ACARA PARTANGIANGAN

SULANG-SULANG PAHOMPU
(PASAHAT MANGGOHI ADAT)
(KEL. TONGAM SIRAIT/ SEREVINA INDAH PASARIBU)

Thema:
“Haserepon do patujolo ni hamuliaon”
1 Petrus 5 : 5

Tigaraja 2, Jumat, 12 Agustus 2022

Pkl. 09.00 WIB – Confreese Hall

hkbpparapat
1. MARENDE B.E. No. 565 : 1 + 3 “Las Rohangku Lao Mamuji”
 Las rohangku lao mamuji Debata parholong i,
Songon bunga na mangerbang di na binsar ari i.
Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.
 Debata parholong roha, na manesa dosangki,
Ndang tarbaen so las rohangku lao mamuji asiMi
Sai ajari sude hami mangulahon holong i,
Asa gok las rohanami dibagasan Tuhan i.
VOTUM – INTROITUS
Uluan : Marhitehite goar ni Debata Ama, dohot goar ni AnakNa Tuhan Jesus
Kristus, dohot goar ni Tondi Porbadia, na tumompa langit dohot tano
on.
Huria : Amen!
Uluan : Olophon ma Jahowa ale sandok tano on.
Huria : Bongoti hamu ma angka bahalna marhitehite hamauliateon, angka
alamanna marhitehite pujipujian, mauliate ma rohamuna di Ibana,
puji hamu ma goarNa.
Uluan : Jahowa do Debata, Ibana jumadihon hita, jala Ibana nampuna hita,
bahen bangsoNa dohot biru-biru pinarmahanNa.
Kelurga : Ai Pardenggan basa do Jahowa, ro di saleleng ni lelengna do asi ni
rohana, jala marsundut-sundut do hasintonganna.
Uluan : Haleluya!
Martangiang ma hita: Ale Tuhan Debata parasi roha na sumurung, ala
asi ni rohaM do umbahen boi hami marpungu dison. Di ari
nanilehonMon, hupatupa hami do ulaon Adat Batak, ima manggohi Adat
kel. Tongam Sirait/ Serevina Indah Pasaribu (a. Sabita). Pasupasu ma
nasida lehon na ringkot ngolu siganup ari, suang songoni nang di angka
sisolhot nasida pe, patulus sintasinta ni rohanasida. Pasupasu ulaon adat
sadarion, ai ditompa Ho do hami mangolu jala mian dibagasan holong
na sian Ho, ima marhite ulaon adat sadarion. Ai ditompa Ho do hami
mangolu dibagasan holong ni rohaM jala mian dibagasan adat na uli,
ima dalan nami marparsaoran jala masipatariparan dame, holong dohot

hkbpparapat
 panghirimon. Asa marhite ulaon adat sadarion patar asi dohot holong ni
rohaM, jala marmulia goar ni Tuhan Jesus Kristus Tuhannami. Amen.
2. MARENDE BE No. 159 : 1 , 2 “Martua Dongan Angka Na Sabagas”
 Martua dongan angka na sabagas na mardonganhon Tuhan Jesus i.
Na mangoloi Ibana mansai ringgas na so marholang tangiangna i.
Tongtong holong rohana di Ibana manungkun lomo ni rohana ., Huhut
tongtong marguru tu hataNa dibaen sandok pangalahona i.
 Martua baoa dohot inaina sisada roha mida Jesus i. Na rap marholong
roha di Tuhanna Marsaulihon hatuaon i. Na sahat sian asi ni rohaNa
tu halak na porsea sasude. I do dibaen nasida haposanna Manang beha
parsorionna pe.

MANJAHA TURPUK : PSALM 23 : 1 - 6

Uluan : Jahowa do Siparmahan ahu, ndang tagamon hurangan ahu.
Huria : Dipatongon do ahu tu jampalan angka na lomak, ditogutogu do ahu di
lambung aek hasonangan.
Uluan : Dipasabam do rohangku, ditogu do ahu di dalan hatigoran, ala ni
goarNa i.
Huria : Ai nang pe mardalan ahu di rura linggoman ni hamatean, ndang
huhabiari parmaraan, ai Ho do mandongani ahu, tungkotMu dohot
batahiM mangapuli ahu.
Uluan : Ho do manutup meja di jolongku maradophon angka musungku,
dimiahi Ho do ulungku, suksuk do panginumanku.
Keluarga: Tongon tahe denggan basa dohot asi ni roha mangihutihut ahu
saleleng ahu mangolu, jala dung mulak ahu, masuhanku ma bagas ni
Jahowa salelenglelengna.
Uluan : I do sahatna, martua do angka na tumangihon hata ni Debata jala na
umpeopsa. Amen

3. MARENDE BE No. 188 : 1 “Jahowa Siparmahan Au” BL.131

 Jahowa Siparmahan au, ndang hurang manang aha;
Ai nasa jea dipadao do sian dorbiana.
Tongon dibaen na lomak i lao pangoluhon tondingki, dibaen asi rohaNa.

TANGIANG PANGONDIANON: Sian Hulahula/Tulang

hkbpparapat
4. MARENDE BE No. 015 : 1 - 2 “Aut Na Saribu Hali Ganda” BL.103
 Aut na saribu hali ganda saringar ni soarangki
Naeng nasa gogo bahenonku, mamuji Debatanta i
Paboa las ni rohangki, hinorhon ni pambaenNa i.
 Tung sura sahat soarangku, tu ujung ni portibi on
Naeng nasa jolma haraonku, mamuji Debata tongtong
Tama do nasa hosangki, hubaen pasangap Tuhanki.
JAMITA:
5. MARENDE BE No. 763 : 1 - 2 “Molo Jesus Donganmi” BL. 314 (Pelean)
 Molo Jesus donganmi las roham, Jesus i pangurupim las roham. Hot
haporseaonmi dohot pos ni rohami, mardonganhon Jesus i las roham.
Reff. Las roham, las roham maronganhon Jesus i Las roham
Marsinondangma di ho bintang panghirimon i, mardonganhn Jesus i las
roham.
 Molo Jesus donganmi las roham, jagaonna tondimi las roham
Tiruonmu ma tongtong dame nang holongnai, saleleng di ngolumi las roham.
Reff....
Tangiang Panutup
U: Mauliate ma tongtong rohanami on di Ho, ale Tuhan Debata Amanami! Di las
ni roha, di hahipason, di ganjang ni umur nang angka sinamot na
binasabasahonMi tu keluarga Tongam Sirait/ Serevina Indah Pasaribu sahat
tu sadari on. Jala ungkap do roha nasida manghamauliatehon saluhutna i
marhite na patupa parsombaon tu Ho marhite huriaM, Asa marhite na patupa
ulaon manggarar Adat sadarion. Asa, sada panindangion ma na pinatupa
nasida on tu hami nang humaliang paboa na ingkon tongtong hami laho
mansipasangapan tutur di namarhulahula, marboru dohot mardongantubu.
H: Sai pasupasu jala bahen ma ulaon adat sadari on gabe las ni roha di nasida
nang di hami na pungu on laos bahen sangap di goarMu. Sai pasupasuhon ma
tu amanami dohot inanami on hatuaon i, ganjang ni umur, parbue ni ragam
haulion na sian asiasiMi di angka parsaoran dohot ulaon ni nasida.
U: Antong, asi ma rohaM, sai jalo ma tangiangnami on marhitehite Anak
haholongan ni rohaM, Tuhan Jesus Kristus, Tuhannami. Amen!

hkbpparapat
TANGIANG PELEAN - ALE AMANAMI - PASUPASU
Amen… Amen… Amen…

hkbpparapat