Anda di halaman 1dari 19

PELASAR LITARICHA

IBAN
2. PELASAR LITARICHA IBAN

1. Litaricha Iban – bansa, tukuh, korpus, penteba, fungsyen


2. Elemen Litaricha Iban – plot, baga, tema, latar, gaya jaku,
sukut peninjau
3. Genre Litaricha Iban - kategori
4. Pengerembai Karang Litaricha dalam pengidup raban bansa
Iban – sanggah dilah, tulis
Definisyen Litaricha
• Leka jaku litaricha datai ari jaku English ti dikumbai literature
• nyengkaum semua bansa karang ti diasilkan mensia
• A body of written works related by subject-matter (Chris Baldick, 1981
: 124). Reti nya, semua bansa karang ulih dikumbai litaricha. 
• Kamus Inggeris-Melayu Dewan (2002: 885)
• writings of a particular subject or creative writings.
• Creative writings reti nya sebarang karang kreatif pasal sesebengkah pekara
sekalika karang dalam novel, cherpan, drama, leka main enggau karang ti
bukai.
Definisyen Litaricha
• dikalihka ngagai leka jaku kesusasteraan ba jaku Melayu.
• jaku tumbuh ari leka jaku sastera ti datai ari jaku Sanskrit ti disebut
castra, reti nya bup.
• Nya alai reti sastera nya bup ti dikarang orang.
• Reti nya semua kereban ti diasilka ari karang sastera – nya ti
dikumbai kesusasteraan (Hashim Awang, 1985).
Definisyen Litaricha
• kitai Iban nginjau jaku English ti dikumbai literature.
• Chemaline Osup, 2011 – litaricha Iban iya nya semua asil seni ti
dikenataika tauka ditulis ngena jaku Iban lalu ukai ngena jaku bukai.
• Litaricha Iban nyereminka pengidup, pikir enggau runding, waris daya
idup enggau timpai dunya orang Iban.
• Litaricha mega ulih nyadika siti dokumen pasal daya idup Iban laban
iya ngayanka pemaik, penemu enggau pengelikun genturung pendiau
orang Iban di menua tu.
Definisyen Litaricha

