127.

Mun priya bilin pengpang

Antap tinggang belolo panju dui
Peleng pao jari telu
Gajah bejalu selaka
Mula pasti sedeng taoku ngelalu
Lamun sida bilin karang
Sasat ilang tusebumi

128.
Lopan tao sida mirah
Piaq gambar unggahang awak Gusti
Eno keranangku ngelalu
Nunggang kapal belayar
Mula sida pina ate susah samun
Sida bae julun mua
Mungku tindo jari impi

129.
Duh Mas Mirah penembahan
Mun nde sida owat kaji Gusti
Burung mate payu bingung
Lantaran isi sida
Le sida dodo atengku ngelalu
Sida bae gama Mirah
Jari kembang ateng kaji
130.
Jelo malem nde bu telang
Mapan sida pia gambar liwat lewih
Moga gelis te batemu

Isi sida Mas Mirah

Nengka ngumbe akal kaji gen batemu
Bedait tangket Mas Dewa
Mogan ara sika Widi