BARITA JUJUR NGOLU

Santabi di hamu Rajani hulahula nami, tulang nami, Rajani dongan sahuta
nang di hita na mardongan tubu. Andorang simangido panuturion hami sian hamu
naliat nalok tarlubobi tu horong ni hulahula nami. Saonari naeng pajojoron nami
ma tu hamu raja nami nang naliat nalolu, taringot tu jujur ngoluni ina nami naung
saur matua on.

Ia Ompung nami na margoar Op.Sangap ima namangalap boru ni Raja i

Lumban tobing gabe do Ompung nami on maranak marboru. Dua halak ma
anakna. Alani ima rajanami gabe Raja i marga Lumban tobing ma nagabe bonani
ari nami.

Dungi muse mangalap boru ma anak ni ompung nami sipaidua ima

Op.Marolop mangalap boru ni Raja i marga Silaban jala gabe do, Alani ma gabe
Raja i marga Silaban ma na gabe Bona Tulang nami. Gabe do ompung nami on
maranak marboru. Ia anakni Ompung nami on Op.Marasal na mangalap boru ni
Raja i Sinaga. Gabe do ompung nami di anak dohot boru alani ma raja nami
umbahen Raja i marga sinaga ma gabe Tulang nami.

Tolu ma ianggo anakni ompung nami ima Op.Asmin Situmeang. Naparjolo

ima amang tua nami Op. Hemat Situmeang ima namangalap boruni rajai
Simatupang togatorop. Ima alana gabe raja i marga togatorop na gabe hula-hula na
maraha maranggi.

Ia amang uda nami sipaitolu namargoar Op. Rio Situmeang ima

namangalap boruni rajai Nababan jadi alani ima Rajai marga Nababan gabe na
marhaha maranggi.

Ia damang anak sipaidua ni ompung nami ima Op. Chandra Situmeang (+)
namangalap ina nami naung saurmatua on ima boruni raja i br.Panggabean. ia ina
nami naung saur matua on ima tinubuhon ni ompung nami boru sitompul. Jala
alani ima Rajai Sitompul na gabe Tulang rorobot dihami.

Di hamu raja na liat na lolo. Ia ina nami naung saurmatua on ima namargoar
Roslina br Panggabean ( Op. Chandra boru) tubu di ari : 4 januari 1933 jala
marhamulian ima di taon 1958 tu amanami Juluan Situmeang (+) (Op. Chandra
doli). Uju dingoluna ulaon ni inanami on ima PNS jala nunga pensiun. Di bulan
oktober 2017 marsahit ma inanami on jala marubat di RS Adam Malik Medan. Jala
laos sahitnai ma sahat tu ujung ni ngolu na. Jadi marujungngolu ma ina nami on di
ari senin tanggal 15 April 2019 jam 22.00. Gabe marumur ma inanami on 86 taon 3
bulan.

POMPARAN NA

Gabe do ama nami dohot ina nami naung saur matua on di anak dohot boru.

Tubu ni ina nami ima dua baoa onom boru.

 Anak siangkangan ima na margoar Herry Mangasi Situmeang ( Op. Ni si

Sandy )
  Anak na paduahon ima na margoar Richard Leonardo Situmeang (Ama
ni David)
 Boru Siangkangan ima na margoar Julinda Roselly Situmeang (Op.
Christian)
 Boru na paduahon ima na margoar Betty Nurmawaty Situmeang
 Boru patoluhon ima na margoar Rosida Falentina Situmeang (Op. Grace)
 Boru paopathon ima na margoar Elly Bertha Situmeang
 Boru palimahon ima na margoar Nur Intan Situmeang
 Boru paonomhon ima na margoar Titin Supriatin Situmeang.

 Anak siangkangan ima namangalap boru ni rajai boru timor. Di basa basaon debata
sada dakdanak baoa dohot tolu boru. Alai alani sesuatu hal dang martahan leleng
par rumah tanggaon nasida. Gabe mangalap boru ma muse ima boru ni rajai boru
damanik. Di basa basa debata sada anak baoa dohot sada boru. Alani ma rajai
marga Damanik gabe hula hula naposo.
 Ia anak sipaidua na mangalap boru ni rajai boru pardede sian Jakarta. Di basa basai
debata sada anak baoa dohot sada boru. Alani ma rajai marga Pardede gabe hula
hula naposo.
 Ia boru siangkangan namarhamulian tu anak ni amang boru nami marga
simanungkalit sian huta Sipoholon. Alani ima amangboru nami marga
Simanungkalit gabe simatua ni boru.
 Ia boru sipadua ima namarhamulian tu anakni amangboru nami marga Sipahutar
sian huta Rantauprapat. Alani ima amangboru nami marga Sipahutar gabe simatua
ni boru.
 Ia boru sipaitolu namarhamulian tu anakni amangboru nami marga Sinaga sian
huta Siantar. Alani ima amangboru nami marga Sinaga gabe simatua ni boru.
 Ia boru sipaiopat namarhamulian tu anak ni amangboru nami marga Simanungkalit
sian Sipoholon. Alani ima amangboru nami marga Simanungkalit gabe simatua ni
boru.
 Ia boru sipalimahon namarhamulian tu anak ni amangboru nami marga Sipahutar
sian Rantauprapat. Alani ima amngboru nami marga Sipahutar gabe simatua
simatua ni boru.
 Ia boru napaonomhon namarhamulian tu anak ni amang boru nami marga Siahaan
gabe simatua ni boru.

jadi pomparan ni ina nami naung saur matua on sian anak dua anak dohot tolu
parumaen dohot 8 pahompu tambah tolu nono.Pomparan sian boru, onom boru
ditambah onom hela. Pahomppu sian boru 31 halak, nini na 8 halak. Pungu ma
sude pomparan ni ina nami naung saur matua on torop na 67 halak.

Jadi songon ni ma boi tarpajojor hami songon jujur ngolu ni ina nami naung saur
matua on. Molo adong na hurang lebih marsatabi hami asa ajar ajari hamu huhut
tiroan muna.
Mauliate ma.
 JUJUR NGOLU NI INA NAMI Op.CHANDRA BORU PANGGABEAN

A.
1) Ai oppung nami oppu sangap situmeang mangalap boru ni Op. Nami Rajai
PANGGABEAN. Sian Tarutung jala gabe do oppung nami on maranak
marboru. 4 dibaheni do umbaen ma boni ari hami tu rajai LUMBANTOBING.
2) Ia Oppung nami Op.Marolop Situmeang sipai 3 na uppoppar hami mangalap
boru ni rajai boru SILABAN umbahen i do marbona tulang hami tu marga
SILABAN jala gabe do oppung nami maranak marboru 5 baoa.
3) Ia Oppung nami Oppu Marsal Situmeang siangkangan manauppoppar hami
mangalap boru ni rajai Oppung nami marga SINAGA. I do dalanna martulang
hami tu marga SINAGA jala gabe do on maranak marboru 3 anak – boru.
4) Ia anak siakkang Op. Asmin Situmeang mangalap boru ni rajai boru
TOGATOROP (Simatupang Toga Torop) hula-hula namar hahamaranggi ma di
hami.
5) Ia amanguda nami Op. Hemat Situmeang sipaitolu mangalap boru ni rajai boru
NABABAN i do umbahen. Hula-hula namartinodohon di hami.
6) Ia sinomor dua ima amang nahinan na uppoppar hami hami. Namar goar
JULUAN SITUMEANG (Op. CHANDRA Doli) Marhasohotan ma tu ina nami
ima Boru ni Oppung nami PANGGABEAN nata daadop-adop di tingki on. On
ma hula-hula nami rajai PANGGABEAN marhasohotan dainang nami nasaur
matua on tuama nami nahinan tahun 1958. Jala gabe ina nami on maranak
marboru 2 anak dohot 6 boru. Jala tubu ina namion (Op.Chandra Boru) Tgl: 4
januari 1933. Monding: 15 April 2019 jam 22.00 tepat. Namarumur inanami on
86 Tahun 3 bulan.

B.
1) Ai anak ni dainang on siangkangan namargoar HERI MANGASI SITUMEANG
(Op. Ni si Sandy) mangalap boru ni rajai sian saborang (TIMTIM) gabe do anak
namion sian boru Timtim 1 anak dohot 3 boru alai rajanami ima huroha nasip ni
anak nami dang panjang parumatanggaon. Gabe marhasohotan ma anak nami on
muse tu boru ni hula-hulai DAMANIK. On ma hula-hula nami naposo jala
gabedo nasida maranak marboru 1 anak dohot 1 boru. Jala anak nami on
nungnga pahoppu (Oppu ni Si Sandi) Laos do dihamu damadohot dainang.
Rajani hula-hula saluhut na inanami na saur matua on nungnga mar nini.
2) Anak sipaidua ima namargoar RICHARD SITUMEANG (Ama David)
mangalap boru ni rajai hula-hula nami naposo PARDEDE SONAKMALELA.
Jala gabe do anak namion maranak marboru 1 anak dohot 1 boru. = 2
3) Ia boru siangkangan (Ibotonami) ima namargoar JULINDA SITUMEANG
( Op. Christian ) marhamulian maon tu anak ni amang boru nami marga
SIMANUNGKALIT tu Sipoholon. Umbahenido gabe Simurni Br Simanungkalit
Jala gabe ibotonami on maranak marboru 6 anak dohot 1 boru = 7
4) Ia ibotonami si no. 2 namargoar BETTI NURMAWATI Br SITUMEANG
marhamulian tu anak ni amang boru namu marga SIPAHUTAR di Rantauprapat.
Umbaheni do umbaen na si matua ni boru Sipahutar jala gabe maranak marboru
5) Ia ibotonami si no. 3 namargoar ROSIDA FALENTINA Br SITUMEANG
(Op. Grace) marhamulian tu anak ni amang boru nami marga SINAGA sian
 SIANTAR panggoarhona (Op. Grace ) jala gabe iboto nami on maranak
marboru 3 anak dohot 1 boru = 4. Dibahenido umbaensimatuani boru SINAGA
jala ibotonamion nungga marpahoppu sian anak 1 sian boru 1.
6) Ia iboto nami si no 4 namargoar ELLY BERTA Br SITUMEANG marhamulian
tu anak ni amang boru nami marga SIMANUNGKALIT sian Sipoholon. Di
baheni do umbahen simatuani boru Simanungkalit jala gabe do iboto nami on
maranak marboru 3 anak dohot 1 boru.
7) Ia ibotonami si no 5 namargoar NUR INTAN Br SITUMEANG namarhamulian
ma on tu anak ni amang boru nami marga SIPAHUTAR. Di Rantauprapat i do
umbahen simatuani boru Sipahutar jala gabe ibotonami on maranak 1 anak.
8) Ia ibotonami si no 6 namargoar TITIN SUPRIATIN Br SITUMEANG
marhamulian ma on tu anak ni amang boru nami marga SIAHAAN di
Rantauprapat on dibaheni ma umbahen simatuani boru SIAHAAN jala gabe do
iboto nami on maranak marboru. Anak = + boru =
9) Ia pahoppu ni dainang namargoar CANDRA SITUMEANG nungga
marhasohotan mangalap boru ni rajai NAINGGOLAN LUMBAN RAJA. Ido
gabe simatuani pahoppu NAINGGOLAN LUMBAN RAJA.

Pungu ma sude pinoppar ni dainang on:

2 anak + 3 parumaen = 5
6 boru + 6 hela = 12
Pahoppu sian anak = 8 halak
Pahoppu sian boru = 22 halak
Hela + parumaen sian anak singkangan = 2 halak
Hela + parumaen sian boru siangkangan = 4 halak
Parumaen sian boru sipaidua = 1 halak
Hela + parumaen sian boru sipaitolu = 2 halak
Nini sian anak = 3 halak
Nono sian boru = 8 halak