BARITA JUJUR TAON DOHOT LAPORAN KEUANGAN AKHIR TAHUN

HKBP KEDATARAN, RESSORT LAWE SIGALAGALA

===========================================================================
I. PATUJOLO
Tapuji ma Jesus Kristus Raja ni Huria i, naung umpasupasuhon ragam ni pasupasuNa di pardagingon,
lumobi ma di partondionta, songoni nang pasupasuNa dipardalanan ni HuriaNa HKBP Kedataran on.
Marragam angka naung tahobasi ditongatonga ni Huria on songon hataridaan ni pangoloionta di Tuhan i,
nang panandaionta di pasupasuNa di hita marsadasada. Boi do dibagasan hasadaon pangula rap dohot ruas
rap pahembanghon Harajaon ni Debata di portibi on, marhite HuriaNa i. Tangkas do pamelehonon ni hita
na sahuria on ditongatonga ni ragam ni panghobasion i, mamelehon tingki nang na adong di hita pe, ima
hataridaan ni haporseaonta dipanghophopon ni Debata.
Ihut tusi, ingkon tongtong do rajumanta na adong do angka hahurangan manang angka hagaleonta
diragam ni angka panghobasion i. Alani ma, denggan do hita manaili tu pudi di angka naung tahobasi, asa
ima na gabe suhatsuhat di hita laho mangalangka tu jolo, di taon na imbaru nanaeng sibasabasahonon ni
Debata tu hita, so pola sadia leleng nai be. Alani tapaihutihut ma Bericht/Barita Jujur Taon ni Hurianta on
di na sataon bolon on:
II. PANGHOBASION UMUM
a. Parmingguon
Denggan do mardalan parmingguonta di huria on dibagasan na sataon on, so pola adong sundat angka
parmingguon i, songoni nang parmingguon ni angka singkola Minggu. Mardalan dohot denggan do nang
parmingguon di angka ari Pesta I dohot II hon. Alai taparungkilhon do molo di pestapesta paduahon, sai
ummotik do na ro marminggu. Tajangkon do angka na mamboan Barita Nauli diparmingguonta sian duru
ni angka parhalado ni hurianta on, marhite na adong tukar mimbar resort dohot tukar mimbar Distrik jala
laos tapasahat do hamauliateon ni hurianta diharadeon ni angka parjamita na sian duru ni hurianta ima
songon sagu hati nasida.
Sian daftar na ro tu parmingguan siganup minggu, taparungkilhon do haroro ni angka ama di hurianta
laho mandohoti akka parmingguon.
b. Partangiangan Weik
Tahobasi do partangiangan lingkungan di hurianta on dohot denggan, marhite parsitutuon ni angka
ruas laho manjanghon partangiangan i nang angka parhalado na manghobasi. Nang dipartangiangan adong
do na mamboan Barita Nauli mahite Jamita sian duru ni parhaladonta. Tapungka do partangiangan
lingkungan i di ari Senin, jala marujung mai di tanggal 07 Nopember 2022. Denggan do dipatupa jadwal ni
akka ruas na laho manjabui tu bagas nasida asa dibagasan pangaradeon nasida manjalo. Mauliate do
hupasahat hami parhalado diangka las ni rohanta manjabui partangiangan i. Sian data na mandohoti
partangiangan lingkungan, gumodang do na mandohoti partangiangan ima angka ina dohot Remaja
Naposo.
c. Ragam ni Sihobasan
- Sakramen
a. Parpadanan Na Badia
Mardalan do Sakramen Ulaon Na Badia dihurianta on, 2 hali dibagasan na sataon on, jala hombar tu
jadwal ni pandita do dipatupa ulaon nabadia i. Dibagasan sataon on dipatupa do marulaon nabadia i di
tanggal 17 April 2022 di Minggu paskah naparjolo dohot di tanggal 18 Desember di Minggu Advent 4.
Suang songoni do panghobasion ulaon nabadia di jabu-jabu, siala na adong ruas mangidohon dipatupa
ulaon nabadia secara khusus.
b. Pandidion Na Badia
Mardalan do Pandidion Na Badia di hurianta on, jala tong do hombar tu jadwal ni pandita ulaon
pandidion nabadia i, jala dipatupa doi di sataon on di tanggal 18 Desember 2022.
- Kunjungan Pastoral
Denggan do mardalan kunjungan pastoral di hurianta on, ima mandulo angka ruas na marsahit songoni
nang patupa angka pangapulion tu keluarga na marhabot ni roha. Dipatupa do nang pastoral pra nikah tu
angka nanaeng marbagas di hurianta naniuluhon uluan ni hurianta.
- Katekisasi Sidi (Parguru Malua)
 Denggan do mardalan katekisasi sidi di hurianta on, ima parsiajaran tu angka ianakhon ni hurianta
nanaeng manghatindanghon haporseaonna, atik pe sai adong do hamaolon jumpang diparguruan i, ima
halosohon ni angka parguru deba laho mandohoti parguruan i. Alai, mauliate ma di Tuhanta, di tanggal 18
Desember di Advent 4 boi do nasida manghatindanghon haporseaonna.
- Hadiah tu na Juara
Denggan do di apresiasi hurianta angka ianakhonta na mandapot juara di parsingkolaanna, marhite na
pasahat hadiah tu angka na berprestasi diparsingkolaanna. Dipasahat angka hadiah i, ima ditingki manjalo
Raport penaikan kelas.
- Sermon Parhalado
Denggan do mardalan sermon parhalado di hurianta on. Dua hali ma mardalan parsermonan di
parhalado. Naparjolo sermon ressort na maringanan di HKBP Lawe Sigalasigala ganup ari Sabtuna jam 9
manogot. Jala tong do mardalan sermon huria on ganup ari Minggu jam 8 bodarina. Di namanghatai
taringot hata ni Debata na laho sipasahaton di partangiangan dohot manghatai taringot tu panghobasion
nang na laho sihobason di hurianta on dibagasan na saminggu i.
d. Angka pesta
- Pesta Gotilon
Mardalan do pesta gotilon di hurianta on ima di ari Minggu, 10 April 2022. Marhite pesta gotilon on
ma tahamauliatehon pasupasu ni Tuhanta marhite angka gabe na taula.
- Pesta Natal
Mardalan do dohot denggan pesta natal di hurianta on, ima Pesta Natal sian Sikkola Minggu di ari
Selasa, 20 Desember 2022, Ama-Ina-Parhalado di ari Kamis, 22 Desember 2022, Ama saressort ari Jumat,
23 Desember 2022 dohot ReNa di ari Senin, 26 Desember 2022. Adong do nang na marpesta natal di
hurianta sian duru ni hurianta ima Natal SD Negeri Kedataran di ari Sabtu 17 Desember 2022.
- Pesta Lilin
Mardalan do pesta lilin di hurianta on, dalanta laho mamestahon Advent dihurianta on, laos marhite
sian pesta lilin i do tahirim laho patulushon angka pangaradeon di Pesta Natal dihurianta on, isarani laho
dekorasi natal ni garejanta. Tapatupa pesta lilin i ima di minggu Advent II, 4 Desember 2022, Ama dohot
ReNa maramplop, Ina manghunti tandok marisihon boras, dohot ruas mamboan siluana laos i ma
dilelanghon laho manggohi hahurangan ni parhepengon ni hurianta.
III. PANGHOBASION KHUSUS
a. Seksi Sikola Minggu
Tahamauliatehon do boi mardalan panghobasion tu angka dakdanak sikola minggu dibagasan na
sataon on. Alai taparungkilhon dope proses belajar – mengajar tu angka ianakhonta sikola minggu, ala so
adong sermon guru sikola minggu songon dalan laho mangarade angka parsiajaran ni dakdanak sikola
minggu. Laho paheheon semangat ni ianakhon sikkola minggu dipatupa do songon wisata rohani tu
Samosir dohot tu Taman iman di Ari Selasa, 5 April 2022. Dibahen i godang dope na laho sihobason jala
sipareahan ni seksi sikola minggu taringot tu panghobasion ni sikkola minggu i.
b. Seksi Remaja-Naposo Bulung
Tahamauliatehon do boi mardalan nang panghobasion tu Remaja Naposo ni hurianta. Denggan do
nasida pasidohot diparmingguon marhite na mangendehon ende pujipujian tu Tuhanta i. Alani godang dope
angka sipareahanta tu angka taontaon na mangihut. Dipatupa do renungan singkat laho mamuhai parguruan
nasida di ganup ari Sabtu bodari na. Laho paheheon semangat ni naposo, dipatupa do perjalanan rohani
dohot ibadah padang di ari Jumat, 07 Oktober 2022 tu Samosir, di HKBP Tomok do nasida mandohoti
parmingguon i. Alai godang dope angka siparadeonta panghobasion tu angka Remaja Naposo ni hurianta
laho pahembanghon huria ni Tuhan i.
c. Seksi Parompuan
Denggan do mardalan panghobasion ni seksi parompuan marhite akka parguruan nasida dalan laho
mangaririt ende koor si endehononton di parmingguon songoni nang marsiajar di angka ende koor na so
haru dasip dope laho mangendehonsa. Dipatupa do kebaktian singkat laho mamuhai parguruannasida
ganup ari Senin botarina.
d. Seksi Ama
 Dibagasan sataon on tahamauliateon do haringgason ni horong ama laho pauneunehon huriatta on,
marhite pajongjonghon punguan ama. Mardalan do parguruan ni punguan ama pola sahat tu na 3 hali
saminggu laho mangarataratai ende koor i siala akka ende na baru do laho siendehonon di ari Minggu na.
Lam tu semangatna do akka punguan ama di huria on marhite na mangalehon rohana laho pauliulihon
huria on marhite na mangalehon gogo dohot sumbangan pemikiran nang sumbangan fisik songon salib
altar na di pudi langgatan parjamitaan ni garejanta on.

