SELAMAT DATANG

DI IBADAH MINGGU

GKPS TEBING TINGGI

30 OKTOBER 2022
 IBADAH AKAN SEGERA DIMULAI
HANDPHONE HARAP
DINONAKTIFKAN/SILENT
JEMAAT WAJIB MEMAKAI MASKER
DI DALAM GEDUNG GEREJA
Praelidium
1. Votum – Introitus –
Tonggo
P : Ibagas Goran ni Naibata Bapa, pakon
Tuhan Jesus Kristus, ampa Tonduy
Napansing, Sitompa langit pakon tanoh
on. Amen.
Haleluya, Haleluya, Haleluya.
K : (Mandodingkon) Haleluya, Haleluya,
Haleluya.

P : Martonggo ma hita.
 2. Mandoding Haleluya
No. 202 : 1 - 3
Ungkab Labah na Majenges
202 : 1
Ungkab labah na majenges
rumah ni Naibatangkin
Ai hujin do au maringgas bani
ari Minggu in

Hupindahi do ijin bohi ni

Naibatangkin
202: 2
Domma roh au, Ham
Tuhanku, roh ma use Ham
hujon. Ai i rumah ianan-Mu
hamegahon do tongtong
Masuk Ham bai uhurhon,
rumah-Mu ma in tongtong.
202: 3
Sai hormat ma parlahouhu
dompak bohi-Mu ijin.
Suruh Ham ma bai uhurhu,
Tonduy-Mu Na pansing in

Ase sai tongtong torsa

tonggo ‘pa dodingku da.
 3. Hasasapan ni Dousa
P : Riap ma Hita jongjong!

Martonggo ma hita, sopotkon hita

ma dousanta hubani Tuhan

Naibata...

Tangar hita ma hatani Naibata …

K : Amen
4. Mandoding Haleluya
No. 234: 1 - 2
Tandai Ham ma Au
234: 1
Tandai Ham ma au, pareksa
Ham pakon uhurhu!

Uji Ham au, papangkei Ham

pakon dalanku!
Itandai Ham do au on, O
Tuhan.
234: 2
Holong atei-Mu , mangidah
ganup parlahouhu,

Ai ma tongon, hotop do sai

kahou langkahku.
Sai sasap Ham dousangkin ,
O Tuhan.
5. Manaksihon Haporsayaon
P : Riap ma hita jongjong!

Saksihon hita ma
haporsayaonta in songon na
sinaksihon ni haganup halak
na porsaya bani sab tanoh on!
P+K:

Ahu porsaya bani Naibata

Bapa, Pargogoh na so
tarimbang, na manompa
langit pakon tanoh on.
Ahu porsaya bani Jesus
Kristus, Anak ni Naibata na
sasada in, in do Tuhanta,
natinubuhkon ni si Maria
sanggah nape haliaban,
marhitei Tonduy Napansing.
Na manaron na parngit,
bani panorang ni si
Pontius Latus,
iparsilangkon, matei
anjaha itanom, turun hu
nagori toruh.
Mulak manggoluh humbani
na matei bani ari patoluhon.
Naik hu Surga anjaha hundul
i siamun ni Naibata Bapa,
Pargogoh na so tarimbang
in.
Hunjai ma Ia mulak magira
laho manguhumi halak na
manggoluh pakon na dob
matei.
Ahu porsaya bani Tonduy
Napansing, bani Kuria
parsadaan na mapansing
in.
Parsaoran ni sagala na
mapansing in, bani hasasapan
ni dousa, bani parpuhoon ni
angkula, pakon bani
hagoluhan na sadokah ni
dokahni. Amen.

( hundul Kuria )
6. Mandoding Haleluya
No.307: 1 - 2
Bani na Martonggo Ahu
307 : 1
Bani na martonggo ahu hu
Bamu o Tuhankin.
Ajar Ham ma au manjalo
ganup na binere-Mu.
Mangakuhon songon Jesus
bani sitaronon-Nin.
Seng rosuhku pasaudonku
pitah rosuhmu Tuhan.
307 : 2
Atap aha husurahon na dear
bai goluhkon.
Bahen Ham au pambalosi
bani ganup rosuh-Mu.
Mangauhon ‘pa porsaya ‘ge
galek pe uhurhon.
Seng rosuhku pasaudonku
pitah rosuhmu Tuhan.
7. Tingting Kuria
8. Tonggo Pangapition
 9. Mandoding Haleluya
No. 112: 1, 3 & 4
Sai Bujur ma Ho Mangimbang
112: 1
Sai bujur ma ho
mangimbang hajahatonmin
ganup
Taram sogop uhur holong ni
Tuhanta in bamu.
112: 3
Imbang, ase tong maringgas
pabulatkon uhurmin.
Bai Tuhanta Jesus Kristus;
Sai tundalhon dousa in.
112: 4
Sai gomosi partonggoan bai
Tuhanta Jesus in.
Ulang ho marparsaranan
bornin ‘ge arian in.
 9. Ambilan:

Jesaya 1: 16 - 20

Parambilan :
Pdt Rudiaman Saragih
1: 16
Maridi ma hanima, manguras
ma hanima! Padaoh hanima
ma hajahatonnima hun lobei
ni matang-Ku; parontihon
hanima mangkorjahon na
masambor!
1: 17
Parlajari mambahen na
madear, pindahi habonaron,
urupi halak na hona tokoh,
ondingi halak na tading
maetek, apiti naboru na
mabalu!
1: 18
Roh ma hanima, ase marturiak
hita, nini Jahowa. Age pe gerger
dousanima songon bunga ni
dapdap lopak do bahenon-Ku ai
songon salju, age pe gerger songon
hiou hasumba, putih do bahenon-
Ku ai songon kapas.
1: 19
Anggo ra hanima anjaha
pambalosi hanima, hinadear
ni tanoh in ma
panganonnima.
1: 20
Tapi anggo mangengkar
hanima anjaha manlawan,
podang ma mangankon
hanima, sonai do ihatahon
pamangan ni Jahowa.”
10. Patumpu Galangan
P : Paima iondoskon hita
galanganta, tangar hita ma
lobei hata ni Naibata na gabe
onjolan banta laho
manggalang, aima na tarsurat
bani, … Sonari ondoskon hita
ma galanganta!
11. Tonggo Galangan - Tonggo
Panutup – Pasu-pasu
P:

Riap ma hita jongjong !

Martonggo ma hita
mangondoskon galanganta
hubani Naibata.
K : Mandoding Haleluya No. 340: 1

Huondoskon bani Jesus

haganupan diringkon.

Ia do pasangaponku sadokah bai

goluhkon.

Huondoskon ma, huondoskon ma,

bani Jesus sipaluah, huondoskon
ma
P:

Ham Bapanami na i nagori

atas. Sai na papansing ma
goran-Mu ! Sai roh ma
harajaon- Mu.....
K : (Mandodingkon)

Ai Ham do simada harajaon,

pakon hagogohon
ampa hasangapon sadokah
ni dokahni. Amen
P:
Jalo ham (hita) ma pasu-pasu
humbani Tuhan Naibata:

Ipasu-pasu anjaha iparorot

Tuhan Naibatama hita.
Isondangkon Tuhan Naibata...
K:
( Mandodingkon )
Amen... Amen... Amen
 Selamat Hari Minggu
Hubanta Haganup
Kuria GKPS
Tebing Tinggi
Tuhan Ma Namasu-masu