HURIA KRISTEN BATAK

PROTESTAN (HKBP)
DISTRIK VIII DKI JAKARTA RAYA
PARTURENA PARPUNGUAN BODARI
UJUNG TAON

TOPIK
MANONGTONG DO HATA NI DEBATA
(1 Petrus 1:22-25)
 Kamis, 31 Desember 2020
1. JOUJOU MARSAOR DOHOT TUHAN I (L=liturgis;
R=Ruas; S= sude)
L : Huria na hinaholongan ni Tuhan Jesus Kristus!
Nunga sahat hita tu ujung ni taon 2020, mamolus
pandemi Covid-19. Atik pe songon i, tapuji ma
Tuhanta na mangaramoti jala patolhas hita sahat
hita tu ujung ni taon on, dibagasan asi ni rohaNa.
Alani tama do okuhononta:
S : EBENEZER, RASIRASA NUAENG DIDONGANI TUHAN
I DO HITA
L : Atik pe tabolus ragam ni na masa saleleng taon
2020 on, alai marhite topik ni parpunguan bodari
on, diarahon do hita manghaporseai paboa
“MANONGTONG DO HATA NI DEBATA”. Antong
hita angka na pinarhamaol ni Jahowa jala na
tongtong masihol di asi ni rohaNa, bongot ma hita
tu parsaoran na badia laho mamuji dohot
pasangaphon Tuhanta, ro ma hita marolopolop tu
joloNa, marende ma hita.
S : (mangendehon) BE.9:1-2 “Hupuji Holong ni
rohaMu”
Hupuji holong ni rohaMu O Tuhan Jesus Rajangki.
Tu Ho hulehon ma tondingku ai i do pinangidoMi.
Huhalupahon ma diringku mamingkir holong ni
rohaMu
----------------------- jongjong --------------------
Sai dilului Ho do ahu au pe huhalungunhon Ho.
Ditaiti rohaMi ohangku dibahen i hulehon do.
Dipillit Ho hian tondingku i pe hutodo Ho Tuhanhu.
2. VOTUM INTROITUS DOA (J: Jemaat)
L : Marhitehite Goar ni Debata Ama, dohot Goar ni
AnakNa Tuhan Jesus Kristus, dohot Goar ni Tondi
Parbadia na tumompa langit dohot tano, Amen.

2
 Mandok mauliate ma hamu di Jahowa, ai rodi
saleleng ni lelengna do asi ni rohaNa. Hot do asi ni
rohaNa i marsundutsundut. Haleluya
R : (mangendehon) HALELUYA HALELUYA HALELUYA
L : Martangiang ma hita! Ale Amanami, Ama ni Tuhan
Jesus Kristus Tuhannami. Mandok mauliate do
hami tu Ho, ala diramoti Ho do hami mandalani
taon 2020, atik pe ingkon mangadopi pandemi
Covid-19 hami sahat tu ujung ni taon on.
Huhamauliatehon hami do ala dipasupasu Ho
huriaM di Distrik DKI Jakarta on manghobasi
orientasi panghobasion 2020, ima Reposisi
Penginjilan. Asi ma rohaM di hami, sai dongani ma
hami manalpuhon taon on, jala patolhas ma hami
mamasuhi taon 2021 na naeng ro. Ramoti ma
huriaM manghangoluhon panjouonMu asa gabe
pasupasu tu portibi on. Sai tau sangap di goarMu
ma ngolunami, jala las ni roha nang pasupasu tu
na humaliang hami, marhite Jesus Kristus
Tuhannami, Amen. --------hundul----
03. Marende BE. No. 501:2 “ Sai Ditogutogu Jesus “ BL.
341
Sai diiringiring Jesus au na gale situtu.
Ditungkoli do langkangku diparmudu au burju.
Molo loja au mardalan nang maheu tondingki.
LehononNa aek na tio sian batu mamak i,
lehononNa aek na tio sian batu mamak i.
04. PATIK:
L : Tangihon hamu ma Patik ni Debata di parpunguan
ujung taon on, na tarsurat di Konfessie Bindu 1,
Tahaporseai jala tahatindanghon do : Sada do
Debata na so marmula na so marujung, Pargogo na
so hatudosan, na so olo muba, Haposan, Parbinoto
na sun, Na so hadodoan, Paruhum na tigor,

3
 Parasiroha godang, Pardenggan basa. Ibana do na
manggohi langit dohot tano, Parroha na sintong, Na
sun badia, Parholong roha. Marhite poda on :
tatulak jala taalo do hasomalan na mandok :
“ompung” tu Debata dohot panghilalaan na
mangarajumi holan Pardenggan basa do Debata
dohot roha na manghaposi boi ro pasupasu sian
“sumangot ni ompu” songon na hinasomalhon ni
halak Sipelebegu. Suang songon i na manjujur ari,
na parundinghon langka dohot na manjaha surat ni
tangan. Laos marhite poda on tatulak do poda na
mangarajumi tumimbo Huaso ni Debata sian
HabadiaonNa dohot Holong ni rohaNa
Antong rap mangido gogo ma hita tu Debata
mangulahon patikNa i

