2010

PESTA UNJUK
HKBP Makassar, 9 JULI 2010
Rudolf Martimbang SIAHAAN

dohot
Rosmida Sri Hartini br
SIREGAR

Gedung Bambuden I Lantai

II

E.SIAHAAN
PUNGUAN POMPARAN SIAHAAN SOMBA DEBATA,
MAKASSAR
09/07/2010
SIBUHA-BUHAI 08.30

1. SAHAT MA PARANAK DI JABU NI SUHUT PARBORU IMA DI GEDUNG SIKOLA

MINGGU JALAN RAJAWALI MAKASSAR HARI JUMAT, 09 JULI 2010 PUKUL
08.00 WITA

2. MOLO ROMBONGAN NI PARANAK NGASAHAT DIJOLO JABU NIPARBORU,

DIPABOAMA HARORO NI NASIDA TUPARBORU ASA RADE PARBORU
MANJALO.

3. DUNG SAHAT DIPINTU BAGAS NI PARBORU SI HUTTI APPANG

PASAHATHON HATA : “HORAS MA DIHITA SALUHUTNA” NANIALUSAN NI
PARBORU ” HORAS MA TUTU “

4. DUNGI DIPATAMA PARBORU MA PARANAK MASUK, DIJOLOMA SIHUTTI

APPANG, DUNGI SIPANGOLI NANIUDURHON NI NATUA-TUA NA DOHOT
ROMBONGAN PARANAK. JALA HUHUT MARSIJALANGAN

5. BORU SUHUT NI PARBORU MANJALO APPANG SIAN SI HUTTI APPANG,

DUNGI DIPEAKKONMA DIMEJA NADIJOLO NI SUHUT PARBORU

6. SIBORU MULI MANDAPOTHON SIPANGOLI MAMBAHEN BUNGA DI BAJU JAS

NI PANGOLI JALA DUNG SAE DIHAITTON, DILEHON PANGOLIMA MUSE
BUNGA TANGAN TU SI BORU MULI.

7. SUHUT PARBORU MANJOPPUT BORAS SIPIR NI TONDI TUSI MANJUJUNG NI

PANGOLI DOHOT SIBORU MULI HUHUTMA DIDOK : HORAS… HORAS…
HORAS…

PROTOKOL PARBORU 08.35

DIHAMU RAJA NI PARBORUON NAMI DOHOT DISUDE UDURAN MUNA,

MAULIATEMA DI TUHANTA, HIPAS HAMU MANDAPOTHON HAMI, JALA HAMIPE
HIPAS DIDAPOT HAMU.

PROTOKOL PARANAK

IMA TUTU RAJA NAMI, HIPAS DO HAMI NARO MANDAPOTHON HAMU, JALA
HAMUPE HIPASDO HUDAPOT HAMI. NANG TUHAMU HULA HULA NAMI
DOHONON NAMI DO MAULIATE ALA LAS DO ROHA MUNA MANJALO DIHARORO
NAMI. ADONG DISON HUBOAN HAMI SONGON PANGGATTI NI NAPURAN

2
SATTAPPUK, MANSAI LAS ROHA NAMI MOLO PITTOR DISIGAT HAMU NIAN RAJA
NAMI.

PROTOKOL PARBORU

NAULI RAJA NI BORU, NISIGAT MA TUTU.

DIHAMU BORU NAMI, BOAN HAMU MAJO TUDAPUR JALA HOBASI HAMU
DIHAMU RAJANI PARBORUAN, ADONG DOPE NATAPAIMA?

PROTOKOL PARANAK
MOLO TUNG ADONGPE RAJA NAMI, SIDAPOT NAULI MA NASIDA.

PROTOKOL PARBORU

MOLO SONGONI DOSMA ROHANTA ASA MARSIPANGANON HITA, TUNGPE

SIANTAK DIIBANA BE HITA MARDOMU TU INGANAN, NINNA ROHA NAMI DANG
POLA MANGURANGI TU DENGGAN NI ULAONTA.

PROTOKOL PARANAK
MAULIATEMA RAJANI HULA-HULA, NINNA ROHA NAMI JOLO HUPASAHAT HAMI
MA NAHUBOAN HAMI ON TUHAMU.

DIHAMU HULA-HULA NAMI, DISON RODO HAMI MANDAPOTHON HAMU, HUHUT

PASAHATHON TUDU-TUDU NI SIPANGANON, LOMPAN NATABO, IMA
SIPANGANON SIBUHA-BUHAI NI ULAONTA SADARION, ANGGIATMA TUTU
DIBUHA TUHANTA ARI NA ULI ARI NADENGGAN DIHITA NALAHO MANGULAHON
ULAONTA DI ARI SADARION. TUNG SONGONIPE RAJA NAMI SIPANGANON NASO
SADIA ON, LAS MA ROHA MUNA MANJALO, BOTIMA.

PROTOKOL PARBORU

I MA TUTU LAE, DOHOT HAMU SUDE NA HUHAHOLONGI HAMI. MAULIATE

TADOK TU TUHANTA ALA RO HAMU DIBAGASAN HAHIPASON MAMBOAN
SIPANGANON NA TABO NA GINOARAN SIBUHA-BUHAI

SONGON NA NIDOK MUNA I MA TUTU, SAI DI BUHA TUHANTA MA ARI SADARION

SI BUHA NAULI SI BUHA NADENGGAN DI ADATTA.

NUNGA ULI JALA SONANG ROHANAMI,

BOTI MA !

3
JALA DIHAMUPE RAJA NI PARBORUON NAMI, SONGON TANDA LAS NI ROHA
NAMI DIHARORO MUNA MAMBUHAI ULAOTTA, PASAHATON NAMI DO DEKKE
SIMUDUR UDUR, DOHOT DEKKE SITIO-TIO TUHAMU PARBORUON NAMI.

SAI RAP UDURMA HITA DIAKKA NAULI DOHOT NADENGGAN. JALA SAI DAPOT
MUAL NA TIO ANAKKONTA NANAENG MAMUKKA PARSARIPEON.

JALA ASIMA ROHA NI TUHANTA SAI DIBUHAI MA ARI NAULI DOHOT ARI
NADENGGAN DIHITA NAMANGULAHON ADATTA SADARION BOTIMA.

DISOK ROHA NIAN, ALA HAMUDO NAPATUPAHON SIPANGANON ON, HAMU

PARBORUON NAMI MA MAMBAEN TANGIANG LAHO MARSIPANGANNON

PROTOKOL PARANAK
NAULI RAJA NI HULA-HULA.

(TANGIANG MANGAN)

JALA LAOS DIDOK PROTOKOL PARANAK MA UMPASA :

SITITI MA SI HOMPA, GOLANG-GOLANG PANGARA-HUTNA

TUNG SO SADIA PE NUAENG NAHUBOAN HAMI ON,
SAI GODANG MA PANASUNA, BOTI MA !

DI TIKKI MARSIPANGANON, DIPARADE MA LAHO PANGUPAHON BORU DOHOT

HELA.

Mandok Hata Ina Pangintubu Penganten Perempuan

INANG PANGINTUBU

“INANG BORU HASIAN DOHOT HAMU AMANG HELA NABURJU, SADA DO

PINGGAN PANGANAN MUNA, SADA DO UPA-UPA MUNA, LAOS SADA DO GALAS
INGANAN NI AEK SITIO-TIO DIHAMU. LAOS SONGONIDO PANGIDOAN NAMI,
MULAI SADARION SISADA ROHAMA HAMU, SISADA TAHI, SISADA OLOAN,
DISALUHUT AKKA SIULAON DOHOT SIBAHENON MUNA.

IA DENGKE I, DEKKE SAUR DOI, ASA SAHAT HAMU SAUR MATUA.

DEKKE SI MUDUR-UDUR DOI HUHUT, ASA SAI RAP UDUR HAMU TU

NADENGGAN DOHOT NAULI SONGON SIMBOL HASASADA NI ROHA MUNA DI NA
LAHO MANGALULUI NA RIKKOT DI KELUARGA MUNA,

4
DEKKE SITIO-TIO DOI, ASA TIO MA PARNGOLUON MUNA TUJOLOANON.

ASA SONGON NIDOK NI UMPASA MA DOHONON NAMI :

DANGKA NI ARIRANG PEAK DI TONGA ONAN, BADANMU UNANG SIRANG,

TONDIMU MASIGONGGOMAN

TUBUAN LATA TUBUAN SINGKORU DIDOLOK PURBATUA, TUBUAN ANAK

TUBUAN BORU MA HAMU, DONGAN MUNA SARIMATUA

EME SITAMBATUA PARLINGGOMAN NI SIBOROK, AMANTA DEBATA DO

SILEHON TUA, SAI HORASMA HAMU DI PAROROT

(DISULANGHON MA INDAHAN DOHOT DEKKE TU HELANA DOHOT BORUNA

JALA DILEHON MINUM AEK SITIO-TIO)

MARSIPANGANAN 09.00

PERSIAPAN BERANGKAT KE GEREJA…………………. 09.30

PROTOKOL PARBORU

ALA NUNGNGA SIDUNG HITA MASIPANGANON JALA NUNGNGA JUMPANG

TIKKINA LAO BORHAT TU GAREJA, NINNA ROHA NAMI ASA JOLO
MARTANGIANG MA HITA, DI HAMU HULA HULA NAMI RAJA PARDOSI, NINNA
ROHA NAMI ASA HAMU MA NAMAMBAHEN TANGIANG ASA BORHAT HITA TU
GAREJA.

BORHAT TU GAREJA 09.50

ACARA DI GEREJA

SAHAT DI GAREJA (KONSITORI) 09.55

SIAN KONSISTORI, MARBARIS MA LAHO TU PEMBERKATAN,

URUTAN BARIS IMA : PENABUR BUNGA, PANDITA DOHOT PANGULA HURIA,

PENGANTIN, SUHUT BORU, SUHUT PARANAK, BARU ROMBONGAN NA ASING..

DUNG SAHAT ROMBONGAN DI PINTU MASUK GAREJA, DI KODE MA TU

PENYANYI UNTUK MANGENDEHON “ AVE MARIA”, ROMBONGAN JALAN

5
PERLAHAN, SUDE MANGAMBIL TEMPAT SESUAI NA DITENTUHON, TERMASUK
AKKA KOOR NANAENG MARKOOR

ACARA PEMBERKATAN 10.00 - 11.00

DUNG SAE ACARA PEMBERKATAN, MASUK MA TU ACARA HATA HUHUASI

HUHUASI SIAN PARANAK 11.00 – 11.05

HAMU ANGKA NA PINORSANGAPAN,AMANTA RAJA DOHOT INANTA SORIPADA

JONGJONG AU DISON, MEWAKILI SUHUT PARANAK, MANDOK MAULIATE
GODANG DI HAMU, DI AMANTA PANDITA NANG PANGULANI HURIA, PADUAN
KOOR PARARI KAMIS, KOOR PARARI SELASA, KOOR WIL 5, KOOR WIL 8, NANG
KOOR EBENEZER, RAJA NI DONGAN TUBU, RAJA NI DONGAN SAHUTA, RAJANI
PARMORUON DOHOT BERENAMI, RAJANI ALE-ALE, TARLOBI HAMU RAJA NI
HULA-HULANAMI DOHOT PARIBANNAMI, RODI SUDE TAHE HITA NAPUNGU
DISON. MAULIATE HUHUT MALAMBOK PUSU DI HARORO MUNA MANGHADIRI
PAMASU-MASUON NI ANAK DOHOT PARUMAENNAMI DI BAGASAN SADARION.

