PNO IZIN PULANG

WAKIL BERHADIR (MENCARI TEGANAI)

ASSALAMMUALAIKUM..
SARAPEK-RAPEK LAEK NGAN BAPUNGKAO, KRJEA NGAN BAJUNJEO, UMAH NGAN BATAGANOA
BAK KATO SALUKOH ADUAK ITOH NGATAO
SUNGGUH BANYUAK DEDUAK NGAN AMPAO
NDOK DITANAE DI DALON LIRAU
SUNGGUH BANYUAK KITAO NGAN DUDEAOK BAKAMPAO
TAGANOA JUGEA NGAN KAMAI SRAU
APO KOK NAN KINAI, MANAO KAYAO TUO TAGANOA.. TUMBUTAN KATAO..!

WAKIL BERHADIR (menanyakan hajat)

BAGINAI KAYAO TUO TAGANOA/SPANGKALAN
BAK KATO PEPATAH ADUAK ITOH NGATAO
GUNUN AYAO DILINGKUN KABEUK, KABEUK MANYAPOU SI AYEI DANUA
KALAU AGOI AJUAK NGAN LAO TASBEUK, SBELUM KANTAI NDOK MALANGSAOKAN BILUA

WAKIL BERHADIR (meminta ma’af)

BAGINAI KAYAO TUO TAGANOA/SPANGKALAN
BAK KATO SALUKOH ADUAK ITOH NGATAO
ADOT MAHKUTAO RAJEA NGAN MAKE, KARAN SATIAO JADI PANGIKATNYO
SRAK NGATAO ADUAK NGAN MAKE, SESUATU TOH TENTU ADEA SBOT NYO

SBUAK DEK APO TAGULIN BATUA, SBUAK DEK ANGIN KNCA DIKUBUT UJUA
SBUAK DEK APO SUKU PENGAJIAN KITAO NEH DATUA, BAUNGGAOH, BAKAMPAO DI ATEH UMOH ANOK BATINO
KITAO PADO MALA INEH
BUKUA KNO SRAU BUKUA PULAO KNO DI IMBUA, YEA LAH JATEUH NYA GILI PENGAJIAN PADO UMOH ANOK
BATINO KITAO PADO MALA INEH

SATIBONYO KAMAI DI ATEH UMOH ANOK BATINAO KITAO IJUAK PULAO KAYAO TOH SIAO-SIAO
DATON KAMAI LAH KAYAO SAPAO, TGOK KAMAI LAH KAYAO PAMAO, DUDUK KAMAI LAH KAYAO
MULIAOKAN PULAO

PNAK KAMAI TOH LAH LPAEH, DAHUAH KAMAI TOH LAH TENA
MAKO SAMO-SAMO KITAO KERJEAKAN SEPANJANG WUJUD DAN MAKSUD DARI DIYEA ANOK BATIONAO
KITAO ITOH TADEH

LAH KITAO TUTUPI PULAO DENGAN DU’U BERKUAK DU’U SALAMAK,

MUDAH-MUDAHAN JIKOK ADEA PAHALONYO, YEA SAMO-SAMO KITAO PADIYEAH KAN UNTUK YANG
DIMAKSUD OLEH DIYEA ANOK BATINAO KITAO ITOH TADIH

MANAO LAH ULAK DARI ITOH PULAO

DIYEA ANOK BATIAO TOH ADEA PULAO MENENGAHKAN BARUPO MINUM KAWO DENGAN SAPINGGA, AYAE
NGAN SACANGKAE, KOK MINUM KAWO TOH LAH MALPAEH KNYA BAGI KAMAI, KOK AYAE TOH LAH MLPAEH
AHAOH PULAO BAGI KAMAI, KAMAI BANYUAK MENGUCAPKAN RIBUAN TERIMA KASIH KAPADO KAYAO
SPANGKALAN BESERTA ANOK BATINAO

Doc. Yon Kusnadi .............pno izin pulang 1

 ULAK DARI ITOH PULAO KAYAO TUO TAGANOA/SPANGKALAN
MAKLUMLAH KAMAI BAUHAN BANYUAK, JIKOK ADEA SALAH TGOK, SALAH DUDUK, SALAH BAKATAO NGAN
IJUAK PADO TMPEK NYO.
MANAO KITAO LALOK GADON NGAN IJUAK RTAK MELAIKAN ADEA RTOK NYO
MANAO KITAO LALOK MANUSIAO NGAN IJUAK BERSIFAT SALAH MELAIKAN ADEA SALOHNYO
JIKOK TERDAPAT KESALAHAN KAMAI NGAN BAHADOE KAPADO KAYAO SPANGKALAN BESERTA ANOK
BATINAO YEA LAH TERLEBIH DAHULEU KAMAI NDOK MINTOK MA’AF

