ACARA MINGGU KELUARGA HKBP

MINGGU PALMARUM
(Maremare)

 Ev: Johannes 12: 12-19  Ep: Jesaya 52: 7-12

TOPIK:
Ida Ma Na ro do Rajam

Minggu, 05 April 2020

I. PANGARADEON:
a. Dipillit ma sahalak na manguluhon Minggu/Partangiangan Lunggu
b. Holan Na martohonan do boi mandok – Tangiang marhitehite –
Tangiang pasupasu-
c. Tatngianghon ma asa anggiat tumibu di padao Tuhanta Virus
COVID 19 on.
d. Tapasahat ma peleanta songon dalan parsombaonta tu Debata.
II. ACARA PARMINGGUON:
(U:Uluan; S: Sude;A/I: Ama/Ina;RNB/SM:Remaja naposo & Sekolah Minggu)
U : Horas, jala Minggu Palmarum ma di hita saluhutna. Mandok mauliate ma hita tu
Debata naung mangaloas hita marpungu nuaing di bagasta on.
S : Selamat ari Minggu Palmarum ma tutu di hita saluhutna. Tuhanta pardenggan
basa jara parasiroha i ma na mian di bagasan ngolunta.
U : Topik Minggu keluarga di hita , didok IDA MA NA RO DO RAJAM, hombar tusi,
tapuji ma Tuhanta NA RO mangalehon haluaon i di hita.
S : Puji ma Tuhan i hamu saluhut bangso, Patimbul ma Ibana sude hamu pangisi ni
portibi on.
U : Marolopolop ma hita huhut marsuraksurak di Tuhanta, ala naung nilehonNa
AnakNa nasasada i Tuhan Jesus Kristus laho paluahon hita sian dosa dohot
hamatean. Alani ndang pola mabiar be hita ala Debata gabe Dolok Batu
Partanobatoan di hita. Antong tapasada ma nuaeng rohanta mamuji Tuhan i,
marende ma hita.
1. Marende BE. No. 581 : 1 - 3 “Sangap di Jahowa” BL. 581
 Sangap di Jahowa na sun timbul i, balga ni holongNa ndang tarasam i
Dilehon AnakNa na sasada i, manobus hita jolma pardosa i
Puji ma Debata, ale manisia, las roham, las roham somba ma Debata
Dapothon Jahowa na sun timbul i, Marhite AnakNa Tuhan Jesus i.
 Tung so hasuhatan do basaNa i, marhite AnakNa nilehonNa i
MudarNa durus do di hau silang i, rara pe dosanta ias dibaen i
Puji ma Debata, ..........................

2. VOTUM:
U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot
Goar ni Tondi Parbadia na tumompa langit dohot Tano on. Amen
S : Asi ma rohaM di ahu ale Jahowa, ai targogot do ahu, maras do rohangku dohot
dagingku. Alai anggo ahu, tu Ho do ahu marhaporusan, ale Jahowa, ningku do: Ho
do Debatangku.

1
 U : Marguru tu tanganMu do angka parsorionki, sai palua ma ahu sian tangan ni angka
musungku dohot sian angka na mangalotongi ahu. Ale Jahowa sai unang paurak
ahu, ai Ho do na hujou, sai palua ma ahu marhitehite hatigoranMu. Haleluya!
S : (Mangendehon) : HALELUYA.....HALELUYA....HALELUYA.
U : Martangiang ma hita : Ale Tuhan Jesus, sasada Ho do sipangolu padomuhon
jolma dohot Debata! Hupuji hami GoarMi, jala hudok hami mauliate tu Ho ala
saluhut na binahenMi, patupahon hangoluannami. Sai dongani ma hami
marhitehite asi ni rohaM, asa hupingkiri hami tongtong na tinaonMu dohot
hamamateM, asa huarsakhon hami dosanami jala asa tubu di hami
haporseaon na sintong, jala asa marroha haholongon hami huhut mandok
mauliate tu Ho, asa olo hami mangihuthon Ho ro di hamatean. Ale tuhan
Jesus, di Ho ma tama pujipujian di tongatonga ni saluhut huria, naung
tinobusMu marhitehite mudarMu na badia i, olat ni on ro di salelenglelengna.
Amen.

3. Marende BE. No. 25 : 1 - 2 HataMi ale Tuhanhu BL. 181

 HataMi ale Tuhanhu arta na ummarga i
Sai paian di rohangku unang so hutiop i
Molo so be sitiopan hata na badia i, aha na ma haojahan ni haporseaon i

4. PATIK NI DEBATA:
U : Tatangohon ma Patik ni Debata di hita di Minggu sadarion, ima Patik I dohot
lapatanna, songononma didok disi: Ahu do Jahowa Debatam! ninna Debatanta.
Ndang jadi marungkap Ahu bahenonmu Debatam. Dia do lapatan ni i?
S : On do: Ingkon umbiar rohanta jala humolong jala umpos mida Debata asa
mida nasa na adong.
U : I do sahatna. Rap mangido gogo ma hita mangulahon patikNa i
S : Ale Tuhan Debata, sai pargogoi ma hami mangulahon na hombar tu patikMi. Amen

5. KOOR:

6. Marende BE.No. 184 : 1 + 6 Nunga tung jumpang au ojahan Bl. 103

 Nunga tung jumpang au ojahan ni tondingki na mago i
Mudar ni Jesus do manahan, salelengnilelengna i
Nang mago pe portibi on, tongtong do hot ojahan on
2
  Ojahan on do ingananku saleleng au di tano on
Sai i ma hangoluhononhu saleleng so tos hosangkon
Tongtong do sipujionhi, Tuhanhu sipangolu i
7. Renungan situasional ( U=Uluan, A=Ama, I = Ina, R.N+ Remaja/Naposo, S =Sude )
U : Hamuna angka dongan na hinaholongan ni Tuhan Jesus, sian mulana nunga
godang angka na masa diadopi jolma i. Boasa songoni? Adong dope nuaing Debata
di lambungta?
A/I : Molo songoni denggan ma hape naeng marujiruji hita di bagasan ngolu on jala
ringkot ma sungkunon, atik ala ni pangalahonta do umbahen na ro angka sahit virus
covid 19 on? Ala ni ringkot ma tapatuduhon parsihohotonta. Dohononta ma: Ai
nunga di ida matangku haluaon na sian Ho i.
U : Ragam do tahe panghorhon ni virus on na pola mambahen hita ingkon di bagasta
patupahon parmingguon, ekonomi lumpuh, ndang boi bersosialisasi jala ndang boi
mulaulaon songon na somal. Ringkot ma hita mangido gogo sian Tuhan i jala
pasomalsomal diri marhadaulaton.
RN/SM : Naeng antusan tahe dia do dalan lomo ni roha ni Debata di bagasan ngolu on. Sai
tongtong ma nian partondi na girgir hita mangoloi Tuhan i. Dohononta ma: Ai nunga
di ida matangku haluaon na sian Ho i
U : Di zaman teknologi naung serba maju on, atik na holan online na di partibion do hita
nuaing, ndang adong be hubungan na denggan dohot Tuhan i marhite ritual ni
pangoloion tu Tuhan i. Ingkon tapadenggan do hubunganta dohot Tuhan i marhite
parsaoran na rosu laho mamuji dohot pasangaphon GoarNa di bagasan haporseaon.
Keluarga Kristen na marpantas ni roha, na benget roha dohot sitiruon di ngolu
siganup ari.
S : Toho ma i tutu, marhite parmingguon na tapatupa di bagasta ganup on, ingkon lam
tangkas ma tapadenggan parsaoranta tu Tuhan i nang tu dongan jolma. Molo pe
taaodopi na masa on, ingotonta ma hata ni Tuhanta: Ai nunga di ida matangku
haluaon na sian Ho i. Nuaing di uji ma panghirimonta, manahan do hita manang na
daong? Molo tasigati angka ariarinta tung mansai godang do na mangopo so
marlapatan.
U : Di minggu Palmarum on, minggu maremare, i ma panomunomuon di Jesus dung
sahat Ibana tu Jerusalem marhite las ni roha dohot olopolop nasida manomu. Di
patupa maremare dohot di togu marhite halode Tuhan i. Saluhutna i panghirimon di
haluaon na pinatupa ni Tuhan i marhite na mate di hau punorsilang laho manobus
dosa ni jolma. Laos martudutudu ma i tu tanda las ni roha i ma na ingkon tahirim, na
ro Tuhan i pandaoni bolon i laho paluahon hita sian angka hagogotan i, sian angka
roha biar dohot tahutan i, i ma virus corona on. Taadopi pe namasa on songon ujian
di bagasan ngolunta on patoguhon haporseaon dohot pos ni rohanta do i. Taida ma

