PARTURENA ACARA

MINGGU UJUNG TAON PARHURIAON

PARNINGOTAN DI ANGKA NAUNG
MONDING
HKBP DISTRIK VIII DKI JAKARTA RAYA

TOPIK:
ARI UHUM SOGOT
(MATEUS 25:31-46)

MINGGU, 22 NOPEMBER 2020

1. JOUJOU TU PARSAORAN TU TUHAN I:
L : Huria ni Tuhanta: Ama, Ina, NHKBP, Remaja dohot Singkola Minggu
na hinaholongan ni Tuhan Jesus Kristus. On ma Minggu
paduapulusadahon di hita dung tapungka parmingguon di bagas
gareja di tonga ni Pandemi Covid-19. Alani hupasahat hami ma:
“Selamat ari Minggu ma di hamu saluhutna”.

R : Selamat ari Minggu ma nang di hamu!

L : Minggunta sadari on ima Minggu Ujung Taon Parhuriaon dohot

Parningotan di angka naung monding. Dipasunggulhon Minggu on
do tu hita paboa martingki jala parsatongkinan do ngolunta di
portibi on. Marhite topik Minggu sadari on dijou do hita mangarade
diri tu “ARI UHUM SOGOT”, songon na hinatahon ni Tuhan Jesus:”
Alai dung ro sogot Anak ni jolma i marhasangapon rap dohot saluhut
surusuruanna, hundulanna ma disi habangsa hasangaponna i.
25:32 Dung i marluhut ma tu jolona nasa bangso, jadi sirangonna ma
nasida songon binahen ni parmahan na manirang birubiru boruboru
sian birubiru tunggal (Mat. 25:31-32)

R : Songon duhutduhut do ariari ni jolma na gale i, marbunga ibana

songon bunga di ladang. Ai dibolus alogo ibana, jadi ndang disi be,
jala ndang tartanda be ingananna i.(Psalm 103:15-16)

L : Antong hita angka na pinarhamaol ni Jahowa jala na tongtong

masihol di asi ni rohaNa, bongot ma hita tu parsaoran na badia laho
mamuji dohot pasangaphon Tuhanta, ro ma hita marolopolop tu
joloNa, marende ma hita.

2. Marende BE. No. 535:1-2“Hamatean Parhitean”

Hamatean parhitean Lao manopot Jesuski. Dohot au ingkon ma molus.
Asa sahat au tu si. Nang pe pinadaodao dompak hamatean i, Lam jonok
do hapengani, langkangki tu ajalhi
-----jongjong----
Ala ni sai golomonku, sitaluhon musungki, I ma Jesus Sipalua, naung
mamolus songon i. Nang pe sai mangogaoga, bolis sipangago i, Ndang
adong be huasona, ala Jesus donganki

1
3. VOTUM – INTROITUS – DOA:
L : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Songon on do didok Tuhan Jesus: Na monang i do
parulosan dohot angka ulos na saksak, jala ndang sesaonKu goarna
sian pustaha hangoluan, jala parhatopotonKu do goarna di jolo ni
Damang dohot di jolo ni angka surusuruanNa, Haleluya!

R : (Mangendehon): Haleluya, Haleluya, Haleluya!

L : Martangiang ma hita: Ale Tuhan Jesus, Tuhan ni angka na mate

dohot angka na mangolu. Ho do nampuna manang mangolu manang
mate pe hami. Nang pe mardalan hami di rura nilinggoman ni
hamatean, ndang huhabiari hami be hamatean, ai Ho do
dongannami. Ndang tartiop hamatean manang tanoman be hami, ai
Ho do Tuhannami naung humophop hami, jala Ho do nampuna
hami. Ro hami nuaeng tu Ho mangido: sahat tu Ho ma tondinami
dohot dagingnami, asa di Ho hami manang na mangolu manang na
mate pe. Sai tiop ma tangannami, urupi hami marhitehite
panghophopMi, asa sahat hami tu hangoluan na so ra suda. Amen.
-----hundul----

3. Marende BE. No. 337:2 “Molo Giot ho tu Ginjang ”

Loas ma au mandapothon hatiuron di banuaginjang i. Angkupanhu ma
suruan mangendehon sangap ni Tuhanta i.

4. PATIK:
L : Tangihon hamu ma patik ni Debata di Minggunta sadari on ima na
tarsurat di Galatia 6:9-10: Alai unang marnaloja hita mambahen na
denggan, ai na manggotil do hita muse di tingkina i, anggo so pargale
hita nuaeng. Antong, binsan sadihari dope, taulahon ma na denggan
di saluhut halak, alai gumodang ma tu donganta sahaporseaon!
Rap mangido gogo ma hita tu Debata, mangulahon na hombar
tu patikNa i.

R : Ale Tuhan Debata, sai pargogoi ma hami mangulahon na hombar tu

patikMi, Amen.

2
5. Marende BE. No. No 677:3 “Masai Lambok” (jongjong)
Ngolu ni jolma hatop do lao salpu, salpu do ho dohot au. Ai hamatean
musu na jumorbut mangonggop ho dohot au. Ref: Antong sai ro ma ho
angka na sorat sai ro ma ho. Mansai lambok Tuhan Jesus manjou
pardosa mulak ma ho.

6. MANOPOTI DOSA:
L : Tatopoti ma dosanta tu adopan ni Debata, martangiang ma hita. Ale
Tuhan Debata, Pargogo na so hatudosan jala Amanami. Hujou hami
do GoarMu na badia i, ala na targogot hami marningot dosanami.
R : Sai marasi ni roha ma Ho mida hami on.
L : Dihalomohon rohaM do Tuhan, binsan mangolu hami di portibi on,
naeng patar parbue ni haporseaonnami marhite na mamarateatehon
dohot patupa pangurupion ndada tu angka na boi mamalos
pambahenannami, alai tu angka na lea, na so boi mamalos
pambahenannami i, ima angka na mangharingkothon pangurupion
sian hami, lumobi di tonga ni pandemi Covid-19 on. Alai, sipata do
hubahen hami na denggan tu halak na asing asa dipuji do hami jala
huhirim hami muse balosna sian nasida tu hami hombar tu
pambahenannami i.

R : Tuhan, paingot ma hami patupahon na denggan parbue ni roha

mauliate di holong ni rohaM tu hami.
L : Asi ma rohaM di hami, sai patongtong ma di hami roha
hamauliateon tu Ho. O Tondi Parbadia, pangapul di na marsak roha,
pamalum ma saluhut na bernit binahen ni dosanami. Ro ma Ho
mangingani hami, asa marlas ni roha hami mangulahon lomo ni
rohaM. Ho do parhitean ni nasa asi ni roha, sai unang tulak hami. Sai
tangihon ma hami, Ho ale Debata, Ama, Anak dohot Tondi Parbadia.
Amen
-----------hening-----elekton---BE. 337-------
L : Bagabaga ni Debata taringot tu hasesaan ni dosanta :
Parasiroha jala pardengganbasa do Jahowa, lambat tarrimas jala
Parasiroha godang. Ndang dibahen tu hita hombar tu angka dosanta,
jala ndang dibaloshon tu hita hombar tu angka hajahatonta. Songon
asi ni roha ni amaama mida angka anakna, asi ni roha ni Jahowa di
angka na manghabiari Ibana. Hasangapon ma di Debata na di
ginjang.

3
 R : Amen.
7. Marende BE No. 707:3” Hagogoon dohot apulapul”
Songon ama do tu anakhonna holong ni Tuhanta i di au. Ndang mansadi
pangurupionNa hombar tu padanNa na tu au. Debata Amanta na di
ginjang ido haposanhu sai tongtong. Di pangiringiring ni tanganNa dame
sonang do rohangkinon.

8. E P I S T E L:
L : Hata ni Debata, turpuk di ari Minggu on, i ma na tarsurat di Hesekiel
34:11-16 : Ai songon on do hata ni Tuhan Jahowa: Ida ma, ahu, apala
ahu sandiri usouso sogot di birubirungku, jala luluanku nasida.

R : Songon pangalului ni parmahan di punguanna di ari uju di

tongatonga ni birubirunna angka na mampar i ibana, suang songon i
ahu mangalului birubirungku sogot, jala paluaonku nasida sian
saluhut inganan parserahannasida i, uju di ari ombun dohot
haholomon marimpotimpot.

L : Jala ahu manogihon nasida ruar sian angka bangso dohot

papunguhon nasida sian angka luat, asa huboan nasida mulak tu
tanonasida i, laos ahu marmahan nasida di atas ni angka dolok
Israel, di bagasan angka rura dohot di bagasan saluhut parmianan di
tano on.

R : Di jampalan apala na lomak ahu marmahan nasida, jala di atas dolok

angka na timbo di Israel parudamannasida, disi ma mangulon nasida
di parudaman na denggan, jala jampalan apala na lomak
jampalanna di atas ni angka dolok ni Israel.

L : Ahu sandiri ma marmahan birubirungku, jala ahu paulon nasida,

ninna Tuhan Jahowa.

R : Luluanku ma na mago i, jala mulak boanonku na tardempar i, jala

lilitanku do na mabugang i, jala pargogoanku do na marsahit i; alai
anggo na mokmok i dohot na gogo i siaphononku do, ahu sandiri tahe
marmahansa marhitehite uhum

4
 L : Ima sahatna. Martua do angka na tumangihon Hata ni Debata
jala na umpeosa, Amen.

9. Marende BE. No. 188:1 “Jahowa Siparmahan au” (jongjong)

Jahowa Siparmahan au ndang hurang manang aha. Ai nasa jea dipadao
do sian dorbiaNa. Tongon dibaen na lomak i lao pangoluhon tondingki
dibaen asi rohaNa.