• Ari gempung karang litaricha, raban bansa bukai ulih tepedaka ulah,
pendiau, runding, daya idup, penyerakup, sosio-ekonomi, pemansang
sekula enggau gaya pengidup kitai Iban di rumah panjai.
• Teori Milton Albrecht ti ngumbai litaricha nya cheremin daya idup
mensia laban litaricha mancharka pengidup mensia ari asil karang iya,
endang betul
Bansa Litaricha Iban
• Litaricha Sanggah Dilah / Oral
• Litaricha Tradisional
• Litaricha Moden
Konsep Litaricha Sanggah Dilah
• Sebedau litaricha betulis
• litaricha ti ditengkebang lalu ditusi orang siku ngagai
orang bukai lalu orang ti nusi cherita ngagai orang
bukai di menua bukai tauka ba sebarang alai enggau
ba sebarang maya(Chemeline Osup, 2011).
Konsep Litaricha Sanggah Dilah
• nadai orang ke ngarang.
• orang bukai di menua bukai deka nusi cherita nya
• tau nambahka ngurangka jalai cherita nya nitihka peneka ati sida.
• bepanggai ba pengelandik siku – siku orang nya betusika cherita nya.
• beguna bendar ke daya pengingat orang ke becherita dikena iya
nyadung litaricha nya ari siti generasyen ngagai siti generasyen.
• litaricha kitai Iban ke pengabis tuai sebedau semua litaricha ke ditusi
nya dichelak tauka ditulis ba dalam bup
Konsep Litaricha Tradisional
• mega disebut litaricha klasik enggau lama.
• litaricha lama nya mai reti having existed for a long time 
• Iya nya udah tuai. Nya alai litaricha lama nya mih litaricha ti udah tuai
tang utai ti lama ngembuan sifat ti sentara laban pekara ti baru tau
datai lalu udah nya iya tau nyadi lama laban ke baru bisi datai baru.
Pia mega utai ke lama mudah amat enda dikingatka kitai lebuh bisi
utai baru nganti iya datai.
Konsep Litaricha Tradisional
• Litaricha klasik nya gaya tauka standard ti enda berubah.
• iya bisi nilai kediri empu ti enda berubah tajapan timpuh enggau
jeman berubah.
• Ba reti leka jaku ke bukai mega litaricha klasik enggau litaricha lama tu
nyau deka sebaka laban ti ngembuan sifat, tradisi enggau penteba
lama sechara turun – temurun lalu enda berubah reti iya.
• Pandak jaku, litaricha klasik enggau litaricha lama nya meh dikumbai
litaricha tradisional
Konsep Litaricha Moden
• modenisme lebih ngemeratka pola tauka paten ti dikembuan litaricha
nya.
• Reti nya, litaricha nya “bebas” ari kovensyen tauka leman (nyengkaum
sikap) ti sama.
• leka main ke ngayanka konvensyen nya chara pengarang bepikir
enggau runding ti baru ti dibantaika sida dalam litaricha nya.
• Pia mega penteba enggau tukuh leka main dipeda gaya penteba tukuh
litaricha nya empu.
Konsep Litaricha Moden
• Ambika chunto iya baka dindang kitai bansa Iban udah dipeda jauh nyimpang
sereta nyelai ari bansa leka main ti bukai ketegal iya ditengkebang empat baris
• chunto ba bup Janang Ensiring lebuh iya ngarang dindang Ngelar Menua Sarawak.
• Janang Ensiring udah ngarang leka main Dunya tu Panggau Pengelulu ba taun 2010.
• karya kitai Iban udah ngembuan sifat ti baru, iya nya bepelasarka gaya pengidup ti
bendar, situasyen ti amat. Konteks ti nyemetak tauka peristiwa ke bendar enggau
mensia ti bendar lebuh cherita nya ditulis tauka dikarang.
• Pia mega latar enggau timpuh iya mega agi ba dunya nyata.
• Pengarang ba litaricha tu mega nyau bekenangka pasal patriotisme, propaganda,
politik pengawa nipu enggau makai suap sereta pengawa ke bukai agi.
Penteba Litaricha Tradisional
• dikerembaika ngena chara lisan
• tau ditambah tauka dikurangka isi enggau jalai cherita.
• nadai benama pengarang.
Penteba Litaricha Tradisional
Litaricha klasik
• gaya tauka standard ti enda berubah.
• enda berubah taja pan tipuh enggau jeman berubah
• dikerimbaika ngena chara lisan menya enda ulih diubah kitai diatu,
• litaricha ti nadai benama menya enda ulih diubah kitai diatu
• penteba ti endang enggi litaricha lama pan enda ulih diubah kitai
diatu.
• Berindik ari nya,sastera klasik ngembuan sifat,tradisi, enggau penteba
lama sechara turun-temurun lalu enda berubah.
Penteba Litaricha Tradisional
• Litaricha tradisional bisi ngembuan tema,penyedang gaya,penemban, enggau
struktur ti tentu.
• Karya litaricha tradisional endang aris tradisi enggau daya idup Iban,berengkah ari
asal penatai utai,jerita jelu,jerita antu,mitos,lagenda enggau jerita ngasuh ketawa.
• Sekeda litaricha tu dianggap kudus laban dikena ngagauka Petara kitai dalam  ritual ti
dipejalaika lebuh maya gawai baka leka main kategori invokasyen.
• Litaricha tradisional bisi ngembuan leka main pemerindang, leka main adat basa
enggau leka main invokasyen.
• Leka main pemerindang endang iya meruan dikesuh ngelama tu lebuh maya deka
beperindang enggau pangan diri
• leka main adat basa mayuh dikena lebuh nyambut tauka nempara temuai ti datai
ngagai rumah panjai maya bisi pengerami tauka gawai.
• Leka main invokasyen kena ngangauka Petara lebuh bisi pengawa ritual.
Penteba Litaricha Moden
• litaricha nya “bebas” ari konvensyen tauka leman ti lama.
• nyengala nyelai sereta limpang ari konvensyen (gaya) karang ti lama.
• bepelasarka gaya pengidup ti bendar,tempat ti bendar,situasyen ti bendar,kontek ti
bendar,peristiwa ti bendar enggau mensia ti bendar lebuh cherita nya ditulis.
• Latar timpuh enggau tempat endang ba dunya nyata.
• begunaka kreativiti pengarang enggau peneleba sida pasal pekara enggau peristiwa ti didinga
enggau dipeda sida.
• endang bisi mesej ti enda nyengala ti deka dikenataika ngena chara kelaung,neresa gaya
sindir,alegori,sempama,symbol enggau ti bukai.
• Litaricha moden tu besifat didaktif, iya nya maya ngenataika  lalau pendiau enggau ajar dikena
ngemenyanaka mensia.
• Novel,cherpan,drama enggau leka main bela ngundan ukur pendiau ti ulih diambi ke teladan
enggau ke tenggau kitai ba dunya tu.
Fungsyen Litaricha
• Nyerakupka bansa
• ngemeratka pengelantang enggau pengelikun raban bansa, nadai ngemediska
ati orang sereta nadai bejai sapa – sapa maya orang bukai ke macha litaricha
kitai Iban
• pemerindang dikena ngelantangka ati tang ukai dikena ngemuaska ati
diri aja
Fungsyen Litaricha
• dikena ngedang pengidup kitai awak ke bisi kualiti tauka pemanah lalu
tak enda idup ngapa baka selama.
• nyadi teladan, chuan, malin, peduman, pesan, mesej, ajar, lalau enggau jaku
tangkan bala pengarang ngagai bala mayuh sereta pemacha ngambi sida iya
belajar ari peneleba enggau pemaik dalam litaricha lalu nyadi mensia ti
menyana
• nyadika pengelala tauka identiti kitai bansa Iban
• ngayanka penulin bansa kitai.
• ngenataika lalau pendiau enggau ajar dikena ngemenyanaka mensia

Anda mungkin juga menyukai