3
 na masa tu si job, di ae ibana do parungkilon di bagasan ngoluna marhite ujian i,
alai didok do: nga ta dai na tonggi nda daionta ma na paet! Laos songoni do nang
parhusoronna, dung di dai na paet di dai ma muse na tongi di ujungna. Songoni ma
nang nuaing, benget ma hita, ai parbue ni benget ni roha i ro do angka las ni roha
molo pos rohanta jala mangulahon na denggan hita.
S : Mangendehon BE.No. 202 : 6 “Huhaholongi Ho gogongku” BL. 102
 Tongtong ramoti ma langkangku di dalan hatigoran i
Huhut sai pargogoi rohangku, mangaradoti hataMi
O sondang sian surgo i, sondangi rohangki
U : Antong tapasahat ma sude tu Tuhanta pardenggan basa i; ai didok do di hatana: ro
ma hamu na loja jala na sorat hupasonang pe hamu. Amen
8. Marende BE. No. 681 : 1 – 2 Ale Amang, asi rohaM BL. 681
 Ale Amang asi rohaM di au pardosa on
Unduk do rohangkon nuaeng marsomba di joloM
Unang jujur, unang jujur angka dosangki
Sai salpuhon, sai salpuhon sian rohaMi

9. TANGIANG MANOPOTI DOSA:

U : Tatopoti ma dosanta, martangiang ma hita : Ale Tuhan Debata Amanami na di Banua

Ginjang. Dibagasan unduk dohot serep ni roha do hami ro tu adopanMu mangido
hasesaan ni dosanami. Hutanda hami do hadirionnami, na jotjotan sai gok dosa do
hami.
------------- mangendehon BE. 165 : 1 “Nabasa do rohaM di au” BL. 19.
1. Na basa do rohaM di au O Jesus Tuhanki
Diihuthon Ho au tu na dao Mambuat rohangki
A/I : Hupangkilalahon hami do angka pambahenannami na humurang di bagasan
ngolunami ale Tuhan, tung mansai jojot tahe huarsahi hami Ho marhite tubutubu ni
rohanami na jahat i. Sipata tangkang do hami jala jugul mangulahon dalan lomo ni
rohaM, kristen hami hape hutondong hami dalan hamatean i. Laos songoni ma nuaing
angka hamaolon na huadopi hami on, olo do lemba rohanami jala gait
hupanghilalahon hami angka apoapo na denggan na dipasahat tu hami, laho
manjamothon hahipason nami. Alani ma ro hami tu adopanMu mangido hasesan ni
dosanami, asi ma rohaM sesa ma dosanami.
S : Magendehon BE. No. 171 : 2 “ Tandai ma ahu “ BL. 49
 Asi ma rohaM, taringot tu pangalahongku. Olo tutu, jotjot do
na lilu dalanku. Sesa dosangku sude Debata

4
RNB/SM : Huparhatopot hami do, Gale do anggo pamatang i, alai girgir do anggo tondi i. Tung
jotjot do gale pamatang nami on mangorom diri laho mangulahon angka ulaon na roa
i, jala gabe olo huhaginjanghon hami pangalaho na humurang i, hape tihas do i di
bagasan ngolu nami. Na jat situtu do diida Ho nahuula hami, tongon tahe dibagasan
hajahaton do hami tubu. Laos songoni ma nuaing na masa nuaing virus covid 19 on
na godang angka barita na so tingkos, barita na pabiarbiarhon dohot angka
panghataion na pagalehon partondion nami, hape tung jea bolon do i di bagasan
ngolunami. Ala ni asi ma rohaM di hami, sesa ma dosanami.
S : Magendehon BE. No. 424 : 1 “ Soara ni Tondi“ BL. 284
 Soara ni Tondi ni Tuhanta i, jotjot dilaosi, di tulak ho i.
Sai tanda jeamu, pauba roham, dapothon Tuhanmu sisesa dosam.
S : .Ale Tuhan Debata, Amanami na di banua ginjang! Ho do napatupahon hasesaan ni
dosa di hami halak na dangol on marhitehite Anak haholongan ni rohaM. Sai asi ma
rohaM di hami, angka na mangarsakhon dosanami. Sai sahapi ma tu bagasan
rohana. Lehon ma tu hami TondiM na badia i, asa unang ganggu rohanami di asi ni
rohaM, ala asa hot rohanami marhaporseaon laho manggotaphon nasa dosa dohot
roha portibi on, asa hupasahat hami dirinami tu Ho, gabe pelean na mangolu jala na
badia marhitehite Tuhan Jesus Kristus Tuhannami. Amen.
===============Martangiang na hohom di bagasan roha================
U : Bagabaga ni Debata taringot tu hasesaan ni dosanta. Ise be mangaluhon angka na
pinillit ni Debata? Debata do na mamintori. Ise do na mandabu uhum
hamagioan? Kristus Jesus do naung mate; alai ndada holan i, naung mulak
mangolu do, jala di siamun ni Debata do Ibana mangondihon hita. Hasangapon
ma di Debata na di ginjang!
R : Amen

10. Marende BE. No.443 :1 Dung Tuhan Jesus BL. 393

 Dung Tuhan Jesus nampuna au Songgop dameNa, biarhu lao
Taripar gogo ngoluNa I Nasa dosangku naung sae do i
Tabaritahon holongNa I Didia Tuhan tudoshon i?
Tuk manumpahi, tarlobi da Sasada Jesus pinuji ma

11. EPISTEL:
U : Tajaha ma Hata ni Debata na gabe Epistel di Minggu sadarion, tarsurat di Jesaya 52:
7-12. Lehetna i di atas ni angka dolok angka pat ni parbarita na uli, na

5
 patubegehon hadameon, na mamaritahon barita na uli, na patubegehon
hatuaon, na mandok tu Sion: Debatam do bangkit Raja.
S : Soara ni jolma parhalmu, angka dipangiar be soarana rap marolopolop, ai
adop bohi be diida nasida, molo mulak Jahowa tu Sion.
U : Pangiar ma soaramuna rap marolopolop ma hamu, ale angka pasipasi ni
Jerusalem, ai nunga marpangulahi roha ni Jahowa mida bangsona, nunga
dipalua Jerusalem.
S : Nunga pola dipatoltol Jahowa tanganna na badia i di adopan ni saluhut
bangso parbegu, jadi saluhut ujung ni tano on marnida hatuaon ni
Debatanta.
U : Ruar, ruar, borhat ma hamu sian i, unang jama hamu na ramun! Ruar ma
hamu sian tongatonganasida! Manguras ma hamu, ale angka na
mangusung ulaula ni Jahowa.
S : Ai ndang pola humalaput hamu laho ruar, manang marlojong songon
halak na maporus, ai Jahowa do manguluhon hamu, jala Debata ni Israel
mangiringiring hamu sian pudi.
U : Ima sahatna. Martua ma na tumangihon Hata ni Debata, jala na umpeopsa. Amen]

12. Marende BE. No. 695 : 1 + 4 “Jesus Tuhanhu di Ho ma au on” BL. 695
 Jesus Tuhanhu di Ho ma au on asa mangihut tu Ho au tongtong
Gohi rohangku ingani au on, sonang di Ho tongtong
O Tuhan togu ma au, o Tuhan togutogu ma au
Gohi rohangku ingani au on, sonang di Ho tongtong.
(Jongjong)
 Na marhaposan tu Jesus tahe sai na martua ibana muse
Sonang ibana di portibi on, nang di Surgo inon
Jolma na bonar burju, jolma na bonar huhut burju
Sonang ibana di portibi on, nang di Surgo inon.
13. Manghatindanghon Haporseaon
U : Tahatindanghon ma Haporseaonta i, songon na hinatindanghon ni donganta
sahaporseaon di sandok portibi on, rap ma hita mandok
R : Ahu porsea.......
14. Tingting dohot Tangiang sidung Tingting
15. Marende BE.No. 691 : 1, 6 Hupasahat Ma Tu Jesus

6
  Hupasahat ma tu Jesus saluhutna ngolungki Roha nang pambaenanku
saluhutna tingkingki Hupasahat ma tu Jesus saluhutna diringki
Hupasahat ma tu Jesus saluhutna ngolungki
 Mauliate ma rohangku, ala au hinophopMi Pujionku ma goarMu,
salelenglelengna I Hupasahat ma tu Jesus saluhutna diringki Hupasahat
ma tu Jesus saluhutna ngolungki

19. Jamita : Johannes 12: 12-19

20. Marende B.E. No. 802 : 1 - 2 Pangke tingkim saonnari [P.Pelean ]
 Pangke tingkim saonari, dapothon ma Tuhan i
Unang godang sidalian, ingot jempek ngolumi
Nunga rade hasonangan, di Surgo i, di Surgo i
Unang adong nanggo sada Naso parjambar disi
2.
 Suan ma holong ni roha, tiru ma Tuhanta i
Las ma roham di gotilon, jalo ma balos ni i
Nunga rade hasonangan, di Surgo i, di Surgo i
Unang adong nanggo sada Naso parjambar disi

22. TANGIANG PANGUJUNGI:

Tangiang Pelean-Tangiang Ale Amanami-Pasupasu-Amen-Amen-Amen
===================================================
Pelean Amplop Parmingguon Keluarga, tu Huria :
Sian Hami Keluarga : ..........................................................................
Godang na : ..........................................................................
II Kor 9:7b “Ai dihaholongi Debata do na las roha mangalehon!”.

7
II. Acara Passion Keluarga.

HKBP BARIS RESSORT BARIS

Partording ni Partangiangan
Parningotan Panaonon ni Tuhan Jesus
(Ibadah Perenungan Malam Passion)

Malam Passion : Selasa, 15 April 2020

Malam Passion : Rabu, 16 April 2020

Pukul 19:00
(Manghuling Giringgiring)

8
 Gabungan Passion I,II dan III
Selasa dan Rabu, 15 April 2020
0. Tangiang na hohom / Saat teduh - Melodi BE 858
1. Marende: BE 719: 1, 3 “Hubege soaraM o Jesus”
2. Votum-Intro-Tangiang:
Agenda:
U: Marhitehite goar ni Debata Ama dohot goar ni AnakNa Tuhan Jesus
Kristus dohot goarni Tondi Parbadia. Amen.Tabereng ma induk ni
haporseaon i jala na paujunghonsa, ima Jesus na manaonhon parsilangon i,
singkat ni las ni roha tohapNa i hian, so dietong i hailaon, gabe hundul di
siamun ni habangsa ni Debata: Paingotingot hamu ma Ibana, na pataontaon
paraloan sisongon i dompak Ibana sian angka pardosa asa unang marnaloja
hamu, unang mandate tondimuna!
S: Haleluya....
U: Martangiang ma hita:
Ale Tuhan Debata, Amanami na di banua ginjang! Asi ma rohaM di hami
halak na gale on. Diida Ho nagogo do musunami, sai talu do hami dibahen,
ala ni hagaleonnami. Dibahen i, hupangido hami tu Ho: Sai pargogoi jala
pamonang ma hami maralohon musu i marhite panaonon ni Anak
haholongan ni rohaM, Tuhan Jesus Kristus. Amen
3. Marende: BE 83: 1 + 5
4. Manjaha
Tabege ma barita panaonon ni Tuhan Jesus andorang so sahat Ibana
tu hau pinarsilang i
U : Jadi diarahon Jesus ma nasampulu dua i, jala didok ma tu nasida: Na nangkok ma hita
tu Jerusalem, jala tulus ma tu Anak ni jolma i sasudena, na tarsurat di angka
panurirang i. Ai pasahaton ma Ibana tu angka parbegu, gabe insahanna, leaanna jala
tijuranna ma Ibana; dung i mulak mangolu ma Ibana di ari patoluhon. Alai ndang
diantusi nasida agia otik sian i; na buni do Hata i sian rohanasida, ndang diboto nasida
na hinatahonNa i.
S : Dung i dipansang angka Sintua ni malim dohot angka parise ma rapot
godang, didok nasida: Aha ma bahenonta? Ai lan do tanda dibahen
Halak i! Molo itapasombu Ibana, porsea ma halak saluhutna tu Ibana,
gabe ro ma halak Rom mangarampas tanonta dohot bangsonta.