PANGIDOANNAMI DOHOT GOMOS, DUNG RUAR SIAN BAGAS GEREJA ON RAP

UDUR MA HITA TU BAGAS NAUNG HUTONTUHON HAMI TU GEDUNG RESTORAN
BAMBUDEN 1 LT 2, JL. GUNUNG LATIMOJONG MAKASSAR. ASA RAP HITA DISI
MARSIPANGANON, JALA PATUPA-HON ADAT TU HULA HULANTA, LAOS
MANJALO ADAT SIAN NASIDA HOMBAR TU PARADATONTA.

MOLO TUNG ADONG DOPE SIAN HITA NA DISON, NASO MANJALO SURAT
UNDANGAN NAMI, BA’ LAOS HATANGKON MA NUAENG MANJOU HUHUT
MANGGOKKON HAMU. HU ULAHI HAMI MA MUSE MANDOK MAULIATE GODANG,
BOTI MA !

HUHUASI SIAN PARBORU 11.05 - 11.10

SONGON WAKIL NI SUHUT PARBORU, JONG-JONG DO AHU NUAENG DI JOLO

MUNA, MANDOK HATA MAULIATE PARJOLO TU AMANTA DEBATA NA
MANGALEHON ARI NA ULION DI HITA. AI NUNGA SAUT JALA SAHAT MANJALO
PASU-PASU BORU DOHOT HELANAMI.

TU HAMU ANGKA NA PINARSANGAPAN, RAJANI DONGAN TUBU, RAJANI

DONGAN SAHUTA, RAJANI PARBORUON, RAJANI ALEALE, TARLOBI HAMU
RAJANI HULA-HULANAMI, DOHOT ANGKA AMANTA PANGULA NI HURIA, NANG
TU ANGKA PADUAN KOOR, DOHONON NAMI MA, MAULIATE GODANG
MALAMBOK PUSU, SIALA NA BINAHEN MUNA TU HAMI DI BAGASAN ARI ON.

6
NDANG TARBALOS HAMI I, SAI TUHAN PARASIROHA I MA MALOSHON I TU
HAMU MARLIPAT GANDA.

ANGKUP NI I, SONGON NAUNG PINABOA NI PARBORUONNAMI NANGKIN,

NUNGA HUPARADE HAMI SIPANGANON PESTA PAMASU-MASUON DI GEDUNG
RESTORANT BAMBUDEN 1 LT 2, JL. GUNUNG LATIMOJONG MAKASSAR. JADI
PANGIDOAN NAMI RAP UDUR MA HITA SIAN INGANAN ON TU BAGAS
PARPESTAAN I, MANGAN INDAHAN NA LAS DOHOT MINUM AEK SI TIO-TIO,
LAOS MANJALO ADAT SIAN PARBORUONTA HUHUT PASAHAT ADAT TU NASIDA
MANGIHUTTHON HA-SOMALANTA.

MOLO TUNG ADONG DOPE SIAN HITA NA DISON, NASO MANJALO SURAT
UNDANGAN NAMI, BA’ LAOS DITINGKION MA PASAHATON NAMI AMANG RAJA,
INANG SORIPADA MANGGOKKON HUHUT MANJOU HAMU. MAULIATE MA
JUMOLO HUPASAHAT HAMI, SIALA HARORO MUNA TU PESTA ON. BOTI MA !

MARPHOTO MA PENGANTIN DOHOT SUHUT PARANAK/ PARBORU DOHOT

PANDITA / PANGULA HURIA ) 11.10 – 11.25

Acara marphoto diatur ma oleh protokol, urutanna :

1. Pengantin berdua + close up
2. Pengantin dan orang tua wanita
3. Pengantin dan orang tua pria
4. Pengantin dan keempat orangtua
5. Pengantin dan keempat orangtua dan Raja Parhata
6. Pengantin dan orangtua wanita dan keluarga
7. Pengantin dan orangtua pria dan keluarga
8. lain-lain sesuai waktu yang tersedia (sambil
menunggu persiapan pangulani huria yg bertugas siap
dikonsistori)

BORHAT TU GEDUNG 11.25

SAHAT MA DI GEDUNG 11.55

7
Persiapan menge-check akka tondong naung hadir digedung
11.55 – 12.00
(jala ditikkion ma diatur secepat mungkin ima : parhuddul ni akka dongan tubu,
boru, bere, ibebere dohot rajani dongan sahuta ni masing-masing hasuhuton,
dung masuk pe sude asa boi dijouhon akka horong hula-hula, hula-hula anak
manjae, tulang, tulang rorobot)
Catatan : Kesiapan ini harus sudah dibicarakan kepada masing-masing
punguannya sewaktu mar ria raja, sehingga pada hari H, mereka sudah tau akan
tata tertib ini/ unangbe sai gora-gora protocol manang raja parhata.

ACARA DI GEDUNG MULAI MANJOUHON MASUK ANGKA TONDONG 12.00

PROTOKOL PARANAK 12.00 –12.05

DI HITA NAMARDONGAN TUBU, ALA NUNGA RADE ROMBONGAN NI PARBORU

IMA HULA HULA TA RAJA I SIREGAR, ASA RADE JALA RAP MA HITA DI NA LAHO
MANOMU-NOMU HARORO NI NASIDA.

DI HAMU RAJA NI HULA HULA NAMI, NUNGA RADE BE HAMI MANOMU-NOMU

HAMU, MASUK MA HAMU RAJA NAMI.(MUSIK TORTOR)

DUNG HIRA HIRA NUNGNGA HUNDUL PARBORU, LAOS MANGIDO TIKKI

MA PARANAK SOTONGKIN TU PARBORU LAHO MANOMU NOMU HULA
HULA, DOHOT TULANG .

PROTOKOL PARANAK 12.05 – 12.10

DI HAMU HULA-HULA NAMI SONAK MALELA NAPITUPULU, TULANG SONAK

MALELA NAPITUPULU, DOHOT TULANG ROROBOT SIBARANI, HULA HULA
NAMARHAHA MARANGGI SIMANJUNTAK MASUK MA HAMU, NUNGA RADE HAMI
MANOMU-NOMU HAMU. .(MUSIK TORTOR)

DISIAMUN NAMI MA HAMU.

DUNG MASUK HULA HULA DOHOT TULANG NI PARANAK DIPASAHAT MA

MUSE TIKKI TU PARBORU DI LAHO MANOMU NOMU HULA HULA DOHOT
TULANG NI PARBORU.

PROTOKOL PARBORU 12.10 – 12.15

8
DI HAMU HULA-HULA NAMI PARDOSI, TULANG SIAGIAN, DOHOT TULANG
ROROBOT LUBIS BORBOR MARSADA, MASUK MA HAMU RAJANAMI , NUNGA
RADE HAMI MANOMU-NOMU HAMU. .(MUSIK TORTOR)

PROTOKOL UMUM (RH PARANAK)

12.15 – 12.25
 Dihita hasuhuton Paranak dohot Parboru, asa roma hita tupintu jolo on, laho
manomu-nomu haroro ni pengantenta (masing-masing hasuhuton asa
didongni manang napiga-piga halak dongan tubu, boru, bere, ibebere/molo
adong nasumolhot, terutama sihutti appang dan parsinabul, molo soadong
asa diatur hian akka ise nadohot mandongani suhut laho manomu-nomu
penganten)
 Dihamu akka raja naginokkon, dohot disude hita tahe akka naro tupesta
unjuk on, ala naeng masukma penganten, namangido mahami tuhamu amang
raja dohot inang soripada, asa jonjongma ma hita diingananta be laho
manomu nomu penganten.
 Tu hamu penganten, masuk ma hamu, nunga rade hami manomu-nomu
hamu, (music dengan lagu “AVE MARIA”

ACARA ADAT

RH. NI PARBORU / PROTOKOL,

DI HAMU RAJA NI PAMORUONNAMI, ASA DOS TUATNA DOS NANGKOKNA,

MANGARADE MA HAMU, TA MULAI MA ULAONTA, MOLO SO ADONG BE
SIPAIMAON MUNA

PARANAK PASAHATHON TUDUTUDU NI SIPANGANON 12.25 – 12.30

RH. NI PARANAK

NUNGA DENGGAN RAJANI HULA-HULA..NUNGA DENGGAN BE TAMULAI,

MANDAPOTI NAMA MOLO TUNG ADONG DOPE NA SO HARUSAHAT., ASA
MANGARADE MA HAMU , ASA RO MA HAMI PASAHAT TUDU-TUDU NI
SIPANGANON, MANGARADE MA HAMU HULA-HULA NAMI

9
RH. NI PARBORU

NUNGA MANGARADE HAMI AMANGBORU, RO MA HAMU,

DI HAMU HASUHUTONNAMI, RADE MA HAMU, ASA TAJANGKON HARORORO NI

PARBORUONTA. RAJA SIAHAAN LAHO PASAHATTON TUDU-TUDU NI
SIPANGANON TU HITA HULA-HULANA. LAOS SONGO NI MA DIHITA
NAMARHAHAANGGI NAMARDONGAN TUBU, ASA RAP MA HITA TU JOLO ON
MANJALO HARORO NI PARBORUONTA RAJA SIAHAAN PASAHATHON TUDU-
TUDU NI SIPANGANON .

RH. NI PARANAK

DI HITA NA MARDONGAN TUBU, RAP MA HITA MANDONGANI HASUHUTONTA

PASAHATTHON TUDU-TUDU SIPANGANON TU HULA-HULANTA.

RH PARANAK

( RO MA ROMBONGAN RAJA SIAHAAN TU PARBORU, DIPASAHAT MA

TUDU-TUDU NI SIPANGANON I, DI DOK MA HATANA :

DI HAMU HULA-HULANAMI, DI SON RO DO HAMI PAMORUON MUNA MARGA

SIAHAAN PASAHATHON TUDU-TUDU NI SIPANGANON NA TABO, NA MARSIALA
DO I IMA NA ADONG NA SOLOT DI ATE-ATE NAMI, NA GOMPANG DI PUSU-PUSU
NAMI NANAENG PASAHATON NAMI ANNON RAJA NAMI, ASA SONGON NI DOK NI
NATUA-TUA MA :

BAGOT NA MARHALTO MA NA TUBU DI ROBEAN, HORAS MA HAMU NA

MANGANTHON, HORAS HAMI NA MANGALEHON, LAS MA ROHA MUNA
MANJALO, BOTI MA.

