Eme si tamba tua ma parlinggoman ni borok

Amanta Debata do Si lehon tua

saluhut na ma hitaon diparorot.

Ima tutu

Dangka ni sotorop

Pinanghait-haiton

Tubu ma anak dohot boru

Sitongka panahit-nahiton

Pir ma pongki

bahul bahul pansalongon

pir ma tondi muna sai tontong dapotan

pangomoan

balintang ma pagabe

tumundalhon sitadoan

Ari mu ma gabe

Asal ma hamu masipaolo-oloan

Bagol bogil

Bagol so habal-balan

Salpu ma nahansit

Sai ro ma najagar tujoloan on

Bagol namadungdung

Tupilo-pilo namarajar

Dao ma nalungun

Sai ro ma na jagar tu joloan on

Pinangtingkon hujur

Tu julu ni topian

Horas ma hamu saluhut

Jala dapotan pancarian

Andor ris ma andor ras

Didolok ni lobutua

Torkis-torkis ma horas-horas

Jala dapotan tua

Tubuan lak-lak tubuan singkorung

Di dolok ni purbatua

Tubuan anak tubuan boru

Dongan muna saur matua

Tubu ma sanggar di holbung-holbung

Tubu arung di honuk-honuk

Tubu ma dihamu anak namalo marpollung

Dohot boru namalo marsonduk

Tangki ma jala walang

Galinggang jala garege

Tubu ma anak partahi jala ulu balang

Dohot boru maduma jala pareme

Sinuan hariara bahen partungkoan di

tonga ni huta

sinur ma napinahan tugabena naniula

nadihuta unang marmara

horas-horas ma hamu Sasude tumpakon

ni Tuhanta Namartua

tampulan sibaganding

diatas na pangiringan

tugabenama hamu saluhutna

tondi muna sai masipairing-iringan

umpasa ni Halak Batak

pir ma tondi madingin

horas tondi matogu

mamora hamu madingin

leleng ma hamu mangolu

on pe :

dolok ni Simalungun ma tu dolok ni simamora

sai salpu ma angka na lungun, hatop ma ro

silas ni roha

tamba muse :

Hotang benebebebe, hotang ni Siringkir

Unang iba mandele, ai godang dope sihirir

Angkup ni i :

Hotang binebebebe, hotang pinilospulos

Unang iba mandele, ai godang do

Tudostudos

Poltak bulan tula, binsar ia mata ni ari

Tibu ma rot u hamu soritua, singkat ni

sori ni ari

Alai dumenggan do dohonon umpasa on :

Ramba ni Sipoholon marduhutduhut sitata

Las ni roha dohot sitaonon sude do i sian

Amanta Debata
Asa :

Hau ni Gunungtua dangkana madaguldagul

Tibu ma dilehon Tuhanta dihamu tua, jala tibu

Hamu diapulapul

Jotjot do tadok : Tua na so taraithon, \

Soro ni ari na so tarhaisho

8. Umpasa Batak Tingki Mangapuli

Sai ro ma nipi na uli sai leleng hamu mangolu

Haliangan ni nono dohot nini raphon anak

Dohot boru

Tubu dingindingin jonok tu simartolu

Horas ma tondi madingin pir tondi matogu

Tubu ma singkoru di dolok ni Simamora

Sai torop ma anak dohot boru na basa

Jala sisubut roha

Poltak bulan I Ama ni Manggule :

Ro nuaeng angka pomparanmu mamboan

Sipanganon ba dohot hami. Mauliate

Tinapu bulung ni sabi ributbut pinaspashon

I dope na tarpatupa hami ba i ma jolo

Tahalashon

Andor halumpang ma togutogu ni lombu dohot

togutogu ni horbo laho tu lapogambiri

sai saur ni horbo laho tu Lapogambiri

sai saur ma hamu leleng mangolu paihutihut

pahompu sahat tu na marnono dohot marnini

7. Umpasa Batak Mangadopi natua tua

Hariara na bolon bahen parlape lapean,

Sai tubu ma ma di hamu anak dohot boru na bolas pangunsandean.