9
 U : Alai hehe ma sada sian nasida, i ma si Kayapas, Sintua ni malim di
nasataon i, didok ma tu nasida:Nahurang roha do hamu! Ndang
dipingkiri rohamuna, denggan do mate sahalak humophop natorop i,
unang laho mago sandok bangso i.Alai ndang sian rohana sandiri
dihatahon i; ala Sintua ni malim Ibana di nasataon i umbahen na
disuriranghon, na naeng mate ma Jesus humophop bangso i.
S : Alai tahe, ndada holan laho humophop bangso i, alai naeng papunguonNa
angka anak ni Debata na marserak dope, laho pasadahon. Asa olat ni
sadari i martuptup ma nasida laho mamusa Ibana. Alai didok nasida
ma:Unang ma di pesta i so tung guntur natorop i!

5. Marende: BE 78: 3-4+8

6. Manjaha
U : Dung i onom ari nari asa dapot pesta Paska i, sahat ma Jesus tu huta Bethania, na ni
inganan ni si Lassarus, na sinunggul ni Jesus sian na mate. Jadi dipauli nasida ma disi
sipanganon ujuan di Ibana; si Marta do manghobasi, si Lasarus ma sada donganna
mangan disi. Gabe dibuat si Maria ma sahati miak nardus na arga, naso marsaor,
dimiahi ma pat ni Jesus, obukna do dibahen mangalapu.
S : Jadi digohi uap ni miak i ma bagas i. Jadi sada sian angka siseanNa, si Judas Iskariot na
naeng manjehehon Ibana mandok: Boasa so ginadis miak i arga tolu ratus hupang,
bahen silehon-lehon nian tu angka napogos?Alai ndada napogos sinarihonna. Umbahen
na didok Ibana songon i: panangko do ibana tahe,diusung do asiasi ni halak, ai tu ibana
do dipasahat puroi.
U : Dung i ninna Jesus ma:Pasombu ma Ibana, ai diparade do i hira tu ari hatatanomHi. Ai
tongtong do adong napogos di tonga-tonga muna, jala asal ma olo hamu, tarpatongon
hamu do na denggan tu nasida; Alai anggo Ahu ndang manongtong di hamuna. Intap
na tarbahensa do na niulana i; na manjoloani do ibana mamiahi pamatangHu songon
di na mananom.Situtu do hatangkon tu hamu: manang di dia di liat portibi on
dijamitahon muse Barita na Uli on, hatahononna do nang na binahenna i gabe
baritana.

7. Marende: BE 775: 1
8. Manjaha
U : Dung i torang ni arina i, dibege halak natorop naro tu pesta i, na naeng ro
ma Jesus tu Jerusalem, jadi dibuatnasida ma angka maremare laho
manomunomu Ibana huhut manjoujouhon:Hosianna! Pinasupasuma na
ro marhite goar ni Tuhan i, Raja ni Israel.

10
 S : Dung i dapot Jesus ma halode sada, i ma dihunduli hombar tu na
tarsurat:Unang ho mabiar ale boru Sion, ida ma: Rajam do na ro,
marsihundul di anak ni halode.
U : Jala halak parise deba sian natorop i mandok tu Ibana: Orai antong angka
siseanMi, Guru! Alai ninna ma mangalusi: Hudok ma di hamu, aut
mauhom nasida, manjoujou ma angka batu!
S : Alai dibongoti sibolis do si Judas na margoar Iskariot, sahalak sian
nasampuludua i. Gabe laho Ibana martuptup dohot angka Sintua ni malim
raphon angka panungganei, manang dia dalanna pasahathon Ibana tu
nasida.
U : Jadi sian las ni roha nasida, marpadan ma nasida mangalehon hepeng tu
Ibana. Di oloi si Judas ma i, jadi dilului ma tingki na une pasahathon
Jesus so sian pamotoan ni natorop i
S : Alai di ari parhobasan parjolo ni pesta Paska i, didapothon siseanNa ma
Jesus, angka ninna ma: Tu dia ma patureon nami di Ho panganon Paska i
dipangido rohaM? gabe didok ma: Laho ma hamu tu huta i manopot si
anu, dok hamu ma tu ibana: Tona ni Gurui; na dapot ne ma tingkingKu
di ho ma Ahu sorang, laho mangan Paska i rap dohot siseanKu.
U : Jadi saut ma disuru IbanasiseanNa dua halak jala didok ma tu nasida:
Molo laho hamu tu huta i, pajumpang ma hamu disi dohot sada halak na
mangusung aek sahudon, ibana ma ihuthon hamu! Tu ibana ma dok
hamu: Di dia do bilut inganan, asa disi hupangan hami Paska i? Jadi
patuduhononna ma tu hamu bilut parginjang sada, na lambas, na tipak
hinembangan, disi ma pature hamu di hita!Jadi borhat ma siseanNa,
dibongoti ma huta i, jadi jumpang nasida ma tutu songon na nidokNa i,
gabe dipature ma Paska i.Asa dung bot ari, ro ma Jesus dohot na sampulu
dua i.

9. Marende: BE 83: 1
U : Jadi di na mangan nasida, hehe ma Jesus sian na mangan i, ditanggal ma
ulosNa, dibuat ma basahan ditapolhon tu Ibana. Diusehon ma aek tu
sambong, dung i diburi ma pat ni angka siseanNa, diapusi ma dohot
basahanNa na tinapolhonNa i.
S : Dung i sahat ma Ibana tu si Simon Petrus, jadi didok ma mandok Ibana:
Tung Ho ma ale Tuhan, mamuri pathu? Dung i ninna Jesus ma mangalusi
Ibana, Ndang diantusi ho pambahenanKu na tu ho anggo nuaeng, muse

11
 pe botoonmu i. Dung i didok si Petrus ma tu Ibana:Matua tano on, ndang
burionMu pathu. Dung i ninna Jesus ma mangalusi ibana: Molo so
burionKu ho, ndang partohap ho di Ahu. Dung i ninna si Simon Petrus
ma: Ale Tuhan, unang ma holan pathu, dohot ma tangan dohot ulungku.
Gabe didok Jesus ma tu ibana, halak naung maridi i, ndang ingkon be
burion; ai nunga sude Ibana ias.
U : Naung ias do anggo hamu, alai ndang luhut hamu. Ai ditanda do sipasahat
Ibana, umbahen na didok: Ndang saluhut hamu ias. Asa dung diburi Jesus
pat nasida, dipangke ma muse ulosNa, hundul ma Ibana, didok ma tu
nasida: Ai diantusi hamu do pambahenanKi tu hamu? Digoar hamu do
Ahu Guru dohot Tuhan, jadi ture do pandokmu disi, ai i do Ahu tutu. Asa
molo Ahu Tuhan jala Guru muna mamuri patmuna, tama ma nang hamu
masiburian pat! Ai sitiruon do Hulehon tu hamu, asa dibahen hamu
songon naung Hubahen i tu hamu! Na tutu si tutu do na Hudok on tu
hamu: Ndang umbalga anak somang sian indukna, ndang sumurung
suruan sian na marsuru Ibana. Molo diboto hamu i, martua ma hamu
mangulahonsa.
S : Jadi di na mangan i nasida, ninna Jesus ma: Situtu do na Hudok on tu hamu: sada sian
hamu naeng pasahathon Ahu!Dung i marsak situtu ma nasida, gabe dipandok be ma tu
Ibana: Nda tung ahu i Tuhan? alai ninna ma mangalusi: Ia i na rap dohot Ahu
manurdukhon tanganna tu paringkauan, i do na pasahathon Ahu!

