Mangido gondang manang musik di ulaon partangiangan bonataon si Raja Pasaribu dohot Boru

(untuk ketua Sektor)

IniAmang par musik nami, didok situasi tua asa:

Tangan di botohon ujungnya jari jari , jari jari sappulu marsiganjang ganjangi, jongjong hami dison
jumolo hami marsantabi santabi di amanta raja santabi di inanta sori pada, diulaonta sadari on ulaon
partangiangan bonataon manghalashon basa basa ni Tuhanta sian tahun 2022 sahat hita tu taon
baru taon 2023 on , alani amang par musik nami maeng manortor ma hami paherbang tangan jala
pagale gonting asa songon ni dok ni natua tua ;

Sianjur mula mula

Sianjur mula tompa

Bahen damang ma gondang mula mula

Padamu ma tu gondang somba somba......

Bahen ma amang......

Mauliate amang par musik nami nungnga di bahen ho gondang mula mula dohot somba somba
i,naeng mangaliat ma hami, asa liat gabe, liat horas hami pomparan ni oppung nami si Raja Pasaribu
dohot boru sekota Palembang, bahen damang ma gondang kuat liat i.... Bahen ma amang..... . ..

Mauliate ma amang par musik nami..... Bunga di bahen ho gondang liat liat.. Asa ro boru dohot
dongantubu nami. Manolopnolopi manang manang nabe hami bahen ma amang gondang didang
didang i..

Mauliate ma amang nunga di bahen ho gondang liat liat i, dohot gondang liat liat i, nungnga liat
tutup tangan nami marbunga bunga marhite Olip Olip ni dongan tubu dohot boru nami, mauliate ma
di Debata sai dipargogoi ma Pengurus ni punguan mangulahon punguan i sesuai tu Naung tarsirat
dohot tarsirat di ART ta, mauliate ma.... Songoni di dongan tubu dohot boru., songoni ni dok ni natua
tua:

Hotang mallo

Denggan bahen tingkat dorobean

Horas ma hami namanjalo, tugandana ma dihamu namangalean........

Onpe amang par musik asa sahat nauli, sahat nadenggan i tu hami popparan ni oppung nami Si Raja
Pasaribu dohot boru na mandala ni tahun para sian tahun 2023 napinasahat ni Tuhan i.... Asa bahen
ma amang gondang hadahatan i padamu ma ri gondang si Tio Tio.... Bahen ma amang

Boi do ditambah sebelum gondang hadahatan i

Didok umpasa:
 Sahat sahat ni solusi

Sahat tu tiga ras toho dirondang ni bulan

Sahat ma hita leleng mangolu tong tong horas

Jalan diramoti Tuhan