S : Ale Tuhan Debata, sai pargogoi ma hami

mangulahon na hombar tu PatikMi, Amen

05. Marende BE. No. 677:1 – 2 “Mansai Lambok”

Mansai lambok Tuhan Jesus manjou,
Manjou ho dohot au, ida Ibana paima
Haroromu mulak ma ho dohot au.
Reff: Antong sai ro ma ho angka na sorat
Sai ro ma ho, mansai lambok
Tuhan Jesus manjou pardosa mulak ma ho.
-----jongjong-----
Unang ho ganggu dapothon Tuhanmu
na manjou ho dohot au.
Janghon asi ni roha ni Tuhanmu sihophop ho dohot au.
Reff…

6. MARBILANGBILANG DI ADOPAN NI TUHAN I:

L : Di na naeng salpuhononta taon 2020 on, tama do
marbilangbilang hita di adopan ni Tuhan i.
Marragam do na tabolus di taon 2020, taadopi do

4
 angka parungkilon, dohot lasniroha. Dilehon do nang
hahipason, gogo dohot ragam ni pasupasuNa tu
ganup hita umbaen boi hita tolhas tu ujung ni taon
on. Marningot saluhutna i, tangkas ma tajouhon sian
sandok rohanta:
R : Mauliate ma ale Tuhan, nunga diramoti Ho hami
mandalani taon 2020, tung godang do asi ni
rohaM na pinatongonMu di ngolunami. Sai
parrohai ma hami mamilangi ariari ni
ngolunami, asa dapotan bisuk hami di
ngolunami.
L : Mamungka sian bulan Maret taadopi do pandemi
Covid-19 na mambahen torop angka dongan na
mabiar sahat tu na agoan hosa. Susa nang
pandaraman ala parhusoran ni perekonomian na so
tarbahen mardalan dohot denggan. Manginona do i
sahat tu huria, adong do na so boi patupahon pesta
Natal songon na somal, ala ndang boi torop
marpungu. Tagogo ma mangido tu Tuhanta, asa tibu
salpu parungkilon i, malum saluhut angka dongan na
hona virus corona i, boi sumuang hita tu parngoluon
na dumenggan, lumobi ma di na mamongoti taon na
imbaru 2021 na naeng ro on.
R : Ale Tuhan, sai asi ma rohaM mida hami. Pasuang
ma hami tu ngolu na dumenggan, urupi ma
bangsonami asa sude saurdot tu panggomgomi di
usaho manggotap harararat ni virus corona. Atik
tung ala ni hadosaonnami gabe masa angka
parungkilon i, tung buas ma Ho manesa saluhut
dosanami.
-------------electon---BE.No. 686: sa ayat-------
L : Bagabaga ni Debata taringot tu hasesaan ni
dosanta: “Molo tung adong manang ise na
mardosa, adong do pangondianta di Ama i, ima

5
 Tuhan Jesus Kristus na tigor roha i. Jala Ibana do
pardengganan taringot tu dosanta, alai ndada
holan taringot tu dosanta, dohot do taringot tu
dosa ni saluhut portibi on.” Hasangapon ma di
Debata na di Ginjang
S : Amen -------hundul-----
7. Marende BE. No. 707:3 “Hagogoon dohot Apulapul”
Songon Ama do tu anakkonNa, holong ni Tuhanta i tu
au. Ndang mansadi pangurupionNa,
hombar tu padanNa na tu au.
Debata Amanta na di ginjang,
i do haposanhu sai tongtong.
Dipangiringiring ni tanganNa,
dame, sonang do rohangkinon.
8. EPISTEL:
L : Hata ni Debata turpuk di hita di parpunguan ujung
taon on, ima na tarsurat di Psalm.119 : 89 - 96, Ro
di salelenglelengna do hot hataMi di angka banua
ginjang, ale Jahowa.
R : Marsundutsundut do hasintonganMi, nunga
dipaojak Ho tano on, jadi hot ma jongjong.
L : Rasirasa sadarion sai hot do angka uhumMu, ai
angka naposoM, do nasida saluhutna.
R : Aut unang patikMi ma huhahilashon, nunga leleng
mago ahu di pardangolankon.
L : Ro di salelenglelengna do, ndang tagamon
halupahononku angka parentaMi ai marhitehite
angka i do dipangolu Ho ahu.
R : Gok di Ho do ahu, sai palua ma ahu, ai angka
aturanMi do na hulului.
L : Sai diaropi angka parjahat i do ahu, naeng agoonna
ahu, sai angka panindangionMi do huparateatehon.

6
 R : Sai marujung do huida saluhutna pangabahan,
mansai hangkam do ianggo tonaMi
L : Ima sahatna. Martua do angka na tumangihon
Hata ni Debata jala na umpeopsa, Amen
9. Marende BE. No. 691:1 – 2 “ Hupasahat ma tu Jesus”
Hupasahat ma tu Jesus saluhutna ngolungki.
Roha nang pambahenanhu saluhutna tingkingki.
Reff: Hupasahat ma tu Jesus saluhutna diringki,
hupasahat ma tu Jesus saluhutna ngolungki.
-----jongjong-----
Pangkeonku ma tanganku, mangula lomoNa i,
Langka nang simanjojakku, mangihuthon Tuhanki.
Reff…
10. MANGHATINDANGHON HAPORSEAON:
L : Tahatindanghon ma haporseaonta i, songon na
hinatindanghon ni donganta sahaporseaon di
sandok portibi on,rap ma hita mandok:
S : Ahu porsea di Debata Jahowa….d.u…..Amen…….
---hundul----
11. SUNGGUL – SUNGGUL

12. BARITA JUJUR TAON/BERICH & LAPORAN

PARHEPENGON

13. MANDOK HATA: - Mewakili ruas ni Huria

- Mewakili Parhalado

12. TANGIANG PANGONDIANON:

-Hurianta HKBP mamasuhi taon 2021
-Pamarenta dohot rakyat Indonesia di na mangadopi
pandemi Covid-19
-Program ni HKBP :di hatopan, distrik,resort, huria
marsadasada

7
14.Marende BE.No.693:1—“ Jesus do Tuhan” (PeleaN)
Jesus do Tuhanku Sihophop au on.
Ibana do haposanki tanganNa na gogo manogu au on,
Patogu au di langkangki .
Ref: Tuhanku tongtong sumarihon au on martua sonang
tondingkon holong ni rohaNa pahisar au on mardame
tongtong rohangkon mardame tongtong rohangkon.
------------elekton---------
Jesus do Tuhan Siramoti au on Na margogoihon diringkon,
Nang gok parungkilon, godang na tinaon,
Sabam do dibaen rohangkon.
Ref: Tuhanku tongtong ………
------------elekton---------
Ndang montok asi ni rohana di au, Digohi TondiNa do au
Tama pujionku na marmudu au, Tuhanku Sipalua au.
Ref: Tuhanku tongtong ………

15. JAMITA: 1 Petrus 1:22-25

16. Marende BE. No. 747:1-“Sai hunangkohi dalan i”

(Pelean II tu Dana Pensiun HKBP)
Sai hunangkohi dalan I dalan na marmulia I,
On do tongtong tangiangki, Tuhan patongtong langkangki.
Ref: Sai togu-togu au Tuhan baen lam solhot tu lambungMi
Tu ingananMu na tongam sai lam patongtong langkangki.

Ndang olo au di na holom hot diganggu ni roha I,

Sai tong ma sihol rohangkon tu inganan na timbo I.
Ref: Sai togutogu ………
----------------elekton----------
Gok begu pe portibion na naeng mamolgak diringkon,
Sai hot haporseaonki gok las ni roha ngolungki,
Ref: Sai togutogu ………

8
 Naeng au marngolu na sintong dao sian ruhut tano on,
HuriaMi naung monang I managam au disurgo I. Ref: Sai
togutogu ………

17.BORHATBORHAT MANALPUHON TAON 2020

(Parsuruon)(P: parjamita)
P : Huria ni Tuhanta. Nunga dipapos rohanta marhite
HataNa paboa na manongtong do Hata ni Debata.
Marganti pe taon bulan dohot ari, anggo Hata ni
Tuhanta sai na hot do i. Antong marsitiopan ma
hita tu Hata ni Tuhanta.

R : Sai tangihononhu do Hata ni Debata saleleng ahu

mangolu.

L : Unang ma hamu mabiar jala unang manonditnondit,

haposi ma Debata na manjaga dohot na
mangalinggomi hita. Ai Ibana do Siparmahan hita,
jala hita birubiru pinarmahanNa. Ndang tagamon
loasonNa tarsulandit patmu, jala ndang nok mata ni
Sijaga ho”. Horas ma hita manalpuhon taon on,
horas hita nang mandapothon taon 2021 ditumpak
asi ni roha ni Tuhan i. Manongtong ma ngolunta
gabe pujian di goarNa.

R : Ale Jahowa, sai pabotohon ma tu ahu angka

dalanmu, jala ajarhon tu ahu angka bogasMu, sai
togutogu ma ahu tubagasan hasintonganMu

18.TANGIANG: Pelean, Ale amanami, Pasupasu

9
10
11
 PRAESES
DOHOT
SUDE PANGULA NA GOK TINGKI
HKBP DISTRIK VIII DKI JAKARTA RAYA

PASAHATHON

SELAMAT MEMASUKI TAHUN BARU 1 JANUARI 2021

12