ANOMAN DHUTA

(JEJER PISAN PANCAWATI ,RAMA WIJAYA,LESMANA ,SUGRIWA

AYAK – AYAK) (SUGRIWA MEDAL DIGEDHOG PISAN)

JANTURAN

SWUH REP DATA PITANA. SWUH IKU WERDINE SIRNA REP

NENGGIH SWASANA TENTREM. HANENGGIH NEGARI PUNDITA
INGKANG MINANGKA PAMBUKANING KANDHA, INGGIH PUNIKA
GUMELARING PRAJA PANCAWATI DENDO, NEGARI PANCAWATI
DUMADI SAKING USA KANG KINEPUNG BENAWI KINASAK HARDI
GREGANCANG SUNDO WIYATI, TOYA KAMITAN KENDAT MILI
NADYAN KETIGA DATAN NGUCIWANI, SINTEN TO INGKANG
ANGASTHA NEGARI PANCAWATI WENANG DEN UCAPNO JEJULUK
PRABU RAMA WIJAYA , INGGIH PRABU RAGUTAMA, YO SANG PRABU
RAMA LEGAWA. HANENGGIH WO INGKANG NGABIYANTORO ING
NGARSA NOTO LAN MENIKA NARENDRANE PARA WANARA SAKING
NEGARI GUWO KISKENDHA, INGKANG HAJEJULUK NARPATI
SUGRIWA. ING WETAS SINAMBET SOWANIPUN RADEN ANOMAN
AMUNG CUMADHONG MARANG DAWUHE SANG PRABU RAMA
WIJAYA….MANGKANA WIJILENG SABDA DERENG KAWIOSING LESAN
(JANTURAN CEKAP DIGEDHOG PISAN).
 PATHET NEM JUGAG

6. LIRSADPADINGSUN TUMULI HANGULATI

2 PUSPITA MEDEM ENDAH KANG WARNI OOO 6565

3 MIDERING TAMAN HAAA NOOON KANG SEKAR WARSIKI OO

2 KUMENYUTING TYAS

1 BAYATA JATUKRAMA OOONG

PRABU RAMA : YAYI NARPATI SUGRIWA, BAGYA SAK TEKAMU

ANA PESANGGRAHAN MALEAWAN YAYI.

SUGRIWA : SINUWUN, HAWIT PANGESTU PADUKA SOWAN

KULA DALAH PARA WADYA REWANDA
WIDADA NIR SAKARA-KARA. SEMBAH KULA
KATUR SINUWUN.

PRABU RAMA : YAYI SUGRIWA TIBA SEPADHA-PADHA.

SUGRIWA : SINUWUN, KULA NYADHONG DUKA TUWIN KULA

NYUWUN PANGAKSAMA SINUWUN

PRABU RAMA : DAK RASA ORA ANA LUPUTMU MARANG PUN

KAKANG
SUGRIWA : KULA TIYANG INGKANG MBOTEN WERUH
LELABUHAN, DENE ENAK-ENAK MUKTI
HAMBA DENDA WONTEN GUWA KISKENDHO.
LALI MENAWI SANGKAN KAWIBAWAN MENIKA
HAWIT SAKING SUN PADUKA KENG SINUWUN.

PRABU RAMA : YAYI SUGRIWA TIBA KOSOK BALI, LUGUNIPUN

KAKANG KANG U TANG BUDI MARANG SI
ADHI, HAWIT KAPI SEMU-SEMU
PESANGGRAHAN KANG LUWIH ASRI.

SUGRIWA : WADUH SINUWUN, KULA SAWADYA BALA WANARA

SAMPUN APRASETYA SABIYANTU PADUKA
REHNING MANGKE, WANCI NGANCIK KETIGA
TOYA SAMUDRA SAMPUN ANGOK, KULA
DALAH PARA WADYA BALA REWANDA
NYADHONG DHAWUH SUKALILA NGRABASA
NGREBUT WANGSUL GARWA PADUKA KUSUMA AYU
DEWI SHINTA.

