Wawancara dilakukan bersama pasien dan istri pasien pada tanggal 5 November 2018 di rumah

pasien pukul 18.30 WITA.

Keterangan:

N: Nurul

I: Istri

P: Pasien

N: selamat malam bapak ibu, maaf so mengganggu ini malam-malam kasiang (sambil jabat
tangan)

P&I: mari maso dokter, nyanda kasiang dok, jangan taru kira ini

N: iyo om, ibu.

P: baele boleh dapa ini rumah dok

N: iyo om, baele ada tamang orang sini, jadi ya ada tertolong kasiang hehe

I: mari duduk dulu dokter, nda dapa sadia apa-apa ini dokter

N: ndak apa-apa om, ibu. Bapak bagimana dang apa, kondisi ini hehe so berapa lama kote
minum obat? Dari yang ada datang, satu minggu kang? Iyo minggu lalu kote

I: sebenarnyakan tu hari jumat mo bale ulang tapi ..

P: ada kendala, depe anak basudara jo deng kita

N: yang daba antar lalu toh?

P: iyo mar ya so tau toh kalu kita le cuma, kita le daberusaha tadi mar ya

N: itu obat kote ada dapa for berapa lama?

P: baru satu minggu

N: oh baru satu minggu, karna baru sto kang, jadi dokter kase satu minggu dulu, supaya mo
datang ba kontrol ulang dokter mo lia

P: tapi ya, kendala lagi ya

N: jao kwa kang?

P: bukang masalah jao dang, kalo ada lagi modal dang ya

N: ooohhh iyo

P: deng nimbole sandiri

I: bulum talalu tau tampa le toh

N: kong bagimana dang tu obat da minum? Boleh jo?

P: ada perubahan

N: ada perubahan? Ada perubahan bagimana? So lebe enak?

P: ya artinya ada minum tu obat itu so tidor sedap. Biasa sebelum kita minum obat itu kita tako
skali kalo mo tidor siang, karna kita tako dang malam nda mo tasono

N: ooh ada berapa macam obat kang bapak?

P: Satu

N: satu? Jadi bapak torang datang for mo ba control pa bapak, supaya torang boleh bilang ato
lapor pa torang pe dokter yang so spesialis

P: ndak apa-apa toh kita nyanda pigi, artinya dang ada suruh pigi hari jumat, tapi tetap kita mo
pigi dang, satu dua hari ini kita tetap mo pigi

N: obat so abis le toh paling

P: supaya dang kita mo tanya dang bagimana tape saki ini. Tape perasaan so biasa

N: oh so biasa dang ini?

P: Cuma kita lebe jelas dang kwa mungkin kalo kita pigi dang

N: iyo noh katu, tetap katu musti apa toh

P: supaya total kwa, kita tako skali mo bale

I: mo kambuh ulang depe saki dang

N: iya

P: kita kalo agak aktif rupa bakerja kita biasa, Cuma yang kita tako dang, perasaan jadi ya aneh-
aneh

I: malam nda jaga tatidor

P: kita malam nda jatatidor

I: malam, mar kalo so minum obat, so tatidor noh. Karna ada dapa obat satu minggu punya, jadi
tatidor bagus noh

N: apa tu obat pe nama? Tu obat abis hari apa kang?

P: hari kamis (sambil mencari obat)

N: berarti so empat hari nda minum obat dang?

P: hari jumat, sabtu, minggu, senin, empat hari deng skarang.

N: kong empat hari nda minum tu obat rasa bagimana? Biasa?

P: biasa noh.

N: boleh mo tidor dang?

P: boleh noh, mar tetap kita biar mo berusaha mo pigi. Tapi dokter, boleh batanya toh? Dokter
nda mo marah?

N: nyanda, bilang noh katu

P: kita ja inga, jang kage dokter marah akang toh, torang musti iko depe aturan

N: mar katu kalo ada kendala tetap sampaikan noh, kan bukan karna bapak pe mau nda mo pigi

P: kita kasiang suka skali mo pigi Cuma itu noh katu.

N: iyo noh katu, apalagi so tacocok deng tu obat toh. Cuma ini kang? Cuma satu macam ini
kang? (sambil menunjuk obat)

P: tape anak basudara le kan, daba obat le disana

N: duluan dang itu anak basudara?

