ANGGARAN DASAR

DOHOT
ANGGARAN RUMAH TANGGA
( AD / ART )

PUNGUAN
SITUMORANG LUMBAN NAHOR
NAMORA PANALUAN
BORU - BERE DOHOT IBEBERE
SE KOTA SIBOLGA DAN KABUPATEN TAPANULI TENGAH

Sekretariat : Jalan Kakap No 19 Sibolga Telp. 08111041700, 081269147461

ANGGARAN DASAR
 Pasal 1
GOAR DOHOT WILAYAH NI PUNGUAN

1. Goar ni Punguan : Situmorang Lumban Nahor Namora Panaluan Boru, Bere dohot Ibebere.
2. Wilayah : Seluruh wilayah Kota Sibolga dan Kabupaten Tapanuli Tengah

Pasal 2
DASAR DOHOT AZAS

1. DASAR : Pasadahon pomparan ni Ompu Tuan Situmorang na adong di tano parserahan khususna
Situmorang Lumban Nahor Namora Panaluan Boru, Bere dohot Ibebere na adong di wilayah Kota
Sibolga dan Kabupaten Tapanuli Tengah, asa marsihaholongan na ni rahut ni adat dohot ruhut
paradaton Dalihan na Tolu.

2. AZAS : Punguan Situmorang Lumban Nahor Namora Panaluan Boru, Bere dohot Ibebere na adong di
sekitar wilayah Kota Sibolga dan Kabupaten Tapanuli Tengah, berazaskan Pancasila dohot Undang
Undang Dasar 1945 jala ndang marpolitik.

Pasal 3
MAKSUD DOHOT TUJUAN

1. MAKSUD : Pataridahon hasadaon ni roha jala huhut patupahon angka ulaon nauli hombar tu maksud
dohot lapatan ni Dalihan na Tolu ima : - Asa manat mardongan tubu
- Somba marhula-hula
- Elek marboru
Jala patorushon tona ni ompunta marsiamin aminan songon lampak ni gaol jala marsitungkol
tungkolan songon suhat di robean pinompar ni Situmorang Lumban Nahor Namora Panaluan Boru,
Bere dohot Ibebere
 2. TUJUAN : Asa marsiurupan di angka ulaon sosial huhut melestarikan Adat dohot Kebudayaan Batak
na so maralo tu ugamo ni halak Kristen dohot ugamo na asing.

Pasal 4
KEANGGOTAAN

Anggota ni Punguan Situmorang Lumban Nahor Namora Panaluan na adong di sekitar wilayah Kota Sibolga
dan Kabupaten Tapanuli Tengah ima :
1. Pomparan ni Situmorang Lumban Nahor Namora Panaluan Boru, Bere dohot Ibebere na adong di
wilayah Kota Sibolga & Kabupaten Tapanuli Tengah jala mendaftarhon diri secara resmi tu punguan.
2. Sanggup memenuhi kewajiban-kewajibanna tu punguan songon naung di aturhon di Anggaran Dasar
dohot Anggaran Rumah Tangga.

Pasal 5
KEWAJIBAN DOHOT HAK NI ANGGOTA

1. Kewajiban Anggota
1.1. Sude anggota ni punguan berkewajiban manjaga nama baik ni Punguan Situmorang Lumban Nahor
Namora Panaluan Boru, Bere dohot Ibebere Kota Sibolga dan Kabupaten Tapanuli Tengah
1.2. Sude Anggota wajib mangaradoti angka ulaon dohot angka namasa ditonga-tonga ni wilayah
Punguan Situmorang Lumban Nahor Namora Panaluan Boru, Bere dohot Ibebere na adong di
wilayah Kota Sibolga dan Kabupaten Tapanuli Tengah.
1.3. Sude Anggota wajib manggarar Uang Pangkal sahali setiap keanggotaan dohot uang iuran setiap
bulan sesuai aturan ni Anggaran Rumah Tangga

2. Hak Anggota
2.1. Sude anggota ni punguan marhak mangalehon pandapot dohot pingkiran-pikkiran laho
pahembanghon punguan i.
2.2. Sude anggota ni punguan marhak manjalo huhut mangalehon hak dohot tanggung jawab na hombar
tu naung diaturhon di AD & ART, jala sesuai tu parhundul na ditonga-tonga ni Punguan Situmorang
Lumban Nahor Namora Panaluan.
 2.3. Sude anggota ni punguan marhak laho mamillit jala dipillit gabe pengurus ni punguan sesuai tu
parhundul na ditonga-tonga ni Punguan Situmorang Lumban Nahor Namora Panaluan Boru, Bere
dohot Ibebere Kota Sibolga dan Kabupaten Tapanuli Tengah.

Pasal 6
KEANGGOTAAN BERAKHIR

1. Keanggotaan berakhir ala pangidoan sandiri dohot alasan : PINDAH INGANAN sian wilayah Kota
Sibolga dan Kabupaten Tapanuli Tengah.

2. Diharuarhon sian punguan ala :

2.1. Melanggar aturan dohot peraturan jala jolo dung dirapothon dibagasan punguan i.
2.2. Na so pola berperan aktif di punguan, isara ni kehadiran dohot naso mangaradoti angka ulaon-ulaon
na masa ditonga-tonga ni punguan, jala jolo dung dirapothon dibagasan punguan i.
2.3. Ndang melaksanakan kewajiban sesuai Anggaran Rumah Tangga selama 6 ( onom ) bulan berturut-
turut

Pasal 7
SUMBER PARHEPENGON

Na gabe sumber parhepengon ni punguan ima :

1) Uang Pangkal
2) Uang Iuran Bulanan
3) Uang Persembahan tiap Kebaktian
4) Sumbangan sukarela sian Donatur / Anggota
 Pasal 8
KEPENGURUSAN

1. Struktur Kepengurusan

1.1. Penasehat
Penasehat ima : na tarpillit sian anggota ni pungan na boi mangalehon angka pamingkirion laho
pahembanghon punguan i.

1.2. Ketua dan Wakil Ketua

Ketua & Wakil Ketua ima : na tarpillit sian rapot anggota gabe uluan ni punguan jala bertanggung
jawab tu punguan.

1.3. Sekretaris dan Wakil Sekretaris

Sekretaris & Wakil Sekretaris ima : na tarpillit sian rapot anggota na gabe mangadministrasion sude
kegiatan jala gabe penggerak dohot pusat informasi ni punguan tu bagas nang tu luar ni punguan.

1.4. Bendahara dan Wakil Bendahara

Bendahara & Wakil Bendahara ima: na tarpillit sian rapot anggota gabe si tiop puro parhepengon ni
punguan jala mambahen laporan ni parhepengon secara periodik na di tolopi Ketua.

1.5. Bidang Kerohanian

Bidang Kerohanian na manontuhon parjamita jala sekaligus menyusun acara Kebaktian setiap bulan.

1.6. Komisaris Wilayah dan

Komisaris komisaris na gabe penghubung di wilayah masing masing antara Pengurus Harian dohot
anggota suang songon ima nang sebalikna baik di angka namasa dohot sipamasaon.

1.7. Bidang Urusan Rumah Tangga ( Boru )

Na gabe uluan parhobas manang penggerak di ulaon di wilayah masing masing baik di ulaon las ni
roha nang habot ni roha secara khusus di pinompar ni Situmorang Namora Panaluan.
2. Masa Periode

Masa bakti kepengurusan di bagasan sa periode lelengna ima 5 ( Lima ) taon, terhitung mulai tarpillit. Jala
boi do muse dipillit di periode namangihut sesuai soara terbanyak sian rapot umum anggota.

Pasal 9
RAPOT-RAPOT

1) Rapot Anggota :
 Mangangkat/memberhentikan pengurus
 Manotophon/mangarubah AD & ART

2) Rapot Pengurus :
Patupaon do rapot pengurus hombar tu ringkot na, songon mambahen angka kebijakan-kebijakan na so
tarsurat manang ndang diatur dope di AD & ART

Pasal 10
PANUTUP

1) Anggaran Dasar on disusun sian aspirasi ni anggota marhite-hite Rapot Anggota, jala molo adong
na hurang dasip sesuai perkembangan zaman boi do diubah jala disempurnahon muse melalui
Rapot Anggota.
2) Buku Anggaran Dasar dohot Anggaran Rumah Tangga on untuk dimiliki jala wajib dipatuhi sude
anggota ni punguan.
 ANGGARAN RUMAH TANGGA

KEGIATAN

Asa mardalan sude maksud dohot tujuan ni Punguan di bahen ma kegiatan ima :
 Mambahen Kebaktian rutin sahali sabulan ( Pebruari, Maret, April, Mei, Juni, Juli, Agustus,
September, Oktober dohot Nopember ) na di patupa setiap minggu pertama masuk pukul 14:00
 Maningkir jala dohot berperan aktip mangulahon baik ulaon arsak ni roha manang las ni roha.

PARHEPENGON

1. Pemasukan tu punguan :

1.1. Uang Pangkal Rp. 30.000

1.2. Uang Iuran siganup bulan Rp. 5.000
1.3. Uang Persembahan di setiap kebaktian
1.4. Sumbangan sukarela sian donatur / anggota

2. Pengeluaran tu ulaon sosial :

2.1. Ulaon arsak ni roha manang Habot ni Roha
1) Pangurupion tu na Marsahit.
Molo adong na marsahit keluarga ni anggota jala opname di Rumah Sakit lelengna minimal 3
( tolu ) ari, ro ma punguan mambesuk jala di patupa ma pangurupion sian kas Rp. 200.000
(dua ratus ribu rupiah). Jala molo ndung sabulan mulak tu jabu alai di ari namangihut masuk
muse tu Rumah Sakit jala opname lelengna minimal 3 (tolu) ari, ro ma punguan mambesuk
jala di pasahatma pangurupion sian kas punguan Rp. 200.000 (dua ratus ribu rupiah).
2) Pangurupion tu Na monding.
 a) Molo adong na monding anggota ni Punguan ( Ama manang Ina ), di arahon Pengurus
ma laho manise, jala di pasahat punguan ma pangurupion sian kas punguan godangna
Rp. 300.000 (tolu ratus ribu rupiah).
Jala di papungu pengurus ma dana sosial wajib Rp. 10.000 (sepuluh ribu rupiah) / KK
laho patupahon indahan namarsipaet-paet.
b) Molo adong na monding Ianakhon ni Anggota ni punguan, na so hot ripe do pe
manang adong tanggungan ni anggota jala pomparan ni Situmorang Lumban Nahor
Namora Panaluan anggota ni Punguan, di arahon Pengurus ma laho manise, jala di
pasahat punguan ma pangurupion sian kas punguan godangna Rp. 200.000 (dua ratus
ribu rupiah).
Jala di papungu pengurus ma dana sosial wajib Rp. 10.000 (sepuluh ribu rupiah) / KK
laho patupahon indahan namarsipaet-paet.
c) Molo adong na monding natoras manang simatua anggota ni Punguan, di arahon
Pengurus ma laho manise, jala di pasahat punguan ma pangurupion sian kas punguan
godangna Rp. 200.000 (dua ratus ribu rupiah).
Jala di papungu pengurus ma dana sosial wajib Rp. 10.000 (sepuluh ribu rupiah) / KK
laho patupahon indahan namarsipaet-paet.
d) Molo adong 2 (dua) manang 3 (tolu) KK dst Anggota i na na marhaha anggi manang
mariboto monding natoras manang simatuana di arahon Pengurus ma laho manise, jala
di pasahat punguan ma tu masing masing anggota pangurupion sian kas punguan
godangna Rp. 200.000 (dua ratus ribu rupiah).
Jala di papungu pengurus ma dana sosial wajib Rp. 10.000 (sepuluh ribu rupiah) / KK
laho patupahon indahan namarsipaet-paet. Jala haroro ni punguan di pasada ma di
pangapulion dohot di sada panghataion.
3) Pangurupion tu na hona musibah bencana alam mis. Longsor dht kebakaran
Molo adong musibah bencana alam di tonga tonga anggota ni punguan, dipatupa jala di
pasahat ma Rp. 300.000 (tolu ratus ribu rupiah) sian kas ni punguan Jala di papungu pengurus
ma dana sosial wajib Rp. 10.000 (sepuluh ribu rupiah) / KK.

2.2. Ulaon las ni roha manang sukacita

2.2.1.Pangurupion tu na marbagas :
a) Molo pangolihon anak anggota ni punguan, di patupa jala di pasahat ma tumpak sian
kas godangna Rp. 300.000 (tolu ratus ribu rupiah)
 b) Molo pamuli boru anggota ni punguan, di patupa jala dipasahat ma ganti ni ulos sian
kas godangna Rp. 300.000 (tolu ratus ribu rupiah)
c) Molo pangolihon anak manang pamuli boru ma tanggungan ni anggota ni punguan na
terdaftar jala pinompar ni ompunta Namora Panaluan jala adong do gokhon sian
hasuhuton di pasahat ma tumpak Rp. 200.000 (dua ratus ribu rupiah) jala Laos songon
i ma nang pamuli boru

2.2.2. Pangurupion tu na melahirkan

a) Molo adong anggota ni punguan na melahirkan normal, ro ma punguan mamoholi
tarlumobi ma angka ina jala di pasahat ma sian kas godangna Rp. 200.000 (dua ratus
ribu rupiah jala di boan ma lampet, gula, teh dohot kopi marasom Rp. 100.000 (saratus
ribu rupiah)
b) Molo adong anggota ni punguan na melahirkan ndang normal (operasi), ro ma
punguan mamoholi tarlumobi ma angka ina jala di pasahat ma sian kas godangna Rp.
300.000 (tolu ratus ribu rupiah) jala di boan ma lampet, gula, teh dohot kopi marasom
Rp. 100.000 (saratus ribu rupiah)

PANUTUP

Molo tung adong nahurang lobi manang adong dope na so tarsurat manang di atur di AD&ART on, boi ma
I dipasingkop melalui rapot anggota/rapot pengurus.

Ditotophon di Sibolga, Maret 2018

Pengurus
Punguan Situmorang Lumban Nahor Namora Panaluan Boru, Bere dohot Ibebere
Se- Kota Sibolga dan Kabupaten Tapanuli Tengah Periode 2018 - 2023

( Jahamat Situmorang) ( Sumantun Situmorang) ( Baya Sitanggang )

Ketua Sekretaris Bendahara
Ditolopi
 Penasehat

( Bpk Apri Situmorang ) ( Bpk Linsia Situmorang )