WAKIL BERHADIR (IZIN PULANG)

ULAK DARI ITOH PULAO KAYAO TUO TAGANOA/SPANGKALAN
IRAIH LAH DAEO LUMAUK-LUMAUK NDOK DIBUEA KE AYEI MULAEH
JIKOK BAKAO TMPEK NGAN KARAMAK, JIKOK MAMINTAK TMPEK NGAN BULOEH

BUKUA KARAKAK TUMBAOH DI PAYAO, KARAKAK TUMBAOH DI BATU LICAN

APO LAH NGAN NDOK KAMAI PINTAK USE KAYAO PUNGKAO
YEA LAH NDOK MANGURAKKAN SILAO BALOEK KARUMOH MASAN-MASAN

SUDUAH JUGEA BAK KATO SALUKOH ITOH NGATAO

TUOH BILOEK CILAKO UMAH, DUDUK TUNGGAO TAGULIN BATUA
KAMAI NDOK BALOEK MANGAYUN KAN LANGKAH MINTAK KAYAO LPAEH SALAMAT JALUA

WAKIL BERHADIR (memberi ma’af)

BAGINAI KAYAO TUO TAGANOA/SPANGKALAN
TENTANG KAYO TOH NDOK MINTOK MA’AF

SUDUAH JUGEA BAK PEPATAH ADUAK ITOH NGATAO

IJUAK DAPUAK SEKATO JAMPOI, ADEA PALURAEH MANJADI UBUAK
IJUAK DAPUAK SAKATO KANTAI SURA, KARNO KAMAI BAUHAN BANYUAK
NUNGGAU KAYAO SNTUA

BAGINAI KAYAO TUO TAGANOA/SPANGKALAN

BAK KATO PEPATAH ADUAK ITOH NGATAO
JIKOK TAMBEUH SIUN BUKEU, ABU TPETAEK PEGOI KAMUKAO
PINTAK KAYAO BULOEH KNDAK KAYAO BALAKEU
MA’AF KAMAI BROI SARAPEK KAYAO

Doc. Yon Kusnadi .............pno izin pulang 2

 PNO IZIN PULANG
TEGANAI/SPANGKALAN (jawaban mencari teganai)
BAGINAI KAYAO WAKIL BERHADIR
SUDUAH JUGEA SALUKOH ADUAK ITOH NGATAO
BALAYOE BIDEOK KATANOH JAMBOI, MUAO TALITAI BATANJOK SATA
KINAI TAGANOA LAH DUDEOK DIMUKO KAYAO, APO MAKSAUK CUBEA LAH TERA

TEGANAI/SPANGKALAN (jawab menanyakan hajat)

BAGINAI KAYAO WAKIL BERHADIR
SUDUAH JUGEA SALUKOH ITOH NGATAO
GUNUN AYAO BAGANDIN DUEA, MALAMBANGKAN ADUAK NGAN BASNDEI SRAK
KARNO DU’U BERKUAK LAH KITAO BACEA, TANDO HAJUAK KAMAI LAH TMAK
APO NAN KINAI LANGSAO LAH GAWE KAYAO

TEGANAI/SPANGKALAN (memberi ma’af)

LAH SAMPAE TOH KAYAO WAKIL BERHADIR
BAGINOI KAYAO WAKIL BERHADIR
TENTANG KAYAO TOH NDOK MINTOK MA’AF

SUDUAH UGEA BAK SALUKOH ITOH NGATAO

NDOK HILAE KADUSUN HIA, BASUWAO JALUA BASIMPAN DUEA
IJUAK DAPUAK SAKATO KANTAI SURA, SBOT KAMAI TAGANOA ADEA BADUEA BATIGEA
BAUNDON BAINEAK KAMAI DULOH..........