10. MANGHATINDANGHON HAPORSEAON:

L : Tahatindanghon ma haporseaonta i, songon na hinatindanghon ni
donganta di sandok portibi on, rap ma hita mandok

R : Ahu porsea…..

11. Tingting

12. PARNINGOTAN DI ANGKA NAUNG MONDING

L : Nuaeng, sahat ma hita tu parningotan ni angka naung monding
sian tongatonga ni hurianta sataon parhuriaon ima: tgl 24
Nopember 2019-22 Nopember 2020. Marende ma hita:

R : (mangendehon) BE No. 334:1 ”Nasa Jolma Ingkon mate”

Nasa jolma ingkon mate ingkon mago sibuk i. Na mangolu ingkon
mate asa tung denggan muse. Daging on do gabe bangke jala
ingkon do malangke. Asa sogot bangkit i tu hasangaponna i.

L : Tatangihon ma na tarsurat di Konfessi HKBP taringot tu

parningotan ni na monding: Tahaporseai jala tahatindangkon do:
“Ampe do tu jolma: mate sahali, dung i uhum i. Na maradian nama
ibana sian ulaonna. Jala Tuhan Jesus Kristus do Tuhan ni na
mangolu dohot na mate. Asa ia tabahen pe parningotan di angka na
monding, na marningot ajalta sandiri do hita disi dohot pahothon
pangkirimonta di hadodomu ni angka na porsea tu Debata dohot
pahothon rohanta do i di ngolu parungkilon on. Marhite poda on,
taalo jala tatulak do poda hasipelebeguon na mandok: “Adong do
pardomuan ni tondi ni naung mate dohot jolma na mangolu”.

R : PAINGOT MA HAMI ALE TUHAN DI UJUNG NI NGOLUNAMI, JALA

AJARI MA HAMI MAMILANGI ARIARI NI NGOLUNAMI, ASA
DAPOTAN ROHA NA BISUK HAMI.

5
 L : Angka goar ni na monding di hurianta, sataon parhuriaon on ima
(dijahahon goar-goar ni na monding...)
------------hening-----diiringi elekton halus: BE. 335

R : (mangendehon) BE No 347:1 “Sai Masipaidaan”

Sai masipaidaan do na porsea i dung sahat be langkana tu
hasonangan i, tu hasonangan i, tu hasonangan i.

13. TANGIANG PANGONDIANON

14. Marende BE. No. 541:1-- “Na mulak Jesus i” (Pelean Ia, Ib)
Na mulak Jesus i di hasangapon i.
Mangalap nabadia i tu hasonangan i.
Hutundalhon ma, na dipudingki.
Jesus ma haposanki di haroroNa i.

So tung na tading au di haroroNa i,

So tung ditiop rohangkon na olo sega i!
Hu tundalhon ma…
-----------elekton-------
Nang arta, sangap i, tu aha ringkot i?
Na tinggal do sudena i di hamagoan i.
Hutundalhon ma…

Ias ma rohangki dibaen mudarNa i.

So tung haroroNa i ramun sambing ma i!
Hutundalhon ma…
-----------elekton-------
Tinggil ma pinggolhi di soaraNa i,
So tung so begeonku i di haroroanNa i.
Hutundalhon ma…

Hugolom mudar ni Tuhanku Jesus i.

Ai i do haporusanki di haroroanNa i.
Hutundalhon ma…

15. Jamita : Mateus 25:31-46

16. Marende BE. No. 539:1-- “Sai Hutagam do Tuhanhu” (Pelean II)

6
 Sai hutagam do Tuhanku, sai masihol rohangki
Diharoro ni Tuhanku, songon na nidokNa i.
Ref: Sai mardongan olopolop, huriaM managam Ho.
Maranata, ro, o Tuhan, Amen, sai tibu ma ro!

Las ni roha ndang hapalang, do manggohi rohangki.

Dung binege soaraNa, di na ro Tuhanta i.
Ref: Sai mardongan.....
-----------elekton-------
Sai rade, ale tondingku, tagam panjouonNa i,
Sai tu langit an manomu, ho di Jesus Tuhanmi.

Ai tagamon nunga borhat, Ho, Tuhanhu, sian i?

So tung unang au tarlalap, tading di na rodop i.
---------------elekton---------

17. Tangiang pelean – Parningotan na monding--Ale amanami –

Pasupasu – Amen … Amen .. Amen

SELAMAT ARI MINGGU

TUHAN JESUS MAMASUMASU HITA