LESMANA : DUH KAKANG MAS, NYUWUN PANGAKSAMI

NADYAN TERWACA ATURIPUN JETAYU BILIH
KAKANG MBOK SHINTA CUMIDRA
RAHWANA, NAMUNG SAMPUN NGANTOS
NGGEBAK PERANG MENAWI DERENG CEHNA
KASUNYATANIPUN KAKANG MAS.

PRABU RAMA : YAYI LESMANA BENER ATURMU YAYI, PUN

KAKANG ORA BAKAL TUMINDAK GEGABAH
KANG TUNDONE AGAWE KUCEM ASMA
ASORING DRAJAD.

SUGRIWA : MENAWI MEKATEN LAJENG KADOS PUNDI

INGKANG KERSA PADUKA ? SAMANGKE PARA
REWANDA SELAK MBOTEN JENAK
KUMUDU MAGUT YUDA NGLEBUR DURHANGKARA
KANG SINANDANG DENING PRABU
RAHWANA.

PRABU RAMA : YAYI, PRAYOGA MINI CARA AMRIH RAHAYUNE

LAKU, SEDYANIPUN KAKANG UTUS
ANAKYINAKE MARANG NGALENGKA.YAYI,
SAMENGKO SUN MUNDHUT PUN KAKANG
PITULUNG MIJI REWANDA DADI DHUTAKU
MARANG NGALENGKA YAYI SUGRIWA.
(GEDHOG SULUK)

ADA ADA GREGET SAUT NEM

6 GUMRAH GUMURUH BALA WANARA

2 MUNGKASAKEN KASEKTENE

1’ MANGGALA REWANDA MANGARSA GUPUH O..O..O..2’1’2’1’

1 DIMEN GAWROAN SANG RAMA BADRA

2 PINILIH HANYANGKUL KARDI O…. 3

SUGRIWA : SINUWUN, MBOTEN NAMA UMUK KATHAH PARA

SENAPATI KAPI INGKANG CACAK SURASEKTI.
 SUWAWI KULA ATURI MILIH ANGGADA,
MENAPA ANILA, MENAPA ANALA, MENAPA PUN
KAPI HARIMENDO, JEMBAWAN
INDRAJANUM, MANTHASTHA,
MANTHASTHI, UTAWI SATA BALI BALI WINATA
SEDAYA MBOTEN BADHE NGUCIWANI
KARYA.

PRABU RAMA : YAYI NARPATI, ORA JENENG INGSUN

NGLIRWAKAKE PANEMUMU, SAKA
PANGRASAKU PINILIHING DHUTA KAJABA
KALANDESAN KASEKTENE, UGA NONTON
JEMBARE PAMAWAS, BEBLESING PANEMU,
SARTA GEDHENE LELABUHAN,
LINAMBARAN SUCINING ATI KANG ORA KAWOAN
MILIH. LAMUN LUPUT ING PAMILIH BAKAL LEBUR
TANPO DADI YAYI NARPATI.

SUGRIWA : LAJENG MENAWI MEKATEN, LANDHESAN SINTEN

INGKANG PANTES NGAYAHI KARYO ?

PRABU RAMA : DAK PUNDHUT ANOMAN KANG DADI DHUTAKU,

YAYI.

SUGRIWA : SUMANGGA INGKANG KERSA PADUKA, ANOMAN

MAJUO ANA GAWE ANOMAN ! (GEDHOG
KANGGE IRINGAN SREPEG ANOMAN MLEBET)
PRABU RAMA : ANOMAN, SIRA DAK UTUS LUMAKUO DHUTA
MARANG NGALENGKA, TITISNA KANDHANING
PAWARTA APA BENER GARWAKU YAYI
SHINTA CUMONDOK ANA NGALENGKA.

ANOMAN : SENDIKA PANGESTU DHAWUH PADUKA SINUWUN.

PRABU RAMA : LAMUN KETEMU YAYI SHINTA, MATURO JENENG

INGSUN PADHA RAHARJO, ORA SUWE MANEH
BAKAL DAK REBUT SAKA TANGANE
DASAMUKA.

ANOMAN : KULA NOKNON NGESTOKAKEN DHAWUH SABDA

PADUKA SINUWUN.

