Rangkaian Acara

Paborhathon & Paojakhon Pandita

Di HKBP Yogyakarta – Resort Yogyakarta
Minggu, 15 April 2018 – Rangklaian Ibadah Pukul 09:00

I. Paborhathon Pandita di HKBP Jogja:

01. Marende: BE 157:2 O Tondi Parbadia i,
Bongoti
 Martua do huriaMi, ai na holong do rohaMi mambaen
hangoluanna;
Dilehon Ho Partogi i, na mangajari sasude, pature parrohaonna.
Unang hurang di Huria na badia Panditana, angka na burju
rohana.
(Tingki marende Huria, Pdt. Desquart Twoventus Ompusunggu, M.Si.,
nunga jongjong di jolo mangadophon Pimpinan HKBP/Praeses Distrik
XVIII Jabartengdiy)
02. Hata Pamonai:
(Sian Amang Praeses HKBP Distrik XVIII Jabartengdiy -
yang Diwakili Oleh:
Pdt. AA Zaitun Sihite, M.Th)
Huria na hinaholongan ni Debata Ama, Anak, dohot Tondi
Parbadia. Gok ma tingkina, di ari Minggu sadari on, paborhatonta
ma Amang Pdt. Desquart Twoventus Ompusunggu, M.Si., sian
HKBP Yogyakarta, ala mutasi ma nasida menekuni Program Studi
Doktoral (S3) di Fakultas Teologi UKDW Yogyakarta. Pujipujian ma
di Tuhan Debata jala mauliate ma tapasahat tu nasida siala
panghobasionnasida na saleleng on songon Pandita Fungsional di
HKBP Yogyakarta - Resort Yogyakarta on saleleng 2 taon lobi.
Marsangap ma Debata marhite panghobasionnasida jala lam taruli
pasupasu dohot las ni roha ma HuriaNa. Hombar tu mutasi nasida,
tabege ma isi ni Surat Keputusan/Rekomendasi sian Ephorus
HKBP, na jinahahon ni Sekretaris Huria HKBP Yogyakarta.
03. Manjaha Surat Keputusan
Mutasi/Rekomendasi:
04. Paborhathon:
(Huhut manjalang mandok): Ahu mewakili Praeses HKBP
Distrik XVIII Jabartengdiy, raphon sude parhalado dohot
 ruas ni Huria Kristen Batak Protestan Yogyakarta on
paborhathon hamu sian HKBP Yogyakarta on laho
menekuni program Studi S3 di FT UKDW Yogyakarta.
Mauliate do dohononnami siala saluhut
panghobasionmuna na saleleng on. Sai didongani Debata
ma hamu patulushon tohonan hapanditaon i dohot ulaon
na imbaru naung dipasahat tu hamu asa marsangap
Debata jala taruli pasupasu dohot las ni roha di HuriaNa i.
Selamat melayani dan menekuni studi lanjutan.
05. Martangiang:
Ale Jahowa Amanami marhitehite Jesus Kristus dohot Tondi
Parbadia. Pujian dohot hasangapon ma di Ho na pabangkithon
dohot marsuru angka NaposoM marhobas di tonga ni HuriaM.
Pasupasu ma angka panghobasion ni naposoM on raphon HuriaM.
Borhati ma angka parhaladoM dohot ruas ni HuriaM patulushon
ulaon panjouonMi di hami laho marsaor, marpanindangi, dohot
marhobas. Borhati ma naposoM on, Pdt. Desquart Twoventus
Ompusunggu, M.Si., sian HuriaM on manguduti
panghobasionnasida i ma melanjutkan studi program S3 di FT
UKDW Yogyakarta. Pasupasu ma panghobasionnasida na saleleng
on di tonga ni HuriaM on. Miaki jala pargogoi ma nasida marhite
Tondi Parbadia laho patulushon tohonannasida di tongatonga ni
HuriaM dohot masyarakat. Mangasahon asi dohot holong ni roha
ni Tuhan Jesus Kristus. Amen.
06. Marende: BE 807:1 Debata ma Mandongani
Ho
(Tingki marende Huria, mulak tu hundulanna Pdt. Desquart T
Ompusunggu; dung i laos ro ma tu jolo Inang Pdt. Rosmery Siburian,
S.Th. dohot Amang, jala jongjong nasida mangadophon Praeses Distrik
XVIII Jabartengdiy).
 Debata ma mandongani ho, ro di na pajumpang sogot.
Pangiring-Na ndang mansohot, Debata ma mandongani
ho.
(Ref:) Horas hita be, horas be, sai pajumpang do hita
muse;
Horas hita be, horas be. TUHAN mandongani hita be.
II. PAOJAKHON PANDITA FUNGSIONAL

