PNO MINUM KAWO

KAPIN TIGO
ASSALAMMUALAIKUM.WR.WB
BAK KATO SALUKOH ITOH NGATAO,
KRAIH MANILAO MANIKAM BATEU, INYO MANIKAM SI BATU PATAH
KRAIH NGAN TURAN DARI PAGURUYAO
BROI LAH MA’AF KANTAI TALEBIH DAHULEU
KANTAI NDOK NYAMPAE KATO SEPATAH KAPADO SARAPEK SAGALO KITAO

BAGINOILAH SARAPEK-RAPEK KITAO NGAN DUDEOK,

DUDEOK NGAN DIPAMPO LANTAE, NGAN DILINGKUN DINDON, NGAN DISUNGKUT ATAK
KAATEH DISUNGKUT BUBUN, KABAWUH BAALEH SNDAI

KCAEK BANAMEA GDUA BAGELUA

KCAEK IJUAK KITAO SBEUK NAMO, GDUA IJUAK KITAO PANGGAE GLO
MA’AF KANTAI TERLEBIH DAHULEU

ADOT PULAE BAPINGKAK NAEK MANINGGAKAN RUEH DENGAN BUKUNYO

ADOT MANUSIAO BATAKAH TURAN MANINGGAKAN ADOT DENGAN PUSAKONYO
KUAT SRAK DENGAN DELIL, KUAT ADUAK DENGAN SALUKOHNYO

BAK KATO SALUKOH ITOH NGATAO

PATAH TUNGKAK DUDEOK BASIMPAOH, NAMUN BAJALUA DITRAUHKAN JUGEA
PATAH SAYAK MANUNGKAK PARAOH, NAMUN ADUAK DIGENGGUA JUGEA

MANAO LAH ADOT KITAO KIPAK RUMAN-RUMAN TUMBOUH SARUPO MALAN INEH
ADOT BALAYOE MANUJU PULA, ADOT MANGIMBAEH MANUJU TANGKAE
ADOT BASNCA BASANGKALAN, ADOT BAKATAO TENTU ADEA TUMBUTANNYO

TENTAN KOK NAN KINAI

BATUAEK BATANYAO KANTAI KAPADO SARAPEK KITAO NGAN BAHADOE
KAPADO SAPO KANTAI MANUMBAUK KAN KATAO AGOK SAPATAH DUEA......

MEMPERSILAHKAN MINUM KAWO

SPANGKALAN
BAGINOILAH KAYAO WAKIL BERHADIR
SJUAK TADIH MANGANYAN RAGEA NDOK DI BUEA KADALON KUTAO
KIRO JATEOH KADALON PAYAO
SJUAK TADIH KANTAI PARAGEA LALOK TMPEK TUMBUTAN KATAO
KIRO TATUMBAOK KAPADO KAYAO WAKIL BERHADIR

Doc. Yon Kusnadi .............pno minum kawo 1

BAK KATO SALUKOH ITOH NGATAO
SIAK LENGAIH DI KOTO PANDA, URAN SAKTAI URAN KARAMAK TURAN NAN DARI
PAGURUYAO
KAJOI SUDUAH TALAE LAH TMAK MINUM KAWO LAH TAKAPAK PULAO
KIMAK DUEA KATAO SAIRAN,

SUNGE TUTAO BATANGGO MANAEK, TANOH KAMPAO PANAWAN TINGGAI

NAMPOK HIDANGAN ANOK BATINAO LAH LAMAO PULAO MANANTAEK,
MINTAK KAYAO TARIMAO DENGAN HATAI SUCAI SERTAO MUKAO NGAN AMAT JERNOAH

JAWAB PNO MINUM KAWO

WAKIL BERHADIR
BAGINAI KAYAO TUO TAGANOA/SPANGKALAN,
TENTAN KAYAO TOH LALOK TMPEK TUMBUTAN KATAO
LAH SUDUAH JUGEA SALUKOH ADUAK ITOH NGATAO
HUKAN JATEOH SANGKITAO SUDUAH, SALAH BATIMBA HUTA BABAYOE
BAUNDON, BAINEAK KAMAI LAH SUDUAH
YEALAH KANTAI WAKIL DARI NGAN BAHADOE
APO KOK NAN KINAI LANGSAO LAH PARAGO KAYAO
...................................................................................................................................................

LAH SAMPAE TOH KAYAO TUO TAGANOA/SPANGKALAN

BAGINAI KAYAO TUO TAGANOA/SPANGKALAN

LAH SUDUAH JUGEA SALUKOH ADUAK ITOH NGATAO

TAMA TUJEAOH DUSUN BATUAH, DELEAU BANAMEA KOTO JILATUA
BIUA BADGEOH PAPA DI TANAH, ADOT LAMAO DI ASUAK JANGUA

MANGKOU AGEO PNDUN SAMUHAUK, MANGKOU CAHAYAO DUSUN KUBUA

ADOT GAYEO IYEA DI SAMBAUK, ADOT KATAO IYEA DIJAWUAK

IJUAK KANTAI JAWUAK KAYAO TUO TAGANOA/SPANGKALAN TOH LAH BATUAK

BABILUA
MANG KANTAI JAWUA IJUAK PULAO KANTAI NDOK NGULAN SAPANJAN TOK BILON
KAYAO ITOH TADIH
APO KOK NAN KINAI KANTAI JAWUAK UGEA AGOK SAPATAH DUEA

Doc. Yon Kusnadi .............pno minum kawo 2

BAGINAI KAYAO TUO TAGANOA/SPANGKALAN

BAK KATO SALUKOH ADUAK ITOH NGATAO

SIAK LENGAIH DI KOTO PANDA, URAN SAKTAI URAN KARAMAK TURAN NAN DARI
PAGURUYAO
KAJOI SUDUAH TALAE LAH TMAK MINUM KAWO LAH TAKAPAK PULAO
KIMAK DUEA KATAO SAIRAN,

SUNGE TUTAO BATANGGO MANAEK, TANOH KAMPAO PANAWAN TINGGAI

NAMPOK HIDANGAN ANOK BATINAO LAH LAMAO PULAO MANANTAEK,
YEA SAMO-SAMO KITAO TARIMAO DENGAN HATAI SUCAI SERTAO MUKAO NGAN AMAT
JERNOAH

Doc. Yon Kusnadi .............pno minum kawo 3