PRABU RAMA : MINANGKA TANDHA BEKTI YEN SIRA UTUSAN

INGSUN, MARA TAMPANANA ALI-ALI SUTYA
LUDIRA IKI, ATURNA MARANG YAYI
SHINTA.

ANOMAN : DHAWUH PADUKA KULA PUNDHI DADOS JEJIMAT.

(GEDHOG KANGGE SULUK)

6 MANGKA KANTHINING TUMUWUH

2 SALAME MUNG AWAS ELING
1’ ELING LUKITANING ALAM OOO… 2’
2’ DADI REDYANING DUMADI
1 DUMADINE RISANG SOYA
2 YAIKU PANGREKSANE URIP OOO… 3

ANOMAN : TERWACA DHAWUH GUSTI PRABU PUNPATIH IDI

PANGESTU BANYU MILI, PAMUJIKU HAYU
HAYU NIRBAYA SEDYA RAHAYU. MENAWI
WONTEN LUMUNTURING SIH ABDI PADUKA
NYUWUN KYAI LURAH SEMAR SAK ANAK IPUN.

PRABU RAMA : SAYA LUWIH PRAYOGA BISA NYEMBUH WIDADA

ANOMAN.

ANOMAN : RADEN LESMANA, KULA NYUWUN PAMIT RADEN.

LESMANA : YA YA RADEN DAK PUJA MUGA-MUGA TANSAH

PINAYUNGAN KALA CAKRA.

ANOMAN : PAMAN NARPATI KULA NYUWUN PAMIT PAMAN.

SUGRIWA : PANGESTUKU TANSAH LUMINTU ANOMAN.

(GEDHOG , PIKAT MANUK , SEDAYA MEDAL ,
ANOMAN DIADANG ANGGODO ,
GEDHOG SULUK)
6 SIGRA TANCUT GUMREGUT
2 NYEMBAT WATANG NGRABASA MUNGSUH
1’ SANGKEP JAJA KANTALAN BAU SAYEKTI O…O…O 2’1’2’1’
1 DENGA LENA PRAPTENG LAMPUS
2 SIRNA MADYANING PALUKUN EEE…3

ANOMAN : YAYI JAYA ANGGODO, ANA GAWE APA SI ADHI

NGADHANG LAKUKU ? NITIK SAKA
RERUPAMU SAJAK ORA SARUJUK ATIMU YAYI.

ANGGODO : KAKANG ANOMAN ! PANCEN BENER UCAPMU.

ANGGODO LAGI KOGEL AWIT BANGET
KEGELAN. DAK KIRA MUNG KAKANG ANOMAN
SING BISA NAMBAL GEMPALING ATIKU.

ANOMAN : WIS WAJIBE SEDULUR TUO MAWEH PITULUNG

MARANG KADANG MUDHA, BEJA
KEMAYANGAN YEN KAKANG BISA NAMBAL
GEMPALING ATIMU YAYI. MARA DYAGE TUTURNA
APA SEBABE.

ANGGODO : KAKANG ANOMAN SENGARA KOWE GELEM

NULUNGI AKU.

ANOMAN : YEN ORA BANGET RUMUSED MESTHI DAK

BUDIDAYA.
ANGGODO : YEN PANCEN NYATA UCAPMU ORA LELAMISAN,
LILAKNA KALUNGGUHAN DHUTA TAK JALUK.

ANOMAN : ADHIKU DHI ANGGODO, MANGERTIA LAMUN BAB

IKI DUDU WEWENANGKU, PUN KAKANG MUNG
SADERMA NGUDI DHAWUH SINUWUN PRABU
RAMA WIJAYA.
ANGGODO : CETHA YEN ORA LILA !!!

ANOMAN : YAYI, SING GEDHE PANGAPURAMU. DHASARE AKU

WIS PRASETYA YEN KAKANG ORA BAKAL
MBADHAL DHAWUH.

ANGGODO : SEMONO UGA AKU ANGGODO WIS KADHUNG

SUMPAH !!!

ANOMAN : KEPRIYE ?

ANGGODO : ANOMAN LULUS LUMAKU DHUTA YEN CILIK BISA

NANDHINGI NGALAHKE ANGGODO.
(GEDHOG KANGGE SULUK)

(2) BUSEKAN JRONING KEWUH

(2) MANDE GADA NGONCLANG PEDHANGIPUN EEE…3

ANOMAN : YAYI, YEN KENA DAK EMAN AJA DADI PEPALANG
LAKUKU.

ANGGODO : WIS TAK ANDEMI NGIRAS NJAJAL SEPIRA BOBOT

KASEKTENMU.

ANOMAN : YAYI…

ANGGODO : MBUH RAIDHEP. KELAKON MATI DENING AKU (SREPEG)

(PERANG CEKAP TANCEP KAYON)

SANGSAYA DALU HARARAS ABYOR KANG LINTANG KUMEDHAP

TISTIS SONYA TENGAH WENGI

LUMRANG GANDANING PUSPITA

KARENGANING BUDYA NIRA OOO…

SANG DWIJAWARA BRENGENGENG

LIR SUARANING MADU BRANTA

MANUNGSUNG SARINING KEMBANG

(WITING KLAPA)

(PUNAKAWAN LAN ANOMAN MEDAL)

SEMAR : EEE… TOLE ANAK-ANAKKU IKI ANA GAWEYAN

SING PENTING NGGER. KOWE LAN AKU BAKAL
DIKANTHI NDARA ANOMAN MENYANG
 NGALENGKA DADI DHUTANE PRABU
RAMA WIJAYA.

GARENG : WAH COCOK IKI… NGIRAS PANTES PARIWISATA YA

TRUK. ENGGAL ENGGAL NAMBANI STRES.

PETRUK : DHUH DHUH SAJAK E KI THIK. RUMANGSAMU

PARIWISATA KI NGAPA ? NENG KANA KI ORA
SENENG-SENENG LHO KANG NENG KANA
KI TOTOANE NYAWA. MERGA NGALENGKA
KI KONDHANG BUTANE GEDHE-GEDHE,
SEKTI-SEKTI, TUR GALAK-GALAK. KURANG
BEJANE MULIH MUNG KARI GEMBUNG DIKLETHAK
BUTA SIRAHMU LHO KANG.

GARENG : OOO ORA PIKNIK TO ? YEN NGONO AKU TAK PAMIT

TRUK AWAKKU PATING GREGES.

BAGONG : GARENG KI WONG TUWO RAPATUT DITIRU. YEN

LUNGA ORA NGUNTUT MUNG PILIH PAMIT.
YEN SAJAKE AMPLOPE KANDEL DURUNG CALANG
E WES MARA.

SEMAR : EE… TOLE … KAPITAYAN KUWI LARANG REGANE.

ORA SABEN UWONG DIPILIH ORA SABEN
UWONG DIPERCOYO. MULA YEN DIPILIH LAN
DIPERCAYA GUNAKNA SING SAK TEMENE.
COCOK KARO JANJIMU JUMBUH KARO
UCAPMU. NADYAN ABOT LAN REKASANE YEN
WANI AJA WEDI-WEDI YEN WEDI AJA WANI-
WANI , NGGEEEEERRR.

(GEDHOG KANGGE SULUK)

2’ SENGGANA KADYA GINUGAH

1’ MULAT SUMRINGAH GUMREGUT OOO…2’

1’ MANGAK GREGET JRONING ALIS

1 NGANDER PADI NGEMBAN DHAWUH

2 TATAG RABOSO KANG LUNGSIT EEE…1

ANOMAN : KYAI SEMAR, NADYAN MUNG SAK KECAP

SEMBURMU BISA NAMBAHI KENCENGING
TEKADKU. AYO DAYA-DAYA DAK
KANTHI BUDHAL MARANG NGALENGKA.

PETRUK : DEN, NJENENGAN SAGED MABUR, LHA KULA

MANGKIH PRIPUN ?

BAGONG : ALAH PETRUK KI RAME WAE TA. NEK WIS WANI

NGAJAK KI KUDU WANI TANGGUNG JAWAB
SAK KABEHE. KLEBU TRANSPORT E, SANGUNE,
JAJANE, NEK PERLU TINGGALANE NGOMAH
BARANG, AJA SUMELANG.

ANOMAN : AJA SUMELANG. KYAI SEMAR DAK PUNDI ANA

KANCING GELUNG. KOWE GARENG, PETRUK
LAN BAGONG DAK GEMBOL ANA KAMPUH.

BAGONG : LHO DIGEMBOL ANA KAMPUH, KUI NEK GAPLE RA

KETOK KUI TRUK.

PETRUK : WANDAMU.

SEMAR : INGGIH MANGGA KULA DHEREKAKEN DEN.

MESAK NGGAYUH GEGANA RISANG RAMA DAYA PATI. KOCAP,

KANG ANA TENGAHING SAMUDRA KUMRICIK SUARANE.

(GEDHOG KANGGE RICIK-RICIK)

KATHAKSINI : BOJLENG-BOJLENG IBLIS LAKNAT PADHA JEG-

JEGAN , ANA PUTIH MEMPLK KETHP-KETHAP
MUSUH MEGA, YEN BANGSANE MANUK
ORA KAYA MANGKONO. AJA-AJA IKI MUNGSUH
NGRABASA NGALENGKA, NADYAN KAYA KILAT
DHUWURE SUNDUL LANGIT SAPITU, DAK
SEROT KELAKON KAMPLUNG ANA WADHUKKU
EEEHHHH.

(ANOMAN DIPUNSEROT KATHAKSINI)

(ANOMAN WONTEN WADHUKIPUN KATHAKSINI POLAH)

(SIREP)

(ANOMAN MEDAL SAKING WADHUKIPUN KATHAKSINI)

(PERANG)

(KATHAKSINI PEJAH DIPUN BETHOT ANOMAN)

(PERANGIPUN MBOTEN SAH DANGU. CEKAP TANCEP KAYON)

1 JAHNING YAHNING TALAGA KADI LANGIT

3 MAMBANG TAMPAS WULAN PAMANEKA OOO… 3 2 1 2 1 6.
1 LINTANG TULYWA KUSUMA YA SUMAWUR OOO… 3 2 1 2 1 6.

JAGANG JERO BENTENG KANDEL PRAJA NGALENGKA.

ING ANGKASA GARUDA YAKSA KANG KAREM MANGSA GAGE.
GUNUNG JURANG LAN ALAS RINJEGAN LADI YAKSA DYAN ANOMAN
KEPATI NGATI-ATI.
TINANGGUNG WANCI DALU DENYA MANJING PURA NGALENGKA.
ENDAHING TAMAN SOKA KADYA HANGELING-ELING.
(GEDHOG KANGGE LADRANG ELING-ELING)
SASADARA KASAMBUT MEGA REMUMUR CAHYANE.
KEMBANG NAGA PUSPA KOCATAN GANDA ARUM DALU KATON
LESU.
SEKAR TANJUNG KUDANG LAYUNG CEPAKA PADHA GOGROK
AMBLASAHAN ING LEMAH.
KOMBANG-KOMBANG SAMYA NELANGSA NANGIS NGERES NADYAN
BISA NYESEP MADUNING PUSPITA.
INDAHING TAMAN SOKA SAKALA AMBYAR KLIYAH PAMELUNGE
PRABU DASAMUKA. (DHOK CER)
DASAMUKA : NIMAS SHINTA WONG AYU SING SETHINIK-THINIK.
TOLEHEN AWAKKU DIMEN MARI ANGGONKU
GANDRUNG SHINTA. OPO CACATIPUN
KAKANG, AKU RAJA AGUNG SURSEKTI SINEMBAH
PARA RATU, SUGIH BANDHA RAJA BRANA
BAU DENDA CAKRA PATI.
SHINTA : PRABU RAHWANA.
DASAMUKA : PIYE PIYE PIYE ENENG APA ?
SHINTA : KANG ANA TELENGING ATIKU LAN MANJING
RASAKU MUNG KAKANG MAS RAMA WIJAYA.
DASAMUKA : SEDHENGING GUNUNG PENGAWAK WAJA WAE BISA
JUGRUG KARO UDAN BANYU SHINTA.
SHINTA : TUMRAP SHINTA, NGENTENI IKU PRASASAT SILEME
GABUS TIMBULE WATU ITEM.
(GEDHOG KANGGE SULUK)