IV. PEMBANGUNAN
Mardalan piga-piga pembangunan na adong di hurianta on, songon na patupahon pembangunan papin
block di alaman ni garejanta on. Mauliate do dohonon tu Tuhan marhite amanta Irianto Simanjuntak dohot
amanta Simarmata na naung menyumbangkan pembangunan i. Suang songoni nang pajongjonghon lampu
sorot di komplek ni garejatta on.
V. DATA PERSONALIA PARHOBAS HKBP KEDATARAN
Angka on ma parhobas ni hurianta na manghobasi di hurianta HKBP Kedataran on :
1. CPdt. Risman Ramos Sinurat, S.Th (Uluan Huria)
2. St. S. Berutu (Parhalado Ressort/Bestur)
3. St. SR Pardede (Bendahara)
4. St. S. Siburian (Parartaon)
5. St. B. Siahaan (Parartaon)
6. St. R. Marpaung
7. St. S. Sibuea
8. St. T. Hutapea
9. St. P. Butarbutar
10. St. R. Br. Panjaitan
Anggiat ma dipargogoi Tuhanta ma parhalado ni huriatta, lam marsahala manghobasi di tongatonga ni
panghobasion i.

VI. ADMINISTRASI HURIA

Tongtong do dihobasi Hurianta penataan Administrasi Huria, anggiat lam tu dengganna asa boi
mendukung tu panghobasion ni Hurianta, ima mapardomuan tu data haruason, parhepengon, buku-buku
Huria dohot surat menyurat.

1. Data Statistik HKBP Kedataran di Taon 2022

Molo mangihuthon data haruason sian taon 2021 pungu ma KK ni huriata 83
 Tabel 1 : Data Statistik tahun 2021
Tahun KK Bapak Ibu Pemuda/i Dakdanak Jumlah
LK PR LK PR
2021 83 63 82 78 46 48 38 355 halak

 Tabel 2 : Data na masa di Haruason ni huria

NA NA MANG. NA RUAS NA RUAS NA NA HONA
NA SORANG NA MONDING
TARDIDI HAPORSEAON TARPASUPASU TAMBAH PINDAH RPP

BAOA BORUA

2 3 5 3 2 1 - 2 5

 Data Statistik tahun 2022

Tahun KK Bapak Ibu Pemuda/i Dakdanak Jumlah

LK PR LK PR
 2022 85 62 81 70 48 50 40 436 halak

Dung pinadomu sude akka naung monding dohot na mamukka parrumahtangga on nang akka na
baru sorang. Gabe pungu ma sude ruas ni hurianta 83 KK dohot 436 halak

2. Pelean Taon di taon 2022

NA PASAHATHON Pasahat NA SO
NA MENYICIL
LINGKUNGAN GOK Rp 350.000 Sumbangan PASAHATHON
(KK)
(KK) Pelean Taon (KK)

KEDATARAN 1 9 1

KEDATARAN 2 22 1

KEDATARAN 3 17 0 1

TAMBUNAN 5 0 1

TOTAL 53 1 3 26

Dibagasan sataon on pe denggan do hupapatar hami do piga KK ma ruas ni hurianta na naung

pasahathon kewajiban huria marhite na pasahat pelean taon dibagasan taon 2022 on.

Torop dope na so pasahathon pelean taonna di taon 2022, sahira 70% dope na manggarar pelean taon
na dibagasan taon 2022 on. Dibahen i rap ma hita marsiurupan mangulahon di akka na denggan
sihobasonta, dalanta laho paune-unehon hurianta on tu taon profesionalisme dan penatalayanan 2023.