10. Marende: BE 179: 1 - 4

11. Manjaha
Tatangihon ma udut ni partinaonan ni Tuhan Jesus andorang so sahat
tu hau pinarsilang i.
U : Tong do nian ujung ni Anak ni Jolma i songon na tarsurat hian; alai marlea do halak na
pasahathon Anak ni Jolma i. Tagonan unang ma sanga tubu ibana tu hasiangan on. Alai
adong ma sada sian angka siseanNa i, na hundul jumonok tu Ibana, haholongan ni Jesus
i, i ma dihilap si Petrus, jadi ninna ma mandok ibana: sungkun ma, ise na nidokNa i.
S : Jadi dipajonok ma tu lambung ni Jesus mandok tu Ibana: Tuhan, ise i?Gabe dialusi
Jesus ma: Ia tusi Hulehon na santopik na husornophon on, i ma ibana. Jadi disornophon
ma santopik, dilehon ma tu si Judas Iskariot, anak ni si Simon. Jadi dung dibondut i,
dibongoti sibolis i ma ibana.
U : Dung i didok Jesus ma tu ibana: Humatop ma ula siulaonmu. Asa dung dijalo si Judas
na santopik i, pintor laho do ibana tu balian, alai borngin ma uju i.
Jadi di na mangan i nasida, dihindat Jesus ma roti, dipasupasu ma, diponggoli ma jala
diparlehon ma tu angka siseanNa, huhut ma didok: Jalo hamu, pangan hamu, dagingKu
do on.

12
 S : Dung i dihindat ma panginuman i, didok ma mauliate, dilehon ma tu
nasida, huhut ma didok: Sude hamu manginum sian i. Ai mudarHu do on,
mudar parpadanan i, na niusehon humophop torop, bahen hasesaan ni
dosa. Alai hudok ma tu hamu: Na so tupa be inumonKu olat ni on sian
parbue ni hau anggur i sahat ro di ari sogot; disi ma inumonKu na
imbaru rap dohot hamu di Harajaon ni Damang.
12. Marende : BE 179: 1 - 4
U : Jadi dung diendehon nasida ende pujipujian i, ruar ma nasida tu dolok
Jetun. Disi ma didok Jesus tu nasida: Saluhut do hamu naeng targasip
mida Ahu di na saborngin on. Ai na tarsurat do: Lombutanku ma
parmahan i, gabe marserak ma birubiru na sapunguan i. Alai ninna si
Petrus ma mangalusi Ibana: Agia sude nasida targasip mida Ho, anggo
ahu, naso tupa targasip.
S : Alai ninna Jesus ma mandok ibana: O Simon, Simon, nunga dipangido
sibolis naeng segeonna hamu songon dahanon. Alai Ahu do
manangianghon ho, unang mintop haporseaonmi. Jadi dung mulak sogot
roham, pargogoi ma roha ni angka haha-anggim!Alai ninna si Petrus ma
mandok Ibana: Tuhan, na hobas do ahu mandongani Ho tu hurungan, nang
tu hamatean pe!
U : Alai ninna Jesus ma: Hudok ma tu ho Petrus: Ndang martatahuak manuk
saborngin on, so jolo tolu hali soadahononmu na so tinandam Ahu.

13. Marende : BE 83: 1 + 4

U : Dung i sahat ma Jesus rap dohot nasida tu sada porlak, na margoar
Getsemane. Jadi didok ma tu angka siseanNa i: Hundul ma hamu jolo
dison saleleng disan Ahu martangiang. Dung i ditogihon ma si Petrus
dohot anak ni si Sebedeus na dua i, dung i gabe marsak situtu ma Ibana
jala bobonosan. Jadi didok ma tu nasida: Mansai marsak situtu do
rohangKu, hira na mate do. Dison ma hamu dungo rap dohot Ahu.
S : Dung i laho ma Ibana saotik tu jolo, dipatungkap ma bohiNa tu tano
martangiang, ninna ma: Ale Amang, namun na tarbahen, salpuhon ma
siinumon on sian Ahu! Alai tahe, unang marguru tu rohangKu, rohaM do.
Dung i mulak ma Ibana tu angka siseanNa, jala tarpodom nasida didapot,
jadi didok Jesus: Ndang margogo hamu hape dungo rap dohot Ahu
nanggo sangombas!Dungo ma hamu jala martangiang, asa unang hamu

13
 bongot tu pangunjunan, ai na girgir do nian tondi i, alai gale do ia
daging.
14. Marende: BE 408:1-3
U : Dung i laho ma Ibana paduahalihon martangiang, ninna ma: Ale Amang,
molo so tarbahen salpu on, nda ingkon Huinum, sai saut ma lomo ni
rohaM!. Dung i di na ro Ibana, tarpodom muse ma siseanNa i didapot, ai
mansai dokdok do salibon nasida. Jadi ditadingkon ma laho martangiang
patoluhalihon mandok hata ondeng. Dung i didapothon ma muse angka
siseanNa i. Jadi didok ma tu nasida: Datdatan muna dope modom dohot
maradian? Nunga dapot tingkina nuaeng, sahat ma Anak ni Jolma i tu
tangan ni pardosa. Hehe ma hamu, laho ma hita! Ndi, nunga ro na
pasahathon Ahu.
S : Alai diboto si Judas parjehe i do inganan i, ai jotjot do marpungu Jesus tu
si dohot angka siseanNa. Ia si Judas, diarahon ma angka soldadu dohot
angka naposo ni Sintua ni malim, didapothon ma tusi mantat sulusulu,
palito dohot sinjata.
U : Diboto Jesus do saluhut na naeng songgop tu Ibana, jala ruar ma Ibana,
didok ma tu nasida: Ise do na jinalahanmu? Gabe ninna nasida ma
mangalusi Ibana: Jesus halak Nasaret i do! Dung i ninna Jesus ma mandok
nasida: Ahu do i!Alai dohot do si Judas siparjehe i jongjong di lambung
nasida. Asa dung didok tu nasida: Ahu do i, sumurut ma nasida, angka
martinggangan ma tu tano.
S : Dung i diulahi ma manungkun nasida: Ise do na niluluan muna?Jadi didok
nasida ma: Jesus halak Nasaret i do! Dung i ninna Jesus ma mangalusi
nasida: Nunga Hupaboa tu hamu, Ahu do i. Asa molo Ahu dilului hamu,
loas ma laho angka on! Ai naeng jumpang na nidokNa i: Ndang adong na
mago Hubahen agia sada sian angka na nilehonMi tu Ahu.
Alai nunga dipabotohon parjehe i hian partinandaan tu nasida ai didok do:
"Ia i na huumma, Ibana ma i. I ma tangkup hamu!"
U : Asa pintor didapothon ma Jesus, didok ma: "Tabi di Ho Guru! laos
diumma".Alai ninna Jesus ma mandok ibana: Marhua ho tuson,Anggia? O
Judas pangummaon do hape dibahen ho pasahathon Anak ni jolma i.
Dung i ro ma nasida, dilaluhon ma tangan nasida tu Jesus manangkup
Ibana.
15. Marende: BE 180: 1 - 4

14
U : Dung i adong ma sada sian angka dongan ni Jesus mangalaluhon tanganna,
disintak ma podangna, ditampulhon ma tu sahalak naposo ni Sintua ni
malim i, dipisikhon ma pinggolna.
S : Jadi didok Jesus ma tu Ibana: Pasarung podangmi, ai na manintak
podang, mago ma bahenon ni podang! Ai na so tarbahen Ahu do di roham
mangido sian Damang, asa dipadiri di Ahu saonari lobi sian sampulu dua
loksa surusuruan ? Alai songon dia ma disi saut hata ni surat i na
mandok: Ingkon masa do na songon i! uju i ma didok Jesus tu angka
natorop i: Hira na dompak panamun do hamu hehe, marpodang jala
marlombut-lombut manangkup Ahu.Ariari do Ahu nian hundul mangajari
di Bagasjoro, so adong ditangkup hamu Ahu. Alai na masa do sudena on,
asa jumpang hata ni angka Panurirang i. Dung i ditadinghon saluhut
sisean i ma Ibana laho marporus.
U : Dung i ditangkup angka soldadu dohot induknasida ro di angka naposo ni
Jahudi ma Jesus jala diihoti, jala ditogihon ma Ibana jumolo tu si Hannas, i
ma simatua ni si Kayapas, Sintua ni malim di na sataon i.I ma si Kayapas
naung mandok tu angka Jahudi: "Dengganan do mate sahalak humophop
bangso".
S : Alai diihuthon si Simon Petrus dohot sisean na sada nari ma Jesus. Na
masitandaan do sisean na sada i dohot Sintua ni malim i, jadi bongot ma
Ibana rap dohot Jesus tu alaman ni malim i.

16. Marende: BE 718: 1-2+4 (Pelean)

Tatangihon ma udut ni partinaonan ni Tuhan Jesus andorang so sahat

tu hau pinarsilang i.
U : Alai disungkun Sintua ni malim i ma Jesus taringot tu angka siseanNa
dohot taringot tu podaNa i. Jadi dialusi Jesus ma ibana ninna ma:Patar do
HatangKi di hatoropan. Na tongtong do Ahu mangajari na sailaon di
bagasan parguruan nang di bagas Joro pe, parpunguan ni saluhutna
halak Jahudi. Ndang adong manang aha huhatahon marsibuni. Boasa Ahu
disungkun ho? Nasida naung umbege hatangKi, i ma sungkun! Ai diboto
nasida do na Huhatahon i. Dung didok Jesus songon i, dipastap sada
oppas na jongjong disi ma Ibana, huhut ma didok; songon i pangalusiM tu
Sintua ni malim i?

15
S : Dung i ninna Jesus ma mangalusi ibana: Ia na hurang na Hudok,
hajongjonghon na hurang, alai anggo na hona do, boasa pastaponmu
Ahu?
Asa disuru si Hannas ma Ibana naung tinali i tu Sintua ni malim si
Kayapas, disi do marpungu angka siboto surat dohot Sintua ni natorop.
Alai sai mangihut do si Petrus mandaodao sahat ro di alaman ni Sintua ni
malim i. Laos bongot ma Ibana tu bagasan, laho hundul tu si rap dohot
angka naposo marnida ujungna. Alai anggo angka Sintua ni malim ro di
sandok rapot godang i, mangalului panindangion gapgap dompak Jesus, na
tuk mambahen Ibana marutang hosa.
U : Alai parpudi ro ma dua halak, ninna ma:Didok Halak on: Tarbahen Ahu
do mangalohai Joro ni Debata jala pajongjongonNa i sumuang di
bagasan tolu ari. Dung i hehe ma Sintua ni malim i, mandok tu Ibana:
Ndang alusanMu na hinatindanghon ni nasida dompak Ho? Alai sai hohom
do anggo Jesus.

S : Dung i dipanghulingi Sintua ni malim i ma Ibana ninna: Hupatolon ma Ho

tu Debata Siparngolu i, asa dipaboa Ho tu hami manang na tutu Ho
Kristus, Anak ni Debata! Dung i didok Jesus ma tu ibana: Songon na
nidokmi ma tutu! Alai Hudok ma tu hamu: Olat ni on ma idaonmuna Anak
ni Jolma i hundul di siamun ni hagoon jala ro di atas ombun ni langit.
U : Gabe diribakhon Sintua ni malim ma paheanna mandok: Na mangaleai
Debata do Ibana. Pola luluan dope sitindangi? Nunga dibege hamu
pangaleaionNa i! Beha do di rohamu? Dung i ninna nasida ma mangalusi:
Marutang hosa ma Ibana! jadi ditijuri nasida ma bohiNa, na deba
manompuk, na deba mangalinsingi huhut mandok: Surirangi hami,
Kristus, ise do na mamunu Ho?
S : Alai na hundul do anggo si Petrus di alaman i, jadi didapothon sada
parompuan ma ibana mandok:Dohot do ho dongan ni Jesus na sian Galilea
i?
Alai diporso si Petrus do, didok ma: Ndang adong huboto, jala ndang
huantusi na nidokmi!Laos ruar ma ibana tu alaman jolojolo, jala martahuak
ma manuk.
U : Alai marnida ibana, diulahi naposo boruboru i ma mandok tu angka na
jongjong disi. On do sada sian nasida. Alai mamorso muse anggo Ibana.
Jadi dung satongkin nari, didok angka na jongjong na disi ma muse
mandok si Petrus: Atehe tongon do ho dongan nasida, ai halak Galilea do
16
 ho.Gabe dipungka si Petrus ma mambuburahon dirina huhut manolon-
nolon didok ma: Ndang hutanda jolma na nidokmuna i! Dung i mamintor
martahuak ma manuk paduahalihon.
S : Jadi diingot si Petrus ma na nidok ni Jesus i tu ibana:Tolu hali do
soadahononmu Ahu, andorang so martahuak manuk paduahalihon. Jadi
marningot i, tumatangis ma ibana.
Jadi dung diida si Judas Iskariot parjehe i, na naeng hona uhum nama
Jesus, disolsoli ma rohana, dipaulak ma na tolupulu rupia i tu angka Sintua
ni malim dohot tu Sintua ni bangso i, ninna ma: Sala do ahu, hujehehon do
hape na so marpipot! alai didok nasida ma: Ndang ro di hami i! Ho do na
sari disi. Jadi ditimpalhon ma perak i tu bagasan joro i, laos sumurut sian i
laho maningkot.
U : Alai dibuat Sintua ni malim ma hepeng i, ninna ma: Ndang jadi padomuon
i tu arta ni Joro, ai tuhor ni mudar do i!Jadi mardos ni roha ma nasida
manuhorhonsa tu ladang ni pande hudon, bahen parbandaan ni halak
dagang. Alai ni i do umbahen margoar i, Ladang Mudar ro di sadari on.

1. Marende:BE 83: 1 + 5
U : Asa ditogihon nasida ma Jesus sian jolo ni si Kayapas tu kantor. Alai sogot
ma manogot i. Ndang na bongot anggo nasida tu kantor asa unang
tarsubang nasida laho manganhon Paska i. Gabe ruar ma si Latus
mandapothon nasida, didok ma: Pangaluan dia do diboan hamu dompak
Halak on? Dung i, ninna nasida ma mangalusi: Aut unang so sibahen na
jahat Halak on, ndang tagamon pasahaton nami Ibana tu ho. Gabe ninna si
Latus ma mandok nasida: Boan hamu ma Ibana, uhum hamu ma Ibana
marguru tu adat muna. Alai ninna angka Jahudi ma mandok Ibana: Ndang
jadi pusaonnami manang ise, jadi dialuhon nasida ma Ibana, ninna: Na
dapot hami do On pabalik-balikhon bangsonami jala mangorai
mangalehon guguan tu Kesar di pandok: Raja, Kristus do Ibana.
S : Jadi dibongoti si Latus ma muse kantorna dijou ma Jesus, didok ma tu
Ibana: Atehe, Ho do Raja ni Jahudi? ro ma alus ni Jesus:Na sian roham do
na nidokmi manang na nidok ni halak do i tu ho taringot tu Ahu? Gabe
dialusi si Latus ma: ai halak Jahudi do ahu! bangsomi dohot angka Sintua
ni malim i do pasahathon Ho tu ahu, aha do na binahenMu?
U : Jadi dialusi Jesus ma: Ndang sian portibi on HarajaonKu, ndang tarbahen
so mangalo angka naposongKu asa unang sahat Ahu tu tangan ni angka

17
 Jahudi. Alai ndang songon i harajaonKi. Dungi ninna si Latus ma mandok
Ibana: Asa raja do Ho? Jadi ninna Jesus ma mangalusi: Songon na nidokmi
ma tutu. Raja do Ahu: Umbahen na tubu Ahu jala umbahen na ro Ahu tu
portibi on, asa Huhatindanghon hasintongan i. Ganup na sian
hasintongan i, tangihonon ni i do soarangKu. Jadi ninna si Latus ma
mandok Ibana: "Aha ma i hasintongan i?"Jadi dung didok songon i, ruar
ma Ibana muse manopot angka Jahudi mandok tu nasida: Ndang jumpang
ahu manang dia salaNa.
S : Alai lam digogohon nasida ma mandok: Digunturi Ibana do bangso i, ai
mangajari do Ibana di sandok tano Judea mamungka sian Galilea sahat ro
tuson. Alai umbege i si Latus, manungkun ma ibana, manang na halak
Galilea Jesus. Jala dung diboto na sian gomgoman ni si Herodes Ibana,
disuru ma Ibana tu jolo ni si Herodes, ai tongon do Ibana di huta Jerusalem
uju i. Marnida Jesus i si Herodes, las situtu ma rohana; ai nunga nania
lelengna, sai naeng idaonna tanda sian Ibana sipatupaonNa. Jadi godang
ma disungkunhon tu Ibana; alai ndang dialusi Jesus Ibana. Di si do angka
Sintua ni malim ro di sibotosurat, jala gogo-gogo do Ibana dialuhon. Ia si
Herodes rap dohot donganna, direherehei jala dilealeai do Ibana,
disolukhon ma pahean na arga tu Ibana, laos songon i ma disuru Ibana
mulak tu si Latus. Jadi di na sadari i ma maraleale si Herodes dohot si
Latus, ai na masihosoman do nasida anggo na sailaon.

2. Marende:BE 775: 1
U : Alai peam do dipalua panguhum i di Pesta i sada halak na tarhurung,
marguru tu na tinodo ni natorop. Alai adong ma tarhurung uju i sada
parjahat na sumalin na margoar si Barabbas. Jadi di na pungu i nasida,
didok si Latus ma tu nasida: Ise do dipangido hamu paluaonku, si
Barabbas manang Jesus na targoar Kristus i do? Ai diboto do, late ni roha
nasida do umbahen na dipasahat nasida Ibana. Alai sai disosoi angka
Sintua ni malim rap dohot Sintua ni bangso i do natorop i, asa dipangido
nasida malua si Barabbas, alai pusaon do anggo Jesus. Dung i ninna
panguhum i ma mandok nasida: Ise sian na dua i dipangido hamu
paluaonku? Jadi didok nasida ma: si Barabbas, dung i didok si Latus ma tu
nasida:antong aha ma bahenonku tu Jesus, na targoar Kristus i?

18
S : Gabe saluhutna nasida mandok:Parsilanghon ma!Alai ninna panguhum i
ma:Ai aha ma najahat dibahen? Jadi lam gogo ma dipanjouhon:
Parsilanghon ma!
Dung i ditogu si Latus ma Jesus, didokhon ma linsingan, jadi di dandani
soldadu ma sungsang duri bahen tumpal, diampehon ma i tu uluNa; baju
dapdap ma dialithon tu dagingNa. Dung i ro ma nasida tu joloNa mandok:
Tabi di Ho, ale Raja ni Jahudi! laos dipastapi ma Ibana.
U : Dung i ruar ma muse si Latus, didok ma tu angka Jahudi: Ida hamu ma,
hutogihon do Ibana tu jolomuna asa diboto hamu na so adong jumpang ahu
salaNa. Laos ruar ma Jesus manjujung sungsang duri jala marbaju dapdap.

3. Marende: BE 81: 1+2+4

U : Jadi didok si Latus ma tu nasida: Ida hamu ma jolma i? Asa dung di ida
Sintua ni malim dohot angka naposo Ibana, dijouhon nasida ma:
Parsilanghon, parsilanghon ma Ibana! Dung i didok si Latus ma tu
nasida: Boan hamu ma Ibana, parsilanghon hamu ma; ai dang jumpang
ahu salaNa. Gabe dialusi angka Jahudi ma Ibana ninna ma: Marguru tu
patik nami, ingkon marutang hosa Ibana dibahen do diriNa Anak ni
Debata. Umbege i si Latus lam ganda ma biarna. Dung i diulahi muse tu
kantorna, didok ma tu Jesus: Sian dia do Ho? Alai ndang dialusi Jesus
Ibana.
S : Dung i didok si Latus ma tu Ibana: Ndang angkupanMu ahu manghatai?
Ndang diboto Ho, marhuaso do ahu paluahon Ho jala marhuaso
parsilanghon Ho? Jadi dialusi Jesus ma: Ndang adong huasom mangago
Ahu, aut unang dilehon i tu ho sian ginjang. Dibahen i gumodang do dosa
ni na pasahathon Ahu tu ho. Jadi olat ni i ma dilului si Latus dalan
paluahon Ibana.
U : Alai manjujui ma angka Jahudi, ninna do: Molo dipalua Ho do on, ndang
aleale ni Kesar ho! Ai namangalo Kesar, i do ganup na mambahen dirina
gabe Raja. Asa dung dibege si Latus hata i. Ditogihon ma Jesus haruar,
laos hundul Ibana di habangsa paruhuman i, na di inganan na
margoar:Pantar Batu, (Gabbata didok anggo di hata Heber). Ima na masa
di ari parhobasan Paska i, mareak hos ni ari. Dung i didok ma tu angka
Jahudi:Ida hamu ma Rajamuna!
S : Alai digogohon nasida manjouhon: Padao, padao ma i, parsilanghon ma
Ibana!Dung i didok si Latus ma tu nasida: Parsilanghononku ma