BAGINAI KAYAO WAKIL BERHADIR

DUDUK ADUAK DI TANOH PILAEH, BROAH SARATAUH KBUA SIKAO
IBAROT DAWUAK DENGAN KARTAEH, MA’AF KAMAI BROI SARAPEK KAYAO

TEGANAI/SPANGKALAN (mintak ma’af)

LAH SAMPAE TOH KAYAO WAKIL BERHADIR
BAGINOI KAYAO WAKIL BERHADIR
BAK KATO SALUKOH ITOH NGATAO
PATAH TUNGKAK PADUA PALITAO, TALANGKAH SKAO NGAN TIGO TAKAH
SEBELUM KAYAO TOH BALOEK MANGURAK KAN SILAO KANTAI NDOK NYAMPAE KATO SPATAH

BAK KATO SALUKOH ADUAK ITOH NGATAO

ADOT MAHKUTAO RAJEA NGAN MAKE, KARAN SATIAO JADI PANGIKATNYO
SRAK NGATAO ADUAK NGAN MAKE, SESUATU TOH TENTU ADEA SBOT NYO
SBUAK DEK APO TAGULIN BATUA, SBUAK DEK ANGIN KNCA DIKUBUT UJUA
SBUAK DEK APO SUKU PENGAJIAN KITAO NEH DATUA, BAUNGGAOH, BAKAMPAOH DI ATEH UMOH ANOK BATINO
KITAO PADO MALA INEH
BUKUA KNO SRAU BUKUA PULAO KNO DI IMBUA, YEA LAH JATEOH NYA GILI PENGAJIAN PADO UMOH ANOK
BATINO KITAO PADO MALA INEH

Doc. Yon Kusnadi .............pno izin pulang 3

 SATIBONYO KAYAO DI ATEH UMOH ANOK BATINAO KITAO IJUAK PULAO KAMAI TOH SIAO-SIAO
DATON KAYAO LAH KAMAI SAPAO, TGOK KAYAO LAH KAMAI PAMAO, DUDUK KAYAO LAH KAMAI
MULIAOKAN PULAO
PNAK KAYAO TOH LAH LPAEH, DAHUAH KAYAO TOH LAH TENA
MAKO SAMO-SAMO KITAO KERJEAKAN SEPANJANG WUJUD DAN MAKSUD DARI DIYEA ANOK BATIONAO
KITAO ITOH TADEH

LAH KITAO TUTUPI PULAO DENGAN DU’U BERKUAK DU’U SALAMAK,

MUDAH-MUDAHAN JIKOK ADEA PAHALONYO, YEA SAMO-SAMO KITAO PADIYEAH KAN UNTUK YANG
DIMAKSUD OLEH DIYEA ANOK BATINAO KITAO ITOH TADIH

MANAO LAH ULAK DARI ITOH PULAO

DIYEA ANOK BATIAO TOH ADEA PULAO MENENGAHKAN BARUPO MINUM KAWO DENGAN SAPINGGA, AYAE
NGAN SACANGKAE
JIKOK ADEA BASUA DALON MINUM KAWO, BAJUMPEA DALON AYEA, SALAH LTOK, SALAH AJUN NGAN IJUAK
TALETUAK PADO TMPEK NYO
MAKLUM KAMAI GAWE BANYUK-BANYUK
YEALAH TERLEBIH DAHULEU KAMAI SPANGKALAN/ TAGANO SERTAO ANOK BATINAO MINTOK MA’AF KAPADO
SARAPEK KITAO NGAN BAHADOE

TEGANAI/SPANGKALAN (memberi izin pulang)

MANAO LAH ULAK DARIPADO ITOH PULAO KAYAO WAKIL BERHADIR
IRAIH LAH DAEO LUMAUK-LUMAUK NDOK DIBUEA KE AYEI MULAE
JIKOK BAKAO TMPEK NGAN KARAMAK, JIKOK MAMINTAK TMPEK NGAN BULOEH

BUKUA KARAKAK TUMBAOH DI PAYAO, KARAKAK TUMBAOH DI BATU LICAN

APO LAH NGAN KAYAO PINTAK USE KAMAI PUNGKAO
YEA LAH NDOK MANGURAKKAN SILAO BALOEK KARUMOH MASAN-MASAN

SUDUAH JUGEA BAK KATO SALUKOH ITOH NGATAO

TUOH BILOEK CILAKO UMAH, DUDUK TUNGGAO TAGULIN BATUA
KAYAO NDOK BALOEK MANGAYUN KAN LANGKAH YEA KAMAI LPAEH SALAMAT JALUA
KIMAK DUEA KATAO SAIRAN
BUKIT KINANTA RNOH IMAK, BUKIT BRON TUNGGA DI JALUA
KICAEK SUDUAH PARAGEA LAH TMAK, ASSALAMUALAIKUM PANUTUT BILUA

Doc. Yon Kusnadi .............pno izin pulang 4