NASKAH PRANOTOCORO

ASSALAMU ALAIKUM WR.WB

DUMATENG NGARSANIPUN PORO PINISEPUH, SESEPUH, AJI SEPUH, INGKANG ANGGUNG

MASTUTI DUMATENG PEPOYANING KAUTAMEN , INGKANG SATUHU LEBDO ING PITUTUR
MIWAH PONO ING PAMAWAS, INGKANG PANTES PINUNDI.

PORO PANGEMBAN PANGEMBATING WILAYAH ING WEWENGKON PADUKUHAN SUMUR,

KALURAHAN GIRIPURWO, KAPANEWON PURWOSARI, INGKANG PINONGKO PANDAM
PANDOMING KAWULO DASIH INGKANG PANTES SINUDARSONO.

LANGKUNG-LANGKUNG DUMATENG KADANG BESAN SUTRESNO, NUNINJIH

BOPO…..DALASAN IBU….GOTRAH KULOWONGSO, INGKANG PIDALEM WONTEN ING
PADUKUHAN……INGKANG SATUHU MINULYO.

SAGUNGING PORO TAMU , KAKUNG SUMAWONO PUTRI INGKANG PANTES NAMPI ING
PAKURMATAN

PORO KADANG WREKDO MUDO TUMARUNO, KAKUNG MIWAH PUTRI INGKANG TANSAH
KULO TRESNANI

KEPARENGO KULO CUMANTHOKO, NGADEG WONTEN NGARSO PANJENENGAN SAMI,

HANGGEMPIL KAMARDIKAN SAWENTAWIS ANGGENIPUN ECO ING PANGANDIKAN.

NUNINJIH AWIT MUNDI DAWUH INGKANG HAMENGKU GATI, KEPARENGO KULO

HAMBUKO WIWARANING SUKO, WENGANING WICORO, DWARANING KONDHO,
PINONGKO JEJERING PAMBIOWORO.

ANANGING SAKDERENGIPUN SUMONGGO TANSAH KULO DEREKAKEN HANGATURAKEN

PUJO PUJI SYUKUR WONTEN NGARSANIPUN GUSTI ALLOH SWT, INGKANG SAMPUN
PARING MAPINTEN – PINTEN NIKMAT LAN HIDAYAHIPUN, SAHINGGO KULO
PANJENENGAAN SAMI SAGET KEMPAL NYAWIJI WONTEN DALEMIPUN BOPO…. KANTHI
KEBAK ING KAWILUJENGAN.

SOLAWAT MIWAH SALAM MUGI TANSAH KATUR DUMATENG JUNJUNGAN NABI AGUNG
MUHAMMAD SAW, SUMRAMBAHIPUN DUMATENG PORO KELUARGO LAN
SAHABATIPUN, MUGI SAMANGKIH KULO PANJENENGAN SEDOYO TANSAH PIKANTUK
SYAFAATIPUN WONTEN ING YAUMIL KIYAMAH. AAMIIN YAA ROBBAL ALAMIN.

SAGUNGING PORO TAMU,

MENGGAH URUT RERONCENING HADICORO INGKANG SAMPUN KARANTAM DENING

SEDOYO KULOWONGSO NUNINJIH :

1. INGKANG ONGKO SEPISAN , PAMBUKO

2. INGKANG ONGKO KALIH, ATUR PAMBAGYOHARJO YUWONO
3. WONDENE INGKANG ONGKO TIGO, NUNINJIH PASRAH CALON TEMANTEN
4. HADICORO INGKANG ONGKO SEKAWAN , PANAMPI
5. HADICORO INGKANG ONGKO GANGSAL SUMENE
6. WONDENE HADICORO PUNGKASAN NONINJIH, PANUTUP

SAGUNGING PORO TAMU,

TUMAPAKING HADICORO INGKANG ONGKO SEPISAN NUNINJIH PAMBUKO, INGKANG

HANGRASUK AGAMI ISLAM SUMONGGO MAOS BASMALAH, WONDENE INGKANG
HANGRASUK AGAMI SANES, KULO SUMANGGA AKEN KAWICAKSANANIPUN.

