Kel. St. Saroha Siregar/ br. Pasaribu Minggu, 6 November 2022 (L = Liturgis; R = Ruas; Kel = Keluarga) ...... saat teduh/tangiang na hohom ..... 01. Joujou tu Partangiangon : L: Tapuji ma Debata Ama dibagasan Tuhan Jesus Kristus naung umpasupasuhon ragam ni pasupasuNa tu hita. Dilehon do pasupasu pardagingon marhite sipanganon, siinumon, parabiton, ulaon nang lan angka na asing; dilehon nang pasupasu partondion marhite hasonangan, dame, las ni roha dohot hangoluan na so ra suda. Tarajumi do basabasa Debata do, naung sahat tutu Tohonan hasintuaon tu Kel. St. Saroha Siregar/br Pasaribu. Antong tama do hita saluhutna mandok mauliate tu Debata di sude pasupasuNa naung tajalo. Sian nasa toruk ni rohanta, tapangido ma asa tongtong mian Debata mandongani jala mampargogoi naposoNa diangka Tohonan na dipasahatNa. Tarlumobi asa tongtong mian Debata di tonga-tonga ni bagas on laho mangaramoti dohot mandongani keluarga di bagas on. Alani, rap ma hita pasahathon pujipujianta tu Debata songon las ni rohanta di pasupasu naung tajalo sian Ibana.
Las rohangku lao mamuji Debata Parholong i, Songon bunga na mangerbang di na binsar ari i Arsak dosa haporsuhon mago dibaen asiMi Las ni roha na manongtong lehon di au Tuhanki.
Rap ma hita mangendehon, sangap di GoarNa i,
Tapangiar soaranta lao mamuji Tuhan i Sun do holong ni rohaNa na so marnamontok i I do pasadahon hita salelenglelengna i. 03.Votum–Introitus–Doa : L: Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Porbadia na tumompa langit dohot tano on. Amen. Manang ise na hundul dipangondion ni na tumimbul i, marborngin do ibana di linggoman ni pargogo na so hatudosan i. R: Ningku do mandok Jahowa : haporusanku jala partanobatoanku, marhaposan tu Ibana do ahu
L: Marhitehite asi ni rohaNa do jala mardonganhon tondi Parbadia,
lam marroha jala margogo ma nasida mangaradoti tohonan na sahat tu nasida. R: Mauliate ma Tuhan di pasupasuM di hami, hupuji hami ma GoarMu olat ni on ro di saleleng ni lelengna. L: Kristus Jesus do naung gabe hapistaran sian Debata tu hita, gabe hatigoran dohot habadiaon dohot haluaon. Haleluya Martangiang ma hita : Ale Tuhan Debata, Ho do na manompa saluhut jala marmuduhon nasa na tinompaMi. Holong ni rohaM na so hadodoan i, ale Debata mambahen marpanghirimon hami, di las ni roha di silehon-lehonMi di hami. Ido, ale Debata pinapatarMu, umbahen pungu hami mandok mauliate tu Ho. Ho do ale Debata na mamilit jala manjou Kel. St. Saroha Siregar/Inang br Pasaribu on gabe Parhalado ni HuriaM. Sai martua ma saluhutna molo tongtong hami marhaposan tu Ho ganup tingki. Pahot ma rohanami manghaposi Ho ganup tingki, ai Ho do hangoluannami i. Mauliate ma di Ho ale Tuhan, marhite AnakMu Tuhan Jesus Kristus martangiang hami tu Ho. Amen ! 04. Epistel : Jesaya 6: 1 - 8 L: Di taon hamamate ni raja Usia, huida Tuhan i hundul di atas habangsa na timbo, jala na marmulia, jala angka rambu ni pangkeanna manggohi bagas joro. R: Jongjong di atasna surusuruan Serapim, angka na marhabong onom be, dua manghungkupi bohinasida, dua manghungkupi patnasida, dua mangkabangkon nasida. L: Jala * marsijouan ma nasida songon on: Na badia, na badia, na badia do Jahowa Zebaot, * gok hamuliaonna liat portibi on. R: Jadi humuntal ma angka ojahan ni tiang sian soara ni na manjou, jala * gok timus joro i. L: Dung i hudok ma: Marjea ma ahu! Nunga mago ahu, ai jolma parbibir na ramun do ahu, jala di tongatonga ni bangso parbibir na ramun ahu maringan, ai nunga diida angka matangku Raja Jahowa Zebaot. R: Dung i habang ma sada sian angka surusuruan Serapim mandapothon ahu, jala di tanganna sada batu arang na gara, na binuatna sian langgatan dohot gansip. L: Jadi * dijama ma pamanganku, jala didok: Ida ma, on do na manjama bibir ni pamanganmu, paboa naung niunsat utangmu, jala naung * hinungkupan dosam. R: Dung i hubege ma soara ni Tuhan i, na mandok: Ise do suruhononku, jala ise pardalannami? Jadi ningku ma: Dison do ahu, suru ma ahu! L: Ido sahatna, martua ma na tumangihon hata ni Debata jala na umpeopsa. L+R: A m e n.
05. Marende BE No. 672 : 1 “Tung Godang Situtu”
Tung godang situtu ulaonmu antong dpasahat Tuhanta tu ho; Ndang adong be tingkim marnalemba tahe, ngolumi bahen tiruan tongtong Sai patupa ma i alani Tuhan i so manghirim balosna tu ho Debata do marnida na niulami, manang na adong parbue ni i. 06. Jamita : 07. Marende Be No. 774: 1 – 2 “Tung Mabaor Sian Ho” Tung mabaor sian Ho mual hangoluan i. Ai torop pe batang aek, angka dolok dohot rura. Nang pe langit dohot tano. Ho do na manompa i; Ho do na manompa i. Ho do na manompa i. Ho do na manompa i.
Ai huboto do tangkas hagogoonMi Tuhan. Ho do na so
hatudosan na tongtong Ho pasangapon. Las rohangku pasangaphon, ro marsomba tu joloM. Ro marsomba tu joloM, ro marsomba tu joloM, ro marsomba tu joloM 08. Tangiang Pangondianon sian Na ro 09. Marende BE No. 470: 1… “Jesus Ho Nampuna Au” Jesus Ho nampuna au dohot na adong di au. Gogo dohot hosangki sahat ma tu tanganMi.
Sai rajai ma matangki manangkasi dalanMi.
Sai patinggil pinggolhi tumangihon hataMi.
Dohot tanganhi tahe naeng manjama na ture
Dohot pat sai naeng tongtong mardalani dalanMon
Sere, arta, hepeng pe buat ma di Ho sude
Tond nang pamatanghi ingkon Ho oloan nii. 10. Parsuruon tu ngolu siapari : L : Naeng paujungonta ma partangiangan on, alai taingot ma, ndang marujung anggo pandonganion ni Debata tu hita. Dibagasan las ni roha ma taulahon angka ulaonta na marragam i, tadok ma : R : Jahowa Debata do donganku, ndang tagamon mabiar ahu. Ibana do na marmahan ahu, ndang tagamon hurangan ahu. L : Molo tapatulus angka sangkap-Na, jala taulahon na hombar tu lomo ni roha-Na, tumpahan-Na ma hita, jala pasupasuon-Na ma angka ulaonta na marragam i. Dibahen i, tadok ma : R : Jahowa Debata do na manumpak sude ulaonku, Ibana do na umpasupasuhon angka ragam ni pasupasu tu ahu. Alani, Ho ma ale, Jahowa, na hupangasahon di sandok pardalanan ni ngolungku. L : Tama do hita mandok mauliate tu Debata Jahowa. Dibahen i, tadok ma: R : Ale, Jahowa Debata, Amanami, tung ajari ma hami saluhutna asa tung tarbahen hami laho patupahon angka na denggan tu angka dongannami. Ajari ma hami manogu-nogu angka ianakhonnami be, asa lam ture haporseaon nasida tu Ho.