ACARA KEBAKTIAN MAMEAKHON BATU OJAHAN

RUMAH DINAS GEREJA HKBP

ANUGERAH PT.JATIM
JUMAT, 26 AGUSTUS 2022
Jl. Pekan Kamis – Kep.Sungai Besar. PT.Jatim Jaya Perkasa
(Rohil- Riau)

1. BE. No. 14: 1, 2 “Puji hamu Jahowa tutu”

 Puji hamu, Jahowa tutu

Pardenggan basa, parasi roha salelengna i
Pardenggan basa i, parasiroha i

 Ingot tongtong, ale tondingkon

Sude na denggan, na dipasonggop Debata tu ho
Denggan basaNa do na pangoluhon ho

2. Votum
Liturgis : Marhitehite goar ni Debata Ama, dohot goar ni AnakNa Tuhan
Jesus Kristus, dohot goar ni Tondi parbadia, na tumompa langit dohot
tano on. Amen. Ari on do na jinadihon ni Jahowa, marolopolop jala
marlas ni roha ma hita disi. Haleluya, Martangiang ma hita. Ale Tuhan
Jesus Kristus Tuhannami, Anak ni Debata Ama na mangolu jala pargogo
na so hatudosan, na ro do hami tu joloM, mangido asi ni rohaMi di hami.
Diboto Ho do ulaon na naeng ulahononnami, ima na naeng mamekhon
 batu ojahan ni Bagas ni Huria HKBP Anugerah PT.Jatim. Mangido ma
hami tu Ho Tuhan: pahot ma batu parsuhi na naeng peakhononnami
dibagagasan GoarMu na badia i. Songon Ho mula dohot ujung ni nasa na
adong, laos dibagasan Ho ma pungkaonnami, udutan ni pande ulaon on
sahat tu na paujunghon dibagasan las ni roha. Hupasahat hami
pangidoannami on tu Ho ale Tuhannami, ai Ho do Tuhan na mangolu
jala na sintong. Na mangarajai rap dohot Ama dohot Tondi Parbadia, ro
di saleleng ni lelengna. Amen.

3. Manjaha Hata ni Debata, Psalmen 84

P : Ende sian angka anak ni si Kora.
R : Dengganna i angka ingananmi, ale Jahowa Zebaot!
P : Pola do langan jala maras rohangku dibahen lungunna di
angka alaman ni Jahowa; marolopolop do rohangku dohot
sibukku tu Debata na mangolu i.
R : Gari amporik jumpangan jabu, jala leangleang dapotan asarna
bahen inganan ni angka anakna, mandok: Angka langgatan
pamelean tu Ho, ale Jahowa Zebaot, Rajangku dohot
Debatangku.
P : Martua ma angka na mangingani bagasmu, sai Ho do
pujionnasida. Sela!
R : Martua ma halak ia di bagasan Ho hagogoonna, ia rohanasida
di bagasan manuju dalan na tigor.
P : Angka na umbolus rura partangisan, Ibana do dibahen mualna;
gabe maruli pasupasu nasida.
R : Lam leleng, lam ganda do gogonasida, paima tolhas nasida
tujolo ni Debata di Sion.
P : Ale Jahowa, Debata Zebaot, sai tangihon ma tangiangkon! Sai
tangi ma, ale Debata ni si Jakkob! Sela!
R : Lombulombunami do Ho, ale Debata, asi ma roham, tatap ma
 bohi ni Messiasmi.
P : Ai dumenggan do sadari di angka alamanmu sian saribu ari na
asing; tagonan do dipangido rohangku sijaga pintu ahu di
bagas ni Debatangku, asa maringan di angka undungundung ni
parjahat.
R : Ai Debata Jahowa do mata ni ari dohot lombulombu, dilehon
Jahowa do asi ni roha dohot hamuliaon, ndang diholit na
denggan i di angka na burju marpangalaho.
P : Ale Jahowa Zebaot, martua ma jolma na marhaposan tu Ho.
Ido sahatna. Martua ma angka na tumangihon Hata ni
Debata, jala na umpeopsa. Amen.

4. Ende No. 3: 1 “Puji Jahowa ale tondinghu”

Puji Jahowa ale tondinghu, puji Ibana Debatami
Tagan so suda dope bohalhu, naeng pujionhu basaNa i
Sitompa daging tondi pe, ingkon dipuji sasude
Haleluya, haleluya.

5. Renungan

6. Ende No. 565: 4 “Las rohangku lao mamuji”

Rap ma hita mangendehon sangap di goarNai
Tapangiar soaranta lao mamuji Tuhan i
Sun do holong ni rohaNa na so marnamontok i
I do pasadahon hita salelenglelengnai
7. Mameakhon Batu Parsuhi (dipaumbuk ma hombar tu ontangan)
 a. Pangula ni Huria
b. Hasuhuton
c. Diuduti ma muse hombar tu partordingna
d. Pande Bagas
8. Ende No. 66: 1, 3 “Debata baen donganmi”
 Debata baen donganmi, lao mangula ulaonmu.
Baen Ibana haposanmu sai paserep rohami
Debata baen donganmi Debata baen donganmi

 Debata baen donganmi sai na saut do ulaonmu,

Sai na tulus do sangkapmu jala sonang rohami
Debata baen donganmi Debata baen donganmi
9. Tangiang Panutup
10. Mandok Hata.