Hamu Ale Akka dongan sahaporseaon hita saluhutna napunguon, rap hami mangidohon tu Ho di tangiang na ni ajarhon ni anak mu tu hami:
hon ni anak mu tu hami: Rap
Tama hita mandok mauliate tu Debata ala basana dilehon dihita hahipason jala boi
hita marpungu marlasniroha dibagas ni Op. ni Op. Niko Simangunsong, ima na laho
manangihon hata ni Debata jala pasahathon akka tangiang pangidoanta. Mauliate do
tong dohononta parbagason ala haradeon ni roha muna di na mambahen bagas muna
on gabe inganan parpunguanta di partangianganta bornginon. Sai anggiat ma tutu
Tuhanta na mian dibagas on. Alani I ale akka dongan taparade ma roha nang
pingkiranta, Rap ma hita mambaen tanda hamonangan ni Kristus……
Marende Ma hita :
Hata Patujolo :
Alani ale angka dongan sahaporseaon, andorang so tatangihon barita nauli ni
Debata, jumolo ma tasolsoli sude angka dosanta, rap ma hita mandok tangiang
panolsolionta : O Debata Parasi Roha ..
Marende hita manomu nomo Barita nauli :
Tangiang Hatopan
Martangiang ma hita tu Debata Ama, na olo rade manangihon akka elek-elekta na
tapasahat tu ibana mardongan serep dohot pos ni roha
Ala ni I rap ma hita pasahathon tangiang pangidoanta tu Ibana :
1. Manangianghon Parbagas
2. Manangianghon Lingkungan, nang akka dongan ta na dibagasan Parsahiton
3. Martangiang hita dibagasan rohanta be, tapangido aha naringkot di
parngoluonta dihita ganup marsada-sada si ganup ari……
Ale Debata ama nami sai ungkap ma roha nami naung umbege hataM na sian Bukku
nabadiaMi manang siah Huriam, sai mulak do hami tu Ho, molo naeng mangido
manang aha pe hami, ai dibagasan ho do huhilala hami sonang so haribo-riboan,
martinangi jala marbinege ma Ho,manjalo tangiang pangidoan nami on, na pos do
roha nami ale Amang, pasahaton mu saluhutna I tu hami ganup, tarlumobi ma di na
mahita mandok tangian Ama nami :
Marende hita huhut papungu pelean
Tangiang Parujungan :
Ale Debata Ama na disurgo, Sai martinangi marbinege ma Ho di angka tangiang
nami, tangihon ma hami na mangidohon haroro ni harajaonMu,jala sai anggiat ma
hata haluaon na sian Jesus Anakmi, marlapatan di hami ditingki ari na lehet manang
na roa, ditingki na huhilalahon hami naso mar hagogoon hami, manang ditingki
natarlungun hami. jala patimbul ma panghirimon ni sandok jolma na mauas di
pangurupionmu, pasu-pasu jala gomgomi ma hami gabe sitindangi di lomo ni
roham. Pasu-pasu hami ale Tuhan di namardomu sirang sian bagas on, ho ma na
manjoloani langka nami asa sahat hami di bagas nami be dibagasan hahipason, nang
di namangalapo gogo pe hami di podoman nami, tongtong do tu Ho pasahaton nami
diri nami. Asa sonang so haribo-riboan hami dinamodom hami borngin on, jala boi
hami marlas niroha hami di na dungo di ari Marsogot di nalaho mangula angka
ulaon nami. Jumolo urasi hami sian saluhut angka dosa nami Ale Tuhan, asa tama
hami gabe habaoran ni angka pasu-pasum, tangiang nami on hupasahat hami marhite
Kristus Tuhan nami, namangolu raphon Ho, nuaeng sahat ro di saleleng ni lelengna.
Amen