PARTORDING NI PARMINGGUON

DI MINGGU EXAUDI
Dohot mamongoti bagas joro
Dohot paborhaton Pdt. Deser J. nababan, STH
Dohot Pangojakonon Pdt. Rustam Simanungkalit
SAI TANGIHON MA SOARANGKU ALE JAHOWA
(Psalmen 27 : 7)

Ev. 2 Samuel 22 : 1 - 7 Ep. 1 Petrus 5 : 6 - 10

TOPIK :

DITANGIHON JAHOWA DO SOARA NI BANGSONA

HURIA KRISTEN BATAK PROTESTAN (HKBP)

MINGGU, 21 MEI 2023
 A. ACARA PERESMIAN GEDUNG GEREJA

1. Pangaradeon : Praeses, Pandita, Parhalado, Panitia, Ruas ni Huria HKBP

Resort Nommensen Kota Piring dohot Undangan nunga marpungu di jolo ni
bagas joro na naeng dibongoti.
2. Marende BE No. 188, 1 “Jahowa Siparmahan au” (Jongjong mangadop pintu ni
bagas joro)
Jahowa Siparmahan au, ndang hurang manang aha/ Ai nasa jea dipadao do sian
dorbiana/ Tongon dibaen na lomak i, lao pangoluhon tondingki/ Dibaen asi rohaNa/

3. Tangiang Pamuhai sian Pandita Resort Nommensen Kota Piring

4. Penandatanganan Prasasti: Praeses, Pandita Resort & Panitia
5. Peresmian dohot Pengguntingan Pita
Inang Praeses : Sian asi dohot holong ni roha ni Jahowa do dipungka jala
dipasidung huriaNa pembangunan ni bagas joroNa i ima gareja HKBP
Nommesen Kota Piring on. Mauliate ma di Debata, dipasupasu Tuhan i
ma saluhutna na naeng mangingani bagas on.

Huria : Sai anggiat ma bagas joro on gabe habaoran pasupasu jala hasonangan
tu angka na bongot tu bagasNa, tumpahan ni Debata marhitehite Tuhan Jesus
Kristus. Amen. (Pengguntingan Pita oleh inang Praeses).

6. Mangungkap Bagas Joro :

Praeses : Huungkap ma bagas on, marhitehite goar ni Debata Ama, dohot
goar ni AnakNa Tuhan Jesus Kristus, dohot goar ni Tondi Porbadia. Amen.
Horas ma na bongot tu bagas joroNa on. Inganan na ginohan ni dame dohot
holong ni roha ni Tuhanta ma bagas joro on. Amen.

7. Marende BE. No. 585, 1 “Somba ma Jahowa Debatanta” (Huhut Prosesi laho
tu Kebaktian Minggu)
Somba ma Jahowa Debatanta Amen Haleluya/ Sigomgom langit tano on ro di isi na
Amen Haleluya/ Beta hita lao, marsinggang tu joloNa Amen Haleluya/ Na songkal
jala na badia do Jahowa Amen Haleluya/ Endehon Amen Haleluya, Endehon Amen
Haleluya/ Endehon Amen Haleluya/ Endehon Amen haleluya/

B. ACARA KEBAKTIAN MINGGU

1
01. Marende BE HKBP No. 3 : 1 - 3 “PUJI JAHOWA ALE TONDINGKU” BL. 137

 Puji Jahowa ale tondingku puji Ibana Debatami

Tagan so suda dope bohalhu naeng pujionku basaNa i
Sitompa daging tondi pe ingkon dipuji sasude Haleluya, Haleluya

 Tubu ni jolma do nang na sangap jala na mulak tu tano i

Tahitahina pe laho do monjap molo dibondut tanoman i
Ndang jolma hasonanganki Debata do haposanki Haleluya, Haleluya
….Musik…..
 (Ruas jongjong) Martua halak na niondingan ni Debatanta Jahowa i
Angka na hot marhaporseaon di Jesus Kristus Tuhanta i
Molo Debata donganmu ndang adong hurang tuamu Haleluya, Haleluya.