P: iyo, tapi dia so lama. So lama dia da kanal. Kita kwa ya berkisaran ya, 1 minggu

I: 1 bulan

P: eh 1 bulan lebihlah, sebelum kasana, barekeng so bajalang dua minggu toh

N: bapak, torang berkenalan dulu jo sto kang hehe so tanya-tanya mar belum kenalan. Ini siapa?
Anak?

P: iya anak

N: ada berapa? 3? Bapak pe nama lengkap dang?

P: Yevta Masengi
N: ibu dang?

I: Jenlitha Tumuwe

N: umur brapa dang bapak?

P: kita? Kita so 50

N: tanggal lahir?

P: tanggal 4 bulan 4

N: oh 4 april? Tahun?

P: 1968

N: lahir di Tondano?

P: iya Tondano

N: bapak maaf, bapak pe pendidikan terakhir apa?

P: SMA

N: SMA? SMA 1 sini jo? Yang dekat sini? Hehe

P: hehe iyo dekat sini jo

N: bapak pe pekerjaan sehari-hari apa dang?

P: Cuma istilah skarang kwa petani, mar torang kwa penggarap, batoki batu

N: kong tiap hari itu?

P: iyo, Cuma itu tu pekerjaan

N: maksudnya selalu-selalu ada toh. Ibu dang?

I: ibu rumah tangga

N: dirumah katu jaga anak-anak masih kecil kang. Ada yang so skolah ni adek-adek?

I: ada, kelas 1 SD.

N: oh yang tua itu? Yang tua yang laki-laki kang?

P: sebenarnya katu dia so kelas 3 mar ja taberenti. Tadi kita kan ba bel daba tanya kalo boleh
brapa jam dang tumo tanya-tanya, boleh sekitaran 2-3 jam. Jadi kita pikir oh boleh jo kalo ba
malam. Kalo siang kita pikir bukang mo bilang katu nimau dang toh mo layani, paling kita
tapikir somo taganggu tu daba kerja. Ndak apa-apa toh kalo ba malam?

N: ndak apa-apa bapak, torang juga nimau mengganggu bapak pe kerja.

P: yang penting torang pe kebaikan kang

N: tu bagini katu torang memang musti kunjungan rumah, mo tanya bagimana tu obat

P: kita so pikir itu dari pertama karna apa? Ada kalanya Cuma peralat, mar nyanda katu memang
for kita pe bae

N: iyo soalnya ini obat dang nda sambarang kase orang toh

P: kita ada minum itu obat

N: oh ada obat laeng?

I: obat dari puskes, kebetulan ada dokter umum, jadi dia kase itu obat itu, dia bilang coba dulu
minum tu obat itu kalo ada perubahan, bale ulang, tapi minum jo Cuma babagitu

N: sebelum pigi ka manado dang ini obat?

I: iyo, itu noh di puskesmas koya, da kase. Di puskesmas koya le kwa banyak dokter praktek.

P: so ciri (sambil mencari obat yang dari puskesmas)

N: bapak masih inga tu obat pe nama?

P: obat itu dokter yang bilang, yang ada kase pa kita, dokter sapa itu, dia bilang bagini aduh
ngana jangan sambarang minum obat ini karna apa, ini termasuk narkoba

N: apa itu obat pe nama dang? Alprazolam bukang?

P: hm?

N: alprazolam? Trihexyphenidil?

P: itu sto, memang kalo mo karna kita apa dang so dapa bagitu toh, tapi kita Cuma minum dua
biji, tapi minum stenga-stenga

N: warna putih ato merah muda?

I: ada sini sto tu obat itu e

N: mar nda ada perubahan e minum obat itu

P: oh ada kita ada perubahan minggu pertama dengan kita minum dari sampe klar itu obat dua
hari kemudian timbul, muncul ulang tu perasaan.

N: kong bapak mo tanya jo dang ini pertama kali bapak rasa sampe bapak datang berobat dang,
bapak rasa apa?

P: yah kita dang kase cerita waktu ya memang kita ada taminum, bamabo, kong pas maitua da
pulang kampung Likupang. Kita jam 10 siang taso tabangun, kong tape pikiran tapusat pa anak
laki-laki sana noh, adoh nda skolah tu anak lagi. Ta langsung dang, memang jadi laeng tape
perasaan tapi ini dang so bagini (menunjuk jantung), pikir e tapi kamar mandi tapi cuci muka,
tapi lebe bagini dang tape jantong (menunjuk jantung). Tafalo aer, tasiram tiga kali di kapala,
tasondor balap, pake kaos kong bajalang ka bawah, cari ojek

I: so sama deng orang bingo-bingo noh

P: so nda tre tenang pikiran. Ta langsung pigi kita

N: pigi kamana?

