PARTORDING NI ACARA MINGGU XII DUNG TRINITATIS,

PESTA GOTILON, DOHOT PERAYAAN HARI ULANG TAHUN KE-19

HKBP DOLOK HERMON, RESSORT LAGUBOTI
Minggu, 4 September 2022

U=Uluan H=Huria A=Ama I=Ina RN=Remaja/Naposo P=Parhalado

A. Acara Minggu dohot Pesta Gotilon
1. Joujou tu Parsombaon
U : Huria ni Debata na hinaholongan ni Tuhanta Jesus, hutabe hami ma hamu
saluhutna marhite hata Horas!
H : Horas, horas, horas ma tutu di hita saluhutna!
U : Marpungu hita nuaeng dison angka anak dohot boru ni Debata, tung uli songon
hata ni Tuhanta, “Ida ma, uli na i, jala sonang na i molo marpungu angka na
marhahamaranggi di bagasan Tuhan i”. Aha do alana, dia do na nidokna?
H : Na rap marsomba do hita tu Debata Ama, Anak dohot Tondi Parbadia
manghamauliatehon asi ni rohaNa dohot ragam ni pasupasu naung niusehonNa tu
huria dohot ruasNa HKBP Dolok Hermon on.
U : I ma tutu. Nunga 19 taon naung dipaojak Tuhanta HKBP Dolok Hermon on. Di
tongatonga ni Bagas Joro on, jumpang angka parsaoran dohot parguruan sian
horong ni dakdanak sahat tu na matua; marsaringar Barita Nauli, angka pamujion
dohot tangiang. Tangkas do diparmudumudu jala disarihon do nasa na ringkot di
pardagingon nang partondionta dohot huriaNa. Laos tepat muse tahalashon saluhut
denggan basa ni Debata marhite na marpesta gotilon hita di tingki on. Antong
tahalashon ma pambahenanNa i jala marsomba ma hita tu joloNa di bagasan unduk
dohot serep dohot las ni roha.
2. Marende BE. No. 125 : 1 – 3 “Marlas ni roha hita on”
 Marlas ni roha hita on mamuji Debata. Ai asi ni rohaNa i do bongot tu rohanta i.
Umbahen nuaeng mardomu i dison sadari on. Dison sadari on.
 Dibahen i manggogo be ma hita on sude. Mamuji Tuhan Jesus i Parasiroha Godang i.
Sibaen las ni rohanta i nuaeng nang sogot pe. Nuaeng nang sogot pe.
 Alai taingot ma huhut mambaen sangap tongtong. Barita ni Tuhanta i marhite
parangenta. Di jolo ni donganta i, di atas tano on. Di aras tano on.
3. Votum – Introitus – Tangiang
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia, na tumompa langit dohot tano on. Amen.
Saluhutna silehonlehon na denggan dohot nasa ulibasa na mauliutus, na ro sian
banua ginjang do i, sian Ama ni angka hatiuron, ndang adong anggo di Ibana
parsorinon manang halinu ni pangkusoron. Haleluya.
H : Mangendehon BE. 852
Haleluya, Haleluya, Haleluya
U : Martangiang ma hita! Ale Tuhan Debata, Amanami na di banua ginjang! Ho do
haroroan ni sude denggan basa na marragamragam i. Ala ni pasupasuM do
umbahen marparbue sude na niula ni tangannami, jala diparmudu Ho hami na
 tinompaM, asa unang rapar. Dibahen i marpungu hami nuaeng mandok mauliate
sian nasa rohanami tu Ho. Sian tanganMu do sude hujalo hami, nasa na denggan tu
dagingnami dohot tu tondinami, jala asi ni rohaM do mangaramoti hami. On pe sai
jalo ma hamauliateon ni rohanami. Angkup ni i sai lehon ma TondiM tu hami, na
mamuhai dohot patiurhon mata ni rohanami, asa lam huida hami sude na denggan,
sude na uli na pinatongonMi tu hami, asa lam ringgas rohanami mamuji dohot
pasangaphon Ho marhite Tuhan Jesus Kristus, Tuhannami. Amen.
4. Marende BE. No. 464 : 1 – 2
 Huboan ma diringku Tuhan hibul tu ho. Ai ahu do tinobusmu umbahen tarbaen au ro.
Pagalak ma rohangku dison managam au. TondiMi ma suru, na boi manggomgom ahu.
 Ho sipalua ahu sun hinagogoMi. Hatam do huhaposi na so boi muba i.
Pagalak ma rohangku dison managam au. TondiMi ma suru, na boi manggomgom ahu.
5. Patik
U: Tangihon hamu ma singkat ni patik di minggunta sadari on, ima na tarsurat di
Galatia 6 : 10. Songon on ma didok disi: “Antong binsan sadihari dope,
taulahon ma na denggan di saluhut halak, alai gumodang ma tu dongan
sahaporseaonta”. Olat ni i do sahatna. Antong rap mangido gogo ma hita tu
adopan ni Debata laho mangulahon na hombar tu patikNa i.
U+H: Ale Tuhan Debata, sai pargogoi ma hami mangulahon na hombar tu patikMi.
Amen.
6. Marende BE. No. 677 : 1
 Mansai lambok Tuhan Jesus manjou, manjou ho dohot au. Ida Ibana paima haroromu mulak
ma ho dohot au. Antong sai ro ma ho angka na sorat sai ro ma ho,
mansai lambok Tuhan Jesus manjou pardosa mulak ma ho
7. Manopoti Dosa
U: Tatopoti ma dosanta, martangiang ma hita. Ale Tuhan Debata, na badia jala na
bonar. Parasi jala Partalup ni roha jala na basar do Ho! Sai marpangulahi ma
rohaM mida hami. Dibahen i sai sesa ma sude dosanami! Ndang adong na
hupangasahon hami dungkon ni asi ni rohaM; hatigoran na pinatupa ni AnakMu
do na hupangasahon hami tu joloM. Dibahen i pasonang jala apuli ma hami
angka na hinophop ni Tuhan Jesus Kristus, Tuhannami. Amen.
(Manghuling organ angonangon) Bagabaga ni Debata taringot tu hasesaan ni
dosanta: Adong do di hita sintua ni malim na songon i, na hundul di siamun ni
habangsa ni hatongamon di banua ginjang. Dibahen i tarbahen Ibana do
pangoluhon ro di ujungna angka na sandok ro tu Debata marhitehite Ibana; na
mangolu do Ibana tongtong, asa ditangianghonnasida. Hasangapon ma di Debata
na ginjang!
U+H: Amen.
8. Marende BE. No. 475 : 3, 6
 Naung ditaon Ho hamatean lao humophop tondingki, Asa masuk au manean tohap na
sumurung i. Sai marguru au tu Ho, sai marguru au tu Ho. Ho tongtong ihuthononku, Ho na
paluahon au
  Dokhon ahu suruanMu ai hataM so magopo. Dung i Ho huhut manogu donganhi manopot
Ho. Taiti ma sude tu Ho, taiti ma sude tu Ho. Sai asi rohaM sai togu, sahat ma sude tu Ho.
9. Epistel
U: Tajaha ma turpuk Epistel di minggunta sadarion i ma na nienet sian Lukas 14 : 25
– 33. Tajaha ma marsorinsorin. Songon on ma hatana. Alai torop do halak na
mandongani Ibana. Jadi humusor ma Ibana, ninna ma mandok nasida:
H : “Ganup halak na ro tu Ahu ndang tarbahen gabe siseanHu ia so dihasogohon ibana
amana, inana, na niolina, anakhonna, hahaanggina dohot angka ibotona, ro di
hosana sandiri.
U : Ndang tarbahen gabe siseanHu halak na so manuhuk silang na tu ibana laho
mangihuthon Ahu.
H : Ai ise hamu na giot pajongjong palaspalas na so jumolo hundul mangetongi
sipalahoonna tusi, manang na boi laho patulushon?
U : Unang dipauli jolo ojahanna, hape ndang tuk gogona pasahathonsa, gabe surahan
ni sude halak na marnidasa ibana.
H : Dohononnasida ma: Dipungka halak on do pajongjonghon, hape ndang adong
bahenonna pasunhon.
U : Ise raja na borhat marmusu mangalo donganna raja na so jumolo hundul
mamingkiri manang na tardompakhonsa mardongan saloksa soldadu alona i, na ro
manahopi ibana mardongan dua loksa.
H : Alai anggo so tarbahen i, suruonna ma pangulu, binsan holang dope musu i,
mangido pardamean.
U : Hamu pe, ndang tarbahen agia ise hamu gabe siseanHu, anggo so tartadinghonsa
nasa na di ibana. Olat ni i do sahatna. Martua do na tumangihon hata ni Debata,
jala na umpeopsa, Amen.
10. Marende BE. No. 718 : 3, 4
 Aloonhu ma diringku, aloonhu ma diringki; porsanonhu ma silanghu, mangihuthon Jesus
Tuhanhi. Sai ihuthononhu Jesus, sai ihuthononku Jesus, sai ihuthononku Jesus, huihuthon
Jesus Tuhanki.
 LehononNa hagogoon, lehononNa hagogoon; dohot tumpal hangoluan, di banua ginjang na
sonang. Sai ihuthononhu Jesus, d.u..
11. Mangatindanghon Haporseaon
U: Tahatindanghon ma haporseaonta i songon na hinatindanghon ni donganta
sahaporseaon di sandok portibi on, rap ma hita mandok
U+H: Ahu porsea di Debata Jahowa……
12. Tingting + Tangiang Pangondianon
13. Marende BE. No. 128 : 1 – (Pelean I)
 Ditanda Debatanta na di Ibana i. Na metmet nang na balga, di nasa bangso i. Ndang mago
loasonNa nang sada sian i. :,: Ditogu do sude na tu hasonangan i :,:
 Ditanda do nasida dibaen porsea do nasida di hataNa naung tu nasida i. I do hangoluonna,
i do guruna i. :,: Laos i do sinjantanta, mangalo musu i :,:
 Ditanda do nasida dibaen manghirim di na pinarbagahonNa tongtong rohaNa i. Sai saut do
bahenonNa sude hataNa i. :,: I do sitioponna, ro di ajalna i. :,:
14. Jamita (Pandita HKBP Ressort Laguboti: Pdt. Lintong Sitorus, S.Th.)
15. Marende BE. No. 267 : 1 – (Pelean II)
 O Tuhan sulingkit ma au, sondangi rohangku tangkas. Gogongku soada di au, :,: tu Ho au
paringgas tu Ho au padonok, di Ho nama au! :,:
 Tu aha marguna be i nang godang sinamot di au? Di ginjang di sambulonhi :,: Ho Jesus
artangku, tusi do siholhu, sonang rohangki :,:
 Sude hupasahat tu Ho ai Ho nampunasa hian. Tongtong au marguru tu Ho :,: ai Ho ale Jesus
sihophop sudena, nampuna au on :,:
16. Pandidion Namagodang (Acara tersendiri)
17. Pesta Gotilon
Marende BE. No. 848 : 1 – 3
 Dison adong huboan Tuhan parbue ni ngolungku naso tardok nian. Sadia ma
argana Tuhan molo sai nirajuman sude denggan basaM, jalo ma Tuhan sai las ma
roham.
 Tanganhu na metmet da Tuhan, na so hea mansari dope au on Tuhan. Rohangku
ma hulehon Tuhan na boi pelehononhu gabe las ni rohaM, jalo ma Tuhan sai las
ma roham.
 Huingot do hataM da Tuhan, ingkon sarihononhon anggiM na metmet an.
Ampehon ma tanganMu sangkan, itak na otik i unang suda nian, jalo ma Tuhan
sai las ma roham.
18. Parsuruon sian Pesta Gotilon
U : Huria ni Tuhanta! Na marpesta gotilon do hita sadari on. Di ngolu haporseaonta,
na laos martudutudu do i asa lam hobas hita tu nasa ulaon na denggan di ngolu
siganup ari, di Huria dohot di tongatonga ni masyarakat na humaliang hita.
A : Asa gabe parroha na ias hita jala sipuji Debata.
I: Asa gabe partondi na mauas hita di Hata ni Debata.
RN: Asa gabe parroha na manjua hita di angka na so hasea.
P: Asa gabe lam sada hita masihaholongan jala marsitumpahan di ulaon na
pasangaphon Tuhanta tu joloan ni ari on.
U : Ala ni i, sai lam hobas ma hita tutu di ulaon na pinasahatni Debata. Amen.
19. Tangiang Pelean – Tangiang Pesta Gotilon – Tangiang Ale Amanami – Pasupasu
B. Acara Ulang Tahun Gereja (diaturkan tersendiri)
1. Pemotongan Kue
2. Makan Siang Bersama
3. Ramah Tamah (Kata Sambutan, Ucapan Selamat Ulang Tahun)