Kapi Parwa

Om Awignam Astu Namo Sidham

Hana ta sira Resi putusinga sing sastra kabéh, Sira Bhagawan Gotama ngarannira, Brahma putrangsa sira,
ngkna ring pinggir ikang gangga pawitra.
Pira ta lawasnira mbrata, sapta dinanya, inara dhana Bhatara Indra. Ta tan maswé dateng Sang Hyang satak retu
mawéh Apsari kanya. Suka ta Sang pandita, mangastungkara ri Bhatara Indra.
Ilang pwa Sang Hyang wiwuda mulih maréng swarga loka. Kari ta Sang Naraci ring asrama, umegil ring sang Resi.
Pinari graha nira tang apsari dé Bhagawan Gotama. Malawas ta sira akuren, hneng akna papanggih nira.
Mamwit Sang Naraci muliha maréng swargaloka. Kapangguh ta Sang Hyang Aditya. Mahayunta Bhatara
Surya, pinari graha nira ta Sang Naraci. Ndah hneng akena polah nira.
Mulih tang Apsari ngasrama, manak ta sira laki sawiji, sira ta Sang Bali ngaranira, atyanta samblahning rupa.
Mulih tang Apsari ring Swargaloka, mahayunta Bhatara Indra, pinari graha nira Sang Naraci, manak Sang Sugriwa,
kapwa dibya rupa kalih.
Hana putranira stri sawiji sakéng Bhagawan Gotama, sira ta Dyah Anjani. Riwus matua ikang putra katiga,
irika ta Sang Naraci mawéh tang manik astagina ring ptranira stri.
Asing kaarep katekan. Ya ta pawéh Sang Hyang Aditya ring Sang Apsari, Atyanta mahottama, matangyan tan kurang
buktya Dyah Anjani, wétning saktya ning sarwa ratna.
Pira ta lawasnira wibuh ring bhoga, tan kinawruha ndéning wang sanak nira kalih. Hana ta Sang Jambawan
ngaranira, dasing Sang Pandita. Ya ta pamongmong sang putra kalih. Wruh pwa Sang Jembawan yan hana ratna
astagina ring Dyah Anjani.