1’ MEH RAHINA SEMUBANG HYANG HARUNA

356 KADINETRANING HANGGA RAPUH OOO…3

3 SABDANING KUKILA

2 RING KANIGARA SAKETER

3 KINDUNGAN INGKUNG LIRWUWUSING PINIPANCA OOO…2

DASAMUKA : SHINTA ! LANDHEP WELAK UCAPMU, BEBASAN

IWAK WIS ANA RAMPADAN DAK TANDHA
 SEWANCI-WANCI ORA ANA SING BAKAL
NGALANGI.
SHINTA : TIMBANG WULU WUNTUH, LUWIH BECIK TEKENG
LAMPUS.
DASAMUKA : WAAAHHH !!! SETAN LAKUT PARAT !!! (DOK CER)
(SHINTA BADHE DI GEBUK GADA NANGING MBOTEN SIOS)
(GADA DIPUN ICALAKEN)
(ANOMAN MLEBET)
ANOMAN : DHUH KUSUMA DEWI NYUWUN PANGAKSAMI,
DENE SOWAN KULA DAMEL KAGYATING
PENGGALIH.
SHINTA : KISANAK, SIRA IKU SAPA ?
ANOMAN : KULA ANOMAN DHUTANIPUN KENG RAKA
SINUWUN PRABU RAMA WIJAYA. KADHAWUHAN
NGATURAKEN ALI-ALI SUTYA LUDIRA
PADUKA.
SHINTA : ANOMAN, MARA DYAGE ATURNA.
ANOMAN : SUMANNGA KULA ATURI NAMPI.
(GEDHOG KANGGE SAMPAK)
GUSTI AYU SAMPUN KUWATOS. GUSTI RAMA
WIJAYA BADHE BOYONG WONTEN
NGALENGKA.
SHINTA : ANOMAN, BOMBONG RASANE ATIKU, MINANGKA
TANDHA BEKTI YEN WIS KETEMU LAWAN
SHINTA MARA TAMPANANA PISUNGSUNGKU
KANCING GELUNG CUNDHAMNIK ATURNA
MARANG PANGERAN RAMA ANOMAN.
ANOMAN : DHUH KUSUMA DEWI, NGESTOAKEN DHAWUH.
SAKSADEWA : HEE… KEPARAT SAPA KUWI WANI MLEBU TAMAN
SOKA ? (DOK CER) (SHINTA MEDAL)
(SIREPAN)
SAKSADEWA : WAAH ! MONYET ELEK ORA TATA, SAPA IKI ?
ANOMAN : ANOMAN DHUTANE PRABU RAMA WIJAYA.
BALI TAKON ?
SAKSADEWA : PUTRA PAMBAYUN NGALENGKA, RADEN
SAKSADEWA. MANUTA DADI BANDAN.
ANOMAN : MARA MAJUA. (PERANG) (TASIH SIREP)
ANOMAN : KEPRUK WIT GORDHA PECAH SIRAHMU.
(SIREP SAMPAK)
INDRAJID : HAYOH AJA GIRANG GUMUYU. PANAH RANTE
KELAKON DADI BANDAN.
(SUWUK)
DASAMUKA : SAPA SING GAWE GEGER JID ?!
INDRAJID : KENGKENANIPUN SRI RAMA WIJAYA, NAMINIPUN
ANOMAN.
DASAMUKA : BOSEN URIP! DIOBONG NENG ALUN-ALUN JID!
INDRAJID : NGESTOKAKEN DHAWUH.
(GEDHOG KANGGE SAMPAK)
(ANOMAN DIOBONG ANOMAN TIWIKRAMA DADOS GANGSARAN 2)
(NGUNCALKE GENI)
(ANOMAN JOGETAN)

(TANCEP KAYON)
 LAMPAHAN
ANOMAN DHUTA

MUHAMMAD ALFIAN FIRDAUS