I.

PARHOBASON
 Parhalado rap martangiang di Bilut Parhobasan (Konsistori)
 Prosesi sian konsistori tu Gareja
 II.  PARMINGGUON
01.   PASAHAT SELAMAT NATAL
Dung simpul Parhalado martangiang di bilut parhobasan, udur ma nasida jongjong di
langgatan pasahat  “Selamat Ari Natal”  tu ruas ni huria
Pdt      : Hamu dongan sahaporseaon, di ari Natal on marpungu do saluhut angka na porsea di
sandok portibi on, manghamauliatehon balga ni asi ni roha ni Debata, na manongos AnakNa
na sasada i, gabe haluaon di sandok isi ni portibion. Antong, hami Parhalado ni hurianta,
pasahathon hata Selamat Ari Natal  ma tu hamu saluhutna ruas ni huria.
J  :  S’lamat Ari Natal ma nang di hamu angka parhalado ni Tuhan i! Didongani jala diurupi
Tuhan i ma hamu manjanghon jala mangoloi Sipalua i, marhitehite asi dohot holong ni roha
ni Debata dohot pangaramotion ni Tondi Parbadia”.
Pdt                      :  Manghalashon ari na uli,  ima Pesta Parningotan Hatutubu ni Tuhanta
Jesus Kristus sadari on, marsihorasan jala marsijalangan ma hita di bagasan dame, huhut
pasahathon Selamat Ari Natal, laos taendehon ma “Nunga Jumpang Muse Ari Pesta i”
~ ~  sude ruas marsijalangan laos mangendehon Nunga jumpang muse ari
pestai  (Mulak ma Parhalado tu ingananna)—
J     :  Mangendehon BE. 57“Nunga Jumpang Muse”  BL.202
         Nunga jumpang muse ari Pesta i, hatutubu ni Tuhanta Jesus i.
         Tuat do Ibana sian Surgo i, mebat tu hita on.
         Hasangapon di Debata, dame, dame ma di jolma,
         Las ni roha ni Debata hajolmaon muse.
02. JOUJOU MARSOMBA TU DEBATA  
L :  Hamu angka dongan sahaporseaon! Ungkap ma roham, parade ma dirim laho
manjanghon Sipalua i di bagasan ngolum. Ai Pardenggan basa do Jahowa jala Parasi roha,
tung so tartimbang do holong ni rohaNa. Dilehon do AnakNa na sasada i tu hita, humongkop
hita sian dosa dohot hamatean. Alani, endehon ma ende na imbaru laho manjangkon hatutubu
ni Tuhanta Jesus Kristus.
J  :  Haleluya ! Mariaia do tondingku mida Debata, Sipalua ahu…
L :  Nunga jumpang muse ari Pesta i, Hatutubu ni Tuhanta Jesus. Marlas ni roha ma hita jala
marolopolop manjangkon hatutubuNa i. Ibana naung tuat sian Surgo mebat tu hita on
mamboan dame dohot las ni roha tu saluhut hajolmaon. Tajanghon ma Ibana marhite ende
pujipujian sian BE. 57  “Nunga Jumpang Muse Ari Pesta i”.
J  :  Mangendehon BE. 57“Nunga Jumpang Muse” 
      Beta ale dongan, tu Betlehem i, itasomba ma Dakdanak na disi,
      Na tinongos ni Parasiroha i, Debata  Ama i !
      Hasangapon di Debata, dame, dame ma di jolma,
      Las ni roha ni Debata hajolmaon muse.
~~~J o n g j o n g~~~
      Sombanami ma di Ho, na tubu on, Ho siboan dame tu portibi on !
      Sai pasaorhon ma tu rohanami on dameMi, o Jesus !
      Hasangapon di Debata, dame, dame ma di jolma,
      Las ni roha ni Debata hajolmaon muse.
02.      VOTUM-INTROITUS-TANGIANG
L :  Marhitehite goar ni Debata Ama dohot goar ni AnakNa Tuhan Jesus Kristus dohot goar
ni Tondi Parbadia na tumompa langit dohot tano on.
J  :  AMEN
L :  Nunga tubu di hita sada posoposo, dilehon tu hita sada Anak, pampe tu abaraNa do sogot
harajaon, jala bahenonNa GoarNa; Sipartahi halongangan, Ulubalang ni Debata Ama,
saleleng ni lelengna, Raja ni Hadameon.
J  :  Endehon hamu sada ende na imbaru di Jahowa, endehon ma Jahowa, ale sandok tano
on.
L :  Pajojor hamu ma di tongatonga ni angka sipelebegu hamuliaonNa i, di tongatonga ni
saluhut bangso halongangan, angka na binahenNa i. Marsomba ma hamu tu Jahowa
marpahean na marhadohoan, angka hitir ma hamu maradophon Ibana, ale isi ni sandok tano
on. Haleluya.
J  :  (mangendehon) Haleluya…Haleluya…Haleluya
L :  Martangiang ma hita: Ale Amanami, ama ni Tuhan Jesus Kristus Tuhannami, na tubu di
huta Betlehem. Sai pinuji ma goarMu na badia i, ala naung ditingkir Ho hami bangsoM.
Ditogutogu Ho do hami sian haholomon tu hatiuron jala dipadomu Ho do hami na holang
hian sian Ho, gabe saor muse dohot Ho. Gok halalas ni roha do hami ala ni i. Sai jalo ma
hamauliateon ni rohanami, naung tinopotMu marhitehite AnakMi. Amen.
(hundul)
04.      Marende BE.62:4+5  “Halalas ni roha godang”        BL.172        
Sai sondangi ma rohangku, ale Tuhan Jesus i
      Asa dohot au maruli di hatutubuMi
      Hasangapon di Debata, laos dame, dame, dame ma di jolma
      Lomo ni roha ni Debata do hita jolma on
Halalas ni roha godang sai songgopi rohangki
      Asa dohot au ummalo, mamuji goarMi
      Hasangapon di Debata…d.u.
05.      MANJAHA PATIK
L :  Patik di hita di Pesta Parjolo Parningotan Ari Hatutubu ni Jesus Kristus, tarsurat di Rom
6:12-13, songon on ma didok disi: Antong, unang ma dosa i mangarajai di bagasan
dagingmuna na olo mate i, mangoloi hisapna! Jala unang ma pasahat hamu angka ruasmuna
tu dosa i, bahen sinjata ni hajahaton; tu Debata ma tahe pasahat hamu dirimuna songon angka
naung pinangolu sian na mate; songon i nang ruasmuna, tu Debata ma i, bahen sinjata ni
hatigoran!
      Rap mangido gogo ma hita sian Tuhan Debata laho mangulahon na hombar tu patikNa i.
J  :  ALE TUHAN DEBATA SAI PARGOGOI MA HAMI MANGULAHON NA HOMBAR
TU PATIK-MI. AMEN
06.           Marende BE.608:3+4   “O Betlehem na metmet i”              
Hohom so pamotoan do saut bagabaga i
      Sian banua ginjang ro Kristus Tuhanta i
      Portibion ramun do binaen ni dosa i
      Tu angka na manjangkon do ro Sipalua i
                              (jongjong)
O Anak na badia i, ro Ho tu hami be
      Bongoti daging tondi i, parbadiai sude
      Barita na ummuli, hutangi hami be
      Sorang ma Ho dingolungki, Ale Immanuel
07.           MANOPOTI DOSA DOHOT BAGA-BAGA HASESAAN NI DOSA
L :  Tapaunduk ma rohanta tu adopan ni Debata laho manopoti dosanta.
      Martangiang ma hita: Ale Tuhan Debata, Amanami marhitehite AnakMu, Tuhan Jesus
Kristus naung ro manopot hami jolma pardosa tu portibi on. Na ro do hami nuaeng tu
adopanMu manolsoli dohot manopoti dosanami na godang i. Na jotjot do huarsahi hami Ho
marhitehite hata dohot pambahenannami na so tama. Tama situtu do hami hona uhumMu ala
ni angka dosanami i. Na ro do hami nuaeng tu joloM mangasahon asi ni rohaM mangido tu
Ho: sai unang paingotingot angka dosanami, sai salpuhon ma saluhut dosanami i sian rohaM.
J  :  (mangendehon) BE.86:3      ”Batu mamak di au on”        BL.67
Ro do au nuaeng tu Ho sai palambas ma rohaM
      Nunga pola mate Ho, ala asi ni rohaM
      Jangkon au na dangol on, sai ulosi tondingkon
L :  Ale Tuhan Debata, Parasi roha jala Partalup ni roha. Di pardalanan ni ngolunami tung
jotjot do huhalupahon hami mangasahon hagogoon dohot huasoM, dirinami sandiri do sai
hupangasahon hami. Gabe jotjot do hami madabu tu ngolu na marungutungut molo so dapot
na tinembak ni rohanami jala molo masa tu hami parungkilon dohot sitaonon gabe madabu do
hami tu pandelean. Ale Tuhan asi ma rohaM di hami na dangol on, sai marpangulahi ma
roham di hagaleonnami.
J  :  (mangendehon) BE.86:4      ”Batu mamak…”        BL.67
Dosa patundukhon au, Ho ma mangondihon au
      Ramun situtu do au, mudarMi mamuri au
      Na pogos, dangol au on, Ho ma artangki tongtong
L :  Ale Tuhan Debata, Pargogo na so hatudosan, Amanami situtu di bagasan AnakMu,
Tuhan Jesus Kristus. Nunga dipatuduhon Ho holong ni rohaM na so hadodoan i tu hami
pardosa marhitehite na disuru Ho AnakMu, Tuhan Jesus Kristus tu portibi on. Hape tung
jotjot situtu do hami ndang manghamauliatehon holong ni rohaMi marhitehite pambahenan di
ngolu siganup ari. Ndang gabe habaoran ni pasupasuM hami tu dongannami jolma, ndang
huhaholongi hami dongannami doshon dirinami. Ale Tuhan sai sundati ma torutoruM asa
unang mangonai be tu hami. Sai lehon ma di hami partingkian paubahon roha jala sai
pargogoi ma hami mangulahon na hombar tu lomo ni rohaM saleleng ni portibi on do pe
hami. Ale Tuhan sai asi ma rohaM di hami, tangihon ma tangiangnami on holan ala ni
AnakMu, Tuhan Jesus Kristus, Tuhannami. Amen.
(martangiang na hohom – manghuling musik sian BE.686 sa-ayat)
L :  Tabege ma bagabaga ni Debata taringot tu hasesan ni dosanta: Songon sintong na
mangolu Ahu, ninna Tuhan Jahowa, tung na so lomo do rohangKu mida hamatean ni
parjahat, na lomo do rohangKu mida hamumulak ni parjahat i, tumadingkon dalanna, asa
mangolu ibana.
      Hasangapon ma di Debata na di ginjang.
J  :  AMEN                                                                                     (hundul)
08.           Koor:
09.           Marende BE.53:5+6           “Di Betlehem do tubu”                BL.51
Partohap di dagingku, Ho, Debata hian
      Tu Ho naeng au mardomu, Ho artangki hian
      Olo, olo, Ho artangki hian
Sai unang sirang hita momosi ihot i
      Di holong ni rohanta, O Jesus Tuhanhi
      Sai tong, sai tong di Ho ma rohangki
 10.           EPISTEL: MIKA 5:1-5
L :  Turpuk epistel di hita di Pesta Parjolo Parningotan Ari Hatutubu ni Tuhan Jesus, tarsurat
di Mika 5: 1 – 5, tajaha ma marsoringsoring:
      Alai anggo ho, ale Betlehem Eprata, mametmethu do ho nian anggo tung pola jujuron tu
angka huta marriburibu di Juda; hape sian ho do haroroan ni na gabe panggomgomi di Israel,
jala angka haroroanna sian na nahinan, sian angka ari na robi salelenglelengna.
J  :  Dibahen i pasahatonna ma nasida sahat ro  di tingki pangintubuan ni na manubuhon,
jala  mulak pasipasi ni angka hahaanggina tu angka anak ni Israel.
L :  Alai jongjong anggo ibana, jala  marmahan mangasahon gogo ni Jahowa, marhitehite
hamuliaon ni goar ni Jahowa Debatana; jadi maringan ma nasida, ai timbul ma ibana disi ro
di angka ujung ni tano on.
J  :  Jala  ibana gabe hadameon; molo naeng ro Assur tu tanonta, molo naeng luntahonna
bagasta angka na bolon i, jadi patindangonta ma mangalo ibana pitu parmahan dohot ualu
induk ni jolma.
L :  Jadi suda gagatonnasida tano Assur marhitehite podang dohot tano ni si Nimrod di
bagasan harbanganna. Jadi ibana ma paluahon hita sian Assur molo ro naeng sumola tanonta,
jala naeng degeonna partalpahanta.
      Martua ma na tumangihon Hata ni Debata jala na umpeopsa.
J  :  AMEN
12.           Koor:
13.           Marende BE.614:3           “Ro ma Ho  tu au”              
Ende ni suruan pardisurgo I, Binege ni parmahan di ladang i
      Nunga tubu Raja Kristus Sipalua I, Di huta Betlehem peak di bara i,
      O Tuhanhi
14.           RENUNGAN SITUASIONAL
L :  Molo taparrohahon angka na masa di na humaliang hita, boi do dohononta na mardalan di
bagasan haholomon do pe hita di partingkian on. Lam tu jorbutna do pangalaho ni hajolmaon
di partingkian on so dihabiari be Debata. Holan ngolu na di portibi on nama dipasarisari
jolma i, anggo hangoluon sogot i so disarihon. Ala haholomon do na manghuphupi ngolu ni
jolma na di portibi on gabe so diboto jolma i be manondong dalan sidalananna. Madabu ma
jolma i tu ngolu na so marpanghirimon dohot ngolu na so marhaporseaon tu Debata. Alai
ndang diloas Debata jolma i manongtong di bagasan haholomon, alani disuru Debata ma
AnakNa na sasadai, Jesus Kristus tu portibi on asa disondangi ngolu ni jolma i. Bangso na
mardalani di bagasan haholomon marnida sada panondang na bolon. Antong tajanghon ma
Panondang bolon i asa dipabali sian hita nasa dosa dohot hajahaton.
J  :  (mangendehon) BE.47:2     ”Aut na saribu hali ganda”    BL.103
Ianggo ho, ale tondingku, sai jangkon ma Panondang i
      Sai unang ma lea rohamu dibaen hametmetonna i
      Pabalionna do sude, Sibolis dohot dosa pe
L :  Bangso na mardalani di bagasan haholomon marnida sada panondang na bolon na
manondangi pardalanan ni ngolunta asa unang madabu hita tu jorgong ni si bolis. Taihuthon
ma Ibana, Panondang na bolon i, unang manimbil hita tu siamun manang tu hambirang aha
pe na masa di ngolunta asa ditogutogu Ibana hita tu hatiuron dohot tu hangoluan
salelengleleng na.
J  :  (mangendehon) BE.47:3   ”Aut na saribu hali ganda”     BL.103
Panondang on do papatarhon na so hea niidami
      Dibahen i sai hangoluhon, sondangNa i tu tondimi
      Ai i do hasonanganmi di na lao sego sasude
L :  Nunga di tongatonganta Panondang na bolon i na manondang hita di sandok pardalanan
ni ngolunta. Na tarjou do hita asa gabe ponondang di tongatonga ni portibi on. Marsinondang
ma tabahen haporseaonta di jolo ni ganup halak marhitehite hata nang pambahenanta.
Tahangoluhon ma holong ni roha tu saluhut halak, taurupi angka na gale dohot na tarbuang,
sandok tahaholongi ma angka dongan songon anak ni Damang ai i do patandahon na marguna
haroro ni Panondang bolon i tu portibi on.
J  :  (mangendehon) BE.47:3,5  ”Aut na saribu hali ganda”      BL.103
Dibahen i sai marsinondang ma baen haporseaonmi
      Padenggan jala sai patorang roham ro di parangemi
      Paboa na marguna do Panondang na ro i di ho
                                            (jongjong)
Jesus, Panondang na umuli na pasonanghon rohangki
      Togihon ma tondingku muli tu surgo tu ingananmi
      Sai pujionku Ho disi saleleng ni lelengna i
15.           MANGHATINDANGHON HAPORSEAON
L :  Rap dohot donganta sahaporseaon di sandok portibi on tahatindanghon ma Hata
haporseaonta i. Rap ma hita mandok:
J  :  AHU PORSEA DI DEBATA JAHOWA……                          (hundul)          
 16.           TINGTING
 17. Marende BE.615:1“Tarbege surusuruan marende”(pelean 1a & 1b)
Tarbege surusuruan marende mansai uli
      Angka dolok dohot rura gok do saringarna i
      Sangap ma, sangap di Tuhanta, Sangapma, sangap ma di Tuhan
                                      (musik)
Las roham ale parmahan, nunga tubu Kristus i
      Rap marende ma hamuna, pasangaphon Raja i
      Sangap ma,…d.u
                                (musik)
Borhat ma hamu marnida, tu huta Betlehem i
      Somba Kristus Sipalua, naimbaru tubu i
      Sangap ma,…d.u.
                                (musik)
Ida ma di panggagatan, Sipalua na ro i
      Sigomgomi parluhutan, langit dohot tano i
      Sangap ma,…d.u.
 18.           JAMITA: 1 JOHANNES 3: 1 – 6
19.           Marende BE.49:1…                “Sai ro ma tu bara”                BL.47
   (pelean tu Ulaon Diakoni Sosial/Caritas Emergency )
Sai ro ma tu bara di Betlehem on, Hamu na porsea, hatop ma tuson
      Marnida halasan ni rohanta I, Tinongos ni Ama na di surgo i
O, ida hamu ma di bara inon, Dakdanak na tubu disi borngin on
Uli do rupaNa, mata tiur,  0 bereng Ibana, ho  gabe tiur
                          (musik)
Las roha Maria nang Josep disi, Marnida na metmet na sorang disi
      Marsomba tu patNa do parmahan I, Di ginjang mareden pardisurgo i
Pasinggang ma totmu hamuna sude, Maniru parmahan marsomba muse
      Marende hamu na marlas roha i, Maniru suruan na di ginjang i
                           (musik)
Tung aha ulaning denggan ni rohaM, Silehononnami baen las ni rohaM
      Nang sere, nang perak, ndang pinangidoM, Ai roha na ias sambing do lomoM
Antong rohanami ma peleanMi, O Jesus, hasian, sai jalo ma i
      Ias jala sonang ma baen angka i, Tongtong gabe domu ma tu rohaMi
 20.           PARSURUON
P :  Huria na hinaholongan ni Tuhan Jesus Kristus. Nunga marsaringar di tongatonganta Hata
ni Debata na pabotohon tu hita naung dipatulus Debata bagabagaNa tu hita marhitehite na
marsuru AnakNa Jesus Kristus ro tu portibi on. Marhitehite Jesus Kristus dipapatar Debata tu
hita balga ni holong ni rohaNa, ai marhite Jesus Kristus dipalua hita sian huaso ni dosa jala
targoar hita anak ni Debata.
      Songon anakhon ni Debata hita marragam do angka parungkilon dohot pangunjunan na
taadopi di portibi on na boi manait hita tu bagasan dosa. Alani i tongtong ma hita mian di
bagasan Ibana, mangolu ma hita hombar tu hataNa, asa monang hita sahat ro di ujungna
maralohon ragam ni parungkilon dohot pangunjunan di portibi on.
J  :  (mangendehon) BE.597b:1        ”Baritahon di dolok”
Baritahon di dolok di rura di sude inganan
      Baritahon di dolok naung tubu Kristus i
      Di na lulululu au arian borngin i
      Rade do Ho Tuhanhu patudu dalan i
      Baritahon di dolok….
P :  Songon anakhon ni Debata hita, na tarjou do hita mamparbuehon angka na denggan di
panggulmiton ni ngolunta di tongatonga ni portibi on. Borhat ma hita tabaritahon ma naung
ro Jesus Kristus, Sipalua portibi on marhitete na gabe sira dohot panondang hita marhitehite
na mangolu hita di bagasan holong dohot las ni roha, dame dohot lambas ni roha, habasaron,
habasaon, haporseaon, halambohon dohot hatomanon.
J  :  (mangendehon) BE. 597a:2     ”Baritahon di dolok”
Baritahon di dolok di rurua di sude inganan
      Baritahon di dolok naung tubu Kristus i
      Di na pinabangkitMu au gabe naposoM
      Patau ma au Tuhanhu marhobas di joloM
      Baritahon di dolok….
21.           TANGIANG PANIMPULI