Sai situbu laklak ma hamu sutubu singkoru di

Dolok ni purbatua, sai tubuan anak ma hamu

Tubuan boru, donganmuna sarimatua.

Ai na tinapu salaon, salaon situa-tua,

Denggan ma hamu masianju-anjuan asa

Saut gabe jala sarimatua.

Dangka ni hariara ma pinangait-ngaithon,

Tubuma dihamu anak dohot boru, sai

Unang ma panahit-nahithon.
Sai marrongkap ma songon bagot, marsibar

songon ambalang, jala sai masigomgoman ma

tondi ni nasida tu ma tama.

Martumbur ma baringin, mardangka ma

Hariara, matorop ma hamu maribur,

matangkang ma juara.

Janji urat ni eme tu laklak ni simarlasuna. Adat na

Denggan na so ra sega, uhum na uli na so ra muba i,

asa manumpak mau Tuhanta i sinur ma pinahan

gabe na niula jala horas jolma.

Namandanggurhon tu dolok do molo

Basa namarhula-hula

Amporik marlipik, onggang marhabang,

Gabe parboil na otik laos gabe do parboli na godang

Balintang ma pagabe tumandangkon sitandoan

Arinta ma gabe molo marsipaoloan

Artinya : Kita akan mendapatkan keberhasilan jika seia sekata

Aek godang tu aek laut, dos ni roha sibahen na saut

Artinya : Musyawarah untuk Mufakat

Jolo tinaha garung niba, niantan sulangat niba

Artinya : Sebelum melakukan sesuatu lebih baik

Kalau kita menyadari kemampuan diri sendiri

Manat unang tartuktuk, dadap unang tarrobung

Artinya : sebelum melakukan sesuatu lebih baik di teliti

dulu situasi apa yang mau dilakukan

dolok ni Simalungun, tu dolok ni Simamora

salpu ma sian hamu na lungun, sai hatop ma

ro si las ni roha

mandurung di aek Sihoru hour

manjala di aek Sigura-gura, Udur ma hamu jala leleng mangolu,

hipas matua sonang sora mahua

bona ni pinasa, hasakkotan ni jomuran,

tung aha pe dijamu hamu, sai tong ma dalan

ni pasu-pasu
marmutik tabu-tabu mandompakhon mataniari,

sai hot ma di hamu akka pasu-pasu, laho

marhajophon akka na sinari

napuran tano-tano ranging marsiranggongan,

badan ta i padao-dao, tandita i marsigomgoman.

Tuat si puti, nakkok sideak,

la i na ummuli, ima ta pareak.

Pinasa ni siantar godang rambu-rambuna,

Tung otik pe hatakki, sai godang ma pinasuna.

Sititik ma sigompa, golang-golang pangarahutna,

Tung sa sadia pe naeng tarpatupa, sai anggiat

ma godang pinasuna.

Martahuak ma manuk di bungkulan ni ruma,

Horas ma hula-hulana, songoni nang akka boruna.

Simbora ma pulguk, pulguk di lage-lage,

Sai mora ma hita luhut, huhut horas jala gabe.

Hiriara madungdung,

pilo,pilo na maragar,

tading ma na lungun, ro ma na jagar.

5. Umpasa Ini Juga Sering Digunakan

Oleh Para Orangtua / Raja Adat

Dalam Acara Adat.

Tinapu bulung nisabi, baen lompan ni pangula

Sahat ma pasu-pasu na nilehon muna i tu hami,

Sai horas ma nang hamu hula-hula.

Suman tu aek nation do hamu,

Riong-riong di pinggan pasu,

Hula-hula nabasa do hamu, na girgir mamasu-masu.

Obuk do jambulan, nidandan ni boru Samara

Pasu-pasu na mardongan tangiang sian hula-hula,

Mambahen marsundut-sundut soada mara.

Habang pidong sibigo, paihut-ihut bulan,

Saluhut angka na tapangido, sai tibu ma

Dipasaut Tuhan.
Turtu ninna anduhur, tio ninna lote,

Angka pasu-pasu pinasahat muna,

Sai unang ma muba, unang mose.

Naung sapulu pitu, jumadi sapulu ualu,

Angka pasu-pasu pinasat muna hula-hula nami,

Diampu hami ma di tonga jabu.

Naung sampulu sada, jumadi sampulu tolu,

Angka pasu-pasu pinasahat muna,

Sai anggiatma padenggan ngolu-ngolu.

Mardakka Jabi-jabi, marbulung ia si Tulan

Angka pasu-pasu na pinasahat muna,

Sai sude mai dipasaut Tuhan.

Songgop si Ruba-ruba tu dakka ni Hapadan,

Angka pasu-pasu na ni lehon muna,

Sai dijangkon tondi ma dohot badan.

Ni durung si Tuma laos dapot Pora-pora.

Molo mamasu-masu hula-hula mangido sian Tuhan,

Napogos hian iba, boi do gabe mamora.

Bulung ni Taen tu bulung ni Tulan

Ba molo tarbahen, sai topot hamu hami sahali sabulan,

Molo so boi bulung ni tulan, pinomat bulung ni salaon,

Ba molo so boi sahali sabulan, pinomat sahali sataon.

4. Umpasa Mangampu

Ruma ijuk tu ruma gorga,

Sai tubu ma anakmuna na bisuk dohot borumuna na

Lambok marroha.

Mangula ma pangula, dipasae duhut-duhut

Molo burju marhula-hula, dipadao mara

Marsundut-sundut.

Gadu-gadu ni Silindung, tu gadu-gadu ni Sipilohon,

Sai tubu ma anakmuna 17 dohot borumuna 16.

Andar hadukka ma patogu-togu lombu,

Sai sarimatua ma hamu sahat tu na patogu-togu

Pahoppu.
Anian ma pagabe tumundalhon sitodoan,

Arimu ma gabe molo marsipaolo-oloan.

Sahat solu, sahat di parbinsar ni ari,

Leleng ma hamu mangolu jala di iring-

Iring Tuhan ganup ari.

Sahat-sahat ni solu, sahat ma tu Labuan,

Sahat ma hamu leleng mangolu,

Jala sai di dongani Tuhan.

Dekke ni sale-sale, dengke ni Simamora,

Tamba ni nagabe, sai tibu ma hamu mamora.

Rimbur ni Pakkat tu rimbur ni Hotang,

Sai tudia pe hamu mangalakka, sai tusima

Hamu dapot pansamotan.

Giring-giring ma tu gosta-gosta, tu boras ni sikkoru,

Sai tibu ma hamu mangiring-iring, huhut mangompa-

Ompa anak dohot boru

Dakka ni arirang, peak di tonga onan,

Badan muna naso jadi sirang, tondi mu

Marsigomgoman.
3. Umpasa Tu Na Baru Marbagas

Asing do huta Hullang, asing muse do

Huta Gunung Tua,

Asing do molo tulang, asing muse do

Molo gabe dung simatua.

Amak do rere, dakka do dupang,

Anak do bere, Amang do Tulang.

Sai tong doi lubang nangpe dihukkupi rere,

Sai tong doi boru ni Tulang, manang boru ni

Ise pei dialap bere.

Hot pe jabu i, tong doi margulang gulang

Sian di ape mangalap boru bere i, tong

Doi boru ni Tulang.

Bulung namartampuk, bulung ni simarlasuna,

Nunga hujalo hami tintin marangkup,

Dohonon ma hata pasu-pasuna.

2. Umpasa Manjalo Tintin Marangkup

Rabba na poso, ndang piga tubuan lata

Hami na poso, ndang piga na umboto hata

Tudia ma luluon da dakka-dakka bahen soban,

Tudia ma luluon da boru Sinaga bahen dongan.