HURIA KRISTEN INDONESIA (HKI)

R E S O R T S I P A H U T A R II
DAERAH II SILINDUNG -
PANGARIBUAN
Sekretariat: Siabal-Abal Kecamatan Sipahutar

TERTIB ACARA PARTANGIANGAN

SYUKURAN PELANTIKAN KEPALA DESA TERPILIH
LUMBAN LOBU TAPIAN NAULI I
BAPAK TOKIAMA PARDEDE / NURLAENY
(OP. VANIA PARDEDE)

Rabu, 22 Desember 2021

 Sipahutar
( U: Uluan; K: Keluarga; J: Jubilaris; H: Huria )
I. KEBAKTIAN
01. Pamuhai dohot Joujou marsaor tu Debata.
U : Hamu angka dongan na hinaholongan di bagasan goar ni Kristus Jesus
Tuhanta i! Na marpungu do hita di tingki on, marlas ni roha siala basa
dohot asi ni roha na sian Debata di na pinasahat-Na Ulaon na gabe si
ulahonon dibagasan haserepon ima Amang Tokiama Pardede Sian las
ni roha na mauliate tu Debata di bagasan Kristus Jesus Raja ni Huria i,
diontang nasida ganup hita on dohot marlas ni roha sumombahon roha
mauliate rap dohot sude anak, boru, parumaen, hela, pahompu sian
anak/pahompu sian boru tu Debata Silehon pasupasu i. Dohot ma hamu
angka hahaanggi pinaribot, aleale, dongan sahuta songon i nang
hulahula marlas ni roha mamuji Tuhanta
H : (Mangendehon BE No. 15 : 1 “Aut na Saribu Hali Ganda)
Aut na saribu hali ganda saringar ni soarangki
Naen nasa gogo bahenonku mamuji Debatanta
Paboa las ni rohangki, hinorhon ni pambaen-Na i
U : Mandok mauliate ma hamu di Jahowa, ai na basa do Ibana, ai ro di
salelenglelengna do asi ni roha-Na
H : Mauliate ma tutu di Tuhan i na manogunogu jala na umpasupasuhon
ragam ni pasupasu las ni roha di Amanami Amang Tokiama Pardede
boi sadari on marlas ni roha siala denggan ni basam tarpilit nasida gabe
kepala desa. Sai didongani jala dipasupasu Tuhan i ma hamu dohot
sude pinomparmuna.
K : Pasupasu ni Jahowa do mambahen mamora jala ndang mardongan
hangaluton dibahen!
J : Mauliate ma rohangku di ho o Debata tongtong dibaen sude denggan
basa-Mu naung nilehon-Mu di au on. Ai dipatongon Ho tongtong sude
na ringkot di au on
U : Antong tapatu begehon ma las ni rohanta tu Debata, marende ma hita!
S : Marende No. 15 : 4 + 7 “Aut na Saribu hali Ganda”)
Mauliate ma rohangku di ho o Debata tongtong
Dibaen sude dengganbasa-Mu naung nilehon-Mu di au on.
Ai dipatongon Ho tongtong sude na ringkot di au on
Ai ise do mamasumasu au on o Debata nda Ho?
Pamatangkon ro di tondingku, sai diparmudumudu Ho
Huhut lambas do rohami, manatap pardosaonki
02. Votum – Introitus - Tangiang
U : Marhitehite goar ni Debata Ama dohot goar ni Anak-Na Tuhan Jesus
Kristus dohot goar ni Tondi Parbadia na manompa langit dohot tano on
 H : Amen
U : Holong situtu do rohangku di Ho, ale Jahowa sipargogoi au.
J : Jahowa do Siparmahan ahu, ndang tagamon hurangan ahu
U : Jahowa do partanobatoanhu dohot haorusanhu, jala sipalua ahu,
Deatangku. Sitioponhu, marhaposan tu ibaNa do ahu,
lombulombungku dohot tanduk ni partuaonghu, haporusanhu.
H : (Mangendehon BE No. 9 : 6 “Hupuji Holong ni Roha-Mu”)
O Jesus uhir ma goar-Mu torang bagas tu rohangkon/
Asa tarsurat di jolongku holong ni roha-Mi tongtong/
Hatangku ro di parangengku ingkon dipuji do goar-Mu
U : Martangiang ma hita! Ale Amanami jala Debatanami na marhabangsa
di banua ginjang! Puji-pujian di bagasan roha na mauliate do rohanami
tu Ho di bagasan sadari on, ala ni denggan ni basaM dohot asi ni
rohaM na manogunogu hami boi marlas ni roha di bagasan tingki on,
marmula do i sian na pinasahat-Mu. Tung so hasuhatan do sude
denggan ni basaM dohot asi ni rohaMi. On pe pos do rohanami nang tu
joloan on, sai lam tambaan-Mu do las ni roha di Ama nami Amang
Tokiama Pardede dihahipason, ganjang ni umur, songoni nang gogo
habisuhon sian ho asa tung denggan jala uli ulaonna gabe uluan di huta
na mi on. Songon i marhite angka pasupasu disude ianakhonna. Sai
jalo ma tangiang pamujion nang pangidoannami marhitehite Tuhan
Jesus Kristus Tuhannami. Amen!
03. Marende No. 6 : 2 – 3 “Puji Jahowa na Sangap Huhut Marmulia”
Puji Jahowa Sigomgom sude parluhutan/
na manogihon ho songon niiring ni tangan/
Dohot hosam songon hombar tu roham sai diramoti Ibana
Puji Jahowa naung tipak manompa dagingmu/
Jala na tongtong manumpak hisar pamatangmu/
Jotjot do ro pangurupi-Na tu ho, uju na ro hagogotan.
4. Renungan Situasional
U : Haleluya! Puji hamu ma Jahowa di bagasan habadiaon-Na i! Puji hamu
ma Ibana di hagogoon-Na na sumurung i. Puji hamu ma Ibana siala asi
ni roha-Na naung sahat tu hamu ro di angka pinomparmi.
K : Sian nasa roha dohot nasa pambahenannami ingkon pujionnami do
Jahowa Debatanta i siala denggan basa dohot pasupasu-Na naung
hujalo hami. Dipataru do hami gabe sahalak uluan diluat on naung
dihaposi angka na marholong ni roha. Pasupasu jala pargogoi nang
padao sian haportibion ma hami, alai dipandonganionMu ma hami
mangula.
H : (Mangendehon BE No. 3 : 3 “Puji Jahowa Ale Tondingku”)
Martua halak na niondingan ni Debatanta Jahowa i
 Angka na hot marhaporseaon di Jesus Kristus Tuhanta i
Molo Debata donganmi ndang adong hurang tuamu,
Haleluya! Haleluya!
U : Jahowa Debata sitompa Saluhut, na pasauthon angka na ringkot, Jesus
Kristus sipalua na paluaon hita sian hagogotan, jala marhite tondi
porbadia margogo ma hamu, hita on saluhutna. Amen.
5. Marende No. 361 : 8 “Na Denggan Situtu do”
Sai tubu pinomparna Di na ubanon I, Margogo do nasida Di na martua i
Girgir dibaritahon Na tigor Tuhan i , Na so marhageduhon Pambaenna
sasude
6. Tangiang Hamauliateon/Pangondianon
(Sahalak sian Parhalado & Keluarga)
7. Marende BE NO. 753 : 1+3 “Di Pardalanan Jesus di Jolongku”
Di pardalanan Jesus di jolongku, Holong ni tanganMi manogu au
Nang di ngolungku Ho do sombaonhu, Tung sonang mardalan raphon au
Huboto do tangkas panoguonMu, Diiringiring Ho do langkangki
Sahat rodi ujung ni pardalanhu, Togu ma au jonok tu lambungMi
Patogu ma Tuhan haporseaonku, Asa polin tu Ho manghirim au
Tu Surgo i patulus pardalanhu, TondiMi maringan ma di au
Huboto do tangkas panoguonMu, Diiringiring Ho do langkangki
Sahat rodi ujung ni pardalanhu, Togu ma au jonok tu lambungMi
8. JAMITA/RENUNGAN SINGKAT
9. Marende BE N0. 24 : 1 – 3 “Tatap Hami On” (P. Pelean)
Tatap hami on na pungu dison, Ai na naeng pujionnami
Denggan ni basaM di hami, Tatap hami on na pungu dison
Togu hami on na mardosa on, Ale Jesus Tuhannami
Sai asi rohaM di hami, Togu ma tongtong na mardosa on
Sai ramoti be hami on sude, Maradophon musunami
Asa unang mago hami, Sai ramoti be hami on sude
10. Tangiang borhatborhat tu ngolu Siapari
U : Sai jumolo ma lului harajaon ni Debata, ndungi tambahononNa ma
angka ondeng tu hamu. Sai burju ma hita rasirasa mate, dungi lehonon-
Na ma tu hita tumpal hangoluan i.
11. Tangiang Pelean dohot Panutup

ACARA RAMAH TAMAH, KATA SAMBUTAN (Diatur keluarga).

Dibagasan las ni roha

Sude Parhalado dohot ruas ni HKI Lumban Lobu

Tuhan Yesus Memberkati!