P: likupang, pi ambe tu anak

N: oh berarti bapak sisa sandiri dang dirumah waktu itu?

I: iyo karna kita da pulang bawa 3 adek adek toh

P: trus depe hari selasa kita kerja, nah pagi-pagi kita kase mandi dia pigi skolah, pi kerja kita,
tapi kita biasa

N: tunggu, waktu kejadian pertama kapan dang?

P: tanggal kalo nda salah hari rabu situ kwa tanggal 26 25 24

N: 24 oktober? Bapak da datang kan tanggal 26 toh?

P: agustus itu kalo nda salah

N: oh pertama kali rasa dang, agustus tanggal 24. Kong pi ambe tu adek depe besok tanggal 25
berarti

P: kong ta kerja dang, di samping takerja dang, tapi ini dang nda baa pa jantung, tapi kita so bage
di apa kepala

N: saki? Pusing? Pikiran dang?

P: nyanda saki, pikiran dang, so lebe tako dang, bagimana kita ini terutama kita pikiran, ya mo
malo-malo le bacirita le kwa kita so iyo toh, kasiang kita pe anak-anak masih kecil, kita so
bagimana kita ini, pulang makang kita so bilang pa dia, kalo ngana mo makang, ngana mo
pulang skolah, papa mo tunggu, jam 11 pulang skolah toh, taso tunggu dia, tabilang makang dulu
baru kabawah pi bermain, kita kan pe rumah sebenarnya dibawah mar taso pindah rumah kamari,
dia so brenti bermain taso pesan jam 5 ngana so musti ka atas, papa somo pulang kerja jam 5.
Kita kalo so pulang kerja dang sudah so mulai, so lebe bagini kita (menunjuk jantung) so tako
skali kita

I: ja datang-datang

P: hari selasa itu dang, serta depe besok lagi bagitu, so lebe tako kita, tape anak basudara di
bawah jam-jam Sembilan tanya solusi dang bagimana dang, taso minta minta di atas dang
kasiang dang, berdoa, akhirnya ada dang perubahan sadiki, pulang kamari sampe dirumah dari
paa tape anak basudara dang sudah dia so apa dang, so kambuh dang, so lebe tako kita, lari ka
rumah saki. Dokter lagi noh, dokter muda, dia katu pesan pa kita kalo ngana bae, ngan ka
manado ba konsultasi, 1 minggu kemudian dapa lagi, taso minum obat itu dang kira-kira 4 hari
kita da minum abis

N: obat yang so nda dapa depe pembungkus kang?

P: biasa dang, serta hari senin taso apa dang, taso hafal tu hari mo apa, perasaan laeng lagi kita
ini. Butul dia bale, dua hari dia bale, rumah saki lagi, katiga lagi dia dapa kira-kira tu hari kita
dapa hari kamis pagi, so lebe kecewa nintau mo bagimana, kita babel pa tape ade dirumah saki,
tamo kasana bapriksa, depe jawaban apa nda usah mo kamari karna apa bulum tu doi frak bagini
jo, ngana pigi ka rumah saki tondano dari dokter praktek eeh ada mo praktek di rumah saki sini,
terpaksa kita pigi, dokter babatanya sampe dia priksa, ngana ada perasaan saki di dalam badan,
nda ada, dokter riki bingo

I: mo kase obat apa kata pa ngana

P: mo kase obat apa pa ngana ini, bagitu toh. Ngana ini, bagimana e, kita coba kase obat ini e,
tapi obat itu jo yang kita da maso yang pertama deng kadua itu jo, tapi Cuma dua hari mo
minum. Hmm turus turus, kita bale lagi dua hari lagi, suruh pi ambe pa tape anak basudara, pi
ambe obat, dia kan dari sana toh ada obat dari sana, dari kita so nimau pigi, kendala ini, tiap kali
kita maso..

N: di poli ini?

P: hm?

N: poliklinik rumah saki tondano toh? BPJS nda?