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on. Amen. B.
Sai tangihon ma soarangku, ale Jahowa, molo joujou ahu. Didok rohangku,
Ho mandok: Lului hamu ma bohingKu! Antong bohiM ma na hulului, ale
Jahowa. Sai unang ma tabunihon bohiM maradophon ahu. Jahowa do
panondangi di ahu dohot hatuaonhu, tung mida ise ma mabiar ahu? Jahowa
do partanobatoan ni ngolungku, tung mida ise ma ahu biahaton? Haleluya!
H : (Mangendehon): Haleluya, Haleluya, Haleluya!
U : Martangiang ma hita! Ale Tuhan Debata, Pargogo na so hatudosan, Amanami
na di banua ginjang i! Usehon ma TondiM na badia i dohot hapistaran na sian
Ho i tu saluhut HuriaM, asa lam rarat jala lam hot HataM na badia i di
tongatonga ni hami on. Lehon ma hiras ni roha di naposoM manjamitahon
HataM, asa lam pita jala lam ganda HuriaM na badia i. Patongtong ma huhut
rohanami mangoloi Ho sahat ro di ujung di bagasan haporseaon na ture
marhitehite AnakMu, Tuhan Jesus Kristus, Tuhannami. Amen. Amen.
(Hundul)

03. Marende BE HKBP No. 121 : 1 - 2 “JESUS RAJA NI HURIA” BL. 97

 Jesus Raja ni huria na porsea, na badia, pasupasu ma au on
Sai sungguli ma rohangku, mangihuthon Ho, Rajangku
Pargogoi ma au tongtong, pargogoi ma au tongtong

 Lehon Tondi Parbadia saor tu roha ni huria di sandok portibi on

Asa tong sada rohana, nang marserak pe ruasna
Pasangaphon Ho tongtong, pasangaphon Ho tongtong
2
04. PATIK: I - IV
U : Tangihon hamu (Tatangihon) ma Patik ni Debata di Minggu Exaudi sadari
on, i ma Patik I - IV. Patik Parjolo : Ahu do Jahowa Debatam, ninna
Debatanta. Ndang jadi marangkup Ahu bahenonmu Debatam.
H : Patik Paduahon : Ndang jadi ganaonmu jala ndang jadi sumanonmu
manang aha na di banuaginjang dohot na di banua tonga on, ro di na di
bagasan aek na di toru ni tano, ianggo tung gabe sisombaon manang
sioloan.
U : Patik Patoluhon : Ndang jadi dohonon Goar ni Debata, ianggo so ture
dalanna, ai hona uhumNa do sogot angka na marsineang di GoarNa.
H : Patik Paopathon : Ingot hamu ma pabadiahon ari Minggu i! Di na onom
ari ma ula hamu nasa siulaonmu, alai anggo ari papituhon i, ari
paradianan ni Jahowa Debatam do i. Ndang jadi ho mangula anggo di na
sadari i, manang anakmu pe manang borum, manang naposom lahilahi,
manang naposom boruboru, ro di pinahanmu ro di pangisi ni huta ni
halak pe na mangebati hutam. Ai di na onom ari do ditompa Debata langit
dohot tano dohot laut dohot nasa isina; dung i maradian do Ibana di ari
papituhon i. Dibahen i do umbahen na dipasupasu Debata Jahowa ari
paradiananNa i jala diparbadiai.
U : I ma sahatna. Antong, rap mangido gogo ma hita sian Tuhan Debata laho
mangulahon na hombar tu patikNa i.
U+ H :Ale Tuhan Debata, sai pargogoi ma hami mangulahon na hombar tu
PatikMi. Amen

05. Marende BE HKBP No. 176: 1+ 4 “NA MUNGKAP DO SURGO” BL. 3

 Na mungkap do surgo, dibaen aha do?
Dibaen naung ro Jesus mangungkap di ho
Dibaen naung ro Jesus mangungkap di ho
 (Ruas Jongjong) Tar songon hasumba rara dosami.
Sesaon ni mudar ni Jesus do i
Sesaon ni mudar ni Jesus do i

06. MANOPOTI DOSA:

U : Tatopoti ma dosanta, martangiang ma hita Ale Tuhan Debata, Amanami,
Pargogo na so hatudosan, Parasiroha mida hami na dangol on! Na ro do
hami tu joloM manopoti dosanami na godang i. Di bagasan hajahaton do
3
 hami tubu jala ndang adong haporseaon di bagasan rohanami hian, saluhut
do hami manimbil sian angka dalanMu. Mansai godang do
pangalaosionnami di PatikMu. Alai ingot ma hami, ale Tuhan, ala ni
denggan ni basaM dohot asi ni rohaM. Sai unang paingotingot angka dosa
ni haposoonnami dohot pangalaosionnami; sai ingot ma hami hombar tu asi
ni rohaM dohot denggan ni basaM ala ni GoarMu. Ale Tuhan Jesus,
marpamuati ma rohaM di dosanami na godang i! Amen.
Bagabaga ni Debata taringot tu hasesaan ni dosanta : Songon on do Hata
ni Tuhan Jahowa: Nunga diarsahi Ho Ahu marhite sian angka dosam, jala
nunga dilojai ho Ahu marhite sian angka hajahatonmu. Ahu tutu, Ahu
sandiri manalesei angka pangalaosim ala ni hadirionKu, jala ndang be
Hupaingotingot angka dosam.Hasangapon ma di Debata na di ginjang!

H : Amen. (Hundul)

07. Marende BE HKBP No. 770 : 1-2 “TU DEBATAMI” BL. 770

 Tu Debatami na sun gogo i sai maporus ma ho ganup ari

Di tanganNa doho molo musu ro tung na sonang di ampuanNa ho
Di tanganNa doho molo musu ro tung na sonang di ampuanNa ho

 Tung sun hinagogo ni Tuhan i ingot ma Debatam do manghophop

Nang ponjot rohami ndang na leleng i tongkin na i pujionmu Tuhan i
Nang ponjot rohami ndang na leleng i tongkin na i pujionmu Tuhan i

08. E P I S T E L : 1 PETRUS 5 : 6 - 10
U : Tabege ma hata ni Debata Epistel di Minggu Exaudi sadari on, ima na
tarsurat di 1 PETRUS 5:6-10 Antong, patutoru hamu ma dirimuna tutoru
ni tangan ni Debata na gogo i, asa dipatimbo hamu di tingkina i!
H : Tinggangkon hamu ma nasa na hinolsohon ni rohamuna tu Ibana, ai
disarihon do hamu!
U : Torang ma rohamuna, dungo ma hamu; na maotaot do alomuna, sibolis i,
songon babiat na marauang, mangalului sibondutonna.
H : Gomos ma hamu mangalo ibana marhitehite haporseaon; ingot hamu ma:
Ndang tarbahen so songgop angka haporsuhon sisongon i, nang tu angka
hahaanggimuna na di portibi on.
U : Alai anggo Debata, nampuna saluhut asi ni roha, naung manjou hamu tu
hasangaponna na manongtong i di bagasan Kristus, pauliulionNa,
pahotonNa jala patoguonNa do hamu, dung jolo ditaon hamu satongkin
4
 haporsuhon i. Ido sahatna. Martua do angka na tumangihon Hata ni
Debata jala na umpeopsa.
H : Amen.
09. Marende BE HKBP No. 769 : 1 - 2 “TU DEBATA DO” BL. 769
 Tu Debata do panghirimonhi di tano laut nang awangawang i
Ibana do haposanhi tongtong do diramoti langkangki
Torop pe mara manahopi au Debatangki do sumarihon au
Pos rohangki sonang do au Ibana do na mandongani au

 (Ruas jongjong) Amporik i nang bungabunga i ro di sude na tinompaNa i

Na metmet nang na balga i Ibana do na marmuduhon i
Torop pe mara manahopi au Debatangki do sumarihon au
Pos rohangki sonang do au Ibana do na mandongani au

10. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu porsea di Debata Jahowa….. d.u. (Hundul)

