Nama : Ni Komang Asih Kurnia Dewi

NIM : 1811031106
Nomor Absen : 17
Kelas/SMT : H/3

I Cupak Teken I Gerantang

Ada anak pacul ngelah pianak dadua muani-muani. Ane kelihang madan I cupak, ane
cerikan madan I gerantang. I gerantang anteng pesan megae, I cupak mayus. Gagaene tuah
mamacul. Yen megae di tegale ajake dadue I gerantang iteb numbeg, nanging I cupak ngokoh
sela, lantas tambuse. Sedek dina anu I gerantang ajake I cupak ke uma. I gerantang negeh
tenggala tur ngatehang sampi. I cupak negen tambak. Ia mabekel nasi mewadah kembal. Teked
di carik I gerantang nenggala, nanging I cupak itep ngalih baling teken jangkrik. Sube tengai I
cupak ngagah kembal laut madaar padidiane I gerantang suud neggala lantas kapondok.
Dapetange nasine suba telah. I cupak ngorahang nasine amah cicing. I gerantang nyemak
panampad lantas nampadin pundukan, sube sanje mare mulih, sube paek desa I gerantang
mareren kayeh. Tenggalane pejange sampine tegulange. Kala ditu I cupak nyemak tenggala lan
lantas tegene tur ngatehang sampi. Awakne uwape aji endut. Subane teked jumah I cupak
masadu ngorahang I gerantang melali, ia dogen megae padidiane. Ditu memene gedeg teken I
gerantang. Nyanane teke I gerantang lantas tigtige tur tundunge. I gerantang lantas magedi. Mare
I gerantang magedi, laut I cupak nutug I gerantang. Kacarita sang prabhu dehe, madue oka istri
maparab Galuh Dehe. Ida plaibang raksasa, mada I Limandaru, engkebange di Goane. Kocap I
gerantang ajake I cupak teked di dehe. Ditu ia tangkil teken prabhu dehe. I cupak matur teken
sang prabhu, sanggup ngalih galih dehe tur ngamatiang I Limandaru. Ida sang prabhu mejanji
lakar nyenengan agung anake ane nyidaang makatan galuh dehe. Ne jani I gerantang ajake I
cupak luas ngalih raden galuh. Tan caritanang di jalan, sube teked di goan I limandaru ne, I
gerantang nangtangin I limandaru masiat. I limandaru ngelur. I cupak jejeh ngetor lantas malaib
menek ka punyan celagine. I gerantang masiat ngelawan I limandaru. Ditu I limandaru matiange
baan I gerantang. Disubne I raksasa mati mare I cupak tuun uli punyan celagine. I gerantang jani
tuun matantan ka goane. Ditu tepukine raksasane lua, lantas ia masiat disubane raksasane mati,
ditu tepukine raden galuh. Lantas raden galuh aturine menek malu nut tali. Disubane raden galuh
baduur mare I gerantang menek. Ditu taline pegatine baan I cupak, I gerantang ulung di goane. I
cupak lantas ngatehang raden galuh kapuri. Ia ngaturang dewekne ngamatiang I limandaru. I
gerantang aturine mati. Sube makalo I gerantang di goane, bangken raksasane berek. Tulangne
ento duduke, pacek-pacekange anggone banggul menek. Mara ia nyidayang teked baduur, I
gerantang lantas ke dehe. Kacarita I cupak lakar jenengange agung ditu ngadaang rame-rame. I
cupak ngigel ngelampahang dewekne ngamatiang raksasa. Kala ento teke I gerantang. Ditu raden
galuh ngingetin I gerantang tur nguningang teken sang prabhu I gerantang ane ngematiang I
limandaru. Ditu I cupak ejuke lakar matiange tusing baang e baan I gerantang. Pamuputne I
gerantang nyeneng ratu, I cupak lantas magedi.