WAOSAN BASMALAH SUMONGGO KULO DEREAKEN,

“BISMILLAHIRROHMAANIRROKHIIM”

MUGI KANTHI WAOSAN BASMALAH, HADICORO PAWIWAHAN PRASOJO WONTEN ING RI

KALENGGAHAN PUNIKO, PURWO, MADYO SOHO WUSONO TANSAH PINAGGIH
KAWILUJENGAN.. AAMIIN YAA ROBBAL ALAMIN.

HADICORO INGKANG ONGKO KALIH , NUNINJIH ATUR PAMBAGYOHARJO YUWONO

DUMATENG NGARSANIPUN BOPO…. WEKDAL SOHO SASONOWORO KASUMANGGA

AKEN.

…………………………………………………………………………………………………………………………………………..

DUMATENG BOPO…..KA ATURAKEN AGUNGING PAMATURNUWUN AWIT

PANGANDIKANIPUN.
HADICORO INGKANG ONGKO TIGO, NUNINJIH PASRAH CALON TEMANTEN KAKUNG

DUMATENG NGARSANIPUN BOPO…., WEKDAL KULO SUMANGGA AKEN SAK CEKAPIPUN

…………………………………………………………………………………………………………………………………………..

TATAS, TITIS, TERANG , TERWOCO AWIT PANGANDIKANIPUN BOPO……

HADICORO SAKLAJENGIPUN NUNINJIH PANAMPI,

DUMATENG NGARSANIPUN BOPO….. WEKDAL SOHO SASONOWORO KASUMANGGA

AKEN..

…………………………………………………………………………………………………………………………………………

CEKAK, AOS, SOHO WIJANG AWIT PANGANDIKANIPUN BOPO…., PRAMILO SAKING

PUNIKO KA ATURAKEN AGUNGING PANUWUN INGKANG TANPO PEPINDAN.

SAGUNGING PORO TAMU,

WEKDAL KULO SUWUN, SINGGET SAK WETAWIS, ING MBOK BILIH BOPO….. DALASAN
IBU…..BADE CAOS PASUGATAN , LUMANTAR PORO KADANG PRAMULADI..PRAMILO
MBOK BILIH SAMANGKIH SAMPUN SAMEKTO , KA ATURAN HANGRAHAPI INGKANG
KANTI SAK MARDU MARDIKANING PENGGALIH. KATEBIHNO RAOS JIGUH LAN PAKEWUH.

SINAMBI HANGRANTOS PORO KADANG PRAMULADI, SUMONGGO MAS SARTONO

ANGGENIPUN CAOS PANGLIPUR ….SIK NYEMEK OPO SIK GUMYAK MANUT POKOKE SAK
JOSE..

………………………………………………………………………………………………………………………………………….

SAGUNGING PORO TAMU,

WEKDAL KULO SUWUN MALIH, KANGGE HANGLAJENGAKEN HADICORO,

HADICORO INGKANG PUNGKASAN , NUNINJIH PANUTUP

HANAMUNG SAKDERENGIPUN, KULO INGKANG KAJIBAH NDEREAKEN TITI LAKSITANING

HADICORO ING SIANG PUNIKO, TEMTU KEMAWON KATHAH KALEPATAN SOHO
KEKIRANGANIPUN, SAESTU KULO PRIBADI TANSAH NYUWUN LUMEBERING SAMUDRO
SIH PANGAKSAMI.
SUMONGGO HADICORO ING SIANG PUNIKO KATUTUP KANTHI WAOSAN HAMDALAH,
KANTHI KULO DEREK AKEN,, “ALHAMDULILLAHIROBBIL ‘ALAMIN”

MATURNUWUN, WASSALAMU’ALAIKUM WR.WB