Assalamualaikum wr.

wb Kalih Ibu salamina dipaparin kakiatan,

Bismilahirohmanirohim
Alhamdulilhirobilalamin Wassolatu
wassalamu ala asrofil anbiya warmursalin
wa’ala alihi wasobhi ajmain. Amma
ba’du.
langkung tipayun hayu urang manjatkeun
puji sareng syukur ka hadirat Allah SWT.
kalayan rahmat, hidayah sarta inayahna
urang sadaya tiasa patepung lawung
patepang wajah dina acara Maulid Nabi
Muhammad SAW sareng Temu Pisah.
Salajengna shalawat sareng salam mugi
tetep dilimpahkeun ka jungjunan urang
sadaya Kangjeng Nabi SAW, ka para
kulawargana, para sahabat sadayana tur
dugi ka urang sadaya salaku umat
anjeunna.
Ibu Kadus Pasir lugina anu di pikahormat,
Bapa Rt, Bapa Rw anu di pikahormat
Bapak H.Halib Susanto Apandi, S.Pd
kalih ibu selaku Bapak Kepala Sekolah nu
kamari, sareng Bapak
Suherman,S.Pd.MM.Pd selaku kepala
sekolah enggal nu d tugasken di ieu sakola
kalih ibu, anu di pikahormat.
Bapak Ketua Komite Sekolah miwah
anggota anu dipikahormat.
Wabil khusus Bapa Mubalig anu di
pikahormat.
Murangkalih sadaya anu dipikacinta.
Alhamdulilah dina dinten ieu dina sagala
rupi kakirangan, boh tuangeun na boh
leueutaun na acara ieu tiasa kalaksana.
Mudah-mudaham
ieu acara tiasa ningkatkeun kaimanan
sareng kataqwaan ka Allah SWT, oge
tiasa melepas Bapak Kepala Sekolah
Lami, oge tiasa nampi Bapak Kepala
Sekolah anu baru.amin.
Jalaran hal ieu, simkuring ngaraos a’bot
sarta susah kanggo mopohokeun kenangan
jasa-jasa sae Pak H.Halib nu parantos
nempel dina hate sanubari simkuring
sareng rekan-rekan guru. Salajengna dina
kasempetan ieu simkuring mung tiasa
manjatkeun do’a ka dzat Allah Nu Maha
Kawasa, mudah mudahan Pk H.Halib
kasehatan, kasajahteraan sarta salamina
dilindunganaNa.
Margi kajaba mung ku do’a ieu simkuring
ngaraos teu mungkin mampuh pikeun
ngawales jasa sarta budi Pak H.Halib anu
teu kaetang seueurna kanggo ieu sakola
khususna ka simkuring sareng rekan-rekan
guru, Mangka dina kasempetan ieu,
simkuring teu hilap ngahaturkeun nuhun
sarta nyuhunkeun maaf anu saageung-
ageungna tina sagala kahilapan boh nu
dihaja atawa nu teu dihaja atawa aya
perilaku anu teu saluyu sareng kahoyong
Pak H.Halib salami simkuring janten
bawahan na.
Akhirna Simkuring atas nami Panitia,
ngahaturkeun nuhun kasadaya anu
sumping, hapunten tina sadaya
kakiranganana.
Oge haturnuhun ka semua pihak, anu
parantos ngadukung kana kalancaran ieu
acara.
Rupina mung sakitu, ti atas panitia.
Ditutup ku pantun
Tangkal taleus tangkal kadu
dipelak di kebon desa
ayeuna waktu geus cunduk
waktuna urang papisah
Moal boga rasa susah
mun hirup urang tarapti
sanajan urang papisah
asih mah netep di ati
Wassalamualaikum wr.wb.