I: waktu itu BPJS bulum kaluar toh jadi sementara ja urus

P: kita pigi toh, kita da minta obat pa apa, kita pikir-pikir pi rumah saki nda ada doi, minta obat
jo pa tape anak basudara, dikase kita satu ta minum stenga, bale biasa dang, dia pe berikut bale
lagi dua hari, so lebe tako.
I: ja minum obat tapi nda ada perubahan, di rumah saki sini

P: pas dia kan so genap 1 bulan tanggal sebenarnyakan dia pigi kasana tanggal 25, talia depe
catatatan di apa

N: pa anak basudara kang pe jadwal kontrol

P: nah control, eh tanggal 25, dia bilang nanti jo besok tanggal 26. Kita sebenarnya pulang dari
itu, dari rumah saki sana, sore-sore lagi kita da kenal, tapi Cuma paling lama 5 menit

N: waktu biasa dang ja dapa brpa lama? Sepanjang hari?

P: waktu pertama da dapa 4 hari noh

N: jadi memang trus trus? Sepanjang hari? Memang bagitu trus

P: kalo tu siang, kalo kita ta duduk sandiri dang, torang kan jaba toki kan banyak orang, kalo kita
so lalah, sudah somo muncul dia. Jadi biar kita so lalah, kita somo ambe martelu kong plang-
plang, sudah ilang. Tapi kita tetap kita mangada dang, bacerita, lawan tu karja. Cuma kita paling
tako kalo tu jam so di atas jam 4

N: jam 4 sore?

I: jam 4 sore somo bajadi dia

N: kalo so klar bakarja itu kang?

P: nanti dia mo berenti sekitaran jam-jam 4 amper siang

N: jadi memang susah tidor le kang?

P: pas jam jam 4 kasana, sudah somo datang tu apa dang, rasa tidor, rasa manganto, mar kita inga
karja, kalo kita nda karja mo makang apa torang ini.

N: jadi sebenarnya sepanjang hari kang? Cuma ja teralihkan deng bakerja kang, bapak ja alihkan

P: kita kwa pertama dapa kita itu kita kan pernah jatung di apa itu bapete cingke

N: kapan itu?

I: ih so lama itu

P: so lama

N: boleh brapa taong?

P: sekitaran 10 taong, Cuma dang laengkali kalo so minum aer banyak dia somo ilang. Jadi kalo
dia datang waktu tu pertama kalo dia saki, kita somo bagerak dang, supaya dia saki di sini
(menunjuk pinggang) ilang tu tape ingatan itu, taba apa dang, kita langsung ilag depe rasa tako.
Makanya kita it utu kira kira 2 minggu ka 3 minggu sampe akhir sebelum kita kasana stenga mati
kita mo tidor

I: iyo, riki jadi kurus tu bapak, tiap malam nyanda tatidor

N: kalo so tasono, ja tabangun?

P: memang nda tasono, perasaan tako ada terus, jadi sama deng tape anak basudara

I: nanti minum obat tu dari manado, baru tatidor. Tapi kalo dari rumah saki sini, nda tatidor dia
kalo minum obat

N: tako rupa ba khawatir bagitu? Nda dapa control?

I: iyo, itu tu tada bilang pa bapak, kalo datang tu saki jaga lawan, laeng kali tu bapak kalo datang
depe saki, tu depe kapala dia mo kase toki di beton, jadi kita bilang jangan

P: pernah kita dang memang kita so doh bagimana ini kita dang sandar sini (menunjuk beton)
kong ta ojo tu kapala dang, takira dia mo ilang, malah dang adoh, bukang main ni kita da rasa
dang

N: siksa

P: siksa dang, ni perasaan. Baru kemarin kita ka bawah so selama 2 bulan kita turung ka bawah
so ba nae sadiki ini badan, kita brenti minum

I: bapak kwa kan jaba konsumsi alkohol, jadi iyo

N: oh memang so lama jaba minum?

I: memang so lama, dari bapak bulum kaweng, masih nyong-nyong

P: sadar sandiri

I: kemungkinan itu pengaruh disitu

N: boleh, bisa jadi

P: artinya bukang daba apa dang, kalo mo taminum situ kurang mo ba pancing sadiki kalo mo
makang, kalo mo ta minum le kalo nda so nda. Tapi kita tetap mo usahakan mo brenti

N: brenti noh, iyo

P: kita pas ta brenti pas kerja kita sedap dang, biar kita da saki itu, kita da brenti kerja sedap

N: kerja sedap e biar nda minum kang. Ja rasa tegang nda tu otot? Nda e?
P: oh kita tu waktu da dapa itu, tangan ini memang nimbole se bagerak, kalo so bagini, so kram

N: bapak rasa bapak rupa jadi cepat rasa lelah?