11. TINGTING
12. Marende BE HKBP No.117 : 1 - 4 “JAHOWAD DEBATANTA DO” BL 205
(Pelean Ia, Ib)
 Jahowa Debatanta do partanobatoanta
Musunta ingkon talu do dibaen pangondinganta
Ianggo musu i i ma sibolis i, jorbut do tahi ni mangago jolma i
Ndang dapot na mangatup

 Gogonta ndang haposan i tibu do mago hita

Pinillit ni Jahowa i na tuk pamonang hita
Ai ise goar ni i? I ma AnakNa i Tuhanta Jesus i sigomgom sasude
Na so tarbahen so monang ….Musik…..
 Gok begu pe portibi on na naeng mamolgak hita
Nda tung mabiar hita on ai ingkon monang hita
Ai nang tarrimas pe sibolis i tahe ndang habiaran be ai nang sahata pe Tuk do
manaluhonsa

 Ai hata ni Jahowa i ndang dapot ungkitonna

Tuhanta manjagahon i ditungkol naposoNa

5
 Hosanta arta pe ugasan sasude dirampas musu i antong mahua i
Hot do harajaonNa.

13. JAMITA: 2 Samuel 22 : 1 - 7

14. Marende BE HKBP No. 723 : 1 - 3 “TU JOLOM O TUHAN” BL. 723
(Pelean II: tu Kantor Pusat HKBP)

 Tu joloM O Tuhan sahat ma diringkon pangke ma au hombar tu lomoM

Molo ndang Ho Tuhan maringanan di au diringkon ndang mararga be i
Tung pogos pe dison manang sonang tahe marsigantung tu Ho sasude Holan
Ho huihuthon ndang be diringkon togutogu ma tu na ture

 Tu joloM O Tuhan sai gara rohangkon tung unduk do mangoloi Ho

TondiMi ma tongtong margogoihon au on mangulahon lomo ni rohaM
Tung pogos pe dison manang sonang tahe marsigantung tu Ho sasude Holan
Ho huihuthon ndang be diringkon togutogu ma tu na ture.
….Musik……
 Tu joloM O Tuhan tung marpadan do au ingkon Ho huihuthon tongtong
Ai huboto tangkas na martua do au nang muse dohot di ngolungkon
Tung pogos pe dison manang sonang tahe marsigantung tu Ho sasude Holan
Ho huihuthon ndang be diringkon togutogu ma tu na ture

C. ACARA PABORHATHON DOHOT PANGOJAKONON

1. Marende Huria No140:4 “Girgir Ma Hamu”
Asi ma rohaM Ale Debata. Pasaut ma hataM Tumpahi nama
Sude na niula Ni naposoMi. Sai baen ma martua Sude jolma pe
(Di tingki marende ro ma tu jolo Pdt.Deser J. Nababa, STh dohot Inanta mangadop tu
Uluan).

2. ACARA PABORHATHON PANDITA RESORT

Praeses: Hamu ruas dohot parhalado HKBP Resort Nommensen Kota Piring. sadari
on paborhatonta ma Amang Pdt. Deser J. Nababan, STh dohot keluarga tu
inganan pangulaon na imbaru di HKBP Resort Aek Nauli Bida Ayu Distrik
XX Kepri, mangihuthon Aturan - Peraturan dohot Surat Keputusan ni
Ephorus HKBP. Antong tabege ma jolo dijahahon Surat Keputusan taringot
tu nasida.
6
 (Sek-Dist: Manjaha Surat Keputusan)
Praeses (Huhut masijalangan): Hamu Amang Panditanami Pdt. Deser J. Nababan, STh
nunga dibege hamu Surat Keputusan ni Ephorus HKBP. Hombar tusi,
hupaborhat ma hamu tu inganan panghobasionmuna na imbaru tu HKBP
Resort Aek Nauli Bida Ayu Distrik XX Kepri, di bagasan Goar ni Debata
Ama, Anak, dohot Tondi Parbadia. Amen. Sai dipasupasu Debata ma sude
ulaonmuna nasailaon di HKBP Resort Nommensen Kota Piring on bahen
sangap di GoarNa, laos marhite on ma pinasahat hata mauliate tu hamu, di
siala panghobasionmuna na saleleng on di HKBP Resort Nommensen Kota
Piring on (laos di jalang ma nang Inanta).

