BAHAN SERMON MINGGU 30 APRIL 2023

MANONTONG DO ASI NI ROHANA (Psalmen 100:1-5)

PATUJOLO
Mungkin tidak asing dengan lagu dalam Kidung Jemaat 392 yang bait pertamanya
demikian; ‘Ku berbahagia, yakin teguh, Yesus abadi kepunyaanku! ,Aku warisNya ku
ditebus, ciptaan baru Rohul kudus. Aku bernyanyi bahagia, memuji Yesus selamanya ,Aku
bernyanyi bahagia, memuji Yesus selamanya. Syair asli lagu ini ditulis oleh seorang
perempuan yatim, yang buta sejak kecil karena kesalahan obat yang diberikan dokter.
Perempuan itu bernama Fanny J. Crosby. Ia menulis syair lagu ini pada tahun 1873. Melalui
ketiga bait lagu ini kita dapat melihat keyakinan iman Crosby, bahwa tidak ada alasan
baginya untuk tidak bahagia jika ia telah memiliki Yesus, sebab Yesus-lah sumber bahagia
itu. Kebutaan dan segala penderitaan hidup yang ia alami, tidak menghalanginya untuk
bersyukur kepada Tuhan.
HATORANGAN NI TURPUK
Hamu angka dongan turpukta di bagasan tingki on di suratton ma songon ende olop-
olop tu Jahowa na manosohon bangso Jahudi asa mangendehon denggan basa ni jahowa di
joro, anggiat asa di hamulatehon nasida denggan basa ni Jahowa naung di jalo nasida, marhite
pujipujian ni nasida maradoppon Debata, ai pardenggan basa do ibana ro di saleleng ni
lelengna, Ibana do na jumadihon hita manisia, jala ibana do nampuna hita. Umbahen ido dang
adong hape sidalian ta nalao manundalhon, mangkalupahon Debata sian tonga-tonga ni
parngoluonta, ai biru-biru na pinarmahan ni Debata do hita. Alai di bagasan parngoluantaon
sipata olo do manimbil hita sian parmahanion ni Debata, na tung mansai jotjot mangalupahon
denggan basa, ragam ni angka pasu-pasu dohot asi ni roha ni Debata maradoppon hita, na
mambahen hita gabe tu pangunjunan/malapetaka. Sipata sai tapingkiri do holan alani
gogonta, pingkiranta, hamaloonta sandiri do namambahen boi tadalani parngoluanta on, lupa
hita sian dia do saluhutna haroroan ni denggan basa ni Debata, dang tatanda dirinta ai biru-
biru napinarmahan ni Debata do hita, selayakna ikkon ma nean tapatuduhon songon dia do
biru-biru na di parmahani, na ikkon unduk di parenta ni namarmahani, na ikkon mabiar
maradoppon na marmahani, unang mangalunda, manimbil, laos ima songon tanda
manghamuliatehon huhut pasonangkon rohani namarmahani hita. Alani di togihon turpuk on
hita asa taulahon parsombaon namangolu tu Debata , marhite na manghamulatehon asi
niroha ni Debata maradoppon hita, marhite ende puji-pujian na tapasahat tu Debata sian tondi
na ias ,hasintongan dohot lasniroha, ai manongtong do asi niroha ni Debata maradoppon hita
angka biru-biruna, nangpe sipata olo tahalupahon, tatundalhon Debata di tonga-tonga ni
parngoluonta, ai padenggan basa do anggo Debata ro di saleleng ni lelengna, jala
marsundutsundut do hasintonganna.
PANIMPULI
Songon ruas naung matoras haporseaonta ra tahangoluhon do Debata do haroroan ni
lasniroha di bagasan parngoluonta dang adong dalan lasniroha na asing ianggo so sian
Debata, taida songon na di adopi Fanny, J Crosby natape borat parungkilon na di adopi ibana,
alai di patuduhon ibana do pamujioona songon biru-biru napinarmahan ni Debata, di pasahat
ibana hamuliateonna marhite na menciptahon lagu kj 392, ai tongtong do di pangkilalahon
ibana asi niroha ni Debata di bagasan ngoluna. Attong boha hita? Nunnga adong naung
tapatupa nalao mangkamuliatehon denggan basa dohot asinora ni Debata di bagasan
ngolonta?, molo ta hilala do denggan basa dohot asi niroha ni Debata na manongtong di
tonga-tonga ni ngolunta tapasahat ma hamuliateonta tu Debata marhitehite pamujionta sian
pangkataionta, pangalaho nang pambahenanta .
AMEN