P: iyo, karna pikiran toh so nda seimbang deng apa katu

N: iyo, jadi stenga mati le kang mo fokus mo ba konsentrasi bagitu. Kalo mo makan dang
bagimana?

P: pertama lagi kita da dapa itu saki itu kita so barasa lagi mo makang stenga mati. Tapi kita biar
so stenga mati tetap kita musti se makang

N: biar Cuma sadiki kang?

P: bukang le Cuma sadiki, memang musti makang banyak supaya tapikir bagini toh sapa tau
Cuma karna deng makanan, mar tetap, tetap bagitu depe jalan katu apa

N: berarti mengganggu skali aktifitas ini kang?

P: nyanda, kita nda mengganggu. Cuma yang ganggu pa kita kalo taso pulang rumah

N: karna so nintau mo alihkan bagimana toh

P: kita ba uni, tu pikiran tetap takasana, so lebe tako kita

N: bapak tako apa so?

P: perasaan tako apa ya itu noh

N: pokoknya khawatir noh bagitu. Selain pikir-pikir ade, ada pikir pikir laeng?

P: pikir pikir apa, kalo memang Tuhan so takdirkan bagitu ya yang penting kwa torang so
berusaha, nda mo berusaha ya mo bagimana

N: mar bapak katu boleh mo lawan tu saki

I: itu noh da bilang pa bapak, tu pikiran kase tenang, lawan

P: tanggal 23 terakhir nintau mo ambe doi dimana ini, nda ada BPJS

N: skarang so ada BPJS?

P: nah pas tanggal 23 kita bakudapa deng tape om di situ, ngana pi balai pi ambe ngana pe kartu
kita le pe perasaan le so langung sedap ta bilang, so ada ringan sadiki

N: berarti makang taganggu, tidor taganggu

P: tetap musti paksa

N: iyo musti paksa, kalo nyanda somo saki badan, somo saki laeng

P: kita kalo datang itu kalo malam, kita paling suka baku ambe

N: hmmhehe

I: bakalae trus

P: terus terang kita nda mo nda dang

N: jadi emosian dang, jadi cepat marah kang

I: mo lawang tu depe saki toh so datang tu pikiran, bapak somo baku ambe deng ibu

P: baku ambe dang supaya mo ilang tu apa tetap ilang kalo kita so baku ambe deng dia dang,
ilang, nda lama kemudian tacari hal lagi, ta baku ambe, kita jujur

N: hmm bapak mo tanya, maaf selain ba minum bapak nda ba obat-obatan bagitu?

P: waktu kita SMA taong 88, tapi nyanda dang, Cuma coba coba, kira-kira sto 1 bulan 1 kali,
sampe kira-kira 3 bulan ka 4 bulan, tapi nyanda sering. Akhirnya kerja siksa, sampe ta brenti, ta
bajao dang, kita kalo tamo minum deng dorang, kit alia tamang tamang biasa bage bagitu,
tasomo bajao, karna taso tau kalo dorang musti isi akang tu barang, noh kalo so taru koka kola
kan so nda kentara

N: campur tu obat kang? Boleh brapa lama bapak ba pake itu?

P: hmm nda lama, umuran 19 20, 3 bulan ka 4 bulan karna taso bakerja toh

N: sering bapak pake? 1 bulan boleh brapa kali?

P: oh kita 1 minggu boleh 1 kali

N: jadi 1 bulan 4 kali dang, Cuma pake obat toh, nyanda ba ciongp-ciong lem bagitu

P: nyanda

N: kalo minum alkohol dang so brapa lama?

P: dari sekitar SMA kelas 1

I: sampe da dapa saki ini

N: dulu pernah nyanda apa, maksudnya pas minum alkohol dang kong muncul ni tako-tako ini
dang?

P: nyanda (geleng kepala)

N: jadi ini depe tako-tako baru muncul ini dang, dulu-dulu nda pernah kang. Dulu pernah 10
taong lalu sto kang?

P: nyanda baru ini

N: oh baru tu agustus itu dang

P: iyo

N: ini rumah milik sandiri?

P: iyo

N: so brapa lama da tinggal sini?

