ACARA PAMASUMASUON

PARDONGANSARIPEON
Febrianto Juwelsdi Simbolon
&
Anggiat Risma Br. Sianipar

Sabtu, 5 Januari 2019

di
HKBP Moria Jl. Sei Mencirim Medan

I. PANGARADEON (di bilut parhobasan): Pandita, Parhalado, Pangoli &

Oroan, Natoras dohot Keluarga ni Pangoli & Oroan.
II. PROSESI: Pangoli & Oroan rap dohot Keluarga mamongoti bagas joro,
huhut iringan Musik Sianipar Family “When God Made You”
=== Jongjong Ruas ===
III. IBADAH
1. Jou-jou tu Parsombaon
Pdt : Huria ni Tuhanta, di ari sadarion Sabtu, 5 Januari 2019,
marpungu do hita di bagas joro on, di na naeng manjalo pasu-
pasu pardongansaripeon: Febrianto Juwelsdi Simbolon
dohot Anggiat Risma Br. Sianipar. Antong, naeng pungkaonta
ma pamasumasuon pardongansaripeon ni anak dohot boru ni
hurianta on. Ala ni i, tapahohom ma rohanta, martangiang ma
hita di bagasan rohanta be mangido asi dohot holong ni
rohaNa asa ro Ibana mamasumasu nasida dohot hita saluhutna
nang ulaonta sadarion!
--- martangiang na hohom ----
2. Marende BE. 10:1-2 “Hupuji Hupasangap, Ho” BL. 128
Hupuji hupasangap Ho Amang pardenggan basa
Ai jadijadianMu do sude angka na masa
Ditompa Ho do sasude Dagingku ro di tondi pe Pinuji ma goarMu
--jongjong ruas--
Saluhut na tinompaMi Naeng sonang di rohaMu
Arian dohot borngin pe Disarihon rohaMu
Nang uhum di gomgomanMi Na tigor na sintong do i,
Pinuji ma goarMu

3. Votum-Introitus-Tangiang
Pdt: Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Parbadia. Amen! Puji hamu
ma Jahowa, baritahon hamu ma GoarNa i, pabotohon hamu di
tongatonga ni angka bangso angka pambahenanNa i,
R: Mandok mauliate ma hamu di Jahowa, ai na basa do Ibana,
ai ro di salelenglelengna do asi ni rohaNa i,
Pdt: Martua ma angka na mangaradoti uhum, na tongtong
patupahon hatigoran. Haleluya!
Martangiang ma hita: Ale Tuhan Debata Amanami na di banua
ginjang. Ho do na mangaturhon pardongansaripeon i. Diida Ho
dongannami on: Febrianto Juwelsdi Simbolon dohot Anggiat
2
 Risma Br. Sianipar na marsangkap naeng marbagas. Jala na
ro do nasida mangido pasupasuM. Antong sai tatap ma nasida
di bagasan asi ni rohaM, pasupasu jala ramoti ma nasida
marhitehite panghaholongiM. Rajai ma nasida marhitehite
Tondi Parbadia asa mamungka jala marujung di bagasan dame
pardongansaripeonnasida i. Tangihon ma tangiangnami on ala
ni asi dohot holong ni rohaM. Amen. (Hundul)
4. KOOR: Punguan Lansia HKBP Melati Helvetia Sada
5. Marende BE. 695:1 “Jesus Tuhanku di Ho ma au on”
Jesus Tuhanku di Ho ma au on Asa mangihut tu Ho au tongtong
Gohi rohangku ingani au on Sonang di Ho tongtong
O Tuhan togu ma au, O Tuhan togu togu ma au
Gohi rohangku ingani au on, Sonang di Ho tongtong
6. Jamita : Pinatolhas ni Pdt. Maya Ningsih Br. Gultom, S.Th
Pendeta HKBP Dame Purwodadi Ress. Helvetia Sada
7. KOOR: “Sianipar Family”
8. Marende BE. 123:3-4 “Ale Dongan na Saroha” BL. 180
(ditingki marende, pangoli dohot oroan ro tu jolo)
Sai pasada ale Tuhan angka na porsea i
Asa masihaholongan songon na pinatikMi
Di bagasan hasintongan i do pinangidoMi
Sai padomu angka dongan na tutu sinondangMi
Sai pasada rohanami doshon Ho tu Ama i
Asa unang sian hami nanggo sada lilu be
Ho tongtong hutiru hami di ulaon i sude
I ma patandahon hami gabe siseanMu be
9. Agenda Pamasumasuon Parbagashon
a. Ruhut dohot Padan Pardongansaripeon
b. Sungkunsungkun tu Pangoli dohot Oroan
c. Pamasumasuon
10.Pasahathon Akte dohot Cendera Mata sian Huria
11. Marende BE. 159:1- “Martua Dongan angka na” BL. 201
--- papungu pelean ---

3
 Martua dongan angka na sabagas, na mardonganhon Tuhan Jesus i.
Na mangoloi Ibana mansai ringgas, na so marholang tangiangna i.
Tongtong holong rohana di Ibana, manungkun lomo ni rohaNa i.
Huhut tongtong marguru tu hataNa, dibaen sandok pangalahona i.
Martua baoa dohot inaina, sisada roha mida Jesus i. Na rap
marholong roha di Tuhanna, marsaulihon hatuaon i. Na sahat
sian asi ni rohaNa, tu halak na porsea sasude. I do dibaen nasida
haposanna, manang beha parsorionna pe.
~~~Musik/Organ~~~
Martua na saripe pangajari, di anakhonna asa tong burju. Na so
marpansohotan ganup ari, tumangianghon angka i tutu. Tu Tuhan
Jesus asa sai Ibana, mamasumasu sasudena i. Huhut dilehon asi ni
rohaNa, manogihonsa tu lambungNa i.
12. TANGIANG: Pelean –Ale Amanami – Pasupasu
(Amen…Amen…A..men)
IV. Photo Bersama: Pengantin & Pandita
V. Hata Huhuasi
a. Sian Hasuhuton Paranak b. sian Hasuhuton Parboru
Marende No 141 (BL. 222) ---Huhut Masijalangan---
Sai tiur ma langkamuna, sai Debata ma donganmuna, nang surusuruanNa pe.
Molo diramoti Jesus, hamuna ndang tarbaen so bulus, do langkamuna sasude.
Antong Tuhanta i, ma donganmuna i ganup ari, hamu sude sai ingot be,
tumangiangkon hami pe.

Majelis Jemaat HKBP Melati Ressort Helvetia

Sada, mengucapkan:
SELAMAT MENEMPUH HIDUP BARU
TUHAN YESUS MEMBERKATI!!!