Martangiang ma hita: Ale Tuhan Debata, mauliate ma rohanami di Ho ala

nunga didongani Ho nasailaon Amanami Pdt. Deser J. Nababan, STh dohot
keluarga manghobasi ulaon ni uluan di huriaM HKBP Resort Nommensen
Kota Piring on. Sai pasupasu ma nasa panghobasion nasida na sailaon.
Dongani jala pargogoi ma nasida marhobas di inganan pangulaon nasida na
imbaru. Marhitehite Tuhan Jesus Kristus hupasahat hami tangiangnami on.
Amen. (Pdt. Deser J. Nababa, STh dohot Inanta mulak tu ingananna).

3. ACARA PAOJAKHON PANDITA RESORT

4. Marende BE. 701: 1 “Tu Ho Do Au Marpadan”
(Tingki marende, ro ma tu jolo Pdt. Rustam Simanungkalit dohot Inanta
menghadap Altar)

Tu Ho do au marpadan, o Jesus Tuhanki, Asa burju haposan, au di adopanMi, Sai Ho ma

mandongani, au di ulaonki. Ajari pargogoi, ma au di dalanki.

Praeses : Huria ni Tuhanta! Sadarion ojakhonon ma Pandita Resort na imbaru na

manguluhon Resort on, i ma Pdt. Rustam Simanungkalit. Alani
tabege ma jolo dijahahon SK nasida, jala laos ihut ma dohot Aturan
Peraturan ni hurianta taringot tu ulaon ni Pandita Resort.

Sekdis : Manjaha SK

Sekdis : Manjaha Aturan / Peraturan HKBP

AP HKBP Amandemen III Bab II Pasal 7 Butir 1:

7
 1. Manguluhon Resort rap dohot parhalado Resort.
2. Manguluhon Huria sabungan ni Resort i rap dohot Parhalado partohonan.
3. Manguluhon Rapot Resort, Rapot Parhalado Resort dohot angka rapot na
marrumang tirket Resort.
4. Mamingkiri nasa naringkot na tau pangoluhon dohot pahehehon huria
dohot parhaladona di Resort i.
5. Maniroi huria na masuk tu Resort i laho manggohi tanggung jawab na.
6. Patulushon haputusan ni Sinode Godang, Majelis Pekerja Sinode, sinode
distrik, majelis pekerja Sinode Distrik, dohot Rapot Resort.
7. Mangaramoti dohot maniroi parhepengon dohot arta ni huria na masuk tu
resort i.
8. Patupa evaluasi dohot mangalehon laporan pangulaon, statistik dohot
keuangan Resort tu Rapot Resort dohot Praeses.

Praeses : Hamu Amang Pdt. Rustam Simanungkalit nunga dibege hamu

dijahahon SK naung sahat tu hamu laos songon i na mardomu tu
ulaon ni Pandita Resort, na manungkun ma ahu tu hamu: Na olo do
hamu ojakhonon gabe Pandita Resort di HKBP Resort Nommensen
Kota Piring on hombar tu SK naung jinalomuna dohot mangulahon
ulaon ni Pandita Resort sian nasa rohamuna? Alusi hamu ma.

Na Pinaojak : NA OLO DO AHU, SAI DIDONGANI JALA DIPARGOGOI

TUHAN I MA AHU MANGULAHON SALUHUTNA I.

Praeses : (huhut masijalangan) Ahu Praeses HKBP Distrik XX Kepulauan

Riau, mangojakhon hamu sadarion gabe Pandita HKBP Resort
Nommensen Kota Piring Distrik XX Kepulauan Riau. Sai dipargogoi
Tuhanta ma hamu manguluhon Resort on, asa marsangap Goar ni
Tuhanta di tongatonga ni huriaNa. Amen.

(mengadop ma Pandita Resort na imbaru dohot Inanta tu ruas ni

huria)

Praeses : Hamu huria ni Tuhanta HKBP Resort Nommensen Kota Piring on.
Jangkhon hamu ma Panditanta dibagasan dame dohot las ni roha.
Saluhut ma hamu tumangianghon nasida jala mangurupi nasida
saleleng mangula di Resort on. Tongtong ma hamu dibagasan sada ni
roha laho pasauthon nasa ulaon Huria tarlumobi laho manghobasi
Hata ni Tuhanta. Asa lam marsangap Debata di Resort on dohot di
humaliangsa pe marhite panogunoguon ni Pandita Resort na imbaru.

8
Huria : Hujakhon hami ma Amang Pandita Resort na imbaru, jala hutangianghon
hami. Asa tongtong di bagasan las ni roha nasida mangula di Resort on, asa
lam marsangap Debata marhitehite ulaon nasida rap dohot sude Parhalado
dohot Ruas ni Huria, jala lam martamba angka pasupasu ni Tuhanta di
Huria on. Amen !

Praeses: Martangiang ma hita! Ale Debata, Amanami Raja ni Huria i. Mauliate

ma di Ho ala naung ditongos Ho naposoM, Pdt. Rustam
Simanungkalit laho marhobas di Resort on. Sai urupi, pargogoi jala
patau ma angka naposo-Mi dohot keluarga laho manghobasi huriaM,
asa marsangap Ho di saluhut panggulmiton ni huriaM diluat on. Laos
pasupasu ma nang huriaM sa resort on, tongtong marhasadaon laho
manindangi di tongatonga ni luat on. Mauliate ma di Ho, di bagasan
goar ni Tuhan Jesus Kristus Tuhannami. Amen. (Mulak tu inganan Pdt.
Rustam Simanungkalit dohot inang).

5. Marende BE. 791 : 2 “O Hamu Parangan”

Taluhon hamu ma haholomon i, Na mambaen marje hajolmaon i
Hata ni Tuhanta baen sinjatami, Pajongjonghon hatigoran dohot dame i. O hamu
parangan ni Tuhanta i, Borhat ma hamuna tu tongtangan i

6. ACARA MANDOK HATA :

- Hata borhatborhat sian Pdt. Deser J. Nababan, STh dohot Keluarga.
- Hata Patujulo sian Pdt. Rustam Simanungkalit dohot Keluarga
- Hata paborhathon dohot patujolo sian sahalak ruas
- Hata paborhathon dohot patujolo sian sahalak Parhalado laos pasahathon
cinderamata.
7. Marende BE 672:1 Tung godang situtu ---jongjong---
1. Tung godang situtu ulaonmu antong, dipasahat Tuhanta tu ho
ndang adong be tingkim, marnalemba tahe, ngolumi bahen tiruan tongtong.Sai
patupa ma i ala ni Tuhan i, so mangkirim balosna tu ho. Debata do marnida na
niulami, manang na adong parbue ni i.
15. TANGIANG PELEAN :
U : Tatangianghon ma peleanta. Ale Debata, Amanami na di banua ginjang, Ho
do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga ni
HuriaM dohot di portibi on. Buhai ma rohanami marhitehite TondiM, asa
9
 lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. Amen.

H : (Mangendehon) BE HKBP No. 204 : 2 “NDANG TADINGHONONHU

HO” BL. 73
 Nasa na nilehonMi, tondi ro di pamatanghu
Hosa dohot gogongki, ro di saluhut artanghu
Hupasahat i tu Ho, na so unsatonhu do.

U : Ale Amanami na di banuaginjang! Sai pinarbadia ma GoarMu! Sai ro ma

harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!

H : (Mangendehon): BE. HKBP NO. 841 : 1 “Ai Ho Do Nampuna Harajaon”

BL. 841

 Ai Ho do nampuna harajaon, dohot hagogoon

Ro di hasangapon, saleleng ni leleng na, Amen

U : Tangiang Pasupasu
H : (Mangendehon) BE. HKBP NO. 845 : 1 “Amen (3x) HKBP” BL. 845

Amen, Amen, Amen.

10