patut. Chunto :
6) Eh 23// nadai guna betanya-Tanya! 43#
7) Apu 23// amat ga! 43#
Dalam chunto (6) enggau (7), bisi dua bansa kontur rentak sebut ti
nangkanka leka jaku tekenyit 23//, enggau ba ujung ayat nyya 43#.
TERIMA KASIH