LAPORAN KEUANGAN AKHIR TAHUN HKBP KEDATARAN 2022

Nunga tapatupa pelaporan keuangan ni hurianta setiap bulan jala ditingtinghon do bona ni bulan,
songon hataridaan ni transparansi keuangan di hurianta on. Di ujung taon, tapatupa do laporan keuangan
akhir tahun marhite tutup buku akhir tahun. On ma laporan keuangan akhir tahun di hurianta mamukka
sian bulan Januari sahat tu bulan Desember 2022 :
NO BULAN MASUK KELUAR SALDO/MINUS
1. Januari 2022 Rp. 13.285.000 Rp. 12.203.000 Rp. 1.082.000
2. Februari 2022 Rp. 8.288.000 Rp. 5.921.000 Rp. 2.367.000
3. Maret 2022 Rp. 10.307.000 Rp. 11.602.000 (-) Rp. 1.295.000
4. April 2022 Rp. 26.067.000 Rp. 24.997.000 Rp. 1.070.000
5. Mei 2022 Rp. 12.399.000 Rp. 9.954.000 Rp. 2.445.000
6. Juni 2022 Rp. 9.200.000 Rp. 6.514.000 Rp. 2.686.000
7. Juli 2022 Rp. 12.839.000 Rp. 25.257.000 (-) Rp. 12.418.000
8. Agustus 2022 Rp. 11.012.000 Rp. 6.988.000 Rp. 4.024.000
9. September 2022 Rp. 14.359.000 Rp. 13.253.000 Rp. 1.106.000
10. Oktober 2022 Rp. 11.178.000 Rp. 11.508.000 (-) Rp. 330.000
11 November 2022 Rp. 10.009.000 Rp. 11.540.000 (-) Rp. 1.531.000
12. Desember 2022 Rp. 43.676.000 Rp. 39.998.000 Rp. 3.678.000
13. JUMLAH Rp. 182.619.000 Rp. 179.735.000 Rp 2.884.000

Uang Masuk Januari-Desember: Rp. 182.619.000

Uang Keluar Januari-Desember: Rp. 179.735.000

Saldo Akhir Tahun Desember 2022: Rp. 2.884.000

Catatan : Nunga be dipadomu sude akka nasa pengeluaran tahunan na dibagasan sataonon, isarani
akka sipalasroha dohot akka biaya tutup buku.
PANUTUP
 Tahamauliatehon ma pasupasu ni Tuhan i di tongatonga ni hurianta on, disaluhut angka
panghobasion ta di tongatonga ni hurianta on. Gabe peleanta ma i tu Debata asa lam tarpasupasu ngolunta,
pasupasu pardagingon lumobi ma tahe pasupasu partondion i. Marhite i boi hita patupahon angka na
ummuli na dumenggan muse ditongatonga ni Hurianta on tu joloan on, asa lam mangerbang harajaon ni
Debata di tongatonga ni huriaNa nang diportibi on. Dipangujungi ni Barita Jujur Taon, sian hami sude
Parhalado pasahathon hamauliateon ni rohanami di sude ruas ni hurianta naung mamelehon dirina
marhobas di huria i mangurupi hami parhalado ni hurianta on, na pasidohot diangka panumpahion di ragam
ni ulaon naung pinatupa ni hurianta di na sataon bolon on, Tangiangnami, sai lam ditambai Tuhanta ma
ragam ni pasupasuNa ditongatonga ni angka ulaon naung pinasahat ni Tuhanta dilehon nang ganjang ni
umur, songoni ma nang na sian pangarantoan pe.
Songoni ma barita jujur taon (bericht) na boi hupatupa hami, marhite pardalanan ni parngoluon ni
hurianta HKBP Kedataran on dibagasan na sataon on. Godang dope na so boi hupajojor hami di Berich
manang Barita Jujur Taon on, Tuhanta ma na pasingkophon i di hita laos Tuhanta ma mamasumasu hita
saluhutna Parhalado dohot RuasNa.
Dohononma di hita saluhutna, dinalaho mamongoti taon na imbaru i hita, salpuhononta ma taon
2022 on na so sadia leleng nari be:
Pir ma inna Pongki, bahulbahul pansalongan
Pir ma tondita na sahuria on nang na diparserahan pe, lujuluju ma nang pangomoan.
Tangkas ma inna uju purba, tangkas uju angkola, tangkasan tu sipoholon
Marhitehita pasupasu ni Tuhanta, ditaon 2023 na ro on, tangkas ma hita maduma, tangkas ma hita
mamora, angka generasi muda ni hurianta on pe tangkas ma hot marhaporseaon.
Sahatsahat ni solu ma inna, sahat tu tao ni tiga ras ni lugahon ni holena
Nunga sahat hita dipangujungi ni taon 2022 on, marhite Tondi ni Debata, ditaon 2023 on gabe
taon parasinirohaon ma i di hita, sahat ma hita leleng mangolu jala tongtong horashoras

Kedataran, 31 Desember 2018.

Tabe sian hami parhalado,

Uluan Huria Bendahara Huria

C.Pdt. Risman Ramos Sinurat, STh St. SR Pardede