2
07. Pamonai: (Mewakili Praeses HKBP Distrik XVIII
Jabartengdiy)
Hamu angka dongan sahuria, parhalado dohot ruas ni Huria
Kristen Batak Protestan Yogyakarta on. Di ari Minggu sadari
on, paojakon ma Inang Pdt. Rosmery Siburian gabe Pandita
Fungsional di HKBP Yogyakarta on. Hombar tusi, tabege ma
isi ni Surat Keputusan ni Ephorus HKBP na jinahahon ni
Sekretaris Huria HKBP Yogyakarta.
08. Manjaha Surat Keputusan:
09. Paojakhon: (Mewakili Praeses HKBP Distrik
XVIII Jabartengdiy)
Hamu Inang, Pdt. Rosmery Siburian. Nunga dibege hamu isi
ni Surat Keputusan ni Ephorus na manotophon hamu gabe
Pandita Fungsional di HKBP Yogyakarta – Resort Yogyakarta
on. Ulahon hamu ma angka ragam ni tugas dohot
tanggungjawabmuna songon Pandita Fungsional hombar tu
Aturan dohot Paraturan ni HKBP 2002 Dung Amandemen
Paduahon dohot angka Ruhut-ruhut na hombar di HKBP.
Antong, mewakili Praeses HKBP Distrik XVIII Jabartengdiy -
manungkun ma ahu nuaeng tu hamu di adopan ni Tuhan
Jesus Kristus, Raja ni Huria i, dohot di adopan ni angka
dongan na pungu dison: Na olo do hamu paojakon gabe
Pandita Fungsional di HKBP Yogyakarta Resort Yogyakarta
on, jala na olo do hamu mamelehon dirimuna mangaradoti
angka tohonan dohot ulaon i hombar tu Aturan dohot
Paraturan ni Huria Kristen Batak Protestan?
Molo songon i rohamuna, dok hamu ma :
Na olo do ahu, sai didongani asi ni roha ni Debata ma ahu
laho patupahon dohot patulushon saluhutna i.
Hamu Inang, Pdt. Rosmery Siburian, S.Th., atas goar ni
Pimpinan Huria Kristen Batak Protestan, hupaojak ma hamu
gabe Pandita Fungsional di HKBP Yogyakarta – Resort
Yogyakarta on, marhitehite Goar ni Debata Ama, dohot Goar
ni AnakNa Tuhan Jesus Kristus, dohot Goar ni Tondi Porbadia.

3
 Sai didongani ma hamu mangulahon ulaon i asa marsangap
goar-Na marhitehite panghobasionmuna.
10. Pasahathon tu Huria:
(Pandita Fungsional na imbaru dohot Amang, humusor mangadophon Ruas)
(Pandita:)
Hamu angka dongan ruas dohot parhalado ni Huria di
HKBP Resort Yogyakarta on, jangkon hamu ma Inang
Pandita Fungsional na imbaru dohot keluarga dibagasan
goar ni Jesus Kristus. Tangianghon jala urupi hamu ma
nasida asa manjadi ulaonnasida di HKBP Yogyakarta
Ressort Yogyakarta on. Jangkon jala tangianghon hamu
ma dohot keluarganasida.
(Sude Ruas & Parhalado ni Huria:)
Hujangkon hami ma Pandita Fungsional na imbaru dohot
keluarga mangasahon asi ni roha ni Tuhan Jesus Kristus. Sai
dipargogoi Tuhanta ma nasida mangulahon ulaon i gabe
pasupasu di Huria-Na jala hasangapon di Debata.
Martangiang ma hita:
Ale Tuhan Debata Amanami, marhitehite Jesus Kristus
Tuhannami, Raja jala nampuna Huria i. Pujipujian dohot
hasangapon ma di Ho, ndang dipaloas Ho huriaMi so
marparmahan, alai sai dipabangkit Ho do angka naposoM na
burju jala na olo suruonMu mamaritahon hataM. Nunga
dipaojak Ho i ma Pdt. Rosmery Siburian gabe Pandita
Fungsional di HKBP Yogyakarta on. Asi ma rohaM, lehon ma
TondiM na badia i asa margogo, marbisuk, jala marsahala
nasida mamaritahon HataM na badia i dohot mangulahon
angka tugas dohot tanggung-jawabnasida songon Pandita
Fungsional, marhitehite Jesus Kristus Tuhannami. Amen.

11. Marende: BE 807:2 Debata ma Mandongani

Ho.
(Tingki marende Huria, jongjong di jolo Pendeta na dipaborhat dohot dipaojak laho mandok hata)
 Debata ma mandongani ho, di linggoman ni habong-Na;
Hangoluhon ma Hata-Na, Debata ma mandongani ho.

4
 (Ref:) Horas hita be, horas be, sai pajumpang do hita
muse,
Horas hita be, horas be; Tuhan mandongani hita be.
III. MANDOK HATA
12. Hata Kesan/Pesan/Pamorhation/Panjangkonon:
A. Hata Borhatborhat (Kesan/Pesan): Pdt. Desquart T.
Ompusunggu, M.Si.
B. Hata Pamonai sian Pdt. Rosmery Siburian, S.Th., &
Keluarga
C. Hata Pamorhation dohot Panjangkonon sian:
 Sahalak Mewakili Ruas ni HKBP Yogyakarta
 Sahalak Mewakili Parhalado ni HKBP Yogyakarta na
pinasahat ni Parhalado Parartaon
 Pasahathon cindera mata tu Pdt. Desquart T.
Ompusunggu, M.Si.

13. Marende: BE 806:1 Aha pe Masa di Ngolum on

(Tingki marende Huria, mulak ma keluarga tu ingananna;
Pandita na marbaju tohonan laos dohot manutup ibadah
pasahathon pasupasu)
 Aha pe masa di ngolum on, Tuhan manjaga ho;
HolongNa do mangondihon ho, Tuhan manjaga ho.
(Ref:) Tuhan manjaga ho las pe roham, marsak pe ho.
Sai diramoti ho, Tuhan manjaga ho.
14. Panutup: Tangiang Pelean; Tangiang Ale
Amanami & Pasupasu: