Anak ni : KEL. H.D. NAPITUPULU / A.M.U. BR PANJAITAN
Saluhutna silehonlehon na denggan, nasa ulibasa na mauliutus, i ma na ro sian
ginjang, sian Ama ni na tiur, na so olo muba, na so umboto agia halinu ni hamimimbar (Jakobus 1:17) Setiap pemberian yang baik dan setiap anugerah yang sempurna, datangnya dari atas, diturunkan dari Bapa segala terang; pada-Nya tidak ada perubahan atau bayangan karena pertukaran.
1. Marende BE. No. 585 : 2, 3 “Somba Ma Jahowa Debatanta”
Puji ma Jahowa Debatanta, Amen Haleluya Parasi roha na sumurung do Ibana, Amen Haleluya Taendehon ma goar ni Debatanta, Amen Haleluya Alani denggan ni basaNa na tu hita, Amen Haleluya. :,:Endehon Amen Haleluya, endehon Amen Haleluya, endehon Amen Haleluya, endehon Amen Haleluya :,: Sangap di Jahowa Debatanta, Amen Haleluya Na bonar jala marmulia do Jahowa, Amen Haleluya Tapatimbul ma goar ni Debatanta, Amen Haleluya Na tigor jala na sun gogo salelengna, Amen Haleluya :,:Endehon Amen Haleluya, endehon Amen Haleluya, endehon Amen Haleluya, endehon Amen Haleluya :,: 2. Votum (U : Uluan, H : Huria, Kel. : Keluarga) U : Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. H : Amen. U : Songon on do didok Tuhan i : Pajoujouonmuna ma Ahu, laho martangiang tu Ahu, jala tangihononKu ma hamu. H :Na ro do hami Tuhan joujou tu Ho laho mangido pasupasuM na godang i, jala na ro do hami mangalului Ho di acara partangiangan na mandok mauliate naung manjalo pandidion na badia anak ni keluarga on, mian ma Ho Tuhan di parpunguonnami on. U : Didok Ibana do: Jala luluonmuna ma Ahu laos jumpang hamu do : Molo tung dilului hamu Ahu sian nasa rohamuna, jadi jumpang hamu ma Ahu.Haleluya. Martangiang ma hita: Ale Tuhan Debata, pargogo na so hatudosan! Holan ala ni asi ni rohaM sambing do umbahen na tarbahen hami marpungu di jolo., sai Ho ma na mamasumasu anaknami si Hertina Dearleni Napitupulu asa tongtong mangolu nasida di bagasan haluaon dohot asi ni rohaM Tuhan. Pasupasu nang natorasna di na laho mangajari dohot manogunogu ianakhonnami on mananda Ho Tuhan dingoluna. H : I do tutu Tuhan, na dohot do hami manghalashon di las ni rohani amanami dohot inanami on, antong sai pasaut ma bagabagaMi marhitehite hataM. U : Huingot hami jala huhaporseai hami do hataM : Molo adong dua manang tolu halak marpungu marhitehite goarHu, lehononMu do na pinangido nasida. Ale Tuhan sai pasaut ma bagabagaMi, jala lehon ma las ni roha dohot hasonangan na tau hangoluonnami. Kel.: Sai ajari ma hami marhitehite tondiM, asa saut hutanda hami hasintonganMi dohot dalan tu hangoluan salelenglelengna. U : Patogu ma rohanami mangoloi 1 Ho sahat ro di ujungna, dibagasan haporseaon na ture marhitehite AnakMu, Tuhan Jesus Kristus Tuhannami. Amen. 3. Marende BE. No. 145 : 1-2 “Ndang Hapalang Las ni Roha” Ndang hapalang las ni roha, ala na tardidi au Ai disi bolong na roa, dohot dosa sian au Ise na tumanda arta, na ummuli na ummarga Sian hatuaonki, salelenglelengna i Nunga sae sude utangku, ala na tardidi au Uhum ndang habiaranku, diondihon Jesus au Ai mudarNa huparidi, di na masuk au tardidi Ala nii las rohangki, salelenglelengna i
4. Manjaha Ayat: Psalmen 107 : 1 – 3 :
U : Tatangihon ma jolo hata ni Debata di partangianganta di tingki on ima na tarsurat di Psalmen 107:1-3, Mandok mauliate ma hamu di Jahowa, H : ai pardengganbasa do Ibana, ai salelenglelengna do asi ni rohana i. U : I ma dohonon ni angka na pinalua ni Jahowa, H : angka na pinaluana sian tangan ni musu. U : Jala angka na pinapunguna i sian angka luat, sian habinsaran dohot sian hasundutan, sian utara dohot sian laut i. Ima sahatna. Martua do na tumangihon Hata ni Debata jala naumpeopsa. U+H : Amen. 5. Marende BE. No. 18 : 5 “Ungkap bahal na umuli” Baen togu haporseaon dibagasan rohangki. Asa unang be rampason ni sibolis artangki. Sai ditogu hataMi ma au on tu surgo i. 6. Martangiang sian sahalak keluarga/ parhalado 7. Marende BE. No. 709 :1, “Jesus Mangasii Au” Jesus mangasi i au, Bibel i mandok tu au Nang gale, metmet pe au, tong do nampuNa au. Jesus Tuhanku, nampuna ahu Sai pos rohangku, Bibel mandok tu au. 8. Jamita 9. Marende BE. No. 706: 1, 3, “Godang ni pasupasu i” (Pelean) Godang ni pasupasu i dilehon Tuhanki Tarlobi asiasiMi marhite anakMi Jaloma pujianki, Jesus Sipalua i Boi au bongot tu surgo i Marnida hasangaponMi
Ndang dung mansohot basaMi saleleng ngolungki
Ho ma tongtong pujionki sangap di goarMi Jaloma pujianki, Jesus Sipalua i Boi au bongot tu surgo i Marnida hasangaponM