19
 Rajamuna? Jadi dialusi angka Sintua ni malim i ma: ndang adong Raja
nami dungkon ni Kesar i!
U : Asa dung di ida si Latus, na so marguna hatana, lam ganda tahe gaorna,
dibuat ma aek mamuri tangnanna di jolo ni natorop i, huhut mandok:Lias
do ahu sian mudar ni On! Hamu do na sari disi! Dung i ninna sude
natorop i ma:Marsapata tu hami dohot tu ianakhon nami ma mudarNa i.
Dung i saut ma dipalua si Barabbas. Alai anggo Jesus dilinsingi, dung i
dipasahat ma, asa diparsilanghon.

4. Marende: BE 412: 1 – 2

5. Jamita: 1 Petrus 1: 18-19

1. Di hita saluhutna dongan sahaporseaon! Tangkas do tutu

tapaihutihut songon dia pardalanan ni Jesus di bagasan ngoluna.
Marhite angka liturgi minggu ni hurianta tarida do disi pardalan
ni Tuhan Jesus mulai sain na paimaimahon sahat tu na manaek tu
banua ginjang. Di papatar do hadirionNa gabe sipalua tu
portibion. Hapapatar ni hadirionNa i ma marhite angka ulaonNa
dohot angka pambahenanNa. Angka dia pambahenan ni Tuhan i
uju di ngoluna? Boi do taida i, isarana: angka tanda hlongangan
na pinatupa dohot pangajarionNa tu angka jolma natorop i. Di jou
do angka sisean i asa dohot laho pasahathon missi di barita na uli
tu saluhut jolma. Sada sian sisean i, i ma si Simon Petrus na
mamboan barita na uli i tu angka na paisolat, naung tarpillit, na
marserak di Pontus, Galatia, Kappadosia, Asia dohot Betania (1
Petrus 1: 1). Di pasahat barita i asa patoguhon haporseaon nasida
dohot hadirionna angka na paisolat. Naeng mardalan nasida di
bagasan lomo ni roha ni Tuhan i, asa gabe anak na hinalomohon
ni Debata nasida.
2. Marhite turpuk on di paboa do tu jolma i, paboa ndada ala ni sere
manang perak na olo buru i , umbaen malua nasida sian adat na so
marniula, na tineanna sian angka amana. Alai marhite mudar ni
Kristus, na songon birubiru na so hasurahan, na so marlindang.
Molo masa pe di nasida paluahon angka na di taban marhite sere
manang perak, tarlumobi ma di halak Yunani dohot Jahudi na
20
 somal paluahon jolma marhite sere dohot perak, tarsongon na
masa isarana na taida marhite si jusuf na di gadis tu si potifar.
Alai ndang tudos tu songoni napinatuduhon ni turpuk on, lobi sian
i naeng dohononna marhite turpuk on. Anggo sere dohot perak na
laho buruk do i, alai ummarga sian i haluaon na pinatipa ni Jesus,
i ma marhite mudarna na durus di hau pinarsilang i. Tung mansai
tangkas do holong ni roha ni Debata tu portibion songon na ni dok
di Yoh. 3: 16; ai songonon do holong ni roha ni Debata di
portibion, pola do AnakNa nasasada i di lehon, asa unang mago
ganup na porsea di Ibana, asa hangoluan na salelenglelengna di
Ibana. Haluaon na pinatupa tu jolma i nunga di taringoti i sian
angka panurirang na parjolo. Ala ni i ma ingkon tulus do sangkap
haluaon i marhite hamamate ni Tuhan i di hau pinorsilang.
3. Di hita saluhutna angka dongan sahaporseaon! tangkas do taida
na olo Tuhan i marumari dirina (Knosis) jala gabe disolukkon
rupa hatoban asa rumang jolma dapot di Ibana (Pilippi 2: 7).
Dipatutoru do diriNa gabe pangoloi, pola tung mate tarsilang. Ala
ni ma naeng tangkas tutu panandaonta di Tuhan Jesus si palua i.
Molo arga hita di tobus Tuhan i, naeng ma lam marsitutu jala lam
gigir tondinta mamuji dohot pasangaphon Tuhan i, marhitehite
parsoaranta na rosu dohot Tuhan i. Molo taadopi pe hamaolon di
tongatonga ni negaranta on, isarana na maol pajongjonghon huria
di inganan ni angka na so adong roha namasijanghonan
(Intoleran). Pos ma rohanta, molo naung sangkambona do hita
dohot Tuhan i, dapotan tua do hita molo dinsahi manang direhei
ala ni na manghatindanghon Tuhan i
4. Marhite haluaon na pinatupa ni Tuhan i ringkot situtu do tungki
simajujungta huhut marlobok tarontokta marnida angka
pambahenanta di bagasan ngolunta. Godang na i ariarinta
ambolong tu angka ulaon na so denggan. Mangulahon angka na
roa manundalhon Tuhan i. Ala ni ingkon mulak ma hita
maninggalhon dalan haliluon i tu dalan hasintongan ni Tuhan i
5. Marhite Passion keluarga na tapatupa ala ni virus civd 19 on
sotung mandele hita. Ingkon lam marsitutu do hita di bagasan
keluarga i asa pasahathon panghirimonta marhite haporseaon
dohot benget ni roha di haluaon sain na masa na taadopi on. Molo

21
 tapature do parsaoranta dohot Tuhan i, jala olo hita mangulahon
dalan lomo ni rohaNa, dapotan las ni roha marhite haluaon i do
hita. Ala ni naeng saluhut mamangke bisuk dibagsan parange na
denggan. Didok hata ni Tuhanta poda 3:5-6. Marhaposan tu
Jahowa ma ho sian nasa roham, jala unang marpangunsandean ho
tu pingkiranmu sandiri. Sai Ibana ma tanda di nasa dalanmu, asa
Ibana patigor angka dalanmu. Bungku endenta 763 i mangalehon
tu hita pos ni roha: molo Jesus donganmi las roham, Jesus i
pangurupim las roham. Hot haporseaonmi dohot pos ni rohami,
mardonganhon Jesus i las roham. Amen

6. Marende: BE 718: 1-4 (Pelean)

7. Panutup: Tangiang & Pasupasu

22