U : Hamu angka dongan napungu dibagasan manogot on, mandok mauliate mahita tu Debata ala diloas dope hita marhahipason sahat tu bagasan tingki on. Dilehon dope dihita partingkian na denggan laho patupahon pembinaan parhalado HKBP INDRA KASIH/HKBP PARDOMUAN dibagasan sadari on. Dipapungu asi ni rohaNa do hita nuaeng di inganan on, tapangidoma gogo sian Debata laho mangulahon ulaonta sadarion anggiat tulus na sinangkapan ni rohanta, marhitehite pangajarion ni Debata. Jumolo ma tajou Debata mamasumasu ulaonta sadari on. Antong, taparbadiai ma ulaonta dibagasan Kristus Jesus. Taparade ma rohanta di joloni Debata; ~Martangiangan na hohom~ U : Tapuji ma Tuhanta marhite namarende: 2. Marende. BE.No.309:1+2”Raphon Tuhan Jesus i.” Raphon Tuhan Jesus I, pungka ulaonmu;ingkon tu Ibana I, parguruhononmu. Baen Ibana donganmu, hehe dohot modom. Dege ma bogasNai, rohami pahohom. Ganup sogot ingkon do Jesus jouhononmu, asa urupanna ho di siulaonmu; Ai arian, bornginpe naeng ho dongananna, dosami pe sasude, naeng taluhononNa. 3. VOTUM-INTROITUS-TANGIANG U: Dibagasan goar ni Debata Ama, dohot Goar ni AnakNa Tuhan Jesus Kristus dohot Goar Ni Tondi Parbadia na tumompa langit dohot tano on, dibagasan sadarion laho patupa pembinaan Parhalado HKBP INDRA KASIH/HKBP PARDOMUAN ima na marpardomuan tu angka sihobasan dohot di taon 2019 on. Tapangke ma sadari on laho patupahon panghobasion naumuli di HKBP INDRA KASIH/HKBP PARDOMUAN on, laos manghirim ma hita dipasupasu sipasahaton ni Tuhanta I tu hita. H : Pardenggan basa do Jahowa, tau partanobatoan di ari hagogotan jala ditanda do angka na marhaposan tu Ibana. Songonon di dok Tuhan Jahowa: JouonNa ma Ahu, jadi alusanKu ma Ibana, sai nadongananKu do Ibana jumpa di ari hagogotan U : Sai pamahaponKu do ibana sarimatua. Martua do na hundul di pangondingan ni Natumimbul i, jala namian di linggoman ni pargogo na so hatudosan. H : Namandok tu Jahowa ai Ho do haporusanku dohot partanobatoanku hian dohot pangondinganku U : Jala ala ni goarMu sai iringiringonMujala toguonMu ahu. H : Tu Ho do ale Jahowa, ahu marhaporseaon, sai unangma paurak ahu saleleng ni lelengna, Debatangku marhaposan tu Ho do ahu. U : Martangiang ma hita: Ale Debata sitolu sada, Debata Ama, Anak dohot Tondi Parbadia, Nunga marpungu hami nuaeng di inganan on patupahon Pembinaan Parhalado HKBP INDRA KASIH/HKBP PARDOMUAN on. Sai lehon ma tu hami roha na togu, na badia, pingkiran na denggan dohot roha na ringgas pasauthon ulaon na denggan. Sai marsigantung tu hataM ma hami maradophon saluhut musunami. Sai ramoti jala pargogoi ma hami marhitehite Tuhan Jesus Kristus Tuhannami. Amen. 4. Marende BE.No 187:1 “Denggan do Panogum” Denggan do panogum ale Jahowa, di angka na pinarmahanMi. Tagamon bahenonMu ma na roa, So tarbunihon Ho do burjuMi? Jotjot suhar do pambahenanMi di roha ni na so tumanda Ho. Alai marhite sian I do ro Tuhatiuron na tinoguMi. 5. MANJAHA HATA NI DEBATA U : Turpuk sijahaon manogot hombar tu almanac ni HKBP sadari on dienet sian Psalmen 106:1- 8 “Halleluya! Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohana i. H : Tung ise ma tuk mangkatahon angka hagogoon ni Jahowa, patubegehon baritana i sudena? U : Martua ma angka na mangaradoti uhum, na tongtong patupahon hatigoran. H : Saingot ma ahu, ale Jahowa, hombar tu halolomo di bangsom, sai tingkir ma ahu marhitehite hatuaonmi! U: Asa hupaidaida hadoharon ni angka na pinilitmu, asa huhalashon halalas ni roha ni bangsomi, mamujimuji rap dohot partohapanmi. H : Nunga mardosa hami rap dohot ompunami, nunga mangulahon hageduhon hami, nunga manjahati hami. U : Ndang diparateatehon angka ompunami di Misir halongangan angka na binahenmi, ndang diingot nasida hinagodang ni asi ni roham, jala mangalo do nasida di lambung laut pararungan i. H : Hape Ibana paluahon nasida ala ni goarna i, laho pabotohon hagogoonna i. U : Ima sahatna, Martua do na tumangihon hata ni Debata jala na umpeopsa. U+H : Amen. 6. Marende BE.No.66:1 “Debata Baen Donganmi” Debata baen donganmi! Lao mangula ulaonmu, baen Ibana haposanmu; sai paserep rohami. Debata baen donganmi! Debata baen donganmi. 7. JAMITA: 8. Marende BE.No.470:1-2 “Jesus Ho Nampuna Au” Jesus Ho nampuna au, dohot na adong di au. Gogo dohot hosangku, sahat ma tu tanganMI. Sai rajai ma matangki, manangkasi dalanMi. Sai patinggil pinggolhi, tumangihon hataMi. 9. TANGIANG PANGONDIANON 10. Marende BE.No. 305:5-6 “Hupuji Hupasangap Ho” Torang baen rohanami be togu haporseaon. Paserep rohanami pe sai lehon roha holong. Tu hami asa tung tanda naung dipatiur Debata, huhut disunggul hami. O sondang salelengna i, sai mian di rohangku, di dalan hatigoran i papintor ma langkangku, pasahat au tu huta i, naung dipauli tanganmi soada be na holom. 11. TANGIANG ALE AMANAMI+PASUPASU