P: so 3 taong torang disini

N: oh 3 taong, dari ni ade cewe masih kecil. Bapak, bapak tau karna kyapa sampe bapak boleh
muncul rasa tako tako bagini, tau nda karna kyapa, sebab apa? Ato tiba-tiba noh, kage-kage dia
muncul sandiri

P: kita dang dapa bagitu dang, Cuma dang sementara tidor

N: iyo tu bapak da bilang tadi, takage bangun

P: kita tapikir tu ade, karna tu ini apa kan kita da cor tu lante kamar jadi tu koi da se pindah situ
(menunjuk ke arah depan televisi) kong serta bapulang kerja hari sabtu, da lia tu spatu skolah nda
bawa, rencana mo skolah disana tu anak, spatu nda bawa, nda skolah lagi.

I: memang tu ade damo se skolah disana, depe papa da datang ambe mo se skolah disini toh
bapak blum dapa saki, bapak masih ba konsumsi alkohol, kan kalo jaba minum alkohol kan so
rupa rupa tu datang tu dang sagala macam dang jadi so bakalae lagi, bapak so bakalae deng ibu,
ibu pulang, depe besok bapak so dapa inga tu ade

N: oooohhhhhhh begitu

I: itu dang bapak da cerita tadi, bapak bacuci so nda riki basabong iko lari pigi nae ojek

N: oh jadi ada baku marah dulu, yang tu malam

P: tacuma lia dang tu spatu dang, deng lia spatu dang talangsung ba perasaan nda enak kita tu
hari sabtu sampe hari senin, kita nyanda lupa dang kira kira, kita tainga nyanda skolah, eh jadi
laeng le memang, memang pikir cuci muka, balap deng handuk kita tetap, panas tu badan, ta
ambe falo-falo ta sirang tiga kali, kita so ba pikir, riki orang ja setatawa kita di bawah, eh kyapa
ngana nyanda ba apa, soalnya tape pikiran ingatan kurang disana trus pa anak, tasuka dia so
disini, padahal setelah kita nae motor dijalang tabilang laju, dijalang kita kena lagi bale lagi dang
pikiran jadi tabilang plang-plang jo.

N: ibu le so baku iko babale?

P: blum, Cuma anak tu da pi ambe

N: oh baru ade dang, kong ibu bale depe kapan?

I: depe besok, karna ibu so dengar bapak so maso rumah saki so dapa saki itu, depe besok bale

N: jadi bapak pe keluhan yang jaba tako tako ini yang bekeng ringan kalo bapak so alihkan deng
bakerja, bagitu dang itu jadi ringan, yang jadi berat kalo so tabadiam

P: so jam jam dang, takurang pikir-pikir adoh mo bagimana kita ini, so minum obat tetap nda mo
tasono

N: jadi kalo tu keluhan datang lagi berat-beratnya bagitu, bapak bekeng apa dang?

P: laengkali kita pigi ka blakang, kita pigi ka jalan, tetap nda mo jadi

N: ba apa? Cuma bajalang-bajalang bagitu?

P: bajalang begini nyanda mo jadi kita bilang laengkali taso bapikir ah tasomo pi tidor dibawah,
pi tidor pa tape anak basudara di bawah. Sudah somo ilang. Kalo dia so ilang, tasomo ba uni ,
adoh so ada lagi, sudah tasomo pi tidor. Laengkali kalo dorang daba uni, kong kita da tidor tidor,
dorang pikir kita so tasono

N: padahal blum?

P: padahal nda tasono

I: sampe so jadi pucat, so kurus, nda jatatidor malam, nanti dapa obat dari manadi baru tasono

P: datang sedap pikiran, biar sedap pikiran, tetap nda mo tasono, sama skali

N: ada keluhan laeng bapak? Ato Cuma tu tako tako itu?

P: nda ada noh, Cuma kita ja pikir pikir kita musti japi ba control disana dang, biar le so fit so
sehat, tetap tamo kasana, tamusti tanya bae-bae pa dokter dang

N: jadi pas bapak dapa hmm saki ini berat badan turun kang karna makan siksa, mar ja paksa
makan.

P: tapi kita japi ba tensi tape darah di atas 150

N: eh ada darah tinggi?

P: nyanda

N: oh bisa jadi karna pikiran noh bapak

P: riki dokter bilang ngana pe darah ini bukang karna darah tinggi, karna ngana pe tako.150/100

N: sebelumnya nda ada darah tinggi toh? Ato ada keturunan? Dari keluarga dang?

P: yah mo bilang le nyanda ada, tape sebe stroke

N: mar bapak selama ini pernah ba control ba tensi?

P: nda pernah

N: oh baru satu kali itu dang ba tensi, nanti kalo ba control, ba control tekanan darah le, kalo
rupa bapak so rasa sedap, pi ba control ba tensi, kalo normal 120 bagitu oh berarti karna bapak
pe pikiran tu hari

P: sedang kita waktu kita dapa tu hari katiga tu hari rabu dari bapikir ah ini kita darah tinggi so
nda mo tasono lagi, tapigi masih keluarga lagi toh bilang boleh mo apa kita minta tolong, minta
tolong apa, kita nimbole mo tasono noh, kita nda mo setunjung ato mo bilang dang kita pe saki
ini, oh napa jo ngana kita kase vitamin, pas tapi minum sudah kita lari ka bawah so itu kita
bilang so muncul ulang

I: bapak kwa dorang da kase buku

N: buku kronis? Buku apa?

I: buku apa, eee buku itu dang

P: kita pe anak basudara dang, dia bilang baca ini cara-cara da saki ini

N: kong da dapa darimana tu buku dang?

P: tamang sto, depe tamang yang kase

N: oooohhh

P: tapi kita nimau baca itu

N: sudah jo, kalo bapak nda nda perlu, hanya mo bekeng apa

P: kita nimau baca itu dari apa jang jadi pikiran, so tasedap tre kong tabaca itu

N: iyo sudah jo, jang jadi ulang

P: ta nimau mo baca
N: iyo nda usah, so enak bagini

P: supaya le nda tapengaruh pa torang toh, torang pe saki kong torang mo inga noh

N: jadi menurut bapak pe pandangan, tentang bapak skarang dang bapak pe saki menurut bapak,
bapak saki ato nyanda, menurut bapak pe pandangan

P: kita rasa so biasa dang skarang

N: skarang? Yang kemarin itu yang memang bapak rasa, memang musti minum obat apa bagitu.
Ada pigi kasana berartti bapak pe kemauan sandiri kang, bukang karna paksaan ato misalnya
bapak pe istri suruh-suruh ato paksa

P: memang tasuka, karna kita dang perasaan dang kita Cuma mo berdasarkan obat sini, setiap
kita minum paling tinggi dua bagini mar stenga stenga berarti dua hari, kalo dia ampa hari abis
itu hari nyanda dapa, mulai lagi dua hari itu dapa satu jam, stenga jam, nda sedap tu perasaan.
Kita tako nda mo tasono, Cuma kalo makang-makang banyak, babagitu jo.

N: bapak, bapak pernah maso rumah saki sebelumnya? Pernah dirawat dirumah saki karna saki
apa bagitu

P: pernah, tahun Sembilan antara Sembilan tiga Sembilan ampa kerja kita di gorontalo tapi saki
malaria, maso kita di rumah saki kota

N: berapa lama dirawat?

P: barekeng 1 hari 1 malam

N: oh Cuma 1 hari 1 malam? Mar dokter bilang malaria?

P: malaria.

N: dokter ada bilang-bilang malaria berat? Malaria apa bagitu

P: malaria apa itu dorang bilang dang tu

N: falciparum?

P: tropika itu

N: malaria tropika, mar Cuma rawat 1 hari e?

P: ada bale, depe apa kita bale satu minggu kemudian, bale ka apa dang gorontalo Sembilan lima
dapa lagi itu, malaria lagi, maso rumah saki di gunung maria

N: maso brapa hari?

P: 3 hari

N: 3 hari? Baru? Itu yang satu hari satu malam itu pas pulang dokter yang kase pulang ato minta
pulang sandiri?

P: minta pulang sandiri

N: oh minta pulang sandiri dang

P: soalnya jao toh kalo kota sini rumah, sedang yang jaga pa kita Cuma tamang le

N: mar yang ada maso kadua kali dokter yang kase izin pulang? Berapa hari kote? 3 hari kang?

P: 3 hari. 10 taong kita ada tahang akang ini malaria. Maso rumah saki bae, bale ulang.

N: depe selang, pertama kali dapa berarti taong brapa dang?

P: Sembilan Satu

N: Sembilan satu? Itu yang Cuma da rawat 1 hari 1 malam?

P: oh itu dapa disana, tapi disana kita Cuma minum obat, obat puskesmas

N: dimana? Digorontalo?