PARBORU PASAHAT DENGKE SIMUDUR - UDUR 12.30 – 12.35

RH NI PARBORU
SONGONIMA TU HAMU RAJA NI PARBORUON NAMI MARGA SIAHAAN, LAOS
MANGARADE MA HAMU, ASA RO HAMI PASAHATHON DENGKE SI MUDUR-UDUR
DENGKE SITIO-TIO TU HAMU.

RH NI PARANAK

NA ULI RAJA NAMI, NUNGA RADE HAMI.

10
RH NI PARBORU

DI HAMU PAMORUON NAMI MARGA SIAHAAN,

NUNGA TANGKAS HUJALO HAMI DIBAGASAN LAS NI ROHA, TUDU-TUDU

NISIPANGANON DOHOT TANGGO-TANGGO NA GODANG,

NUANGPE PASAHATTON NAMI MA TU HAMU DENGKE SIMUDUR-UDUR DENGKE

SITIO-TIO. ASA PANGIDOAN NAMI ANTONG MUDUR-UDUR MA PANGGABEAN
DOHOT PARHORASAN DI HAMU RAJA NI PAMORUON NAMI, SAHAT MA NA ULI
SAHATMA NA DENGGAN TU JOLOAN ON.

SONGON NI DOK NI UMPASA MA DOHONON :

TUBU SI MARHORA HORA, DI TOPI NI TAPIAN

SAI RO MA TU HAMU LAS NI ROHA, TIUR NANG PANCARIAN

NUNGA HUPASAHAT HAMI DENGKE SI MUDUR-UDUR DENGKE SITIO-TIO TU

HAMU SAI SAHAT MA HITA ON TU PARHORASAN DOHOT PANGGABEAN.
BOTIMA……..(MARSIJALANGAN)

HUHUASI TUDU-TUDU SIPANGANON SIAN NA DUA BOLA PIHAK :

SUHUT PARANAK

TU HITA NA MARDONGAN TUBU, BORU, BERE, DOHOT DONGAN SAHUTA NAMI,

LUMOBI MA DI HAMU HULA-HULA NAMI DOHOT TULANG NAMI, DISON HUJALO
HAMI DO DEKKE SIAN HULA HULA NAMI, MOLO DI JOLO NI HASUHUTON PE
NUAENG, BA NA RAP MANJALO MA HITA DISI.

SUHUT PARBORU

TU HITA NA MARDONGAN TUBU, BORU, BERE, NANG HULA-HULA NAMI, DISON

HUJALO HAMI DO TUDU-TUDU NI SIPANGANON, NA RAP MANJALO MA HITA
DISI.

MARSIPANGANON 12.35

RH PARBORU

DI HAMU RAJANI PARMORUON NAMI MARGA SIAHAAN, ALA NUNGA SINGKOP

SUDE, NA ROHA MARSIPANGANON MA HITA, DIDOK ROHANAMI ALA HAMU DO

11
NARO MAMBOAN SIPANGANON, HAMU MA NA MAMBAHEN TANGIANG LAHO
MARSIPANGANON, HUPASAHAT HAMI MA TU HAMU.

RH PARANAK

NA ULI MA I RAJANAMI, MOLO I DO NA DUMENGGAN DI DOK ROHA NI RAJA I,

ANTONG DIPASAHAT MA TU APPARA NAMI LAHO MAMBAHEN TANGIANG LAHO
MANGAN.

RH PARANAK

AMANTA RAJA DOHOT INANTA SORIPADA NA LIAT NA LOLO :

SITIKTIK MA SI GOMPA, GOLANG-GOLANG PANGARAHUTNA

TUNG SONGON DIA PE SIPANGANON NA HUPATUPA HAMI ON, SAI GODANG

MA PINASUNA, MARJOMUK MA HITA !

(DI TIKKI MANGAN, BORHAT MA SUHUT PARBORU DOHOT

PARANAK MANDAPOTHON ANGKA TUTURNA SONGON
PATAMAHON, PASANGAPHON NASIDA DI TINGKI NAMANGAN DOPE.
ALAI LAOS DINAMANGAN I, MARDALAN DO SULANG-SULANG SIAN
PIHAK PARANAK TU HORONG NI PARBORU. JALA TANGKAS DOI
DIGORAHON PARANAK MELALUI PROTOKOL PARANAK.)

RH PARBORU

DI TIKKI MANGAN DIGORAHON MA :

DI HAMU ANGKA RAJA DOHOT INANTA SORIPADA SIAN DONGAN TUBU,

DONGAN SAHUTA, BORU, HULA-HULA, PARIBAN, SUDENA TULANG DOHOT ALE-
ALE, NUNGA TAJALO DI SON TUDU-TUDU MANANG PANGGOARI NI
SIPANGANON SIAN PAMORUONTA, NA RAP MANGADOPI MA HITA.

DI HAMU BORU NAMI, ASA IRIS MENEK-MENEK SIAN ALIANG-ALIANG DOHOT

ATE-ATE LAHO DIPADALAN TU ANGKA NAGINOKHONNA.

PROTOKOL PARANAK :

12
MANJAHA DEKKE SIUK DOHOT PASAHATTON PINGGAN PANGANAN

PROTOKOL PARBORU :

MANJAHA DEKKE SIUK DOHOT PASAHATTON PINGGAN PANGANAN

SIMPUL MANGAN 13.00

RH PARANAK

ALA NUNGA SUN MANGAN HITA, PANGIDOANNAMI MA TU PANGULA NI HURIA

NAMI MAMBAHEN TANGIANG . MAULIATE.

PASAHAT TUPPAK 13.00

RH PARBORU

DI HAMU RAJA NI PARMORUON NAMI MARGA SIAHAAN! NUNGA HIRA-HIRA BOI

TAMULAI PUNGKATAIONTA ?

RH PARANAK

DOS ROHANTA RAJANAMI, ALAI ANDORANG SO MAKKATAI HITA TULANG RAJA

BOLON, MARSATTABI JALA MARPANUKKUN JO HAMI TU HAMU RAJANAMI, ALA
MARNINGOT TU TIKKI HITA, BOHA MOLO SAMBIL PAIMAHON PANGARADOTION
TU PAKKATAION TA NAMANGIHUT, ASA TONG MANIAN SAMBIL MARDALAN
NALAHO PASAHATHON TUMPAK SIAN AKKA UNDANGAN NAMI DOHOT
NAMANGHAHOLONGI HAMI, BOHA DI DOK ROHAMU ?

RH PARBORU

BA NAULI AMANGBORU, RADOTI HAMU MA,

RH PARANAK

MAULIATE MA RAJANAMI,

DIHAMU APPARA NAMI ASA RADOTI HAMU MA AKKA UNDANGANTA DOHOT

NAMANGHAHOLONGI HITA , JALA PANGIDO MA PANGURUPION TU NASIDA.

13
(Di lehon matikki satokkin tu haha ni paranak asa mangido pangurupion tu undangan
dohot namarholong ni roha)

HATA HUHUASI PARANAK NA LAHO MANJALO TUMPAK

(HAHADOLI / ANGGIDOLI NI HASUHUTON, MANANG ……….. )

HAMU ANGKA NA PINARSANGAPAN AMANTA RAJA DOHOT INANTA SORIPADA,

RODI SUDE HAMU ANGKA NA HUGOKKON HAMI, MAULIATE DI PASAHAT
ROHANAMI DI HAROROMUNA TU ULAON ON. JONG-JONG AHU DISON SONGON
MEWAKILI HASUHUTON PARANAK, PASAHAT PANGIDOAN NAMI TU HAMU, JALA
TANGKAS DO DOHONON NAMI, TUNG HAMU DO NA HUPANGASAHON HAMI NA
LAHO MANGURUPI HAMI DI PESTA ON. NUANGPE RO MA HAMU, NUNGA RADE
HAMI MANJALO, MAULIATE MA PARJOLO HUPASAHAT HAMI TU HAMU.

HATA HUHUASI PARANAK TU SILEHON TUMPAK

HAMU ANGKA NA PINORSANGAPAN, AMANTA RAJA DOHOT INANTA SORIPADA,

TUNG MAULIATE MALAMBOK PUSU MA DOHONON NAMI TU HAMU AMANG
DOHOT HAMU INANG, NAUNG MANGALEHON TUMPAK MUNA NA GODANG I,
NDANG TARBALOS HAMI I, SIAN AMANTA PARDENGGAN BASA I MA JALO-ONMU
SINGKAT NI I MARLIPAT GANDA, ASA DOHONON NAMI MA :

BAGOT NA MARHALTO MA TUBU DI ROBEAN, HORAS MA HAMI NA

MANJALO TUMPAKMU NAI, LAM TAMBA MA SINADONGAN DI HAMU
NAMANGALEAN, BOTI MA.

( ANDORANG SO DISIMPAN SUHUT TUMPAK I, DISURU DO DIGOMAK

BORU MULI, DOHOT HARAPAN ASA LOMUK JALA MURA-MURA DAPOT
HEPENG TU PUDIANNA)

RH PARANAK

MAULIATE MA RAJANAMI, ALAI LEAN HAMU MA JOLO MUSE TINGKI DI HAMI

LAHO PASANGAPHON ANGKA TUTUR NANG HULA-HULA NAMI.

DI HITA NAMARDONGAN TUBU, ASA MASITANGI TANGIAN HITA, SONGON I

NANG DI HAMU BORU DOHOT BERE NAMI, ASA TINGGIL TINGGIL HAMU, UNANG
DAO DAO HAMU SIAN LAMBUNG NAMI, ASA PITTOR HATOP HATOP HAMU
ANNON SURUON NAMI MOLO TUNG ADONG SIHOBASON, SUANG SONGONI
NANG ALE ALE DOHOT DONGAN SAHUTA NAMI TONG TONG DONGAN NI HAMU

14
HAMI ASA TIROI HAMU HAMI ATIK TUNG ADONG NAHURANG LOBI ANNON,
TARLUMOBI MA DI HAMU SUDE NA HUPARSANGAPI HAMI RAJA NI
HULAHULANAMI SONAK MALELA NAPITUPULU, TULANGNAMI SONAK MALELA
NAPITUPULU, DOHOT TULANG ROROBOT NAMI SIBARANI.! ASA DI SIAMUN NAMI
MA HAMU RAJANAMI, ASA TIROI HAMU JALA AJARI HAMU HAMI RAJANAMI, ALA
HAMU DO SI LEHON PODA PANUTIRION DI HAMI

OMPU NI BISUK DO HAMU RAJANAMI JALA SABUNGAN NI ROHA, HAMU DO

SUNGKUNON DI BISUK JALA SI DODO ROHA.

ON PE DI HAMU RAJA NI HULAHULANAMI SIREGAR, NUNGA RADE BE HAMI

RAJANAMI.

RH PARBORU

MAULIATE MA DI HAMU RAJA NI PARBORUON MARGA SIAHAAN!

DI HITA NAMARDONGAN TUBU, ASA TONG MA HITA MASITANGI TANGIAN,

SONGON I NANG DI HAMU BORU DOHOT BERE NAMI, ASA TINGGIL TINGGIL
HAMU, UNANG DAO DAO HAMU SIAN LAMBUNG NAMI, ASA PITTOR HATOP
HATOP HAMU ANNON SURUON NAMI MOLO TUNG ADONG SIHOBASON, SUANG
SONGONI NANG ALE ALE DOHOT DONGAN SAHUTA NAMI TONG TONG DONGAN
NI HAMU HAMI ASA TIROI HAMU HAMI ATIK TUNG ADONG NAHURANG LOBI
ANNON, TARLUMOBI MA DI HAMU SUDE NA HUPARSANGAPI HAMI RAJA NI
HULAHULANAMI SIAGIAN TUAN DIBANGARNA, TULANGNAMI SIAGIAN TUAN
DIBANGARNA, DOHOT TULANG ROROBOT NAMI LUBIS BORBOR MARSADA ASA
DI SIAMUN NAMI MA HAMU RAJANAMI, ASA TIROI HAMU JALA AJARI HAMU HAMI
RAJANAMI, ALA HAMU DO SI LEHON PODA PANUTIRION DI HAMI

RH PARBORU

DI HAMU RAJA NI PARMORUONNAMI, TANGKAS DO NANGKIN DIPASAHAT HAMU

TUDU-TUDU NI SIPANGANON TU HAMI, DIDOK NATUA-TUA : ASA JOLO DISEAT
HATA ASA DISEAT RAUT. BEHA AMANGBORU, HIRA SONGON DIA MA
PARTORDINGNA ?

RH PARANAK

MAULIATE RAJANAMI, TOHO DO I

MAULIATE MA DI RAJAI. DISUNGKUN-SUNGKUN MUNA TARINGOT DI TUDU-

TUDU NI SIPANGANON I, NUNGA HUPASAHAT HAMI TU HAMU. ASA HAMUMA
RAJANAMI NAMANGATURHON. MOLO SIAN HAMI PARMORUON-MUNA, NA
MANGULAHON MA HAMI, BOTIMA

15
RH PARBORU

MAULIATE MA AMANGBORU, ALAI ALA MARNATAMPAK DO HITA NUAENG

DOHOT ANGKA RAJA NA GINOKKON MUNA, NINNA ROHA ATTAR SONGON ON
MA PARTORDING NA :

1. JAMBAR DI HAMI (PARBORU) IHUR IHUR MA HIPPAL, SOIT,

NAMARNGINGI PARSIAMUN, SATONGA OSANG, SATONGA ALIANG
ALIANG

2. JAMBAR TARIPAR TU HAMU PARANAK IMA SOIT, NAMARNGINGI

PARHAMBIRANG, SATONGA OSANG, SATONGA ALIANG ALIANG

SONGON I MA KONSEP NAMI AMANGBORU, BOHA PANDAPOT MUNA ?

RH PARANAK

MAULIATE RAJANAMI, NAULI JALA NA DENGGAN MA I

(DIULAHON MA NAMARBAGI JAMBAR, JALA DIPASAHAT MA HOMBAR TU

HASAHATANNA.

RH PARBORU

DI HITA NAMARDONGAN TUBU, DONGAN SAHUTA, BORU DOHOT BERENAMI

LUMOBI DI HAMU HULA HULA NAMI DOHOT TULANG NAMI, SONGON ON MA
KONSEP NAMI TARINGOT TU PARJAMBARAN IMA :

 JAMBAR TU HAMU HULA HULA NAMI SIAGIAN TUAN DIBANGARNA, IMA….

 JAMBAR TU HAMU TULANG NAMI SIAGIAN TUAN DIBANGARNA, IMA….

 JAMBAR TU HAMU TULANG ROROBOT NAMI LUBIS BORBOR MARSADA

IMA ALIANG ALIANG

 JAMBAR TU HAMU DONGAN TUBU NAMI NAINGGOLAN SIREGAR IMA SOIT

 JAMBAR TU HAMU DONGAN SAHUTA NAMI IMA SOIT

 JAMBAR DI HAMU BORU/BERE NAMI NAINGGOLAN SIREGAR IMA

NAMARNGINGI PARSIAMUN

 JAMBAR TU SUHUT IMA IHUR IHUR

 JAMBAR TU PARIBAN, PANGULA NI HURIA IMA SOIT

16
SONGON IMA KONSEP NAMI, DI HAMU HULA HULA NAMI DOHOT TULANG NAMI,
BEHA RAJANAMI NUNGGA TIKKOS NA BINAEN NAMI I ?, TIROI JALA TUTURI
HAMU HAMI,

PANDAPOT HULA-HULA/ TULANG NI PARBORU

MAULIATE, ALA TONG-TONG DO DIPASANGAP HAMU HAMI, HULA-HULA DOHOT

TULANG MUNA, JADI PANDAPOT NAMI BA’ NUNGA NA DENGGAN I , BOTI MA.

RH PARBORU

NUAENG PE, DIPASAHAT MA DIHAMU RAJANI PARMORUONNAMI TIKKI LAO

PASAHATTON TU HASAHATANNA., BOTIMA

RH PARANAK

TU HAMU ANGKA DONGAN TUBUNGKU, BORU DOHOT BERE-IBEBERE, DONGAN

SAHUTA DOHOT ALE-ALE, TARLUMOBI DI HAMU HULAHULANAMI SONAK
MALELA NAPITUPULU, TULANG NAMI SONAK MALELA NAPITUPULU, TULANG
ROROBOT SIBARANI, ADONG DO JAMBAR TARIPAR TU HITA, SIAN HULA-
HULANTA SIAN BARIBA AN, AJARI JALA TIROI HAMU HAMI, HIRA SONGON ON
MA KONSEP NAMI :

 JAMBAR TU HAMU HULA HULA NAMI SONAK MALELA NAPITUPULU IMA

OSANG

 JAMBAR TU HAMU TULANG NAMI SONAK MALELA NAPITUPULU IMA

ALIANG ALIANG

 JAMBAR TU HAMU TULANG ROROBOT NAMI SIBARANI IMA ALIANG

ALIANG

 JAMBAR TU HAMU DONGAN TUBU NAMI SIAHAAN SOMBA DEBATA IMA

SOIT

 JAMBAR TU HAMU DONGAN SAHUTA NAMI IMA SOIT

 JAMBAR DI HAMU BORU/BERE NAMI SIAHAAN SOMBA DEBATA IMA

PARSANGGULAN PARHAMBIRANG

 JAMBAR TU SUHUT IMA DEKKE

SONGON IMA KONSEP NAMI, DI HAMU HULA HULA NAMI DOHOT TULANG NAMI,
BEHA RAJANAMI NUNGGA TIKKOS NA BINAEN NAMI I ?, TIROI JALA TUTURI
HAMU HAMI,

17
ALUS HULA-HULA/ TULANG NI PARANAK

MAULIATE, BA SI PANOLOPI DO HAMI HULAHULA DOHOT TULANGMUNA DI

SALUHUT ANGKA NADENGGAN.

RH PARANAK

MAULIATE MA DI HAMU HULA-HULA NAMI DOHOT DI TULANGNAMI.

DI HAMU RAJANAMI, NDANG NA MANGURANGI SANGAPMUNA, ASA

MANGHEMAT TINGKI, BA TA PABAHIR MA JOLO PARJAMBARAN.

RH. PARBORU

MAULIATE AMANGBORU.

HAMU BORU NAMI, HINDAT HAMU MA TU DAPUR, TOGIHON HAMU BORU NI

PARBORUON SIAHAAN SIAN BARIBA AN MANGURUPI, BAGI HAMU HOMBAR TU
ADATTA.

RH PARANAK

DI HAMU TONG BORU DOHOT BERENAMI, ASA URUPI HAMU BORU NI HULA
HULA I DI NALAHO PATUPAHON NAHOMBAR TU ADATTA

MARHATA ADAT 13.30 – 13.45

RH PARBORU

ALA DUNG SIDUNG HITA MARBAGI JAMBAR, BOHA RAJA NIPAMORUAN NAMI
MARGA SIAHAAN. NUNGNGA RADE HAMU, ASA TA’ MULAI PANGKATAIONTA

RH PARANAK

NAGRADE BE HAMI RAJA NAMI. HITA MULAI MA

RH PARBORU

AMANGBORU, DIDOK SITUA-TUA, BINSAR MA MATA NI ARI, RONDANG MA MATA

NI BULAN. ASA TAMULAI MANGHATAI, PASAHAT HAMU MAJOLO PINGGAN
PANUNGKUNAN, PINGGAN SITIO SOARA.

18
RH PARANAK

GABE JALA HORAS RAJANAMI. MOLO NAENG MANGKATAI DOHOT HULA-HULA

INGKON PASAHATTON DO PINGGAN PANUNGKUNAN. DI HAMU BORU NAMI,
PASAHAT HAMU MA PINGGAN PANUNGKUNAN, TAKKAS BAEN HAMU.

RH PARBORU

NUNGA SAHAT JALA TINGKOS HUJALO HAMI DI SON PINGGAN

PANUNGKUNAN, PINGGAN PASU, PINGAN SITIO SOARA NA HOT DI
HUNDULANNA, ASA TUNG TIO MA TUTU AKKA PASSAMOTAN DIHITA
TUJOLOAN NIARI ON JALA HOTMA PASU-PASU NASIAN TUHANTA
DEBATAMA, JALA MIAN DIBAGASAN HITA SALUHUTNA, JALA SAI TONG MA
HOT HITA DI ANGKA PADAN DOHOT UHUM PARADATONTA I.

DISON ADONG NAPURAN SIRATA BULUNG, DEMBAN TIAR,, ASA TUNG RATA
MA TAHE AKKA PASSAMOTAN DIHITA JALA ASA TIAR MA PANGGABEAN TIAR
PARHORASAN.

DISON ADONG MUSE PARBUE SI RIBUR-RIBUR BORAS SI PIR NI TONDI,

BORAS SATTI, ASA TOROP MARIBUR MA PINOMPARTA, SAKTI MADINGIN
SAKTI MATOGU MA ANGKA POMPARANTA, MATOROP MARIBUR HUHUT
MATANGKANG MARJUARA. ASA PIR MA TONDITA TU JOLOAN NIARI.

ASA PIRMA POKKI, BAHUL-BAHUL PANSALOMAN,

PIRMA TONDITA, DITAMBAI TUHAN DI HITA ANGKA PANSAMOTAN.

PEAK DO DISON JUHUT TANGGO-TANGGO NA GODANG, IMA NA SONGON

SIMBOL NI HATANGGOON, DOHOT HATOGUON NI PARTUTURANTA DOHOT
PARROHAON NA DENGGAN, DIANGKA NA MARHULA MARBORU DI HITA TU
JOLOAN ON.

JALA DISON ADONG MUSE DO 4 LEMBAR RINGGIT NAMARMATA NA NICETAK

NI PAMARENTATTA, IMA RINGGIT SI TIO SOARA, HASOLOMAN NI HITA JOLMA
TARLUMOBI MAI DI AKKA AMATTA RAJA, , ASA DOHON NAMI MA SONGON
HATA NI SI TUA-TUA : BONA NI AEK PULI DI DOLOK SITAPONGAN, SAI TUBU
MA DI HAMU ANGKA NA ULI, JALA TAMBA MA ANGKA PANGOMOAN JALA
TIO NANG PASSAMOTAN.

19
HUBUAT MA RINGGITON TOLU, ASA TUBU NGOLU-NGOLU, GABE NA NI ULA,
SINUR NA PINAHAN, MARTUMBUR PANABIAN, JALA HUPATARIPAR TU HAMU
SADA, ASA SADA HAMU PARBORUON NAMI LAHO MANGALUSI DOHOT
MANGOLOI HAMI HULA-HULA MUNA.

ON PE BORU NAMI, TARUHON HAMU JOLO PINGGAN PANGALUSIAN ON

TUBARIBAAN.

RH PARBORU ( DUNG DIJALO RH PARANAK PINGGAN PANGALUSI )

NUANGPE RAJA NI BORU, SAI JOLO NINANGNANG DO ASA NINUNGNUNG,

SAI JOLO PINANGAN DO ASA SINUNGKUN. ASA NUNGA HUHABOSURHON
HAMI SIPANGANON NAUNG PINATUPA MUNA, SAGAT HAMI MARLOMPAN
NATABO DOHOT MINUM AEK SITIO-TIO, ASA DOHONON MA: SAI PAMURNAS
MAI I TU DAGING, SAUDARA TU BOHI, SAI PALOMAK IMBULU MA I TUTU,
SIPANEANG HOLI-HOLI JALA SIPASINDAK PANAILI.

AMANGBORU, DIA MA LAKLAKNA, JALA DIA MA NANIDOKNA. BOTI MA

RH PARANAK

MAULIATE MA DI HAMU RAJANAMI. SAI TAMBA MA PANCAMOTAN, JALA GABE

NA NIULA DI HITA, DIPASU-PASU NI AMANTA DEBATA.

RH PARBORU

JADI AMANG RAJANI BORU, NA MANUNGKUN MA JOLO HAMI TARINGOT DI

HATA NI SIPANGANON. ALAI PARJOLO DOHONONNAMI TU HAMU :

BAGOT NA MARHALTO, TUBU DI ROBEAN, SAI HORAS MA HAMI NA

MANJALO, BA SAI MARTAMBA DI HAMU NA MANGALEAN.

BA NUNGA BOSUR HITA MANGANTON INDAHAN NA LAS, SAGAT MARLOMPAN

NA TABO DOHOT MINUM AEK SITIO-TIO, SAI TU TIONA MA ANGKA
PANCAMOTAN, PARSAULIAN DI HITA, JADI, DIA MA LANGKATNA, DIA
UNOKNA, DIA MA HATANA, DIA MA NANIDOK MUNA. SIBEGEON NI PINGGOL,
SIPEOPON NI ROHA. BOTI MA DA RAJANI BORU.

20
RH PARANAK

HORAS MA JALA GABE RAJANAMI, TARINGOT DI SIPANGANON I, RAJANAMI,

SONGON NIDOKNI UMPASA MA DOHONON

MARBAU TANDUK MARBAU HOLIHOLI,

GODANG SIBUTONG-BUTONG, OTIK SIPIRNI TONDI

SAI PAMURHASMAI TU DAGING, SAUDARA TU BOHI, SIPASINDAK

PANAILI, SIPANEANG HOLI-HOLI

MANUMPAK MA SAHALAMUNA RAJANAMI, MA NUAI TONDIMU MARHITEHITE

TANGIANG MUNA TU AMANTA DEBATA, ASA SAI LAM TAMBA MA DI HAMI
IANAKKON MUNA SINADONGAN. ASA BOI DOPE PATUPAONNAMI
SIPANGANON NA TUMABO JALA NA DUMENGGAN NA LAHO PASANGAPHON
HAMU HULA-HULANAMI.

JADI SONGON LAPATAN NI SIPANGANON I, RAJANAMI, PANGGABEAN

PARHORASAN DO. BOTI MA.

RH PARBORU

BA YANGGO I DO HAPE, BA SAI ASI MA ROHA NI AMANTA DEBATA, SAI DI

TAMBAI DOPE ASI NI ROHANA DOHOT PASU PASUNA DI HAMU, TAMBA NI
HAGABEON DOHOT PARHORASAN NAUNG ADONG.

BONA NI AEK PULI, DIDOLOK NI SITAPONGAN

SAI TUBU MA DI HAMU ANGKA NAULI,
LAM MARTAMBA NANG SINADONGAN

ALAI AMANG RAJANI BORU, SAI MARANGKUP DO NAULI, MARDONGAN DO

NADENGGAN, JADI TUNG TANGKASMA PABOA HAMU SIBEGEON NI PINGGOL
SIPEOPON NI ROHA.
ASA TANGKAS MA NINNA UJU PURBA, TANGKASAN UJU ANGKOLA
ASA TANGKAS HITA MADUMA, TANGKASAN MA NA MAMORA
RANTING NI BULUDURI JAIT MASIJAOTAN,
ANGKUP NI HATA NAULI, DIA MA NAENG SITARINGOTAN
RH PARANAK

GABE MA HITA JALA HORAS RAJANAMI, IDO TUTU RAJANAMI, SAI

MARANGKUP DO NAULI SAI MARDONGAN NA DENGGAN.SIANGKUP NI
PANGGABEAN PARHORASAN TANGKAS MA TUTU ALUSAN RAJA I

21
RAJANAMI. BALGA NINNA ANAK, PANGOLIHON, BALGA BORU PAMULION

SONGON NAUNG TANGKAS TAUDURHON NANGKIN ANAKNAMI DOHOT BORU

NI RAJA I TU BAGAS JORO NI TUHANTA, MANJALO PASU-PASU
PARSARIPEON SIAN NAPOSO NI TUHANTA. NUNGA GOK JALA SEMPURNA
PARSARIPEON NASIDA MARHITE-HITE HURIA.

ALAI DIBAGASAN PARADATON, NDANG HARU GOK DOPE RAJANAMI.

HOMBAR TUSI MA HARORONAMI MANDAPOTHON HAMU SUDE RAJA NI HULA-
HULANAMI. LAHO PASAHATHON SOMBA NI ADAT, SOMBA NI UHUM NA
HOMBAR TU PARSARIPEON NI ANAKKONTA.

RAJANAMI. SONGON NAUNG TANGKAS TAULAHON DI ARI NAUNG SALPU. I

MA ULAON MARHATA SINAMOT, DITINGKII TULANG, NUNGA TA SEPAKATI IA
BAHAT NI SINAMOT IMA SAPPULU JUTA RUPIAH, SITOMBOL.RAMBU
PINUDUN JALA ULAON SADARI DITIKKI I RAJANAMI, NUNGA HUPASAHAT
HAMI SEBAGIAN SIAN SINAMOT IMA GODANGNA PITU JUTA RUPIAH.

DI TINGKION MA DISANGKAP ROHANAMI LAHO PASAHATHON, PANGGOHI NI

SINAMOT NI BORU NI RAJA I, DOHOT ANGKA NA HOMBAR TUSI. SONGON I
MADA RAJANAMI, SITANGKAS NA.

RH PARBORU

HORAS MA JALA GABE AMANGBORU, MANSAI LAS SITUTU ROHANAMI

UMBEGE ALUSMUNA I

DIHITA NAMARDONGAN TUBU, BORUBERE, DONGAN SAHUTA, NANG

PARIBAN, TARLUMOBI MA DI HAMU SUDE NA HUPARSANGAPI HAMI, HULA-
HULANAMI DOHOT ANGKA TULANGNAMI.

NUNGA MANSAI TANGKAS NIAN DI TARIASHON, RAJANI PAMORUONTA, ALAI

ASA HARU SINGKOP, TARLUMOBI DI ANGKA RAJA NA GINOKKON NASO
TARBAHEN DOHOT MANGADOPI ULAON MARHATA SINAMOT DI TINGKI
NASALPU I.

IA MARHATA SINAMOT NUNGA TAPATUPA DI ARI NAUNG SALPU IMA NADI

TANGGAL 25 JUNI 2010. TOHO DO NANIDOK NI RAJA NI PARMORUONTA, IA
SINAMOT NI BORUNTA, BAHATNA I MA SAPPULU JUTA RUPIAH, SITOMBOL
RAMBUPINUDUN, DIRUMANG NI ULAON TARUHON JUAL (PARANAK BOLAHAN
AMAK), JALA ULAON SADARI.

22
DI TINGKI NA MARHATA SINAMOT I, NUNGA DI PASAHAT RAJA NI
HASUHUTON PARANAK TU HASUHUTON BOLON, SINAMOT GODANGNA PITU
JUTA RUPIAH. JADI SINAMOT SI PASAHATTON NI PARMORUONTA SAONARAI,
IMA PANGGOHI NI SINAMOT, GODANGNA TOLU JUTA RUPIAH NA I.

ON PE AMANG BORU. PASAHAT HAMU MA PANGGOHI NI SINAMOT TU

HASUHUTONNAMI, ALAI JOLO PATUDUHON HAMU TUSON, ASA JOLO
HUSAKSIHON.

(RO MA HASUHUTON PARANAK, MAMBOAN PANGGOHI SINAMOT,

NIETONG RH PARBORU, LAS DISERAHON TU SUHUT PARBORU, MULAK
NASIDA)

BEHA HASUHUTON BOLON NAMI, NUNGA GOK DI JALO HAMU SINAMOT NI

BORUNTA?

SUHUT BORU :

NUNGA GOK, MAULIATE

RH PARBORU :

MAULIATE, MA MOLO DUNG SONGON I, ALA NUNGA SAHAT SINAMOT TU

SUHUT BOLON, NAMARDOMU TUSI MUSE, PASAHAT HAMU MA JAMBAR
PANANDAION TU :

1. SIJALO BARA (BAPATUA / BAPAUDA AMA MATINODOHON)

2. SIJALO TODOAN (IBOTO NI NAMULI NAUNG SOHOT )

3. SIJALO UPA PARIBAN (PARIBAN NI NAMULI )

4. SIJALO UPA TULANG (TULANG NI NAMULI )

5. OPPUNG BAO

6. OPPUNG SUHUT

7. UPA PAROROT (NAMBORU NI NA MULI)

8. KETUA PUNGUAN TOGA NAINGGOLAN SIREGAR

9. DONGAN SAHUTA

10. PANGULA NI HURIA

23
 11. RAJA PARHATA NI PARBORU

TU HAMU PARMORUONNAMI SIAHAAN, TA UDUTI MA MUSE, BOHA ADONG

DOPE NA NAENG SIPASAHATON MU ?

RH PARANAK

NAULI RAJA NAMI..!

NUNGNGA RIS JALA JOJOR HUTANDA HAMI RAJA NAMI, SAONARI NAENG
PASAHATON NAMI JAMBAR NI TULANG NI HELA – IMA TITTIN MARANGKUP,
ON PE AJARI HAMU HAMI RAJANAMI..!

RH PARBORU

NAULI AMANGBORU,..

ATTAR SONGON ON MA PELAKSANAAN NA :

RAP BORHAT MA SUHUT NADUA MANJALANG TULANG NAPITUPULU, RAP

TONG DOHOT PENGANTEN, NAPASAHAT JAMBAR SUHUT PARBORU MA,
JOLO DI JALO MA SIAN SUHUT PARANAK

HATA NI SUHUT PARBORU

TU HO AMPARA. NUNGA SABORU HITA UMBAHEN NA INGKON

PANGIGILHONONTON JAMBAR-MU SIAN BORUTA MARGA SIAHAAN.

ONPE AMPARA, NUNGA BE HUPANGIDO JAMBARMU, SONGON JAMBAR NI

PARBORU SITUTU, JALA PASAHATONKU MA NUAENG. LAS MA ROHAM
MANJALO. TUNG OTIKPE I, SAI GODANG MA PINASUNA.

MAMASUMASU MA TONDIM MANUAI SAHALAM MARHITE TANGIANG TU

TUHANTA PARDENGGAN BASAI. ASA SAHAT HORAS JALA GABE BORUNTA
ON. NUANGPE AMPARA, RAPPAK HUNDUL MA HITA DI BARIBA AN.

ALUS TULANG NI HELA (SONAK MALELA NAPITUPULU)

24
MAULIATE MA AMPARA, ALA TANGKAS DO HAMI DI PANGIGILHON HAMU.
JALA NUNGABE TUTU HUJALO DISON JAMBAR TINTIN MARANGKUP SIAN
BORUNTA I, TUTU DO SONGON NI DOKMUNA I, NUNGA GABE SABORU HITA
NUAENG, JALA I DO ANTONG NA SATUTUNA, SONGON HATA NA MANDOK :

HOTPE JABU I, SAI TONG DO I MARGULANG-GULANG

TUNG SIAN DIAPE MANGALAP BORU BERE I, SAI HOT DO I BORU NI
TULANG

NUAENGPE AMPARA SAI SATAHI SAOLOAN MA HITA HUHUT SAUDURAN

MANGOLOI BORUNTA ON, BA IA HO DI JOLO, BA AHU DIPUDI, IA AHU DIJOLO
HO DIPUDI. SAI TIBU MA ANTONG GABE BORUNTA ON

TUBU LATA NI SINGKORU, DI DOLOK SIAMBATON

SAI SARIMATUA MA HAMU PIRING-IRING PAHOMPU, NANG SIAN
BORUNTA ON , HORAS MA HITA, BOTIMA

RH PARBORU

DI HAMU RAJANI PARMORUONNAMI, NUNGA SINGKOP JAMBAR TINTIN

MARANGKUP TU TULANG NI HELA, BA’ BEHA ADONG DOPE JAMBAR NASO
DIJOUHON ? MOLO SO ADONGBE, MAULIATE MA,

HUPASAHAT HAMI MA MUSE ACARA ON TU HAMU.

RH PARANAK

MAULIATE MA RAJANAMI, TUNG DI BOTO HAMU DO NA DIBAGASAN ROHA

NAMI, SO HUPANGIDO HAMI DOPE, PINTOR DIADU HAMU DO. MANSAI
MASIHOL DO HAMI RAJANAMI, ASA TUNG SUDE HAMI PASU-PASUON MUNA,
MARHITE ULOS HERBANG. IMA PANGIDOAN NAMI TU JOLO NI RAJA I.

RH PARBORU

POS MA ROHAMU AMANGBORU, SUDE DO HAMU PASU-PASUONNAMI, JALA

TUHANTA MA NA MANAHAPHON I TU HAMU, ALAI MOLO TUNG SO SUDE PE
HAMU NA MANDAPOT ULOS HERBANG, DAPOTAN MA DI ULOS TINONUN
SADARI.

25
MANGARADE MA HAMU, ASA HUPASAHAT HAMI ANGKA ULOS HERBANG TU
HAMU. GORAI AMANGBORUKKU MA SIAN I. BOTIMA

PASAHAT ULOS PANSAMOT 14.00

– 14.15

RH PARANAK

PASAHAT HAMU MA JOLO TULANG RAJA BOLON NAPARJOLO ULOS

PARGOMGOM

SUHUT PARBORU

1. ULOS PARGOMGOM TU INA NI HELA

ON MA DA ITO ULOS PARGOMGOM DI HO. SAI DIPARGOGOI TUHANTA

MA HO ITO, MANGALULUI HANGOLUAN SIAPARI, DOHOT MANGALULUI
PANCAMOTAN, LAOS ON DO ITO NANG ULOS PARGOMGOM DI I
BOTONGKU, GOM GOM MA PARUMAEN MON. ALAI LAMBOK MA HO ITO
MANGAJARI PARUMAEN-MI, AI :

RAMBA NAPOSO DOPE I, NASO TUBUAN LATA

HALAK NAPOSO DOPE I, NASO UMBOTO AGIA AHA

TUBU MA TABBISSU, DILAMBUNG NI PINASA

SAI TOROPMA ANAK NABISUK DI HAMU, DOHOT BORU NA ULIBASA

DOLOK NI PURBATUA, TONDONGKON NI SIBOROTAN

SAI SAURMATUA MA HAMU, JALA TIUR NANG PANCAMOTAN

BOTI MA ITO.

2. ULOS HELA

SONGONON MA DA AMANG HELA, DOHOT HO ITO BORUNGKU

ULOS ON PARHITEAN PASUPASU NI TUHAN MA ON DI HAMU;

26
 ULOS GANJANG : SUMINTAHON ASA GANJANG MA UMURMU
SAHAT RODI NASAURMATUA

ULOS PARHORASAN: UMPINTA, TUBU ANAK DOHOT BORU DI HAMU.

ULOS LAS: DI NGALI NIARI, SIBAHEN NA BORGO DI TINGKI

LAS NI ARI

ULOS HOLONG: PATARIDAHON HOLONGNAMI TU HAMU

ANAKKONNAMI

SAI DAPOT MA SONGON HATA NI UMPASA :

DANGKA NI ARIRANG, PEAK DI TONGA ONAN

BADANMU MA, NASORA SIRANG, TONDIMUNA MA MASI GOMGOMAN.

TAKKI, JALA ULUBALANG, GALINGGANG JALA GAREGE

SAI TUBU MA DI HAMU ANGKA ANAK, PARTAHI JALA
ULUBALANG, DOHOT ANGKA BORU PAR-MAS DOHOT PAREME

EME SITAMBATUA PARLINGGOMAN NI SIBOROK

AMANTA DEBATA DO SILEHON TUA, SAI HORAS MA HAMU DIPAROROT

SAHATSAHAT NI SOLU, SAHAT MA TU TIGA RAS

SAHAT MA HAMU LELENG MANGOLU, SAHAT GABE JALA
HORAS

3. MANDAR HELA

ON MA DA AMANG HELA, MANDAR HELA PANGKEONMU ASA RINGGAS

HAMU DI ANGKA ULAON ADAT TU JOLOAN ON, HORAS MA.

RH PARANAK

UNTUK SEMENTARA PENGANTEN DIPERSILAHKAN KEMBALI KE

TEMPAT SEMULA, NANTI DIPANGGIL LAGI, TERIMAKASIH.

NA MANGIHUT TUSI, SIHOL DO ROHA NAMI DI PASUPASUMU NAULI I, ASA

NIAN TONG MA ULOSI HAMU HAMI ANGKA NA MARTUTUR. RADE MA HAMU
RAJANAMI.

RH PARBORU

27
NAULI RAJANI PARBORUON, RADE DO HAMI

PASAHAT ULOS NAMARHADOHOAN 14.15 –

14.35

RH PARANAK

DI HITA ANGKA NA MARTUTUR, NAENG RO MA HULAHULANTA MANGULOSI

HITA. ASA MANGARADE MA DI HAMU.

NA MANGIHUT TUSI, SIHOL DO ROHA NAMI DI PASU-PASU NAULI MA LEHON

HAMU, JALA ASA BUHUL HAMU MA (SESUAI DAFTAR – LAMPIRAN). NUNGA
RADE HAMI RAJANAMI.

RH PARBORU

NAULI RAJANI PARBORUON, RADE DO HAMI, LAM GODANG SIULOSAN LAM

TAMBA DO SANGAP, RADE MA HAMU.

TU HITA NAMARDONGAN TUBU SIREGAR DOHOT DONGAN SAPARPADANAN

NAMI NAINGGOLAN, BORU, BERE, ASA MANGARADE MA NA PASAHATHON
ULOS, I MA:

DAFTAR SIJALO ULOS

NO URAIAN NA MANJALO NAPASAHATTON

1 ULOS PARGOMGOM INONG NI PANGOLI

2 ULOS HELA PENGANTEN

3 ULOS TU PAMARAI SM SIAHAAN / BR

(AMANG UDA NA – SIMANJUNTAK(OP
GOWA DAME)

4 ULOS TU HAHA - PALU

SIMANGGOKKON

NO URAIAN NA MANJALO NAPASAHATTON

5 ULOS TU SIHUTTI IBOTO -SORONG

APPANG

28
6 ULOS TU HAHA NA R SIAHAAN / BR
JAWA – MEDAN

7 ULOS TU IBOTONA ST.DRS

P.TAMPOBOLON/BR
SIAHAAN- MAKASSAR

8 ULOS TU IBOTONA H.SIMANJUNTAK/BR

SIAHAAN-MAKASSAR

ULOS TU PAHOMPU

NO URAIAN NA MANJALO NAPASAHATTON

9 PAHOMPU SIAN LEONARDO

BORU TAMPUBOLON/BR
BUGIS-MKS

10 PAHOMPU SIAN M.MANURUNG/BR

BORU TAMPUBOLON-
BANTEN

ULOS TU NAMEWAKILI SUDE POMPARAN NI NAMARHAHA MARANGGI

NO URAIAN NA MANJALO NAPASAHATTON

11 ANGGINA J.SIAHAAN/BR
BUTON-MAKASSAR

ULOS TU POMPARAN NI NAMBORU

NO URAIAN NA MANJALO NAPASAHATTON

12 MEWAKILI M.SIAHAAN/BR
POMPARAN NI BUTAR BUTAR -
NAMBORU MAKASSAR

NO URAIAN NA MANJALO NAPASAHATTON

13 RAJA PARHATA E.SIAHAAN/BR

BUTAR BUTAR –

29
 MAKASSAR

14 KETUA PUNGUAN IR. T SIAHAAN/BR

SIAHAAN SOMBA SIBARANI
DEBATA

15 DONGAN TUBU D SIAHAAN/BR

SIAHAAN SILABAN

16 BORU SIAHAAN S PANGARIBUAN/BR

SIAHAAN

17 BORU SIAHAAN K NAIBORHU/BR

SIAHAAN

18 BORU SIAHAAN PDT PAKPAHAN/BR

SIAHAAN

19 BERE NI SIAHAAN ST P SIANIPAR/BR

SITUMORANG

20 IBEBERE SIAHAAN NY PANJAITAN BR

SITORUS

SORPI

NO URAIAN NA MANJALO NAPASAHATTON

21 PAHOMPU SIAN ANAK EVAN SIAHAAN / BR

SOLO

22 POMPARAN NAMAR M SITOHANG / BR

HAHA SIAHAAN – PEM
MARANGGI/LAENA BANDAR

23 ANGINA MARTIN SIAHAAN/ BR

JAWA - JAKARTA

24 NAMBORUNA NY SITOHANG / BR
SIAHAAN – TEBING
TINGGI

NO URAIAN NA MANJALO NAPASAHATTON

25 AMANG BORUNA P MARPAUNG / B

30
 SIAHAAN – BALIGE

26 POMPARAN NI TINGGIR SI
NAMBORUNA TOHANG/BR
HUTAGAOL-JAKARTA

27 POMPARAN NI EDI SIANIPAR/ BR

NAMBORUNA SIAHAAN - JAKARTA

RH PARBORU

NUNGNGA HUPASAHAT HAMI BE AMANGBORU ULOS HERBANG SONGONNA

PINANGIDO MUNAI, SAONARI HUPASAHAT HAMIMA MUSE TUHAMU, ATIK
BEHA DOPE ADONG AKKA NAHURANG, BOTIMA

RH PARANAK

MAULIATE RAJANAMI.

PASAHAT HAMU MA MUSE RAJANAMI ULOS TINONUN SADARI TU HAMI

NA MARDONGAN TUBU, BORU NAMI, DOHOT BERE / IBEBERA NAMI, ALA
GODANG DO HAMI, BUHUL HAMU MA SIAN I, RAJANAMI.

PENGANTEN DIPERSILAHKAN DATANG MENUJU TEMPAT YANG SUDAH

DITENTUKAN

RH PARANAK

DI HAMU HULAHULA NAMI, NUNGA SINGKOPBE HAMI MANJALO ULOS SIAN

HAMU, SAI HERBANG MA TUTU PASUPASU I TU HAMI BORUMU.

SONGON DALAN MAMASU-MASU, SIAN HAMU HULA-HULANAMI, NANG ANGKA

TUTUR, HAROP DO ROHA NAMI ASA ULOSANMU ANAK DOHOT
PARUMAENNAMI, MARHITE ULOS HOLONG, BOTIMA RAJANAMI.

PASAHAT ULOS HOLONG

14.35 – 15.00

31
RH PARBORU

MAULIATE RAJANI PARBORUON, DI HITA NAMARDONGAN TUBU SIREGAR

DOHOT SAPARPADANANAN HAHA NAMI NAINGGOLAN, BORU, BERE,
IBEBERE, TARLUMOBIMA DIHAMU HULA HULA NAMI, DOHOT TULANG NAMI,
DOHOT TULANG ROROBOT NAMI, DI SUDE HAMU MAMARHOLONG NI ROHA
DI HAMI, ON MA TINGKINA TUTU, SONGON PATARIDAHON HOLONG NI
ROHANTA PASAHAT ULOS HOLONG TU PENGANTIN BARU, MARJOJOR MA
HITA PASAHATHON.

SIONDOLHONON TU HULA HULA DOHOT TULANG :

SATTABI DI HAMU HULA HULA NAMI ANAK NAMARHAHA MARNGGI

DOHOOT TULANG ROROBOT NAMI DOHOT TULANG NAMI, TARLUMOBI
MA DI HAMU HULA HULA NAMI, DANG MANGHURANGI SANGAP MU
RAJA NAMI, ALAI ALA MARDOMU TU TIKKI HITA, ANGGO PASU PASU
MUNA I RAJA NAMI SAI NA HOT DOI TU HAMI GELLENG MU, MOLO SIAT
PANGIDOAN NAMI LAOS DI TIKKI NAPASAHATTON ULOS, LAOS PASADA
HAMU MA TU NAMARHATA SI GABE GABE

RH PARBORU

DI HAMU PARBORUON NAMI, NUNGA RIS BE SIAN HAMI MANGULOSI.

SAONARI HUPASAHAT HAMI MA MUSE TUHAMU. BOTIMA

GILIRAN PARANAK LAHO PASAHAT ULOS HOLONG 15.00 -

15.25

RH PARANAK

MAULIATE RAJANAMI. ALA TOROP DO HUIDA HAMI ANGKA NA

MANGHAHOLONGI HAMI DI SON, LUMOBI HULAHULA NAMI SONAK MALELA
NAPITUPULU, TULANG SONAK MALELA NAPITUPULU, TULANG ROROBOT
SIBARANI DOHOT HULA HULA NAMARHAHA MARANGGI SIMANJUNTAK
DOHOT ANGKA NAMANGHAHOLONGI HAMI

DI SIALAI LEHON HAMU MAJO TIKKI TU HAMI RAJANAMI.!

RH PARBORU

32
NAULI AMANGBORU

RH PARANAK

DI HAMU HORONG NI HULA HULA NAMI, DOHOT TULANG NAMI, DOHOT DI

SUDE HAMU MAMARHOLONG NI ROHA DI HAMI, HUPASAHAT HAMI MA TIKKI
DI HAMU LAHO MANGULOSI, HAMU MARSIATURAN RAJANAMI

SIONDOLHONON TU HULA HULA DOHOT TULANG :

SATTABI DI HAMU HULA HULA NAMI ANAK NAMARHAHA MARNGGI

DOHOOT TULANG ROROBOT NAMI DOHOT TULANG NAMI, TARLUMOBI
MA DI HAMU HULA HULA NAMI, DANG MANGHURANGI SANGAP MU
RAJA NAMI, ALAI ALA MARDOMU TU TIKKI HITA, ANGGO PASU PASU
MUNA I RAJA NAMI SAI NA HOT DOI TU HAMI GELLENG MU, MOLO SIAT
PANGIDOAN NAMI LAOS DI TIKKI NAPASAHATTON ULOS, LAOS PASADA
HAMU MA TU NAMARHATA SI GABE GABE

RH PARANAK

NUNGA SUN ACARA NA MANGULOSI, AHA MA MUSE SIHATAAN, MUNGKIN

NUNGA BOI HITA MASUK TU ACARA MANAURI. BOTI MA RAJANAMI.

RH PARBORU

MAULIATE RAJANIBORU. BOI MA HITA MASUK TU ACARA MANAURI. BOTI MA

ACARA MANAURI 15.25

– 15.40

RH PARBORU

JADI MASUK MA HITA TU ACARA MANAURI, SONGON ON MA PARTORDING NI

ACARANTA :

PARJOLO : MARHATA SIGABE-GABE MA SIAN HAMI, HAMU

MA MANGAMPU

PADUAHON : MARDALAN MA OLOP-OLOP

33
PATOLUHON : MARDALAN MA ULAON SADARI, IMA PAULAK UNE

PAOPATHON : TATUTUP MA DIBAGASAN ENDE DOHOT

TANGIANG

RH PARANAK

MAULIATE RAJANAMI, NUNGA DENGGAN I

RH PARBORU

JADI HULEHON HAMI MA TINGKI TU HAMU DONGAN TUBU LAHO PASAHAT

HATA SI GABE-GABE DOHOT PASU-PASU TU PARBORUONTA.

HATA SIGABE-GABE SIAN DONGAN TUBU NI PARBORU …………………..

NUNGNGA DIPASAHAT HAMI NAKKANING TIKKI NAMANGULOSI, LAOS IMA

NANG HATA GABE GABE SIAN HAMI,BOTIMA.

ALAI BOI DITAMBAI MUSE MOLO CUKUP WAKTU.

NUNGA TUTU MARDALAN SUDE ANGKA PARADATAN NA PATUT BAHENON NI

PARANAK TU PARBORU, LAOS SONGON I NANG NA PATUT BAHENON NI
PARBORU TU PARANAK

DAPOT MA SONGON NIDOK NI UMPASA

AEK SI URUK-URUK TU SILALLAN AEK TOBA

NDANG ADONGBE HITA NA MARUNGUT-UNGUT, NUNGA SUDE MARLAS NI

ROHA

TUBUAN LAKLAK TUBUAN SINGKORU DI DOLOK PURBATUA

TUBUAN ANAK TUBUAN BORU MA NASIDA, DONGANNA SAUR MATUA

BOTI MA, DITAMBAI DONGAN.

RH PARBORU

HUPANGIDO HAMI DOHOT HORMAT, ASA DIPASAHAT HAMIMA TU HULA-HULA

NAMI SIAGIAN TUAN DIBANGARNA, TULANG NAMI SIAGIAN TUAN
DIBANGARNA DOHOT TULANG ROROBOT NAMI LAHO PASAHAT HATA SI

34
GABE-GABE DOHOT PASU-PASU, HULEHON HAMI MA TINGKI TU HAMU JALA
HAMUMA MARSIATURAN, BOTIMA.

HATA SIGABE-GABE SIAN HORONG TULANG DOHOT HULA-HULA :

OLO MA TUTU, TAMBAHAN NAMI MA HATA SIGABE-GABE DOHOT PASU-PASU

DI HAMU PARBORUON NI BORUNAMI. TU JOLOAN ON SAI TONGTONG MA
MIAN DAME DOHOT HOLONG DI HAMU, NA MARHULA MARBORU, ASA SAI
DAPOTAN PASUPASU HAMU SIAN AMANTA PARDENGGANBASAI

NUNGA SAHAT BE BERENAMI GABE PARUMAENMUNA, BA SAI PARUMAEN

SIBOANTUA MAI, DOHOT LAS NI ROHA DIHAMU, SAI TIBUMA BERENAMI;

BAGAS MARURAT TU TORU, TIMBO MARBULUNG TU GINJANG

MARDANGKA TU SIAMUN, MARANTING TU HAMBIRANG

BOTI MA, DI PAUJUNG HASUHUTON MA

RH PARBORU

BA NUNGA MARLIATLIAT HITA PASAHAT HATA SIGABE-GABE DOHOT

PASUPASU TU PARBORUONTA, BA NUANGPE………. SUHUT MA PANIMPULI
HATA SI GABE-GABE DOHOT PASU-PASU SIAN HITA PARBORU

HATA SIGABE-GABE PANIMPULI SUHUT BOLON PARBORU

HAMU LAE, ITO DOHOT SUDE HAMU PARBORUON NAMI. TAPUJI MA AMNTA
DEBATA PARDENGGAN BASAI, NA MANDONGANI HITA DI SUDE ULAONTA
SADARI ON. DI URUPI DO HITA GABE BOI HITA MASIPAUNEAN DI SUDE
SIBAHENONTA.

TU HAMU LAE DOHOT HO ITO, DOHONANKU MA, GOMGOM MA PARUMAENMI,

MARPANGANJU HO DI IBANA.

ANDOR HALUMPANG, TOGUTOGU NI LOMBU

SAI SAURMATUA ,MA HAMU, PAIIIRINGIRING PAHOMPU

TINAMPUL BULUNG NI SALAK, TARIHUT BULUNG SINGKORU

35
 SAI TIBU MA NASIDA MANGABING ANAK, JALA TIBU MANGOMPA BORU

TU HITA SALUHUTNA DOHONONGKU MA :

SIMBORA GUKGUK, RARAK DIATAS AMAK, HORAS MA HITA JALA MAMORA

APALA LUHUT SAI TOROP MA BORU DOHOT ANAK.

BOTI MA,

RH PARBORU

IMA SAHAT NI HATA NAMI, AMPU HAMU MA AMANGBORU.

RH PARANAK

NUAENGPE AMPARA, NUNGA RIA ANGKA HULAHULANTA MANDOK HATA

SIGABE-GABE DOHOT HATA PASUPASU TU HITA, BA DIAMPU AMPARANGKU
MA I SUDE.

(DI NA MANGAMPU, SUHUT PARANAK, RAPPAK JONGJONG MA DOHOT

PENGANTEN, DIAPIT NATUA-TUA NA DUA)

MANGAMPU SUHUT PARANAK/PENGANTEN

IMA TUTU RAJANAMI, DAPOT MA TINGKINA PANGAMPUON SIAN

HASUHUTON, ANDORANG SO HUPASAHAT HAMI, JUMOLO MA JOLO
MANGAMPU SIAN ANAK DOHOT PARUMAEN NAMI, DOK HAMU MA :

MANGAMPU PENGANTEN

YANG KAMI HORMATI, BAPAK-IBU, AMANG PENDETA, AMANG PANGULA NI

HURIA, TULANG, OMPUNG, AMANG TUA, INANG TUA, AMANGBORU,
NAMBORU, KAKAK ADEK SERTA HADIRIN SEKALIAN YANG MENGASIHI KAMI,
HUDOK HAMI MA MAULIATE, SEMOGA PASUPASU DAN BIMBINGANNYA
DAPAT KAMI TERIMA. HORAS !

TURTU NINNA ANDUHUR, TIO NINNA LOTE

SUDE PASUPASU MUNA I, UNANG MUBA UNANG MOSE

36
MANGAMPU SUHUT PARANAK

IMA TUTU RAJANAMI, RAJANI HULAHULA, NUNGA MARLIAT HAMU SUDE,

MANDOK HATA NA ULI, HATANA DENGGAN, SONGON I NANG HATA
PASUPASU TU HAMI. BA’ SAI LIAT MA HAMI PARBORUON MUNA GABE JALA
HORAS. SAI AMPE MA I ANTONG DI SIMAJUJUNG, TUAK DI ABARA JALA
ABING DI AMPUAN NAMI, TARLOBI DI HELAMUNA DOHOT PARUMAENNAMI.

DODING NI DODING MA, DODING NI SIMANDALESA

HATA NA ULI DOHOT ANGKA PASU-PASU I

SAI UNANG MUBA UNANG SESA

NAUNG SAMPULU PITU, JUMADI SAMPULU UALU

HATA PASU-PASUMUNAI

BOANON NAMI MA I DI TONGA NI JABU

ANDOR RAS MA ANDOR RIS TU ANDOR NI PURBATUA

SAI HORASMA HAMU SUDE HULAHULA NAMI JALA TORKIS

SAI GABE JALA SAURMATUA

HU ULAHI HAMI MA MANDOK MAULIATE GODANG DI HAMU ANGKA

RAJANAMI. HORAS MA.

MAMBAGI OLOPOLOP 15.40 –

15.50
(DIUJUNG NI ULAON, DONGAN SAHUTA NA 2 BOLA PIHAK, RAP JONGJONG
MAMBAGI OLOPOLOP I, JALA DONGAN SAHUTA NI PARBORU DO
MAKKATAHON)

HAMU ANGKA NA PINORSANGAPAN NA LIAT NALOLO, NUNGA MARUJUNG

ULANTA DIBAGASAN SADARION, TADOKMA MAULIATE TU AMANTA DEBATA
NA MAMASU-MASU ULAONTA ON, SONGON HATA NI UMPASA MA :

AEK SIURUK-URUK TU SILANLAN AEK TOBA

NA METMET SO MARUNGUT-UNGUT, NA MAGODANG PE MARLAS NI ROHA

37
NUNGA HUJALO DISON OLOPOLOP, SIBAGIHONNONTON TU HITA LUHUTNA,
LAHO MAGOLOPHON PARBAGASON NI ANAKTA DOHOT BORUNTA
SADARION.

BALINTANG MA PAGABE TUMANDALHON SITADOAN

INGKON SAUT DO HITA GABE, AI NUNGA MASI OLOOLOAN

SIMBORA GUKGUK, PEAK DI ATAS AMAK

HORAS MA HITA APALA LUHUT, TOROP MA BORU DOHOT ANAK

……DIBAGIHON……….

RAP TADOK MA …………..OLOP-OLOP 3 X

TANGIANG PANUTUP 15.50 –

15.55

PAULAK UNE / MEBAT DOHOT MANINGKIR TANGGA 15.55 – 16.00

PAULAK UNE
PENGANTEN DAN ROMBONGAN (PANARUHON) MAMBOAN SULANG SULANG
NATABO MENGUNJUNGI RUMAH MERTUA / ORANG TUA WANITA.

RH PARANAK

DISON HUBOAN HAMIDO SIPANGANON, SILANG-SULANG NATABO TUHAMU

RAJANAMI, SONGON UBAT LUNGUN, ALA SIHOL ROHANAMI BORU MU NANG
HELAMU MANGEBATI HAMU. JALO HAMUMA RAJA NAMI.

TUBU HAU INGOL, DIDOLOK NI SIMALUNGUN.

MOLO IBA MASIHOL, BA’ ROMA IBA MARUBAT LUNGUN.

ANGKUP NI, NDANG HOLAN NAMASIHOL, DIDOK ROHA NAMI TONG DO

MANGIDO PASU-PASUHAMI TUHAMU RAJA NAMI, AI SONGON PANDOK NI
NATUA TUA:

38
MANGULA MA PANGULA, LAOS DIPASAE DUHUT-DUHUT
PASU-PASU NI HULA-HULA, PADAO MARA MARSUNDUT-SUNDUT.

IMA HARORO NAMI RAJA NAMI, BOTIMA.

RH PARBORU

BA’ MOLO SONGONIDO HAFE HARORO MUNA PARBORUAN, NAULIMAI HAFE,

TUNG MASIHOL DO DIBORU DOHOT HELA NAMI, NANG TUHAMU
PARBORUON NAMI, IANGGO PASU-PASU I, SAI NALEHONON NAMI MAI.

NAPURAN DILUMBAN JULU, TU GABBIR NI PAHAE,

SAI RAP MANGALAKKA MA HAMU TU JOLO, JALA RAP MANGAMBE LAO TU
JAE.

TARINGOT TUSIPANGANON NABINOAN MUNAI SAI PAMURNAS MAI

TUDAGING SAUDARA TU BOHI.
BA’ HORASMA HAMI NAMANGATTON, SONGONI NANG HAMU
NAMANGALEHON.

BAGOT NAMARHALTO TUBU DIROBEAN

HORAS HAMI NAMANGATTON, SONGONI NANG HAMU NAMANGALEAN.

ONPE INANG DOHOT HAMU AMANG HELA, SAI DIPASU=PASU TUHANTA

DEBATA MA PARSARIPEON MU, DILEHON MA HAGABEON. DOHOT GANJANG
NI UMUR NANG PANDARAMAN NADENGGAN DIHAMU, BOTIMA.

MANGAMPU SUHUT PARANAK :

MAULIATE GODANG MA DIHAMU RAJA NAMI, NAMANJAKKON HAMI

DIBAGASTA NAMARTUA ON, SUDE PASU-PASU MU TUBORU MU NANG HELA
MU, SONGONI NANG TUHAMI, SAI DIPEOP TONDI MAI MARHITE-HITE PASU-
PASU NI TUHANTA, BOTIMA.

DUNGI MARSIJALANGANMA, JALA MULAKMA PARANAK DOHOT PENGANTEN

TUHUTANA (HUNDULANNA SEMULA)
SELESAI MEBAT.

MANIKKIR TANGGA
SUHUT PARBORU

39
DIHAMU PARBORUAN NAMI, RODO HAMI HULA-HULA MUNA MANDAPOTHON
HAMUDITONGA-TONGA NI JABUTTA NAMARTUA ON, ALA HOLONG DOHOT
SIHOL NIROHA NAMI DIHAMU PARBORUON NAMI.
DISON ADONG DO HUBOAN HAMI DEKKE.
DEKKE SIMUDUR-UDUR DOI, ASA SADA HITA MUDUR-UDUR AKKA
NAMARTONDONG TUJOLOANON DIAKKA NAULI DOHOT NADENGAN.

DEKKE SAUR DOI HUHUT, ASA ANGGIAT SAHAT SAUR MATUA HAMU.

DEKKE SITIO-TIO DOI, ASA TIO MA NANG AKKA PARNGOLUON

JALA DEKKE SAHAT DOI, ASA SAHATMA NAULI DOHOT NADENGAN TUHAMU
TUJOLOANON.

LAOS MAMBOAN BORAS SIPIT NITONDI SIRIBUR-RIBUR, ASA SAI MATOROP

MARIBUR MA ATTONG POPPARAN MUNA TUPPAHON NI TUHANTA, JALA SAI
PIR TONDI MADINGIN HORAS TONDI MATOGU DIHAMU BORU NAMI. ASA SAI
TIO MA NANG PARNIDAAN DAPOTON MUNA DIPARNGOLUON MUNA
TUJOLOANON.

TUBUMA SIKKORU, DITORU NI TANDIAN.

ASA DENGGAN MARHULA MARBORU, IKON MASITOPOTAN DO SONGON
PIDONG LIANG, LAM DENGGAN MA NGOLU-NGOLU JALA MOKMOHAN MA
NAMARNIANG, BOTIMA…

SUHUT PARANAK

MAULIATE MA RAJA NAMI DIHATA MUNA I.

AI MOLO DUNG JINALO PASU-PASU SIAN HAMU HULA-HULA NAMI, UMPOS

MA ROHA MANGULA SIULAON TUJOLOANON.

NIDURUNG SIGUMA, LAOS DAPOT PORA-PORA.

MOLO MAMASU-MASU HULA-HULA, NAPOGOS HIAN BOI DO MAMORA.

ALA NI I, MANANG SADIHARIPE HAMU MULAK, SAI TUHANTA MA

NAMANDONGANI HAMUNA DIPARDALANAN MUNA RAJA NAMI.
BOTIMA.

40
PANUTUP

DIUJUNG NI ULAON DITUTUPMA DOHOT ENDE DOHOT TANGIAN

NANIULUHON NI PANGULA NIHURIA.

HORAS MA JALA GABE

MAKASSAR 09 JULY 2010

DISEPAKATI OLEH KEDUA BELAH PIHAK RAJA PARHATA

RAJA PARHATA PARANAK. E. SIAHAAN/ BORU BUTAR-BUTAR

RAJA PARHATA PARBORU : A. SIREGAR/ BORU SIMATUPANG

41