P: digorontalo di molibagu sana

N: jadi pertama kali dapa tu malaria tahun Sembilan satu di gorontalo, kong nda maso rumah
saki itu?

P: nyanda Cuma dang dapi ambe obat di puskesmas kong minum toh

N: kong jadi ulang tahun Sembilan tiga?

P: memang dapa trus kwa itu. Kita nanti maso rumah saki Sembilan tiga

N: itu yang Cuma satu hari satu malam?

P: iyo, so nda tahan kita memang so nintau diri so nda kenal orang.

N: jadi dari tu tahun Sembilan satu sampe Sembilan tiga tahan tahan dang?

P: iyo, sampe duaribusatu itu

N: jadi Sembilan tiga maso, Cuma rawat 1 hari 1 malam, kaluar ulang, baru maso ulang di
gunung maria tahun?

P: so lupa
N: so lupa? Itu yang Cuma 3 hari kang? Kong dokter kase pulang sampe 2001, mar tu terakhir
rawat yang tu di gunung maria?

P: iya

N: so nda maso-maso ulang sampe tu 2001? Jadi skarang so nda?

P: oh nda, so pulih dari waktu 2001 itu tanggal 1 januari tanggal 2 pigi di apa dang rurukan,
keluarga le toh jadi, tanggal 2 tapi apa rurukan, jam jam bagini dia bilang oh nanti bale jo besok,
tape obat dia mo ambe jadi tanggal 3 kita pigi, dia sadia dang ini dang, sedang dokter minta obat
pa dia dang, malaria dang, yang mo ambe tu pohon popaya dang so babuah, biar so masa
nimbole ambe binatang dang termasuk torang manusia dang, bulum ada yang makang dang depe
buah, jadi dia mo ambe depe akar, dia sadia stenga botol, kong memang di muka-muka pa kita
dia cuci tangan pake sabong, dia mulai parut batang popaya, pa kita dia suruh bawa garam, kita
bawa tiga bungkus, masih ada frey bagini dia suruh pegang gelas, kita da lia-lia kasana kong dia
curah dang tu garam 1 bungkus, kocok, stenga jam da kocok itu kong taminum, eh stenga jam
kita memang sampe kita sadar, apa depe jawaban, dia bilang so bae ngana. Minum jo apa tu
ngana mo minum, bir kesegaran cap tikus, kita bilang oh mo ba bae dulu, ngana nda percaya? So
nda mo datang-datang ngana. Sampe skarang.

N: so nda pernah dapa dapa panas menggigil dang. Kong kalo tadi kan bilang alkohol so dari
nyong nyong kang? Kalo rook dang?

P: yah kalo baroko so dari SMP kelas 1

N: kalo mulai ba rook rutin, boleh brapa batang satu hari?

I: adoh 2 bungkus le

N: dua bungkus boleh?

P: eh nda, 1 bungkus

N: skarang masih ba roko?

P: masih

N: kopi?

P: aduh gara-gara itu so istirahat le kita, so saki itu

N: oh jadi dulu ada dang? Semenjak dapa saki-saki ini so brenti kopi

I: kopi kras le, kopi itam

N: bapak anak ke berapa bapak?

P: anak kedua, dari empat bersaudara. Anak pertama laki-laki, kedua kita, ketiga perempuan
yang tape ade di rumah saki, yang bungsu perempuan.

N: mohon maaf bapak orangtua masih ada?

P: so meninggal

N: trus dulu pas bapak pe mama da hamil pa bapak dalam keadaan sehat?

P: sehat-sehat

N: da se lahir pa bapak normal ato oprasi? Normal?

P: normal

N: dirumah ato dirumah saki?

P: yaa dirumah

N: dapa ASI le kang

P: dulu mo dapa bagimana kasiang susu hehe

N: dulu orangtua yang rawat? Ato ada titip pa oma opa?

P: orangtua

N: sampe umur brapa dang bapak tinggal deng orang tua

I: sampe kaweng

N: bapak sampe umur brapa ba ASI?

I: palingan sampe umur 1 taong bagitu

N: bapak pernah nda orangtua cerita oh dulu bapak umur sekian so bajalang, so bacerita

P: yah so lupa

N: waktu kecil bapak tinggal deng sudara sudara satu rumah? Kakak ade dang

P: iyaa, nanti pas so kaweng baru pisah pisah

N: bapak kote skolah SD dimana?

P: SD advent

N: